小欖燒烤樂園 (已結業)

近日天氣漸涼，又到了燒烤的好時候。如果不想煩找燒烤爐和食物，燒烤場是不錯的選擇。香港燒烤場非常多，今次選擇了比較方便自己的小欖燒烤樂園。小欖燒烤樂園位置方便，巴士站走2分鐘就已經是燒烤場。燒烤場地方大，一面是燒烤區，另一面是空地。小朋友可在空地自由活動，不易被燒烤區設施弄傷。燒烤場有大部份燒烤爐都有帆布或鐵皮頂，就算落雨都沒有問題。燒烤場坐落海邊，近海邊的燒烤爐可遠望海景。燒烤場食物任食，包一支水及一罐飲品。食物種類非常多，標準的丸類，雞翼及扒類之外，還有很多比較少見的食材。比較推薦的有福州丸，雞腎。豬腩肉，豬頸肉同义燒粒肉質腍身，非常入味。個人至愛都是咖哩魷魚，這裏的咖哩魷魚大小合適，很快就可燒熟而又不會太乾，正。除了肉類，燒烤場還提供蔬菜。燒蔬菜比較花時間，我們看見別人在鐵網上燒。但我們買了些錫紙去焗。焗出來的蔬菜非常淋，非常美味。歡樂時間得快就過，最後我們買了些牛油蒜蓉自制蒜蓉法包同方包，燒一會就非常脆口美味。美味晚餐為一天劃上完美句號。

老公同事約8-10-2016 (Sat)晏晝o黎呢o度燒o野食,原本佢o地話2點開始燒,我o地就提早整啲o野,整完入o黎,點知佢o地又突然話3點o係荃灣等.我o地唔理啦,都上o左車,我o地兩個入去攞爐先.我o地2:20pm到,是日價錢成人每位$150.00,小童/長者$120.00,包蒸餾水同汽水各一,開爐費$50.00,每爐包2包炭,其後$16.00一包炭.俾完錢,即有兩支700ml唔凍o既蒸餾水,入到去俾我o地揀邊個爐,揀好後自己攞o野.我同老公燒住等,佢o既同事o係一個鐘後陸續到o黎,開埋另一個爐.我食o左:1. 腸仔好鹹,係超鹹,食o左一條唔敢一再食.2. 脆皮芝士腸燒完個皮完全唔脆,亦冇芝士,好流.3-4. 墨魚丸,牛筋丸唔係爽口.5. 魚肉燒賣有啲賣相係唔靚,食落亦唔彈牙,都係唔得.6.司華力腸呢個叫做正常啲.7. 五香雞腎細細件,燒完亦唔爽口,但微辣,味道係可以o既.8. 魷魚呢個算唔錯,口感正常.9. 沙薑雞中翼味道唔多夠.10. 沙爹雞全翼食到微辣沙爹味.11. 貢丸燒完幾香,佐食落係唔夠貢丸味.12. 蜜汁雞扒太甜喇.13  叉燒粒呢個又唔算好甜.14 .金沙骨 O

睇facebook覺得幾吸引，於是今日放假就同屋企人黎BBQ，大人160，小童130，每人有一張汽水卷，食物任取，有鷄翼，牛扒，豬扒，鷄扒，叉燒，多春魚，腸仔，獅子狗卷，鷄腎，尤魚，粟米，青椒，茄子等。。。味道ok，上網見到鱔和海鮮相信要另加＄買，另外以為有吹氣彈床就沒有，玩遊戲，啤酒，加炭，雪糕雪條要另外比＄，所以覺得洗左好多＄值得欣賞係出面有個沙灘，睇日落

放假同屋企家庭樂去小欖燒烤好耐之前黎過一次，都無咩特別轉變..都係一個爐加一張枱可以擺野，飲品就一人一支水同汽水，無咩風扇，所以食落都幾熱呢條腸仲咸過鹹魚！！係咸到你根本唔會食到佢有冇變壞嘅味道！！眼見既所有食物都係得一種味道，就係咸！ 唔知道係佢哋食物嘅質素本身係咁差，定係佢哋想用鹹味遮蓋食物變懷嘅味道！而牛扒仲有霉既味道！諗番起都好唔開胃...另外，除咗呢個日落之外，呢度既環境真係差到爆！！！！佢地個洗手間惡臭！！其實都唔知點解會有咁多好評

