小欖燒烤樂園 (已結業)

上一次來呢度已經好多年前了。今次來和上次有好大分別! 多左好多娛樂設施! 俾小朋友玩同大人安安樂樂咁燒烤真係個好地方! 爐也有專人幫你起，廁所多格和乾淨 ! 地方好大，野食款式好多同好味 !  各式丸類和奄肉都好有驚喜地多! 價錢也好公道。我地由旺角朗豪坊後面一程小巴就要門口，唔駛轉車! 係個和朋友消磨的好地方! 正正!

係旺角朗豪酒店旁搭去元朗既紅van, $20一程，大約半個鐘就到。上車同司機講係小欖燒烤場落車，司機話嗰個站差唔多落哂。咁都好啲，幾驚搭過左站都唔知。去到小欖燒烤場門口，係收銀處俾錢，假日收費成人$140，小童/長者$110，開爐費$40。俾完錢佢就會俾幾張飛仔你，包括開爐紙、托盤紙、飲品汽水、水等等。入場包一枝水同一罐飲品，係收銀處附近先拎水，然後自己隨意揾位。個場幾大好寬敞，爐與爐之間都有相當闊既空間，所以坐得都好舒服。-食物都有數十款選擇，雞翼、腸仔、牛扒、雞扒、豬扒、多春魚、咖哩魷魚、牛肉粒、魚蛋、魚角、燒賣、芝士腸、墨魚丸、仲有麵包同法包。蔬菜方面有南瓜、茄子、翠玉瓜、車厘茄。不過原來唔洗自己夾食物，除左蔬菜之外，其他都有專人服侍架！你見到啲咩想要同佢講聲，佢會一手拿俾你！所以我建議大家如果想要多啲或者小啲份量，最好同佢講，免得浪費食物。-有趣既係有得燒韓式年糕！真係第一次！一於試下，燒左陣，見個樣都冇咩改變，就食下睇下係點樣，外面燒到乾同硬身左，入面都仲係韌韌地，而辣度都係十足! 大家去都不妨試下，幾特別！-除左入場包2包炭、基本食物同飲品外，有啲野係要再自費購買，例如以下

天氣涼涼地, 最好同朋友一齊BBQ...唔想事前做準備, 又要買野醃野又要霸爐, 最好當然去任食燒烤場! 我地呢D九龍人一直覺得小欖呢D新界地方交通好唔方便, 太遠...原來係旺角朗豪坊附近有架小巴直到小欖, 行兩分鐘內就到小欖BBQ, 車程只需25分鐘, 比想像中快同方便!其實好多年前都黎過小欖BBQ, 果然宜家真係唔同左好多!!地方整潔, 多左好多遊玩設施....價錢仲係好抵, 今日星期六,成人都係HK$140/位, 開爐費HK$40~ 每人入場都包一支水同一罐罐裝飲品~比錢入場後可以自己揀個"最佳位置", 再拎"開爐票"比職員幫手開爐, 每個爐都跟兩包碳, 額外就另加HK$16/包燒野食既爐與檯之間都算幾闊, 一D都唔迫, 而且大部分位置都有帳篷遮太陽, 更有風扇令空氣更加流通,唔會焗~開好爐之後, 我地就先領取餐具、燒烤叉同埋蜜糖我地仲額外買左個燒烤網同燒烤夾, 我地呢D懶人當然係放上爐面直接慢慢燒!仲有自費買左包蜆, 用錫箔紙包住慢慢燒至於野食方面, 款式多,豬扒、牛扒、雞扒、雞翼、雞腎、芝士腸、丸類、粟米等等...一般BBQ basic會食既都齊! 非常衛生, 所有野食都由

本身去之前已經睇過食評話啲staff態度唔好一入門口諗住donwload 嗰app用$30coupon點知佢一嘢就收咗我地錢，叫我地入去用啦我仲諗緊咁搞笑，入去唔通再俾返現金我呀？原來係要你另外消費用咁點解唔俾時間我dl 個app直接入場扣$30？小朋友玩彈床，一大班人都未決定好，佢出咗一個小朋友張飛係任玩點知最後個個都怕攰唔揀任玩得一個俾咗錢，其他未俾問佢有冇得轉返佢大聲夾惡我入哂電腦啦！冇得改！冇辦法啦咁講返嘢食#啲嘢又唔新鮮，肉又霉，味道又難食唔係貪佢假日有彈床都唔會嚟彈床仲要收咁貴啲職員個個老細咁款，惡屎能登！會叫埋身邊所有人以後都唔好幫襯！周圍啲枱枱櫈櫈仲要痴立立廁所全部塞哂又臭又難頂洗手盆仲要有菜渣有肉碎鬼咁核突

