小曼谷海鮮燒烤屋

營業中

休息中

晌九龍城小曼谷食泰國菜,好多嘢都想試,但朋友唔太食得辣,都係揀啲唔辣嘅菜式,所以冇叫到冬陰公呢!泰式拼盤,由蝦餅,魚餅,春卷,雲吞組合而成,我哋揀咗各三件嘅大size,以為會好似其他泰菜館咁精緻,但拎到嚟時我哋被佢嚇咗跳,蝦餅同魚餅嘅體積至少係其他地方嘅兩倍,同埋堆到好似小山丘咁.冬甩形嘅蝦餅彈牙,魚餅入面有豆角同辣椒等等,幾香口,春卷包住粉絲,胡蘿蔔同冬菇,雲吞就係蝦肉豬肉餡,外皮幾香脆.配上餐廳自家品牌泰式酸辣汁,單張介紹係由泰國原裝入口,同埋用咗新鮮青檸,再加辣椒,魚露,蒜蓉同糖調製而成,酸香微辣,就算食唔到辣嘅同行朋友都食到,甚至幾鍾意.泰皇咖哩炒海鮮,咖哩汁加咗蔥同辣椒等等,食起嚟偏甜唔辣,仲加咗蛋花令佢增加濃稠感,感覺惹味.海鮮有大蝦兩隻,以及青口,大蜆,魷魚等,整體肉質爽彈,份量唔少.鮮菠蘿雞肉炒飯,配料分別係鮮菠蘿,雞肉,蛋絲,雜豆,洋蔥,提子乾同肉鬆,睇落豐富,可惜炒飯調味略淡,相對起嚟較為失色.青檸菠蘿沙冰(後),沙冰打得非常綿密細碎,菠蘿同青檸味都突出,飲咗之後幾消滯.

 在九龍城按完摩都已經9點幾，勁肚餓.....今次走到小曼谷海鮮燒烤屋吃晚餐(以前光顧過城南道店, 在太子道店倒是第一次)  這店較闊落, 坐得較舒適。太肚餓關係，叫咗好多野食  青檸菠蘿沙冰HK$36 ~ 又酸又冰凍，青檸味比菠蘿味明顯芒果沙冰HK$36 ~ 芒果好香好甜蟹肉雞絲魚肚羮HK$108  料多到爆，魚肚誇張的多不過略嫌魚肚太大件，若果可以切得幼細一點和"林"一點便PERFECT ! 辣椒膏炒海鮮HK$238  ~ 好大碟好多海鮮   有蝦有青口有蜆有魷魚內裡還有豆腐干, 可以吸埋D醬汁,好正泰式蒜茸包HK$28 ~ 因為辣椒膏個汁實在太好味，要配一些蒜茸包來一起吃，不要浪費醬汁呀 !     五星燒雞(半隻) HK$128以往多是吃串燒，燒雞倒是首次 ，雞燒得好香, 火喉剛好，雞肉仍然嫰滑

漫步於小泰國的九龍城一切場景都與曼谷有幾分相似今天就和你相約在小曼谷一杯芒果冰沙一杯青檸梳打滿滿的都是泰國味生菜配上炒豬肉碎既香辛又清新主菜是老闆大推的咖哩炒海鮮大頭蝦走過油肉質十分結實泰式咖哩椰味濃郁加入了雞蛋更加香滑配上絲苗白飯佐食是天下美味燒安格斯牛排令人驚喜牛味極之濃郁炭香肉香脂香混為一體是十分的菜式你莞爾一笑展露出最嫵媚的泰國風情

經過好勞累既一天，去唔到曼谷玩唯有去小曼谷海鮮燒烤屋頂一頂先小曼谷海鮮燒烤屋位置係大街，門外有一個超大的吹氣公仔，所以好易認黎食泰國菜一定要點冬陰公湯，個人認為冇飲過冬陰公湯記就唔似食左泰國菜冬陰公湯(選用原隻大虎蝦) L $178小曼谷既冬陰公湯就有大蝦， 而且size真的蠻大，而湯酸味十足不會只是辣，正合我口味， 而併盤也是必叫之一泰式併盤 (蝦餅 魚餅 春卷 雲吞)各三件 $168 個人較喜愛炸蝦餅，十分彈牙脆口，而蝦味十足，醬汁除了一般甜酸汁外，小曼谷還有自家制的醬汁，也十分合適來點這併盤，既然岩口味，那當然我們也帶了它回家泰皇咖哩炒大蜆 $148另點了咖哩大蜆，蜆的數量也不小，而且是大大隻，沒有沙，而咖哩汁就十分好送飯，我地就叫了簿餅點來食，咖哩跟薄餅簡直是天生一對，缺一不可芒果沙冰 $36青檸菠蘿沙冰 $36最後飲品絕對絕對要加分， 好杰的芒果沙冰那代表用料十足，並不是加上大量的冰跟糖水而成，十分推介

