小欖燒烤樂園 (已結業)

以前兩口子想去BBQ, 都只可能買個電爐O係屋企燒燒O下, 但發現燒得多都不及出外用炭燒的好, 依家燒烤場林立, 兩個都可以燒, 仲可以有好兔料揀, 當然要試O下。呢間係朋友們都一致推介, 地方雖然不太方便, 由荃灣再轉巴士, 但由巴士站行去燒烤場都只需兩三分鐘, 算不錯。場地好大, 而且好有規模, 門口會有個入閘位, 逐位計外, 會收爐費, 兩個人去就當然分擔的爐費會多些。拎野食清一式用一個盤, 每個爐只可發一個盤, 令人針對食一盤, 不要浪費。食物種類有好多好多, 會樣食一件都未必食得哂。叉燒粒- 必食, 方粒燒, SIZE不錯大, 比扒類會快熟一些, 自家醃製, 味道濃而香, 燒熟可先搽少少蜜糖, 再翻燒一兩分鐘, 燒焦的蜜糖更顯肉香。肉質多汁嫩滑。多春魚- 最緊要大條又多春, 呢度整體都好大條, 卵多之餘,魚肉都有不少, 不腥而卵爽, 正。食物源源不絕, 所以不需一開始就夾一大堆, 慢慢嘆

睇左食評大多係投訴冇禮貌同食物質素差但今次黎真係唔係大家講既咁門口收銀哥哥有笑容有服務即刻幫手雪啤酒都冇問題開爐2位哥哥都好主動走時又會問d野係咪已經收得又肯話俾客人知有咩車走拎野食野飲2位staff都好好笑容野食大部份都好味 除左丸類太雪或者之前係冬天旺季多人先會招呼唔到依然100蚊不限時任食 真係冇地方做到Reli support 幫手平反下 酒類10～14蚊罐/枝辣雞翼 好入味，唔會太辣叉燒粒 朋友們評價好高 好快冇哂芝士丸 流心果款👍🏾👍🏾👍🏾豬頸肉 爽口 新鮮 如果切薄d會更易燒牛扒 可以重d黑椒 但都有味最值得讚係個大蜜糖掃 2下掃得匀

二月尾天氣不冷不熱，很適合去燒烤，今次去小欖燒烤樂園，車程來我家不遠，之後我和老公離開大隊搭巴士前往中環也很方便。小朋友齊燒烤:這裏的蜜糖用膠碗盛載，蜜糖掃亦夠大把，不似平時的蜜糖窄口樽和奀瘦蜜糖掃，方便很多：自己燒的作品特別好味耶!這裡醃製的燒烤食品味道不俗，尤其咖啡魷魚夠入味，食物平均來說都算好味。除了BBQ，可以帶寵物來一齊玩，亦可租孖寶身後的麻將耍樂:有得租單車踩，小朋友梗開心啦:有梯級讓小朋友自己洗手，都算細心，不過啲踎廁麻麻地，洗手間不及上次我們去白石燒烤衛生企理：價錢合理，食物好味，地方寬敞，地點不算偏遠，大人、小孩玩意(麻雀、踏單車)各式其色，一家大細渡過了一個愉快的週末。

舊年六七月第一次去呢到，野食好味服務態度又好，所以琴日朋友約燒野食，就去返呢到。野食味道同之前無乜分別，叉燒粒同豬頸肉超好味！但我想講，收銀個女仔態度真係好差，串串共，買汽水成罐勁大力咁打落台，講八達通比佢聽唔到，以為我比現金，我同佢講返八達通比佢就好不屑咁"嘖"我！去拎野食果班o靚仔又係眼超超咁，好似嫌我煩咁...今次去d服務態度差左好多，第一次去既時候無論收銀定拎肉既員工都好好態度好有禮物，今次去真係好失望.有種比錢買難受既感覺.最後我係完全唔想行去拎野食果邊-.-

冬日假期到訪燒BBQ燒烤場地似乎成了很多人的指定節目。晚上大約8點鐘人頭湧湧職員忙著開爐。這日比平日貴$130位。肉類方面選擇多，牛扒，豬扒，金沙骨，雞翅，魷魚，丸類，香腸，燒賣…任供選擇，一爐一盤碟上則比較不方便要燒完一大碟什錦併盤方可叫職員加添其他，食品質量可接受。食品不斷加添。蔬菜有一般的茄子，青瓜，粟米外亦有車利茄供應。飲品有約十款，兩款麵包。除了有雪糕還有懷舊小食菠蘿冰$5，選擇較多。

