小曼谷海鮮燒烤屋

營業中

休息中

我是一個很愛泰國餐的人，所以每次聚會都會首選食泰國菜😋今次就試咗九龍城嘅小曼谷。一到門口就比個大嘅吹氣公仔吸引，今次都係揀咗我最愛嘅生菜包同埋青咖喱當然唔少得要有大蝦柚子沙律啦啲蝦好爽口柚子好清甜，味道夾得啱啱好用餐過程中，仲有現場歌手自彈自唱經典情歌，令人放鬆心情，配合埋我最愛嘅泰國菜整晚都好滿足最後仲學左幾句泰文好搞笑

收工好累，終於可以約下朋友吐苦水，就約附近老地方～就係小曼谷啦～每次黎都會好開心，又有得聽歌又可以吹水吃飯，正！泰式炒通菜-睇落就覺得好嫩好新鮮，食落都係一樣啊～泰式係有D酸辣感覺，正！泰式酸辣鳳爪-呢度既鳳爪都係必叫的！又辣又酸好過癮啊！而且好多洋蔥同沙律菜，好正！冬陰功湯配大蝦雲吞- 呢度既冬陰功都好有水準，而且配料好多，大蝦雲吞無得彈啊！好快食曬～食完飲埋個椰青就無得頂啦～聽下吉他自彈子唱～

今日跟家人到此餐廳晚膳補祝母親節，因未夠時間，所以未入內，但職員細心地詢問幾位及說出面下雨先入內坐下，今日閒日不計用餐時間。因未人齊，所以我們先記下要order的菜式，職員細心給我們白紙記下。我們點了多款菜，其中包括鹽燒馬友，很新鮮，很鮮甜，咖喱軟殼蟹，多汁，好味。另order薄餅，很香。

經過九龍城突然想食泰國嘢，一諗就諗起小曼谷，可能太耐冇去食啦，原來而家叫做小曼谷海鮮燒烤屋。去到原舖爆曬位，佢就叫咗我哋去新鋪，新鋪嘅室內裝修非常之夏日feel 木色做底色，新鋪仲有live唱歌，好正呀！泰式生蝦生蝦肉質非常爽口彈牙，證明係新鮮嘅，配埋生蒜片同小小辣椒 蒜片嘅香辛辣味，加埋辣椒嘅辣味非常之醒胃。糯米釀燒魷魚原條嘅魷魚燒到香噴噴，入面釀滿糯米飯，魷魚咬落去爽口又唔黐牙，燒到啱啱好，配埋個小小辣嘅醬汁，食多兩件都唔覺溜。飛天通菜食泰國嘢少不免要叫番啲通菜 ，用蒜蓉辣椒同豆豉抄，蒜蓉嘅香辣椒嘅辣，豆豉嘅甜，加埋新鮮嘅通菜，炒出嚟好好味。泰式奶茶泰式奶茶用嘅茶葉同埋都同香港奶茶唔同，我覺得泰式奶茶嘅紅茶葉比較香，加埋奶，我喺度可以飲到泰國嘅味道，滿足！

平時午餐時間充裕的話，我都喜歡來這裡食。今日三個人，叫了三個午餐及加錢添了兩份小食和甜品。今日的餐湯冬蔭公不太辣，好合我口味，再有些芫荽，好好飲。這個湯有時會好辣，辣到流淚的。小食要了兩串沙爹及春卷。雞肉沙爹肉質夠滑，牛肉則太乾，有些鞋口，沙爹醬好野味。餐飲要了龍眼冰，每杯有十粒龍眼，夠料，所以好味。春卷較硬身，不好味。雞絲扎肉湯金邊粉好味，金邊粉幼細不會腍晒，扎肉彈牙夠味，雞絲軟滑。泰式鮮蝦炒金邊粉材料豐富，炒得乾身，好味。泰式海鮮炒飯同炒金邊粉一樣多材料，但飯較為濕，冇咁好味。甜品味道一般。