又到暑期，小朋友們開始放假。可以去盡情玩玩！一早約好了到小欖bbq...當天是星期六,5點半左右到達。人不算多。可以隨便選位。我們選了在取食品處前的位置。旁邊是洗手，沖身及廁所。很方便的。入場費每人$100 包一支水一罐飲品。開爐費 $40包兩包炭。食物選擇還可以的。我最喜歡芝士腸及墨魚丸。肉類方便推介牛仔粒，味道不錯，而己且夠淋。多春魚亦很好。其他的，其實都不差。取食物處旁有法包及方包可以自取。蔬菜類，有粟米，青椒，翠玉瓜，車厘茄！另外有些食物是可以買的。我們買了手抓餅，$28／3塊。但一般，很難燒及很油。。。這裡還可以租麻將$100,及單車。我們由5點半燒到11點。大家都盡興了送上日落照，很美啊！天有不測之風雲。閃電後的一場大雨！

話說高中年代，曾經來過這裡BBQ沒想到事隔多年會再跟朋友來gathering~跟我記憶中的模樣好像差不多 不同的當然是收費啦~ 現在假日成人$130，額外收開爐費不過可以跟朋友們慢慢食慢慢傾，都不過$150，都可以啦~喜歡這裡地方夠大夠空曠，不會把BBQ的煙、味困住食物種類都很多，而且這裡是由職員夾食物，感覺比較衛生。至少不會有人夾完又放回去的情況發生... @@每位都包1罐飲品及1樽水，即使不夠再買，這裡的收費也算公道。普遍食物味道都不錯，腌得夠入味特別推介黑椒豬頸肉、牛仔粒，肉嫩而不韌，黑椒口味令人想一食再食，而且平時在其他燒烤樂園中很少會食到，另外的蜜味雞扒甜甜地啖啖肉、咖哩魷魚調味調得幾好，好惹味!!其他丸類也不錯，沒有雪成結冰的狀態，食落也不是淋淋的粉感。另外有烘蜜糖方包及蒜茸法包，烤一陣已經勁香蒜茸味!另外值得一讚，就是廁所乾淨喇~haha

「燒~~雞~~翼~~我自細鍾意食~~~ 」記得中學既時代好鍾意同一大班同學仔，朋友仔去燒野食，去得最多既，係大帽山，一大班人，有D人去買炭，有D人就去「霸爐」，有D人去買丸腸，有D人就去買扒類，很是高興。畢業後，都好少再有呢類型既gathering，今次難得端午節有一日假期，好朋友又開到聲話好耐冇bbq，縱使天公不造美，天文台預測今日會有狂風暴雨，亦無損我地堅決要bbq既心情，齊齊揸車入大欖！「兒時自己攪，大時有人幫！」今次我地因為太懶既緣故，就黎佐呢個「一個價錢，全包」既燒烤場！大大個停車場任你泊，由朝泊到黑都不另收費，唔會好似d商場咁消費滿$800先泊得2-3個鐘，好似想趕你走咁！(呢日我都就由下午1點玩到晚上8點，泊足7粒鍾！)入場位位$100，包哂食物任食，一罐飲品，一枝水，餐具，燒烤义，炭，仲有專人幫你開爐，清潔全包，真係堅抵！而因為「專人」係堅pro既關係，不消10秒，個爐已經起好佐，我地個個呆一呆，好勁！放低好野之後，就周圍望下個環境先！個場都有6-7成爆滿，在雨天下也有這個佳績，算是十分難得！到處都放有盆栽綠化，做得幾靚！有好大個操場比小朋友跑動，仲可以踏單車同埋

已經有3,4年沒燒烤過; 今次燒烤興起, 約埋朋友一大班, 駕車沿高速公路到小欖燒烤樂園, 又有免費泊車, 十分方便。燒烤場面積幾大, 有蓋, 落雨都唔怕。價錢唔貴, 假日每位100元, 燒烤食物任食, 另包1枝水, 一罐飲品。 我們7個人, 一張大檯, 一個爐, 有專人點火, 還提供餐具, 燒烤义, 炭, 蜜糖…等等。燒烤食物是自助形式, 種類很多: 雞肉腸, 司華力腸, 丸類, 雞翼, 牛扒, 豬扒, 金沙骨, 粟米, 青椒片, 茄子, 麵包….牛肉粒, 义住幾粒一起燒, 很快熟; 肉質腍身, 唔錯。金沙骨醃得很入味, 肥瘦适中; 因愛吃, 所以燒熟須時都無問題。雞翼, 用薑粉醃好, 燒烤香滑惹味, 一定唔少得。朋友很喜歡燒麵包, 塗蒜泥及蜜糖, 很甜蜜茲味。另外點了收費的蒲燒秋刀魚($35) 和花蜆 ($45)。芯蜆真空包裝, 已經是熟的,用錫紙包著燒, 打開錫紙已聞到香味, 估唔到還很鮮甜, 結果很快吃完一包, 再encore.熱熱鬧鬧, 邊烤邊吃, 正是一班朋友假日好去處。