夏天到了，很炎熱，小去行山了，今次去左游水摸蜆，今次帶同了兩隻小狗去威。去了小欖燒烤樂園。其實大熱天時真係不想BBQ，但帶著兩雙小狗，又有摸蜆又有沙灘可以帶著兩雙小狗游水又不同了。小欖燒烤樂園入場費只是$99，食物任食，包了一罐飲品，不夠的話一般都是$5一罐，可以由早吃到晚上。可以說是很化算。可以吃完去摸蜆，之後又再吃，又再摸蜆。又再吃。更有地方可以給你洗白白（不過D水黃黃地又銹味）。吾緊要啦，回到家都會左洗。食物$99任食想點樣。BBQ一般都會燒到香噴噴熱辣辣。都吾會太差，不過多數會飲多D汽水。只要吾肚痛味便是了。不過當中的雞翼是特別好食，腌得特別入味，我朋友們都很愛吃，所以燒得特別多。牛扒無筋,有牛味,入味。龍蝦丸、牛丸都不錯，豆卜，呈三角形大大件，食落帶豆香，燒得乾身一點外皮更脆，好食﹗魷魚，有咖哩香正正不過最精彩是我們摸蜆上來的蜆，很大隻，不過很小，但最重要同女友同兩雙小狗開心便是了。這裡不失為一個帶同狗隻好去處。就算冇摸蜆。因可以帶狗隻游水，都是好的。如果吾係做乜要去咁山卡啦既地方。市區都有差不多的地方，不過貴些之麻。

有沒有搞錯，到處都係油跡同埋食物的殘屑，隨地都見到大小各類動物昆蟲在爭食，通風非常差得少量風扇環境很焗熱。服務員的態度非常惡劣，處理食物的手法非常不衛生，經常直接用手或破了的手套拿食物，而且非常孤寒每次都配給少量食物卻每次都要排長龍。每樣食物以外的東西物件都另外計算錢，非常市僧，飲品似乎都是放了超級耐很舊很多塵別處不要而送過來的，鉄叉全都生銹有油積。肉類的鮮度難以評價，幾乎沒有可能在外面找到如此低劣等級的肉類，蔬菜是批發商不要的破爛多黴貨，腸類同圓類已經變酸臭。雞翼瘦到可以得層皮，多春魚營養不良到沒有春子，玉米差到粒粒是粉狀的，燒賣酸的，擁擠的環境，竟然有開爐費等附加費。服務員講粗口問侯詢問的顧客，嚴詞恐嚇拿食物慢的顧客，顧客離開後仲在後面大聲批評咒駡顧客蠢煩，這是流氓的行為. 惡人谷燒烤!是否應派隱性顧客調查一下加強管制一下? 總括而言樣樣都講$$$ 環境衛生真係超級差! 差! 差! 野食唔好食環境差. 完全唔掂!極品的服務，極迫的場地，極煩的規矩再加個場熱到嘔呀! 冇下次! 這是監獄燒烤，史上最差燒烤園! 不值再去的燒烤場! 大失所望!

母親節，母親想BBQ燒雞翼。就想起沙灘與海灘，睇風景，又唔想自己買嘢的小欖燒烤好地方。下午去到即刻搵個好位置，取自己喜歡食物。雞翼味道非常之好味，叉燒粒都好正。 丸類都好味，腸仔有小小鹹 飲品送一支蒸餾水和一罐汽水。飲品類$5，特別支裝飲品$10。租單車$20/小時成人假期 $99元 一位