小欖有燒烤場已知好耐, 實際位置就不知道,  原來巴士站旁一路直走就到平時燒野食, 多數係屋企門口, 或者相約朋友係大尾督等地, 今次跟朋友去小欖燒野食, 真係第一次成人$130, 小童$100 , 開爐費$40, 今天我們6人, 除6每人$6.X左右, 一般大路價錢, 算合理磅水後, 每人分到食物券及飲品券, 全日無時限任燒 包一支水及一罐汽水 跟住工作人員帶領, 去到我們的燒烤位置, 一個方形燒烤爐,兩包炭, 就陪住我們一個晚上(初時, 很擔心兩包炭不足夠, 最後發覺這擔心, 是多餘的......)這裡人山人海, 真的無想過, 寸金尺土的香港, 高官們時常掛住口邊, 沒有土地的香港, 竟然有那麼大規模的燒烤場, 霎時間, 覺得自己見識少很欣賞佢地將各種食物分門別類由不同COUNTER負責, 感覺上, 企理整潔這裡所有BBQ的食物(雞翼，牛扒，豬扒，雞扒，叉燒，多春魚，腸仔，獅子狗卷，腎，尤魚，粟米，青椒，茄子.......等)基本野應有盡有,  連辣醬豬腩肉都有, 齋睇個樣, 質數份量都很好, 且視覺上也醃得不錯, 味道就要燒過先知我至愛的雞翼, 有3種口味(沙爹, 沙薑, 黑椒)

一行幾人，朋友聚會，小欖燒烤樂園真係一個好選擇，無時間限制，食物又任食，140蚊入場仲包左枝水同一罐飲品，場內又有麻雀等娛樂可供租用。我地今日由4點燒到晚上10點，選擇呢度，仲有一個原因，就係食物種類多又好食，醃得入味，好似雞翼咁，亦有多款口味，食極唔厭。就算送的飲品飲哂，去買都係8蚊罐，價錢合理，另外仲有一份份的番薯，金菇得賣10蚊份，食品飲品應有盡有。我自己就鐘意食魷魚，墨丸，牛仔粒同豬頸肉，蔬菜類就鐘意佢有茄子同青椒。

好姊妹趁天氣凍一於約bbq今次揀左方便既自助燒烤場屯門小欖燒烤 人頭費130元 全日無限時任燒包一支水加一罐汽水 由於天氣凍 一罐汽水已經好足夠我地都無乜人有開支水飲另外 我地為左方手仲自費左燒烤網 40蚊又唔貴同埋加左包蚬 見格離左右個個都加無理由唔加燒到咁上下飽飽地 我地一班女人再徑埋麻雀打 凍天露天打幾舒服 夏天就唔敢喇 哈哈睇個門面都有d歷史 聽講都開左好多年了場地大到不得了 但已坐滿人 多人到呢自費蚬 原來本身熟左再急凍店員會俾埋兩張錫紙同一盒蒜蓉同鹽自行將錫紙接成兜 倒入蚬同調味料加熱蚬都幾甜 而且無沙 幾抵食食物有豬牛雞扒 雞翼 豬頸肉 豬肋骨 各種丸 香腸 茄子 粟米 麵包 等等其實都應有盡有 味道幾好 唔會全部都同一款醃料 亦唔會太咸 食多幾款都唔會好膩由於有小朋友 姊妹自行帶錫紙兜 煮食物 咖哩豬扒幾好食 唔會係用鬆肉粉整到無哂肉味肉質幾嫩又有肉味最惹味係豬肋骨 用叉燒醬醃 甜甜地 肉骨又易分離玩到天黑先走 太盡興了吧！

前日同成班fd去BBQ真係燒得幾爽我地事前預備唔少食物和玩具食物: 3包棉花糖, 1筒朱古力條和每人1/2支水及清熱酷(8樽和1盒沖劑)玩具: 3副啤牌, 1副UNO 和 3部Nintendo 3DS早上11點半左右入去果陣無check袋大家放心入去搵個好位最終我地選了位置C065的爐之後有職員過來幫我地開爐部份fd用卷換哂餐具和蜜糖方便攞和燒野食食物都係大路野好多都係剛剛從雪櫃攞出來所以要燒耐一點才熟透比較好食的是雞翼結果我地食野打機玩牌直到晚上11點走人簡直是快活不知時日過樂而忘返另外攤位要額外比錢而且以小童為主所以我地唔玩呢日既入場費比平時高始終26/12係聖誕節翌日及毛主席生日所以每人比了160元入場費包了1支水和1罐汽水至於開爐費($60), 額外買一次性的大燒烤架($40)及1包炭($16)都有一大班fd share左而且開爐費已經包了2包炭每人比多大約$15已經夠哂以上金額不包括自己買入去既食物 (棉花糖, 朱古力條和清熱酷)$200都唔駛就可以玩全日食兩餐已經回哂本唯一唔好既係環境人人吸炭吸全日加上中午天氣熱廁所又愈來愈臭如果忍受到既話同fd或家人燒成日都幾抵