講到食泰國菜，香港人很自然就會想到九龍城這個聚集泰國菜最多餐廳的地方 這次蝴蝶結姐姐就來到九龍城的小曼谷海鮮燒烤屋 餐廳的設計讓人彷如置身於曼谷的感覺完全不像在市區呢 而且餐廳在夜晚九點會有現場音樂表演 是不錯的娛樂節目呀 我們點了一客明爐酸辣汁蒸桂花魚 原條桂花魚浸在魚型鍋裏飄出陣陣的酸辣香氣 雖然桂花魚浸在湯裏，但魚肉夾上口試 嫩滑無比，不會太老的口感 配合酸辣汁一起食，更加惹味呢 而朋友則點了冬蔭鮮蝦雲吞湯 這個雲吞湯給我喜出望外的驚喜 鮮蝦雲吞裏邊完全是鮮蝦肉 口感彈牙爽口，而且還非常大粒的 呷一口冬蔭湯，同時品嚐兩個菜式的明智決擇 還有一個鐵板豬頸肉炒椰菜苗 椰菜苗向來是姐姐的最愛 用豬頸肉去炒椰菜苗 讓椰菜苗滲出陣陣肉香味 同時在鐵板炒的關係，口感更為香口 食泰國菜飲品當然離不開椰青啦 大大個椰青，椰青水清甜可口 飲完椰青水還可以用匙羹刮起椰青肉，很嫩滑呢 朋友則叫了青檸菠蘿沙冰 清新的青檸配上酸甜的菠蘿沙冰 涼快感大大提升 欣賞著現場的音樂表演品嚐著泰國菜這一刻就當自己去了泰國旅行嘛 我們都很滿意這個晚餐！

泰癮起啊，有無人好鍾意食泰國咗菜？我久唔久就好想去食，呢間已經數唔出嚟過幾多次了，貪其價錢唔太貴之餘，質素都算幾穩定次次都叫以下2款沙冰，好新鮮果香甜味<芒果沙冰> $36 <椰皇沙冰> $32<極上燒安格斯西冷牛小排>(約9安士) $168每次都必叫佢呢個牛，用咗泰式炭燒法，外層被炭燒得頗香，入面仲嫩溝得嚟帶少少筋位，加上點埋個泰式醬汁更提味<泰皇咖哩炒海鮮> $238海鮮有青口大蝦魷魚大蜆海鮮好新鮮無霉，而且件件都好大隻下，大蜆好鮮甜外，大蝦都幾爽口彈牙另外不得不叫就是他們蒜蓉包，焗得非常香肥，蒜香不段，點少少咖哩汁仲正<小曼谷炒飯> $95蛋未算好嫩滑，但都夠蛋香味，飯粒炒得分明軟硬適中

九龍城有很多美食，大多數是泰國菜，今天專程前往食晚餐，行到一間泰國菜館門前，見到一個吹氣大公仔，它的手不停左右擺動，似是歡迎客人，請入來的意思，就入去試試吧！店名叫：小曼谷海鮮燒烤屋芒果椰汁沙冰：椰汁味濃、芒果味香、甜度適中。好好飲😋泰皇咖哩炒海鮮：泰式咖哩好出名，當然要試一試，有多種咖哩菜式，我們選擇炒海鮮，用料非常豐富，有大蝦、大蜆、青口、魷魚等，味道超正👍咖哩不會好辣，椰香味十足，海鮮新鮮又彈牙，令人回味無窮！😋原隻鮮魷筒釀糯米飯：用原隻鮮魷釀入已調味的糯米飯，再用烤的烹調方式烤至金黃色，加少許海鹽在鮮魷筒上，糯米飯軟軟的，鮮魷軟硬適中，食起來有口感又鮮甜。另外還有一種食法，就是將鮮魷筒一半食完味，另一半淋上剛才點的咖哩炒海鮮汁，變成咖哩鮮魷，味道惹味，不防試試！泰式鮮蝦炒金邊粉：用料豐富，大大隻鮮蝦又夠穫氣，甜甜地，令人食不停口😋店內還有歌手獻唱，歌藝吾錯，令整間食店增添不少氣氛👏👏👏

