小曼谷海鮮燒烤屋

營業中

休息中

人大咗就係好多野忙，忙到朋友生日飯都食唔到實屬閒事，但點都好，我都定會為我好朋友財財補祝嘅是日終於約到時間齊齊食飯見吓面～諗嚟諗去都唔知食咩好吓，又去咗九龍城食泰國菜，今晚就去咗呢間，店鋪環境都幾乾淨，都幾多人幫襯吓食得泰國菜梗會食咖哩！ 今晚我哋揀咗食泰國咖哩炒海鮮，份量好大碟入面有好多咖哩汁外，仲有好多海鮮，又蜆又青口又大蝦咁， 海鮮食落好新鮮好彈牙爽甜， 個咖哩汁更係一絕， 唔係好辣之外仲有雞蛋喺入面， 用嚟送埋薄餅食就更係一流， 呢度嘅薄餅脆卜卜熱辣辣，加埋醬汁一齊食， 真係可以食五碟薄餅以上呢碟青檸汁煮桂花魚就酸中帶點微辣， 好開胃，魚肉又好嫩燒安格斯牛亦是煮得不俗， 8成熟又很有口感， 點埋跟嘅燒汁食就更係very good， 牛味濃郁，份量都幾多吓，係幾好食咁當然唔少得要叫埋杯青檸梳打飲先至夠完美啦

和兩老再次晚膳於九龍城於九龍城泰國食物是不二之選乍暖還寒的冬季還是愛喝沙冰泰國杧果有種獨特的清新味道點了椰汁雞湯味道比傳統冬蔭公柔和湯料也份量十足家父家母也喝得津津有味燒安格斯西冷牛排很豪華不但牛肉味香濃肉質也十分纖細老闆強烈推薦的咖哩炒海鮮也不賴尤以大蝦最為出色既鮮甜又惹味來一碗白飯配咖哩汁吃超滿足燒豬手有蝦片襯扥豬手燒得香口又不乾柴不得不誇讚這兒的服務質素有禮貌之餘服務也很殷勤難怪每次晚上經過都看到裡面人頭湧湧

之前睇食評好多人去過呢間餐廳話好好食，怎知名不副實。昨晚一行4人去食晚飯，前一日喺openrice網上訂座6點半，唔知點解只可最少訂6位，無得訂4位，唯有照入6位，之後再打去訂話只有兩時段訂，6點或8點，覺時間唔啱不用電話訂了，照用網上booking。到昨日晚我提早約10分鐘去到攞位，明明見到餐廳當時大把位，我是有提早訂位都唔安排我坐喺這主鋪，經理叫職員反而帶我去街口轉彎附近另一分店，本是安排坐入門口左邊第二張抬，我話人數得4人，職員改叫我坐喺左邊入門口第一張枱，越坐覺越唔妥，因門長開不關，坐位對正街口，大風又食塵，間鋪本身無廚房，要靠侍應喺隔離鋪，攞食物過來上菜，雖是有用蓋遮住，但侍應不停出入，坐得唔舒服又不自在。我幾個朋友來到，同侍應講轉枱，叫我們睇入面可以換個張枱，但係對正廁所，無選擇下同我們換返左邊入門口第2張枱，但要求侍應將原本由3張2人枱組成的6人枱拉開一張2人枱變4人枱，將個張枱拍去隔離個張4人枱，怎知個侍應話拉開張枱會搞到枱與枱之間通道很窄，影響會阻住門口出入，我自己及朋友睇過話根本個張枱拍過去枱之間通道都唔窄，還有空間，且還與門口有些距離，是有足夠空間。見個侍應唔係好

讀書嗰陣好鍾意黎小曼谷食飯，貪佢抵食夾大件。琴晚突然想食泰國菜就想到小曼谷...於是喺同樣位於九龍城既Cafe Ceres 飲完咖啡後過黎攞位...因為唔係太肚餓既關係，一行三人淨係叫咗三個菜：1. 鐵板豬頸肉飛天通菜分量都幾足料，好有鑊氣。如果大家想食得清淡啲，可以考慮下叫沙律或者馬拉盞炒菜果啲。我地三個食左一陣都食唔晒🌝2. 小冬蔭功湯食泰國菜點少得冬陰功！每次我都例牌點呢度菜。喺餐牌上列明用原隻大蝦製做，滿心歡欣應該好多料啦⋯⋯點知冬陰功上檯真係嚇左一跳。湯裡面真係得兩隻蝦同少少秀珍菇...好失望！真係好失望！3. 燒魷魚釀糯米飯呢個OK架，大家可以試下！雖然食物質素唔係好滿意，但用餐體驗尚算唔錯。最驚喜係有live performance，樂手自彈自唱，幾好聽... 員工都好有禮貌，主動加水。