是日端午節，傳統來說應該去游番個龍舟水，但我地一於決定一反傳統，去做另一樣室外活動 - 燒 野 食！我地一行5人，大家都係懶鬼去燒烤樂園就岩晒我地，乜都唔洗預備，一黎就即刻食得，正到爆～呢度有大大個免費停車場，淨係泊咁多個鐘唔洗錢都抵番晒大門口有少少兒時記憶 - 麗園feel 門口亦有顯示版清楚寫明收費人頭費$100，開爐費連2包炭$40，其後每包炭$10 俾完入場費，就會收到呢堆紙仔，原來仲包埋每人一罐飲品，憑紙仔就可以去換領啦呢度只係影到場既一半，勁多位俾你任揀任坐我地揀好個靚位之後，好快就有職員自動波過黎幫我地開爐啦，我只係擰轉頭同朋友講左幾句野，擰番轉頭就已經起完爐快到呢～起完爐就快d去拎野食啦～係呢度就可以任拎食物，同埋可以用頭先既紙仔拎飲品、碟、餐具、燒烤叉、紙巾、蜜糖、水仲可以租麻雀打，租金為$100，可以一路大殺三方，一路燒野食另外仲可以買大網同夾，分別為$40同$25仲有仲有，雖然呢度係任食，但大家都量力而為，唔好浪費食物喔呢度仲有額外付款既食物，我地試左蜆（$45）同秋刀魚（$35），仲買埋夾同大網，燒起上黎方便好多除左包每人一罐飲品，仲有一大支水食物選擇十分豐富多

好耐無BBQ啦😚原本以為私人燒烤場好細，點知拍得住一個郊野公園...嘅燒烤場😝仲有得任揀坐邊⛱燒烤配備好齊全👍🏼唔洗煩帶漏野同唔識開爐👉🏻👈🏻入場費就包1枝蒸餾水、1罐裝飲品、1份燒烤餐具；開爐費就包專人開爐、2包炭、1個大托盤、1碗蜜糖、1卷紙巾。入正題，講戲“肉”😍一個大銀盤比個店員，同佢講要乜，佢就會幫你夾，夠晒衛生👍🏻真係任食唔嬲😂不過，如果各位foodie係人少少咁組隊去，小編就建議各位講下每款食物要嘅份量，千奇唔好做大嘥鬼🙊話到明任食，食物款式真係好多，基本上普通丸類都有，肉類亦醃得好入味。⭐️極力推薦⭐️🍢沙薑雞翼 （季節限定）皮脆肉嫩，配合埋小編嘅燒烤技巧，拍得住IKEA 香草烤雞🍖🍢牛仔粒（季節限定）又juicy又軟😍簡直停唔到口🍢香菇燒一啖咬落去，啲汁吱左落口，好香好好食，又彈牙喎😗🍢厚切豬頸肉燒之前好難叉😂小心整親手🙈又爽又多汁，好難唔食佢-其他收費食物（季節限定）［本身熟，用錫紙包住燒］$35蒲燒秋刀魚- 都幾大條，燒汁味重，好似食緊燒鰻魚😛$45鮮味花蜆- 燒前按個人口味配鹽同蒜蓉，小編喜歡少鹽多蒜加少少包裝內融左嘅水，鮮味又美味，朋友食到讚哂口😙😙-交通：坐西鐵

昨天大雨過後，黃昏時天氣清涼了不少，幾位好友們即興提議去BBQ！這是一個非常好的聚會方式，🤗 燒雞翼、我自細中意食😍，這氣氛下 聊天最為合適，地點方面，我們選擇了小欖燒烤樂園，因為有公共小巴和巴士直達、就算朋友開車過去，埸內也有很多車位，而且是免費🤓！由於最近燒烤場做緊優惠，至8月底前，只係$80-100 每人更有一支礦泉水，燒烤食品任吃唔嬲！店員安排坐在靠邊欄位置，方便取食物、洗手間、和士多，地方清潔寬敞、還有海景觀赏！ 👍🏻 先看看燒烤食品，超級豐富，基本的豬、牛、雞扒各式丸類之外，當中有更多是塲內自己醃製的（黑椒汁豬扒、牛扒、雞扒、牛柳粒..）, 福州丸、香脆豆腐卜、上海大紅腸、司華力腸、新鲜茄子、粟米、連海鲜都有；我這朋友較喜歡吃海鮮，更在士多買來了秋刀魚和蒜蓉殻蜆肉各一份，用錫紙包住蓋住，放入彈中燒烤，一邊燒嘢食，一邊聞到陣陣海鮮的鮮味！脆皮腸肉味濃厚多汁，他沙嗲雞翼非常惹味，必食推介。每人一百元吃得飽飽又滋味。