早前帶阿媽去九龍城探親戚，準備返屋企果區食飯；經過小曼谷，醒起九龍城出名食泰國菜，於是就問阿媽想唔想食。佢話OK，於是我地6點幾就入左去，好彩當日唔算太多人，我地一去到WALK IN 都仲有位！阿媽好耐都冇飲過椰青，叫左個比佢～佢話好清涼，解渴！ 我就點左個青檸梳打，味道唔錯～ 主菜點左個泰皇咖哩炒海鮮～入面 D 料好多，有青口、蜆肉、大蝦等，咖哩甜甜地好惹味，阿媽表示好滿意！ 我地仲將D 咖哩配上薄餅食，薄餅即焗，熱辣辣，好香脆可口 =]另外，點左一隻燒雞～雖然個賣相麻麻地，不過燒得雞肉潤滑，雞皮脆卜卜！ 最後仲點左個蟹肉雞絲魚肚羹～蟹肉、雞絲、魚肚份量好多，味道有D 似魚翅湯，仲好濃味！飲完一碗又一碗 =] 最後職員同阿媽好傾，仲送左D 甜品比我地！個西米椰汁糕好耐冇食，食落唔會覺得太膩，椰汁味好香～ 今餐食得好開心。

去九龍城食泰國菜, 我必定第一時間諗起小曼谷!! 較早前食過後都介紹左唔少同事去食, 個個都讚口不絕! 今日就帶一向對食好有要求既表弟黎試下, 分別order左之前黎食過覺得黎到必要encorn既款式 , 同埋我之前未食過既款式試試~【青檸菠蘿沙冰】HK$36青檸加菠蘿夾埋一齊飲, 味道酸酸甜甜, 幾特別! 幾開胃, 而且可以解辣~~【椰皇沙冰】HK$32甜甜地既椰汁味, 每啖都飲到好幼細既椰絲【原隻鮮魷魚筒釀糯米飯】HK$168睇Menu見到呢款係推介之一, Order之前仲擔心魷魚燒過會唔會太硬咬唔開, 既然係推介之一, 不防Order黎試試。原條魷魚筒內塞滿糯米飯, 魷魚筒表面有炭燒香同埋少少鹽帶出鮮味, 果然咬落去魷魚唔硬, 而且帶爽, 唔會太乾身, 而入面既糯米飯飯感較為黏口而且入味, 比預期中更好食!【冬蔭公湯(細)】HK$128每次食泰國野我定必叫冬蔭公, 呢度既冬蔭公都有幾款選擇, 而我就Order比較傳統既冬蔭公湯, 有分大細SIZE, 呢個為細size, 有4飯碗既份量, 入面有兩隻好爽口而又大大隻既虎蝦、秀珍菇同埋大量香料,味道近似泰國既地道冬蔭公, 酸辣度刺激到

宵夜時段走入去，唔太肚餓，所以只叫咗串燒，串燒碟碟都好食，上菜都快！特別推界燒菠蘿值得讚係佢有人唱歌，而且仲好好聽，又唔會騷擾到同朋友吹水，係一個幾好嘅聚餐地方

好不容易又過了一個禮拜，又係時候輕鬆吓，今既同老公同埋老公既朋友去左九龍城食泰國菜餐廳係大馬路邊好易搵，泊底車後入內覺得幾光猛同乾淨，由於老公一早已訂位，所以我地直入就有位坐，坐位都幾舒服食得泰國菜一定非食不可既就係生蝦！呢度既生蝦好新鮮好爽口，廚師亦清理得好乾淨，味道鮮甜幾條友唔想煩就叫左呢個大泰式拼盤，有蝦餅、魚餅、春卷、水全都炸得香口無比，當中的蝦餅尤為好食，每咬一啖都有好多蝦，鮮甜之餘口感仲好彈牙，很是好食！ 緊接就有老公最愛既馬拉盞鐵板豬頸肉炒通菜，唔好睇呢碟菜好普通，因為係用左豬頸肉同馬拉盞去炒，超級勁爆香，超爆惹味，菜又好鮮嫩脆口，好食到我地幾個人都一致話想叫多碟 主食就回左呢碟泰式濕炒牛肉河，幾大碟吓外，仲餸多過粉，爆多餸～好多牛同菜，口感鬆軟有鮮牛既味道，係好食！ 飲品不能缺的我就點左杯椰汁冰黎飲，味清且潤，甚是不俗 老公就穩穩陣陣叫左個椰青飲，合乎預期清甜傾傾笑笑又一個晚上，食得滿足，笑得開懷～～