認識小曼谷係我識泰國菜既時候聽過既名字但每次食都撞唔岩時間一係人多一係其他人有其他選擇今次同媽黎到九龍城我同我媽提議食 佢一口答應我我!終!於!食!到!小!曼!谷!啦!星期六下午人不多 可以舒服甘食個午餐先叫野飲 媽叫左椰青($38) 本來想同佢一樣但媽唔俾我飲凍野 我唯有揀個熱龍眼水 ($28)椰青都幾清甜多椰肉飲落又幾好喎,喉嚨舒服好多鐵板豬頸肉啫啫通菜 ($85)鐵板上可以保持住菜色既溫度,等佢唔好甘易凍特別係冬天,食到熱辣辣既野,成個人都暖哂碟野好香,有少少辣但帶有鮮味豬頸肉放哂係個底到,覆蓋哂,食落爽脆內嫩食埋通菜感覺就無甘肥,有肉有菜好均衡油份控制得宜，份量都足夠我去泰國多數都會揀金邊粉食 泰色鮮蝦炒金邊粉($85)今次黎到都揀返黎食,順便懷念返之前去旅行時既回憶食既時候,我加左枱面果支酸辣醬食金邊粉有種好特別既感覺就係咩味道都會出哂黎 甜、酸、鹹、辣 咩都有甜係蝦既鮮甜味;酸係青檸汁;鹹係魚露;而辣就係香料既味道食得好滋味！最後叫左碟串燒,豬牛雞同埋雞腎總共4串 ($16/串,共$64)沙嗲醬好香濃,串燒點係D醬到更香更濃最欣賞個雞腎, 好新鮮好彈牙!

今日係九展睇完戲…諗住近近地食飯，就去左九龍城逛下有乜食！週圍騰左陣，見到小曼谷海鮮燒烤屋！見時候都唔早就試呢間啦！見到個嘜頭應該係小曼谷分支！睇個名應該主打燒烤仲要係海鮮！坐低睇下餐牌，主力有不同肉類，海鮮燒烤！當然都有齊所有基本野，生蝦刺身，泰式沙律，冬蔭公，炒粉麵飯…今日就點左泰式生蝦 - 蝦身幾爽同糯！個泰式辣汁幾好味！如果鍾意既話仲可以買幾支返屋企雲吞冬蔭公 - 酸辣度幾平均！唔會太甜！椰汁味唔太濃！其實幾好飲！不過D雲吞就麻麻地！好似煮耐左！泰式豬頸肉沙律 - 呢個就唔算太出色！可以唔叫泰式炒金邊粉 - 炒金邊粉就幾好味！唔會太甜！幾乾身！又唔會好油！蒜蓉飽 - 新鮮焗好就應該唔會好食！不過不失啦！總括黎講唔錯！不過價錢就偏貴！埋單差唔多$500要讚一讚既係有Live Music. 雖然唔係成隊Band, 得位泰國人自彈自唱英文歌！佢唱得幾好聽！把聲仲幾正添！謝謝…

昨晚又約咗鋪頭Sales 去食泰國菜，當係團年飯，食泰國菜梗係要去九龍城貪佢有夠多選擇,咁我地去咗間算幾出名鋪食未入去以聽到有人唱Live有氣紛要點餸菜單有好多款式先點飲品我就要咗揶汁沙冰，咁就先點咗串燒&冬陰東湯,生蝦刺身&特色燒豬手&酸辣鳳爪食住先串燒好香點醬汁大頭蝦湯配料足，大蝦又大隻湯又夠辣飲完即刻提神豬手又脆蝦片熱辣辣，食完一輪又咗點咖哩炒海鮮&青芒絲伴筍殼魚同埋其他小菜食風味燒豬頸肉，肉質嫩啖啖肉&蒜茸包夠香點咖哩汁一流。跟住點多個蛋包飯，燒菠蘿夠甜食到肚飽飽再飲多杯芒果沙冰就係完美晚餐

九龍城是吃泰國菜的集中地， 小曼谷是我喜歡的一家餐廳， 今天重臨， 味道依然出色。大大蝦球，酥脆的外皮，爽嫩的蝦肉深藏著美味的芝士汁，令人垂涎欲滴， 人間美味令天使的動容。 鹹肉炒椰菜苗， 很多泰國餐廳的椰菜苗很老， 這裡的椰菜苗能吃出新鮮的味道， 加上鹹肉的鮮味， 微辣的香味， 令清談的蔬菜也變成美味。 冬蔭功四人份量用火鍋上， 味道不會很辣， 很合我口味，酸辣的味道在口中交織著， 是會上癮的。餐廳每一道菜的份量都偏大， 不像很多泰國餐廳減少份量來變相加價。小泰國在九龍城起家， 區內的分店也越來越多。 唯一不變保持水平。 今天吃飯已過了繁忙時段， 小菜的味道特別好， 希望下次繁忙時段來也同樣出色。

同一班同事一行8人黎食Lunch，安排左我地8個坐3張台，場內只坐滿一半人，其實可以坐得鬆動d我點左個冬陰公湯麵，侍應話湯麵就唔送湯，令我覺得有點不解，因每個餐都是$48，但只有湯麵不送湯，難道我會飲曬成碗麵既湯底？幸好有同事不飲冬陰公湯，而把湯讓了給我。野食未到凍飲先到，泰式奶茶冰太多，味道變得淡，可以落少3-5粒冰主菜冬陰公牛腩河，牛就係牛，不過似厚砌牛肉多過牛腩，湯底比附送的那碗冬陰公湯淡一半有多，如果湯底好似果碗湯咁濃味，相信會好食好多