秋風起當然係要燒野食啦！任食燒烤場入面，我自己都幾欣賞小欖燒烤樂園除左佢地點近我地，地方環境夠大之外，食物質素仲有返咁上下，肉類都醃得好好食，唔會一味勁重味精今日假日同老公黎到，估唔到好多人好熱鬧呀！我地係walkin。。。好彩仲有位啫！呢度食物選擇都算好多！肉類、丸類、腸類應有盡有而且質素唔錯唔會因為係任食就俾d cheap野你！腸仔係廚師腸黎既！呢個對我黎講好重要！麵包都有方包&法包選擇佢地仲會提供埋牛油蒜蓉，整蒜蓉包真係一流連蔬菜類都有好多選擇我最愛翠玉瓜燒野食食咁多肉，緊係要食返d菜中和下啦！最開心呢度可以帶埋狗仔入場睇下我兩隻小寶貝幾開心！燒烤場會提供埋個網俾你，鐘意用叉燒又得，放在網上面燒又得仲跟左一包蜆俾我地燒，不過肉質就韌左少少當日去到場地仲有嘉年華俾小朋友玩，不過就另外要俾錢既，好多設施，有小朋友啱晒！

小欖燒烤樂園位於小欖巴士站附近, 落車行數分鐘, 交通算便利。燒烤場面積巧大吓, 有蓋無蓋燒烤爐也有。今日天氣麻麻, 我地坐有蓋位置, 空間不錯, 算通風, 不過場內提供麻雀耍樂, 一邊 BBQ 一邊打麻雀, 應該可以消耗大半天, 隔離檯班師奶真爽, 我地坐隔離就濕滯左啲, 好嘈。每位HK$130 不限時, 包水一枝水及汽水一罐, 可自携食物, 場內供應大路食物; 雞亦、猪扒、牛扒、叉燒、猪頸肉、丸、腸、燒賣、蔬菜及麵包等等。肉類醃得入味,猪扒, 雞全亦很不錯, 都幾好味, 飲品售價則跟市區士多差不多。我地既BBQ主打……自携海鮮除左麵包……全部都係自携$130 由16:00 燒到 22:00, 唔算平, 都算抵…哈哈…廢話

天氣開始轉涼，除咗打邊爐，燒烤都係一個家庭樂的好選擇我哋今次喺小欖燒烤樂園，交通方便搭巴士落車行段小落斜路就到。餐具換領位，同飲料，食物領取位置現場環境好大，但都爆場，好多人由於接近聖誔，燒烤場都有聖誕裝飾，而且有好多公司同團體都喺度做聖誔活動食物選擇多，單係雞翼就有4,5種口味豬扒，金沙骨同叉燒粒都必試但有部分食物偏咸我嘅手勢唔錯嘅現場仲有其他設施比大人，細路玩，唔會齋燒咁悶小型腳答賽車，沖氣滑梯，當然最唔少得係港人最好麻雀

呢個天氣最岩bbq,一家大細有老有嫩，去郊野公園就唔太方便，BBq場就最好，燒完拍下羅友就走得~小欖呢間由細燒到大，個場勁大夠通風夠舒服，交通又方便，巴士站係正門口，星期日人頭$130,開爐$40,包2包炭，無限時由天光燒到天黑都得，唔夠炭要加都只係$16包,真心超抵玩！呢日黎到全場爆滿，仲咁岩拍緊tbb音樂節目，非常熱鬧。場內娛樂設施好多，飛標機，攤位游戲，兒童高卡車場，大型吹氣彈床等等..小朋友玩得不亦樂乎。大人亦可租麻雀打，只係$100可打足全日...食物就唔係自己攞既，拎個大盤過去，同店員講要乜佢就會俾你，非常之衛生~旁邊有菜同麵包可自取~每位包一支水同一罐凍飲~食物選擇都好多好多~加$40加左個大網，方便得多！燒雞全翼蒜味香，皮薄薄的，食吃黎好香口！豬扒同豬頸肉都推介！豬扒夠軟身，用叉都輕易切開細細件，味道唔太咸，老人家同小朋友都好岩食~豬頸肉係我至愛，厚切的，好爽口，味道似是叉燒醬醃過，好惹味~食飽飽呢度有得洗手~我地由3點燒到6點幾天黑就滿足地離去~出到去巴士站各自上車，唔洗45分鐘反到屋企