難得週末與好友聚會，選擇了坐餐廳室外坐位，氣氛相當不錯，有少少曼谷feel....有live band伴奏。吃了咖哩蟹丶燒聖子丶蠔丶燒魷魚筒壤糯米飯丶冬陰公湯等，味味都有水準，主要是價錢公道，各人也沒有投訴，以九龍城泰菜的眾多選擇，絕對可再安哥幾次

今天與媽媽探完朋友後，媽媽又嚷著要吃小曼谷海鮮燒烤屋。基本上家人每次來九龍城，不是吃小曼谷就是城寨風味🙄不過都是食物有信心保證才會吃😀最近媽媽說欠缺骨膠原，她一定要吃特色燒豬手，既便宜又滋補，不可不點😂每隻豬手肥瘦比例均勻，油亮光滑呈現焦糖色，充滿膠原蛋白的燒豬手，媽媽愛透了。單吃也不膩，鹹甜很涮嘴，豬皮上的毛也處理得很乾淨，軟滑不爛，推薦必嚐。至於我則愛旁邊的#蝦片 香脆度十足。燒原隻鮮魷筒釀糯米飯顧名思義是用燒方式來燒魷魚，看起來完完整整的一條魷魚，裡頭其實是暗藏玄機的，內臟去乾淨的魷魚「身體」裡包著糯米飯，一口咬下去可以吃到兩種不同的口感與風味。魷魚本身燒到微焦，除了焦香味以外還有濃濃的鮮香，然後它的糯米飯香軟度恰到好處，並沒有因蒸的時間長短的關係過於軟爛，我們都很喜歡，加上糯米飯中混合臘腸與冬菇，更是滋味。鹽燒馬友魚很新鮮，肉質細緻，送上桌已蓋不了它的鮮香，魚中藏著香茅，魚皮外上一層鹽巴去燒。當魚皮給我扒開的時候，肉汁不停流出，魚肉啖啖的甜味往嘴裡送，喜愛辛辣感可沾辣汁啊。芒果椰汁沙冰使用的芒果都是泰國產的芒果，喝起來自然是香甜可口，配上用芒果肉打成的沙冰和香濃的椰汁，喜歡芒果

九龍城就出名泰國菜，行一條街就有幾間，你話想食間好食既泰國菜有幾難啊！行行下你就會發現有一間野門口有個人仔招手叫你過去，你行埋去睇下就會發現呢個人仔隻左手爛左。完。其實呢間野就係小曼谷，係九龍城有兩間店，所以你唔洗擔心無位，但排隊都需要排一陣架啦。今次同２個大食既朋友去食，所以叫都係見到想食咩就叫咩，其實最推薦既就係佢既冬陰公同埋青咖哩雞（記住要嗌多個炒飯），咖哩好多時都俾人感覺係辣既，但食得多泰國野就會知，其實佢地Ｄ咖哩都唔係注重辣味，當食完佢地Ｄ咖哩雞仲可以用Ｄ汁黎撈飯；而個冬陰公我地三個人勁快就飲哂，因為實在好正！！我用「過癮」２個字黎形容呢碗野都可以！雖然去到九龍城隨便就搵到間野黎食，但係唔介意既，可以行落少少去太子道西果面，去食下呢間小曼谷！