同屋企人第—次來小欖燒烤樂園，門外不大起眼，原來裏面地方十分闊落， 選擇了較 入及靠近領取燒烤食品 、大型洗手盆和洗手間的位置十分方便。 每人只需一百元入場包一支水 、一罐無酒精飲品及—般的燒烤食品任食。而且有工作人員為我地開爐，輕輕鬆鬆就開始燒烤了！腸仔、金沙骨、司華力腸、黑椒雞腎都爽口，不會太鹹。金沙骨醃汁不濃不厚份量剛好，有肉味還帯有—點油香。雞翼和雞中翼肉質爽，肉色夠白。青椒和矮瓜也新鮮，入口清新。我地自費左熟蜆，新鲜有蜆味！最後吃埋焗到漲卜卜又juicy的粟米！十分滿足！

小朋友要多方面發展，父母連星期六日都要安排活動令他們見識得更多，但書本的知識永遠都不及户外體驗，每星期都例牌在家相聚食晚飯，今次就衝出家門，出外與小朋友體驗BBQ!事實上現時有好多小朋友都未試過什麼是燒烤，一般會所的燒烤場都只提供電爐，燒烤叉是什麼都未必知道，難得現在家族有兩位小豆釘，所以選擇一次户外燒烤場。由於帶小朋友，已需要帶一大堆物質，而且又有兩老，再自攜食物工具未免太難，於是決定到任食燒烤場，小欖位置方便，荃灣上巴士，班次亦多，30分鐘內就到。地點在巴士站行兩分鐘左右，沿路有banner 帶路，好快就到入口。全天侯無限時，週日130一位，30蚊爐費，我們一行9大2小都只需一個爐，不會強行分爐多收一份錢。由於天氣不穩，我們黃昏才到，現場已有好多人，我們就選擇近門口的爐。此處場地特大，好多位置都提供帳篷，遇上下雨都不怕。每個爐都有些距離，不易被煙燻到，小朋友都不怕。入場每人先有一支水，另有汽水票，每人一張，工具有膠碟、金屬叉，非常環保及方便盛載熱食。由於我們有和小朋友一齊，不能時時專心燒烤，所以決定要燒烤網及燒烤夾，方便食物快速於網上燒，一個人可燒多樣，而且鐵網料硬，多燒都不塌陷，

星期日放假同男朋友行山，由屯門行去小欖已經係黃昏，落左山附近又有間仼食燒烤場，而且人頭收費價錢又好合理，所以就去左BBQ。入場後，我地每人有一張取食物紙、汽水紙同開爐紙，以及一支水。自己簡好位置就可以搵人開爐。場地有提供碟、 叉、燒烤叉、蜜糖，紙巾手套也有供應，而每個爐都有一個鐵盤用嚟裝食物。食物是要到食物部取，選好了同職員講，然後職員會按人數夾食物比客人， 感覺比自取食物會衛生一點！食物種類繁多，每種肉類都預先調味。有辣有唔辣，仼君選擇。我們兩個都是食肉獸，最愛金沙骨、雞翼、腸仔！這些的工作人員大多都是年輕人，態度相當不錯呢! 值得推介比大家係雞翼，一共有四款，分別是沙嗲雞翼，燒汁雞翼，沙薑雞翼及黑椒雞翼。極力推薦大家食秘制叉燒，醃得非常入味，而且仲肉質爽口多汁，十分邪惡！另外，牛肉粒都一定要食，肉質嫰滑，不過醃得過份入味欠缺牛味。不過價錢甘平，我的要求也不能太高。同男朋友兩個人，食得唔算多，希望下次同一班friend 嚟gathering！

一大班朋友如果假日想搵地方聚會 最好一起去燒烤 我們揀了 小欖燒烤樂園 非常方便 旺角有小巴直接去到當日陽光普照，一入場，已經見到很大一片地方可以給小朋友踩單車 環境舒服，真係好適合一家大小燒烤場環境非常乾淨，食物種類非常多，由職員幫我們夾上銀盤，我們每樣都要了一些 回到座位已經有職員幫我們起好爐，可以即時開始燒食物有好多不同的丸類，雞扒、牛扒、豬扒、雞翼、- 味道調得非常好，好入味豬頸肉 - 大大條，燒完多汁又腍但又不會覺得滿口油淋淋最驚喜竟然有雞翼尖，真係好難燒，不過幾好玩，都幾好味我們另外加錢要了蜆同青魚，蜆用錫紙包著加熱就食得，方便都鮮味；青魚比較濃及惹味食完味濃濃的肉，還可以要小蕃茄，健康又清新！