小曼谷海鮮燒烤屋

營業中

休息中

知道九龍城出名多嘢食，又見依間餐廳上網好多食評，於是今日同朋友兩個一齊離依度覓食。搭巴士嚟一車就到，交通好方便，你都見到店面好大好闊落，等左一陣就有得入，裏便都坐得幾舒服，服務員全程都好熱情好有禮貌，食得好開心😙菜單好多泰國特色小食，好似去咗泰國咁。叫咗馬拉盞炒芥蘭菜，同平時香港食嘅唔一樣，芥蘭係深綠色，好有菜味，仲有蝦米，配上馬拉盞，炒得好惹味呢。泰式燒蔓曹，依條魚係原條燒，好有魚味，魚雞配上鹽、香茅、芫荽，鮮味！牛油蒜蓉燒青口，最驚喜嘅係有啲脆脆銀魚喺上邊，青口同牛油蒜蓉嘅味道好夾，超正泰式拼盤，好推介依個，包羅萬有勁高性價比，有蝦餅、魚餅、春卷、雞棗，份量十足！蝦餅成粒都係鮮蝦嚟，香港好少何咁足料！牛仔骨，依個都唔錯，牛仔骨入味泰式醃粉絲海鮮沙律，味道酸酸甜甜幾開胃

週末在家頹廢兩天，晚上帶上室友一起過來小曼谷吃泰國菜！餐廳位置很好，將來就在地鐵口旁邊，通車之後，生意一定會更好。就算是現在市場低迷的時候，他們家也是爆滿！大家都是衝著味道來的，不過，卻是很好吃。鮮柚子沙律簡直就是我的最愛！柚子很甜，一點都不像超市裡面的，應該是空運來的，扮上花生🥜紅棗絲還有其他特殊的調料，入口味道很豐富，清爽口感無與倫比。我室友見我這麼喜歡😘都想再叫一份。炒金邊粉也是一樣好吃😋芽菜，蒜粒，花生🥜還有泰式辣醬🌶️的調味下面，味道酸甜開胃，金邊粉軟滑滑，新鮮出爐！椰青也是很新鮮很甜！還可以吃到裡面的椰肉⋯⋯爽歪歪，我室友的芒果沙冰也是用新鮮的芒果🥭鮮榨出來的。芝士蝦球是我室友的最愛，也是其他食家推薦的。個人不太喜歡芝士，不過聽我室友描述，就是那種既滿足又罪惡的感覺！

約了早前去外地旅遊時認識的朋友相約今晚食飯，本身諗住去旺角食放題，怕塞車，所以最後揀咗去九龍城食小曼谷呢間泰國菜。小曼谷門面非常之吸引而且有吹氣公仔好得意招手招客人入去食野🤣我哋三個人入到去就拎起餐牌快啲叫嘢食，因為八點幾已經好肚餓了。餐牌內容非常之豐富簡直眼花凌亂，最後叫了馬拉盞炒通菜，泰式生菜包，泰式生蝦刺身，炸蝦餅（小的有3件），仲有叫咗雞肉串、雞軟骨串、燒魷魚鬚各三串。馬拉盞炒通菜唔太鹹唔太辣味道適中，非常之好味小曼谷嘅泰式生蝦刺身簡直係冇得彈，因為虎蝦肉質爽滑，配埋店內嘅泰式辣醬真係好好好味，每人食完都好想再食多次碟🤣生菜包就正正常常，個生菜份量略嫌有D少，但豬肉就好多份量。炸蝦餅啖啖肉，外脆內熱，雖然熱氣咗啲但真係食到舔舔脷，亦都係值得encore嘅一道菜雞肉串，雞軟骨串，燒魷魚鬚串，三者味道都非常之好，其中以魷魚鬚最為惹味，所以我哋三個人最後叫多咗三串燒魷魚鬚同埋試多個燒墨魚咀，冇計啦！真係好食所以唯有encore。飲品方面我就叫咗個好鮮甜嘅椰青飲最後仲叫埋個芒果糯米飯食，芒果好鮮甜糯米飯好熱辣辣，配埋食真係一流，非常好味！總結3個人食了$1076 但食得非常之開心 環境

泰式柚子沙律用了好多柚子肉，是不錯的appetizer。青芒果絲伴筍殼魚，條魚經油炸，魚皮及魚鰭好脆，魚肉則好幼滑，細骨也唔多。伴碟的青芒果絲、花生、甘筍絲...混上碟底的魚露，可作沙律食。原隻魷魚筒釀糯米飯，尤魚肉雖厚，但都算爽。跟碟上的醬汁酸酸辣辣，用黎點海鮮係好正架!食完泰式風情薄餅後，我覺得用了甚麼配料已不重要。因為個餅底真的好酥脆，就像酥皮湯的酥皮那樣。椰青波波是將棷青「內膽」原個起出來，啱晒鐘意邊飲邊刮棷青肉咬的我，真的方便好多。

