小曼谷海鮮燒烤屋

營業中

休息中

早前帶阿媽去九龍城探親戚，準備返屋企果區食飯；經過小曼谷，醒起九龍城出名食泰國菜，於是就問阿媽想唔想食。佢話OK，於是我地6點幾就入左去，好彩當日唔算太多人，我地一去到WALK IN 都仲有位！阿媽好耐都冇飲過椰青，叫左個比佢～佢話好清涼，解渴！ 我就點左個青檸梳打，味道唔錯～ 主菜點左個泰皇咖哩炒海鮮～入面 D 料好多，有青口、蜆肉、大蝦等，咖哩甜甜地好惹味，阿媽表示好滿意！ 我地仲將D 咖哩配上薄餅食，薄餅即焗，熱辣辣，好香脆可口 =]另外，點左一隻燒雞～雖然個賣相麻麻地，不過燒得雞肉潤滑，雞皮脆卜卜！ 最後仲點左個蟹肉雞絲魚肚羹～蟹肉、雞絲、魚肚份量好多，味道有D 似魚翅湯，仲好濃味！飲完一碗又一碗 =] 最後職員同阿媽好傾，仲送左D 甜品比我地！個西米椰汁糕好耐冇食，食落唔會覺得太膩，椰汁味好香～ 今餐食得好開心。