朋友仔生日想睇日落，最好就係去郊外燒野食，自問係懶人，去燒烤場方便，有人整埋你食有人透爐。本來想去九華徑，不過被同行友人極力阻止，話食物好唔掂，於是聽從佢地講去小欖。由旺角去小欖都好方便，朗豪坊後面有小巴入元朗，全程9個字唔駛。差唔多門口落車。當日假期去到唔萛爆場，大部分係一家大細，有人打麻雀，有小朋友放風箏。門口收錢，$99位包一支水，一罐汔水，同任食，開爐費$30，包任加碳，友人話好抵，佢記得以前好似仲貴d.開爐後，我地用專用鐵碟攞食物，食物部有專人負責拎比你，好似都幾衛生，不過夏天就唔敢講，事關好似冇雪雪住d肉。食物有雞中亦，豬頸肉，金沙骨，腎片，魷魚翼，牛扒，茄子，青椒等等，麵包有方包同法包，另外包一盒蜜糖同叉。佢嘅食物全部都醃得幾好，唔太咸，食完晒都唔會太口乾，友人話小欖依間係佢食過最好食嘅一間燒烤場，當然喇，你冇得同自己整嗰d愛心燒烤食物比較。我自己覺得最好食係豬頸肉同魷魚翼，豬頸肉細細舊，燒完好似叉燒咁，仲好爽口，魷魚翼個味好得，燒到啱啱熟，仲好juicy同爽。燒完野食，正唸緊點搭車走，一行出門口就有架小巴落番旺角，真係超方便。下次燒野食可以再幫襯

兩星期前,男友人LKL話約o左班friends尋日(29-3-2013 Fri 耶穌受難日)o黎呢o度燒o野食,時間係自由入o黎,我就係最後到o個個,接近5:00pm到,是日入場費成人$139.00一位,小童長者$100.00一位,同樣係包一支水同一罐汽水,好狼吓喎.而我入到去,原來已有12個大人同3個小朋友咁多,佢o地最早係接近1:00pm到.我安頓好啲o野之後,就即刻燒雞全翼,見到有啲辣椒o係o度就知道係辣,但班friend話唔辣o既,燒好後就食啦,嘩!辣呀,邊個話唔辣o架?之後男友人B燒o左一隻雞全翼畀我食,呢隻就唔辣喇,然後我都食o左:腸仔,魷魚,燒賣,叉燒(超甜),方包,粟米,墨魚丸,貢丸同燒好後會變成橙色o既牛扒.我冇食到o既有:多春魚,獅子狗魚蛋,紅腸,豬扒,雞中翼,金沙骨,青椒,茄子.不過呢o度啲o野食係有好多味精,食完係好口渴.衛生:算係咁,啲凳都唔污糟,只不過可能呢日人太多,難免有啲廁所味飄過o黎.價錢:我諗男友人B o既兩歲囡囡唔使收錢o掛.其他:講真,呢o度貴還貴,但攞炭係唔使加錢,又唔要求我o地清晒o野食至畀再攞(當然我o地好自律,冇o徙o野,全部食得晒),竟

以前中學成日都約朋友去BBQ , 出左黎做野, 真係少左好多呢d 聚會近年好開心, 因為兩隻小狗o既緣故 , 識左一班狗友, 經常攪活動,我地又有得食有得玩, d 狗仔更加係去旅行一樣, 超級開心啦呢日黎到屯門小欖 BBQ , 唔使 $ 100 一位包一枝水一罐飲品 , 都 OK ge環境都好闊落, 我見都有好多大大班人黎玩, 又有麻雀可以租, 小賣部有肥皂泡, 風箏等玩意 , 更有沙灘褲, T shirt , 因為燒烤場後有個泳灘人狗都可以落去玩, 幾正o家, 沙到水都一定唔會係乾淨o家喇, 落一落去行去都可以接受o既, 場內都有地方可以沖身, 不過就無更衣室食物大部份係任食o既, 燒烤用具會數好每人一份, 餐具都係, 要自己拎返張飛仔去拎 , 蜜糖要拎返個膠兜出去 refill, 紙巾要再拎都可以, 拎返中間o個個卷芯出去就得喇 ~野食大致上都係好味o既, 雞翼有分全翼同中翼 , 有三四隻味可以揀咖喱味幾入味幾正, 都幾辣, 黑椒就得個樣, 食落無乜味, 唔食辣o既有蜜汁不過要叫佢分開呢個細碟仔放, 如果唔係佢全部混晒一盆過就會痴到其他醬最驚喜係有好多種腸仔, 普通雞肉腸, 解

這天我們與狗狗們1起來到小欖燒烤,地點不算太方便..但我們有旅遊巴接送,真好!任食的燒烤很方便,喜歡吃什麼就什麼,肉類選擇繁多,味道亦不錯,普遍雞翼已有好幾款選擇!另外,腸類亦有多款選擇.除了芝士腸,廚師腸外,還有司華力腸及一款特別的脆皮腸,很適合用來燒烤!此外,亦有麵包,燒賣,多春魚,豆卜,茄子,脆玉瓜等提供!最理想的就是有一個私人位置給我們三十多人與狗,很像包了場一樣,此外附近亦有沙灘可以給我們與小狗玩樂,值得一來!