同朋友去九龍城食晚飯，我哋揀咗小曼谷泰國菜，因為餐廳門口有個吹氣公仔，好吸睛啊(〃∀〃)~~鐵板豬頸肉通菜好有鑊氣(σ′▽‵)′▽‵)σ，上到枱時仲會渣渣聲，通菜好惹味而且好香，仲有好多豬頸肉~~泰式鐵板蠔餅就有小小失望，因為蠔仔嘅份量唔算多ヽ(・×・´)ゞ，幸好蠔餅整得唔算油膩，點埋個醬就會好食啲~. 我幾鍾意食泰式炸蝦餅，蝦餅金黃香脆，肉質彈牙有口感，仲食到少少既蝦粒!!!!!海鮮孖寶好抵食，我哋揀咗泰式燒盲鰽同燒脆皮白鱔，白鱔肉質肥美，而且都好新鮮，不過我比較喜歡將魚皮燒得乾身香脆，如果可以燒到脆卜卜我一定更加鍾意！( ^ω^)燒盲鰽唔錯呢，啖啖魚肉，而且好嫩，一啲都唔乾，火候拿捏得好，醃料足夠，所以唔點醬汁，都已經好好食~~ 同朋友叫左椰青同椰皇，同樣清甜解渴~~如果唔係因爲太飽，我地都想叫埋芒果糯米飯!!!小曼谷海鮮燒烤屋 地址:九龍城太子道西398號御太子地下1-3號舖

好多泰國菜館都叫小曼谷，呢間特別多人捧場，每次經過都見到有人嚮門口等位。串燒除有豬/牛/雞肉外，還有很多選擇的。隨便order了幾串試下，確實燒得幾好--外面有少少焦香，裡面則剛剛熟透。食既時候點些少泰式沙爹醬會惹味好多好多。酥炸雞全翼有陣陣乾蒜香，落籃前已斬件，所以能方便進食。如果有手套供應會更好。泰式鉄板豬頸肉炒通菜，用的是幼身那種，色澤翠綠，食落好嫩。淨係聽個名，唔會知小曼谷炒飯有乜材料。我會用鮮蝦泰式蛋包飯去形容，簡單得黎好貼切。涼粉冰係合時消暑飲品，好冰涼，棷汁味亦好重，好好飲!

講到食泰國野，實係去九龍城喇！我諗無人唔認同掛，哈哈。由於怕花多眼亂嘅關係，所以今次我地簡左呢間一落車就見到嘅：小曼谷海鮮燒烤屋泰式生蝦刺身我諗無人食泰國野但唔食生蝦掛，生蝦好新鮮，好鮮甜，醬汁應該係有按反香港人口味，唔會太辣👍泰皇咖哩炒蜆泰皇咖哩係偏甜，唔辣同埋辛香味好香，好送飯吖，蜆好大隻，份量都好足，起碼有成十隻😍😍鐵板豬頸肉啫通菜一上枱真係比佢大到，勁大碟😂肉唔算太多，因為佢唔係重點，個重點係佢用左豬油炒啲通菜吖👍重有有陣特別嘅豬油香，同埋啲通菜炒出黎係特別滑架👍真心推薦👍冬蔭公湯（細）細都有起碼3-4人份，酸辣適中，值得一提係啲蝦，好新鮮，好大隻。係蝦背劏左一刀，將蝦腸乾淨去走，仲方便食，唔洗用手，匙羹加筷子就可以輕易起肉👍肉碎燴飯肉碎係生菜包的肉碎，所以配飯一流👍仲有隻半生熟嘅荷包蛋，我唔講喇，你自己諗😂👍總括黎講：野食超級大份，味道酸辣等都有特別按反香港人口味調整，所以好岩我自己口味，位置都好方便（對於路痴嘅我，一落車就係，係超級無敵吸引👍）所以可以放入pocket list 😎

九龍城最出名肯定係泰國菜，小曼谷應該都算係九龍城裏面其中一間最出名既泰國餐館，淨係九龍城裹面已經有四間分店真係唔講得笑其實小曼谷係香港扎根左甘多年，大部份菜色都調教到比較適合香港人既口味我覺得算係比較有香港特色既泰國菜現在曼谷非常流行既椰青波波，用刀一下一下甘批走椰殼，淨反椰肉同入面既椰青水，等你唔使攞支匙更再慢慢刮啲椰肉非常方便依個串燒牛肉好正粒粒牛肉都唔韌又夠香每次必食既生菜包，水準依然保持到泰式鳳爪，普遍香港食到既都唔太辣，係泰國食果啲多數都辣好多馬拉盞炒通菜，炒得都好香