同朋友歐遊左一個星期每日唔係乾既麵包就係pizza pasta 無咩好選擇乾足一星期一返到黎香港 好想食餐好同濕口野！再諗起係九龍城經過都會比小曼谷個吹風公仔吸引住 我好即興咁就叫媽咪同我去食喇下就三點去到個場人唔算多近期泰王過世 餐廳電視而播著泰王照片道念他咖哩炒海鮮.. 一上枱已經覺得好香好吸引好大碟, 非常足料平時出去食既..係用椰汁去炒的.而呢個個咖哩汁用左花奶加左雞蛋所以口感更加細滑青口, 蜆, 好大隻... 入面有2隻大蝦.. 蝦肉爽口彈牙明爐香檸汁蒸桂花魚一般出面既泰國餐廳都係用烏頭 呢到有埋桂花魚..我就二話不說簡左喇... 魚肉更滑而個湯係用佢地自家醬汁 再加再冬陰公湯底食落口酸酸辣辣非常惹味呢個香葉肉醉煎蛋完全覺得自己係泰國食緊既感覺好地道將蛋其拌埋肉醉一齊食 味道更升華去另一層次好好食係台面上見到小曼谷自家制醬汁 $48枝買左枝返枝返屋企試下仲有簡單食譜Timmenu上仲教埋簡單泰文一路食 一路學 幾有趣

很久沒有陪爸媽，難得放假一於陪陪兩老吃他們至愛的泰國菜作晚飯～星期日的九龍城，到處佈滿泰國人，熱鬧程度絕對不遜色於典型的旺區！常常在巴士上看到這個大大隻的吹氣公仔好勤力不斷揮動手臂，令我印象深刻！環境不算大，座位之間也不太狹窄～辣椒膏炒海鮮 - 香氣滿瀉～有大蜆、青口、魷魚及蝦！縱使是簡單的海鮮，但食落爽口，多汁彈牙，肉質甜而不霉，脹卜卜挺飽滿！兩老向來不浪費，香香的辣汁以軟熟的白飯撈勻。而我...比較喜歡以蒜味重而鬆軟的蒜蓉包來蘸上辣汁～青芒絲伴筍殼魚 - 母親是無魚不歡！筍殼魚平時甚少機會食！雖然以炸的方式烹調，但食落不太油膩。魚肉雪白嫩滑，肉質厚身，倍感滋味！不過魚骨相對亦都較多及短細。極上燒安格斯西冷牛小排 (9oz) - 以木板方式呈上，牛小排亦已事先切好！肉身呈微微粉紅色，食落肉質軟嫩肉味頗濃，皮層香脆。伴有牛頭菇、小蕃茄、牛油果及生菜紫洋蔥紅蘿蔔絲，既可以滿足食肉的同時亦有蔬菜減輕滯膩感！(左) 奇異果沙冰 - 冰感十足的同時亦滿佈粒粒奇異果籽，頗有咬口。沙冰飲落味道很實身很Fresh...可以一掃辣氣！(右)青檸菠蘿沙冰 - 青檸味很出，酸酸濃郁而清新！反而菠蘿味不算太

對於［小曼谷］呢三個字 相信香港人無人不知, 位於九龍城, 大大小小嘅泰國餐廳開得成行成市, 出名既泰國餐廳都唔少, 其中［小曼谷］單單係九龍城已經有數間分店, 真係可以話係數一數二嘅大家姐! 😆今日幫襯嘅［小曼谷］正正位於大街, 位置真係相當容易搵! 而且門口有個大公仔, 老遠已經見到佢手舞足蹈😂😂😂當晚人流比較多, 所以被安排到店外嘅out door位置, 琴日啱啱打完8號風球, 幸好天氣都唔算十分熱👍🏻 雖然係out door 不過依然有冷氣提供, 好貼心嘅設計❤️Menu上既野食種類好多, 比起其他泰國餐廳有更多選擇😘 餐牌除咗有分類之外仲有教教大家講泰文😳😳😳 好味道 = 亞來mark mark 😂 真係好好笑唔好講咁多, 先來一杯飲品🍹😋椰汁冰 $28冰凍既椰汁冰散發出陣陣椰奶, 真係好香好正! 如果巧合地食咗辣野, 呢杯椰汁冰係一個好好嘅解辣飲品👏🏻👏🏻👏🏻珍多冰 $36珍多冰其實內裏都係椰汁黎, 所以味道同椰汁冰一樣, 不過入邊加多左一條條 & 一粒粒彩色繽紛既椰子條, 食落滑 luke luke 多咗一重咬口! ☺️鹽燒東風螺 $148因為打風嘅關係所以冇生蝦來貨😭