朋友生日話想去九龍城食泰國野，發現小曼谷最出名，就入左去試下佢先！餐廳環境闊落，裝飾佈置有聖誕氣氛！見隔離食明爐魚津津有味，明爐蒸烏頭就食得多，明爐香檸蒸桂花魚真係第一次食，桂花魚魚質比烏頭滑，同埋勁多肉好小骨，岩哂唔識去骨既我😋條魚蒸得剛好 而佢既汁係店家秘制酸辣汁，配合埋清香青檸味 ，, 酸酸辣辣幾開胃, 成條魚以微微既既火熱住, 可以慢慢食，食完條魚愛辣既朋友可以飲埋個酸辣魚湯，辣得過癮！如果鐘意佢地既秘制酸辣汁, 可以去同食店購買嫁😬估唔到泰國餐廳會有安格斯西冷牛扒食，價錢唔貴同埋都幾出色肉質細緻，但筋部位較多，半筋半肉的口感，每一口都有嚼勁，肉汁多好juicy, 牛肉配個店家自製既酸辣汁更帶出牛既香濃味，意想不到禁襯！配菜有焼雞脾菇、車厘茄、翠肉瓜等蔬菜有助減去油膩感！一碟三隻蟶子，幾大隻燒蟶子不會乾身。蟶子上面加了些蒜及炸魚仔蟶子非常鮮甜加上脆口的炸魚仔，令口感更豐富。

朋友話想食泰菜慶祝生日，即刻想起好耐無食小曼谷~~即刻book位!!首先叫左生蝦，鳳爪⋯ 我食左一隻我就放棄左，因為對我本身唔食得辣嘅人嚟講好鬼辣... haha..但係個fd 就食曬成碟 必食生蝦刺身，前後叫左二碟，D生蝦好肥美好厚身好爽口！話明炒大蜆真係大大隻架，份量都好多，咖哩味好香濃，唔辣架⋯岩曬我！有錦大碟咖哩汁梗係要叫烤酥餅~~絕配！由於我真係好中意食魚，我引唔住叫左個眀爐蒸桂花魚~ 成條魚ge肉都好嫰滑！個湯又酸酸甜甜係錦飲添串燒叫左牛，雞，豬.. 麻麻地.. 個生菜包有小小辣.. 同埋份量都好多好大碟..

12月生日同屋企人係到慶祝！之前睇過依間啲食評幾好，做晒功課！一行7人order左好多野食！個咖哩炒海鮮真係好好食，用個汁撈左成大碗白飯！又點左燒雞，鵝肝多士，串燒，柚子沙律，安格斯牛排，樣樣都好好味，個個食到捧住個肚走😅😂

CP值低於我預期的不少 點三個小菜 兩杯飲品最後miss一個order, 聽到隔離張檯一家食飯又miss一個order 搞什麼飛機？食物方面都還可以 只知不是新鮮整的 可能是加熱就出菜 結帳四百幾HKD,以為是眼花

【泰🇨🇷牛】-近幾個月食得最多嘅泰菜館應該係呢間😂食物質數都幾平穩，呢間除咗基本泰菜外，佢個燒牛都唔錯<極上燒安格斯西冷牛小排>(約9安士) 🐮$168 塊牛小排係一半筋一半肉帶少少油脂😍燒得香口之餘都仲保持到入面嘅肉嫩，筋位唔算難咬，似豬手果啲膠原😈估唔到泰菜都有靚排食，伴邊嘅蕃茄仔同菇都微燒過💦但都勁多汁🚪餐廳： 小曼谷海鮮燒烤屋‬ 🏡九龍城太子道西398號御太子地下1-3號舖  

食泰國野最多選擇首選一定係九龍城, 今晚又食左餐好食而又正宗既泰國菜! 【椰青】HK$38 天然清甜, 即開椰青係食泰國菜必飲既選擇!【泰國咖喱炒海鮮】HK$238 有好重椰奶香味而又唔辣既咖喱, 海鮮有鮮甜爽口半開邊大蝦, 青口, 蜆, 同埋鮮魷, 咖喱多得可以ORDER多個蒜蓉包點黎食, 黎呢度推介必ORDER咖喱!【鹽燒東風螺】HK$148 東風螺每粒好爽, 而且冇沙, 可以點呢度秘製既甜辣醬食, 正~ 【冬蔭鮮蝦雲吞湯】HK$128 冬蔭功食得多, 要加埋鮮蝦雲吞唔係度度有, 用個小火爐滾住上, 冬天食呢個"熱辣辣"冬蔭鮮蝦雲吞湯, 成個人一定暖笠笠! 而且每粒雲吞都有足料爽甜既蝦, like!!