每隔幾個月就要去一次小曼谷回味～今次就揀燒烤呢間，貪佢多海鮮揀！雖然價錢比較貴，不過質素都相對高～叫咗燒蟶子，燒得啱啱好，蟶子肉啱啱熟，perfect！用咗熟蒜燒，調味非常鮮甜！面仲舖咗層炸銀魚仔，食起上來又脆又軟，鮮味double up！串燒豬肉好好味，係泰國先食到嘅味！而且一咬仲有肉汁咇出來，正！燒扎肉都好味，用咗蜜糖燒，出奇地夾～雞肉還好。呢度一定要點蒜蓉包，因為一塊已經係出面嘅四塊，牛油同埋蒜蓉俾足料啊，牛油多到流晒去下面嗰層，抵食！芒果椰子沙冰，聽個名都知好味啦～點少得泰式炒通菜先？不過今次好辣，食咗幾條就放棄咗😭最後叫埋芝士臘腸焗雜菇，味道就唔太夾，同𡊰竹雜菇食到小小嘅草青味整體來講，燒海鮮同蒜蓉包必點，再加杯沙冰，冇補充啦法官大人！

今日和太太往九龍城小曼谷海鮮燒烤屋食晚餐。我們點了海鮮孖寶餐, 燒安格斯牛小排、燒雞扒、蒜蓉炒椰菜苗、油飯、椰青和泰式奶茶。海鮮孖寶餐有牛油蒜蓉燒虎蝦和燒扇貝, 牛油蒜蓉燒虎蝦牛油味香滑, 蒜蓉味濃、虎蝦食落鮮甜彈牙；燒扇貝大大隻, 食落口感鮮甜、配上銀魚乾和蒜蓉帶出扇貝美味；燒安格斯牛小排牛小排燒得剛剛好, 牛肉肉汁鮮甜, 配上醬汁食落醒胃、配菜翠玉瓜和車厘茄食落爽脆鮮甜；燒雞扒賣相吸引, 雞扒大大件肉質鮮嫩, 食落啖啖肉；蒜蓉炒椰菜苗炒得乾身, 椰菜苗食落爽口；油飯食落飯味香濃軟綿；最後泰式奶茶茶味香濃甘甜。餐廳座位舒適, 食物美味高質, 和太太食了一頓高質泰國菜。

九龍城多泰國菜就係人都知，但係究竟應該揀邊間先好食呢？呢間小曼谷就絕對係其中一間啦！喺九龍塘站坐小巴過嚟都好方便，位置一啲都唔難搵今次超肚餓叫咗好多嘢食，首先叫咗牛舌串燒、珍寶帶子串燒，牛舌外脆內軟，帶子都烤得啱啱好！跟住就叫咗生菜包，微微辣同埋微微酸，非常開胃！生蝦刺身，隻隻都超級肥美新鮮，點埋個泰式辣汁無得頂！主食就叫左蝦膏炒飯，非常香口，超多泰式蠟腸粒粒！另外仲有個馬拉盞通菜都好惹味！除咗呢啲傳統泰國菜，仲有啲新潮嘅菜式，叫左個芝士蝦丸，蝦丸本身大大粒，一咬開就有爆漿芝士，食呢個真係要小心辣口！最後仲叫咗兩杯榴槤沙冰，呢兩杯野真係真材實料，超香榴槤味，原本都已經好飽，飲埋呢兩杯野真係要捧住個肚走！超正！

平日普遍食得比較清淡d，今日想食得濃味少少，於是就黎咗小曼谷海鮮燒烤屋雖然泰式料理味道比較濃，但多種唔同嘅調味料，香料混合埋，每次都食得好惹味。泰式生蝦本來睇menu時嫌佢有少少貴，但想食就照叫啦，佢用冰鎮住，擺盤有花心思，一食非常冰凍，同埋原來幾厚肉下，肉質鮮再加埋佢地自家醬汁，辣得黎非常好食。泰式炸芝士蝦丸粒丸幾大粒下，有半個手掌咁上下，建議切開或一小口咁食，以免燙傷，因為佢芝士係流心，好邪惡好好食鐵板豬頸肉通菜每次食泰式料理都會叫碟菜，因為泰式嘅炒菜真係好惹味好香口到停唔到口，呢到仲會用鐵板上，keep住係熱嘅，份量又多，鍾意食菜嘅朋友要試呀。泰式燒盲鰽唔好睇佢樣樣衰衰，甩皮甩骨咁，雖然賣相唔叫好，但打開佢層皮，就會見到好鮮嫩嘅魚肉，魚肚擺咗d香料去燒，味道聞落好香，相比中式成日用到豉油，佢呢個更健康同開胃香燒扇貝餐廳個名有燒烤兩個字，相信燒烤係佢地嘅拿手菜，又點可以唔試呢，扇貝大大隻，肉厚，但火候控制得好嘅關係，燒得啱啱好，唔會韌，鮮味+牛油香+肉質，我俾佢101分，必嗌！