是日和友人聚舊，自中學畢業後，甚少見面呢，好掛住以前無話不談，笑談青春6：30到步，人未算多後來到七點已滿無虛席點左個咖哩海鮮配個烤薄餅，咖哩嘅賣相同香味都好吸引。一入口…岀乎意料之外，係偏甜嘅可能係我預設左泰式咖喱都比較香辣惹味，估唔到佢會有種…似係加左煉奶嘅甜膩雖然唔太合我口味不過加分嘅係咖喱入面加入蛋花，令口感更豐富厚實，配合香脆起酥嘅薄餅，係唔錯嘅。(味道上，呢道咖喱海鮮好適合小朋友食)另外叫左個五星烤雞，雞肉不過不失，值得一讚嘅係令成碟雞昇華到另一層次嘅酸辣醋汁雞脾位係Ok滑嘅不過雞胸嚡到冇個汁我唔會食(因爲太岀色，我係追加左個汁嘅，叫豬頸肉汁)另外叫左個芒果蟹肉炒飯，冇鑊氣，可能我期望會比較惹味，點知偏向清淡…認真麻麻注意！！咖喱同炒飯入面嘅洋葱都係生嘅，個人認為生洋葱配煮食都幾唔夾…唔知係咪特色但同行友人接受唔到所以要花心機挑走餐廳食左呢枝汁比我地，然後馬上開嚟試下試左用嘅撈麵食，酸酸辣辣好重青檸味，幾清新

我地有11個人去食，所以預早一曰book定位，去到又唔洗等，點菜單後很快就有野食，很好食，服務態度又好好，果到有人自彈自唱歌，氣氛有少少暗，環境不錯，下次會再黎食

經常搭巴士經過都被門口公仔吸引，終於中途落車去試試味。同阿媽 & 3歲仔三人，叫咗椰青海鮮焗飯，芝士烤餅和芒果沙冰。好夠份量，味道亦好好，連我媽唔鍾意出邊食嘅人都開口讚。 而最好，值得 down 個 app 來寫食評嘅係服務態度，阿仔係度睇餐牌，服務員來同佢傾計, 氣氛好輕鬆。另一個似係老細嘅就同隔離檯解釋點解無開大冷氣，話有小朋友，我話唔怕啦，佢有著長袖衫，但貌似老細嘅男人就話唔好，小朋友重要D事因阿仔一坐低就話凍，真係好感動，好值得再次光臨。

九龍城有好多泰國餐廳, 而呢間泰國餐廳係位於舊機場對面, 比較容易搵到…今晚食完呢餐好味既泰國菜, 真係要推介比大家去一試!! ------------------------------【芒果椰汁沙冰】HK$36/杯 視覺上唔覺得佢係沙冰, 但都係傑既, 飲落有微微既椰汁香同甜甜地既芒果味, 唔算太甜~【明爐香檸汁蒸桂花魚】HK$238 分店獨家菜式: 呢條魚特別在於係以秘制酸辣汁去蒸, 酸酸辣辣幾開胃, 而且當中有蒜蓉粒, 幾香口, 令條魚本身既鮮甜味更加突出, 成條魚以微微既既火熱住, 慢慢食都唔怕條魚會凍…如果喜歡佢既秘制酸辣汁既話, 亦都可以去呢間食店購買, 返屋企研究新菜式唷!【冬蔭海鮮蝦雲吞湯(6粒)】HK$128 冬蔭功湯底酸辣味平均, 出面好少加埋鮮蝦雲吞, 本身諗住係泰國餐廳食雲吞唔好抱太大期望, 點知粒雲吞又大大粒, 一煲有六粒, 而且每粒都有爽口既大蝦, 份量十足!!【泰皇咖哩炒海鮮】HK$238 本身意為咖哩一定係辣, 但呢款咖哩係甜同埋比較傑, 而且好濃既椰香味…海鮮有魷魚, 青口, 同兩隻大大隻蝦, 食得出用料新鮮, 因為佢既咖哩汁份量幾多, 用黎送飯