上次去大欖燒烤場，一路燒一路食仲要不斷飲野，食物勁多味精，渴到仆街。今次再膽粗粗遠征新界西屯門，依度除左環境較擠迫、唔夠開揚、位置偏遠、食物種類少之外，食物都醃得幾好食，又唔會搞到十分頸渴，滿意啦 ﹗多種口味既雞翼最好食 ﹗燒烤場係海邊都幾好，但地方太細喇，枱櫈又太多，好采免強都可以欣賞到日落景色。剛到步已見枱面如戰場喇，屍棋遍野。暫時見到食物有茄子、芝華力腸、魚肉燒賣、煙肉、豆腐卜、青椒、雞中翼、金沙骨、麵包、魚蛋、等等。休息一陣就立即開波喇 ﹗食物有南乳雞中翼、五香雞中翼、魷魚翼、牛扒、雞全翼、豬扒、勁咸煙肉、雞腎、多春魚、腸仔、大紅腸、牛丸、魚蛋、青椒、等等。叉燒粒對我黎講太甜了 ﹗不太喜歡，不過同事們同女友都鍾意食。雞腎爽口，都可以啦。挑戰高難度，燒佢既五香雞全翼，要耐心等候。五香雞全翼成品，燒得香脆、醃得入味，幾好食喎，又唔會好似有啲燒烤場醃到啲肉霉晒，又唔會話勁多味精渴到嘔。燴蕃薯貼實啲火燶硬啦 ﹗依家啲爐既設計無左燴蕃薯位，以前係啲碳下面架。 最好食係雞中翼、雞全翼；都幾好既有豬扒、雞扒、金沙骨、魷魚翼、雞腎、多春魚；大路無問題當然係丸類、腸類、蔬菜類啦。麻麻地咪叉燒粒、

重陽節當晚同家人親戚一行7人去小欖BBQ。之前都黎過，但係附近整梗路，變得有少少難搵路。明明上網睇都係每位$88、開爐費$20。雖然我信通脹係有更加需要，但當日見到入場處嘅收費表係臨時用紙貼上去的，變成每位$110，開爐費$30，唔通因為公眾假期而突然加價? 不過好多人一場黎到，幾多錢都好都會入場架啦，捉摸到呢個心態係識到生意，不過唔多老實囉。呢個BBQ場面積幾大，有戶外(有傘)，亦有有瓦遮頭的區域，不過空氣唔流通，我地都係坐戶外。我估呢度都經營左好一段日子，所以佢好多野都好清晰，但相對地就無乜人情味。用具都係配給制、蜜糖等醬料一次只可拎一碟，食物雖然係任食，但都只定要用一鐵盤裝，係防止混亂同浪費，不過彈性不足。至於食物方面我覺得係不錯。選擇包括一般腸仔、丸類、雞翼同扒類、粟米青椒。較驚喜的有雞全翼、金沙骨、魷魚、茄子、豆卜(?!)。當中我覺得最好味的係雞中翼。因為炭夠大舊，火夠猛，雞翼燒到外脆內JUICY，味美非常!!! 我食左不下十隻。燒茄子都唔錯，加點豉油吊吊味。另外建議大家買蒜蓉牛油($2)，非常好用。用黎製作蒜蓉包風味十足。另外我仲用黎燒栗米添，即刻加晒分不過可惜的是佢連粟米

其實第一次去都已經唔ok但坐係邊位置都可以接受. 但今次後真係請都唔會再去.差到真係無朋友就無朋友.由於一班朋友諗住搵個地方大比小朋友玩. 嘩~點知隔離既火爐和我們都好接近,好危險.問佢哋啲工作人員仲死, 入場後就自身自滅.無坐椅就唔該你自己去搵.佢哋係唔會幫你哋. 有就有無就無.收咗錢入場就啋你都有味.果啲chair真係污穢不堪. 連小朋友都話好驚..黑過墨汁.食咗唔夠一個鐘就走人.食物牛肉"又so又霉"打死都唔會再去差