秋日樂郊遊＠小欖燒烤樂園 秋風起，又是郊遊最佳時間，早幾日和朋友去行山，由大棠行到大欖千島湖之稱的大欖涌 全程大約三個小時，其實頗輕鬆的 沿路風景也是很幽美，而山路也非常易行～行到大約六點左右結束 行山加上燒烤就是秋天必做的活動，難得人齊，由友人帶領下，我們便到小欖燒烤樂園燒野食 價錢明碼實價，入場付款，入場費已包括開爐錢，炭，食物和飲料一罐和水一支 入場會比一疊票，憑卷取汽水和用具 最抵讚是海間車位，帶小朋友和老人家來燒烤也非常方便 門口的飛標區，可租標來玩，而如果想打牌，這裡也可以租麻雀來打 但由於體力透支，我們一班老野還是想舒服地燒烤和傾計好了 食物區～ 款式非常多～牛，豬，雞，丸，腸。。。 而且很乾淨企理，好有空間感，沒有爭食的問題 方包和法包在另一邊， 滿滿的一盤～ 開始啦！當然一開始大家都會先燒腸仔和丸類，肚餓呀嗎！ 其實魚腐都好快熟，一下子就燒好，脆卜卜的 看起來很像樣～ 燒了一會都有點累，轉眼間友人就買了一塊網＄４０，大家一下子就把所有食物放上去， 一下子就可以食啦 很推介這裡的叉燒粒和金沙骨，醃得好好味，而且肉質具彈性而不韌，牛肉

秋風起，又到燒烤時光。。。但很多時候都會較難約到一大班朋友同一日能夠出來燒野食。。。畢竟人大了，始終各有各忙了。。。所以一直我對燒烤也感到是要多人才可以燒的。。。但是朋友介紹了我們可以到一些自助燒的燒烤場，這些地方可以不論你多少人也好，只要付上了一個價錢便可以任燒任食任玩。。。所以這個方案很適合我和朋友，因為我們只有兩人若果兩人要到郊外那些地方燒烤，感覺會比較辛苦。。因為要準備炭食物等。。。小欖燒烤樂園位於屯門小欖，地方交通也十分方便。。有多架巴士和小巴可到達附近的警察宿舍站。。。所以我和朋友來的時候也十分便利，很多交通工具可供選擇。。。門口清楚列明收費。。都是排隊入場先付款。。。。然後便自己到場內找自己喜歡的爐位置但每一個爐要再加開爐費。。。這個成人價錢是包了每人一支水和任食的食品和一款自選飲品。。。大家都很有秩序排隊付款入場後發覺人頭湧湧。。。因為而是七點的時間了。。。我們找了一陣子，便找到了自己合適的位置。。。然後便吩咐職員為我們開爐。。並包含了兩包炭可以任燒，如果炭用盡了，可以再購買。。每包十六元這是我們領取回來的物資。。。有燒烤叉，膠碟，交叉，蜜糖，一卷廁紙，數隻膠手套。。。

秋高氣爽，除咗行山, 同家人或者朋友一起燒嘢食就最啱㗎啦！今日同朋友去咗小欖BBQ, 貪佢在海邊，不會太熱/太焗。晚上6時入場，場內已經有好多人大人的活動有燒嘢食/打麻雀/踢毽/掟飛鏢/行沙灘；小朋友的活動有釣玩具魚/跳彈床/玩高卡車/踢波等...講返食物先，BBQ 應該有的食物都有（香腸/扒類/鷄翼/魷魚/丸類/麵包等...... 一應俱全，種類繁多，自己想食乜都可以慢慢揀；總括嚟講食物味道都唔錯（除咗D香腸鹹咗少少）而我覺得最好味的就有辣味雞翼/辣醬豬腩肉和韓式雞扒。雞翼同豬腩肉辣辣哋，雞扒就甜甜地，我鍾意如果大家唔想成日揸住隻义，可以買一個網，把食物放上去燒，不過就好難控制，好容易燒燶哂D嘢食。另外我哋買咗一包蜆來焗，蜆都算鮮甜，不過有啲沙。佢哋仲好細心咁貼埋call 的士（綠的/紅的）嘅電話出嚟俾大家，玩夜咗都唔怕無車返屋企呢到有咁多活動，要浪漫有浪漫，要熱鬧有熱鬧，真係男女老幼都唔怕悶