I went in with a group of 4, we were greeted and sat down immediately. We received waters right away but the cups were small so water ran out fast. Our server was attentive and helped explain the menu, and popular dishes to us. We ordered, yellow duck with roasted duck, papaya salad, pork salad, pad Thai and two sides of white rice. I'm a big fan of papaya salad, so ofcourse I had to try the papaya salad here. I've had papaya salad here in Hong Kong once/ from the Thai restaurant in Stanley mar

兩囗子放假…出街食下飯慶祝週年紀念…經過門口……決定食泰菜揀咗呢間！坐低咗就叫嘢食……叫咗平時必食嘅嘢……生菜包…咖哩…拼薄餅… 酸辣鳳爪…炒泰式貴刁……食物嘅質素比我想像中…冇咁突出……味道唔太夠……可能我比較鍾意食酸同辣，所以略嫌味道偏淡…量亦較少………望下次食會有加分位啦！！

呢日系我同Rocky仔拍拖三個月嘅紀念日，專登帶我嚟食一餐泰國菜慶祝~~好sweet吖！！！ 最緊要系佢請，唔洗我出錢，有咁樣嘅男朋友我已經非常滿足啦~！~~ 小曼谷餐廳嘅門口外面有一隻好大嘅充氣公仔，可能系佢地餐廳嘅吉祥物掛....都幾cutie嘎~~一般西餐廳有叉，中式餐廳就有筷子同羹，呢度筷子、羹同叉齊曬~~想用邊樣自便。 最吸引我嘅系餐牌上面各式各樣嘅泰式串燒，款式又多，真係好想樣樣都整翻串！！ 點咗嘅明爐香檸汁蒸桂花魚，估唔到上菜嘅時候系咁大一條！！！同普通嘅蒸魚唔同，蒸嘅時候放咗好多元西、辣椒啊、蒜頭，當然唔少得青檸片，魚肉食落去有好香嘅檸檬味，但又唔會覺得好酸，而且魚嘅整體味道系偏重，好啱我口味。 泰皇咖喱炒大頭蝦，大頭蝦嘅頭真係好大，而且好多好多嘅咖喱鋪系表面，成盤菜都系黃色嘅，濃郁嘅咖喱味撲鼻而嚟。 泰式蒜蓉包~~包嘅口感有啲似法式包，不過又比法式包嘅口感軟好多，外皮香脆，而且仲有蒜蓉味~~ 椰皇沙冰，夏天特飲！！！太好味啦，沙冰軟綿綿，無粒粒感，而且椰子味十足！！

女朋友同我慶祝生日，食餐勁既，好似叫左好多野食！柚子沙律 $88好多柚子肉！又新鮮又爆汁，好清甜，同濃郁既炒花生粒好夾，但我成日都忍唔住懷疑係咪食到柚子d核。蝦碌都幾大隻，仲增加左沙律既口感，沙律底下個汁就甜得滯。牛油蒜蓉燒聖子（3隻）$158牛油同蒜蓉味道唔明顯，好彩聖子好新鮮，鮮甜又爽口，聖子唔算大隻，一舊肉慳住食可以食到兩啖，呢味餸偏貴。食完先發現有個泰式蒜蓉辣醬可以點，勁辣，點左應該會蓋過晒d鮮味，我諗點生蝦會好d。咖喱炒大頭蝦（1隻）$158好似無一年前咁大隻。。。其實都整得好味既，蝦肉有咬口，香味直頭係湧出黎，蝦頭仲要好多好多蝦膏，份量足，一人半隻都夠了。咖喱汁係甜既，唔辣，同蝦幾夾，但係埋頭食左一陣蝦，都唔記得左點d汁，下次可以試下鹽燒。酥餅 $28諗住點咖喱大頭蝦d汁，製作需時，黎到時個汁已經凍左了，酥餅味道香甜，但係幾漏，我地share左一塊，另一塊食唔落。冬蔭功（細）$128全晩最鍾意呢味，入面兩隻細d既大頭蝦居然仲彈牙仲鮮味過咖喱炒個隻！湯非常鮮甜，好有層次，酸味酸得自然，無乜邊樣配料既味好突出，總之所有野都好夾，好豐富，無令人失望。份量方面，計埋d蝦同菇可以裝到