九龍城係香港ge小泰國，以前阿爸成日帶我哋一家四口去食，近年去泰式超市買料返去煮多D。今晚戚起條筋，search 咗search,就衝咗去擦咗餐泰dinner～鐵板豬頸肉啫椰菜苗馬拉盞上枱時咋咋聲，碟菜面頭全部都係好新鮮好嫩嘅椰菜苗，豬頸肉呢就係墊底嘅，因為咁樣鐵板先至可以煎香D豬頸肉，當我地炒一炒，翻一翻個菜之後豬頸肉嘅數量都幾多，而且因為比鐵板煎過所以仲好香添！香燒原隻扇貝隻扇貝有¾隻碟咁大粒肉仲好口添，有啲銀魚仔喺面度炸得脆卜卜，加上D香蒜，無諗過係泰國菜餐廳食到咁滿意ge鮮，真心好食抵食過西貢海鮮檔。青檸菠蘿沙冰沙冰面有啲菠蘿喺度，飲落唔係太甜，應該冇特別再加糖水，飲完係開胃嘅，今晚食ge唔係熱辣辣鐵板，就係辣同濃味，呢杯沙冰可以清清Balance返件事同refresh吓味蕾泰式青檸梳打泰式青檸梳打都幾新鮮，個酸味都幾出，我諗佢應該響個梳打入面有先落到青檸汁，所以唔係淨係擺咗塊青檸咁簡單泰式燒盲鰽呢間泰菜ge海鮮真係有返咁上下，條盲鰽外面燒得好乾身，但切開入面都仲係好多汁，平時常食泰式鱸魚，酸酸辣辣，但今晚燒盲鰽，唔蘸泰式汁齋食個魚味仲開心！泰皇咖喱法包軟殼蟹呢個咖喱法包軟殻蟹

跟朋友慶生，朋友表示想食泰國菜，無錯，夏天食甜甜酸酸係寧舍開胃同舒暢，我地選址九龍城既小曼谷，因為陸路交通好方便，放工黎，再返家都一定有車走。大概幾年前都黎過食，格局都係冇乜太大改善，所有野都保持到新淨及整齊。望住餐牌，真的五花八門，應有盡有。泰式鮮蝦柚子沙律 $98蝦多柚子又多，而且醬汁是甜甜酸酸，很開胃，作為一個餐前小吃十分出色，而且加上柚子皮溝埋一齊食，份外清新。泰式生蝦刺身 $118有6隻蝦，每隻蝦上都附有一片蒜片及一片辣椒，蝦肉新鮮又彈牙，望落晶瑩剔透，蘸一蘸秘製辣汁，真係辣得過癮。泰式馬拉盞炒椰菜苗 $82一遞上黎，就聞到很香的馬拉盞味，椰菜苗翠綠新鮮，軟硬適中，而且索哂馬拉盞味，鹹鹹辣辣，感覺可以不斷食!!!泰式鮮蝦炒金邊粉 $88配料很多，有大大隻蝦、蛋、韮菜、芽菜、側邊仲有碎花生，如食之前加上青檸灑一圈，更添上一份清新感，金邊粉條條分明，沒有痴埋一堆。泰式炸蝦餅(小份) $72有三大舊，並且細心地一開二，方便咀嚼。外皮炸得香脆，內裡食到有粒粒蝦肉，蘸了甜辣泰式醬，份外滋味。榴槤沙冰 $45很香濃的榴槤味，而且咬到有榴槤肉，飲哂一杯都唔覺濟，溝埋有少少椰奶香，唔錯!青檸

想食泰國野通常都會去九龍城❗️因為個度有好多泰國餐廳❗️平時食開另一間小曼谷一場黎到就試下九龍城既小曼谷👍🏼當然要叫個冬陰功湯🍲呢度個冬陰功唔會太辣味道岩岩好😋個湯入面有兩大隻虎蝦🦐煲！平時d餐廳都係用海蝦🤔虎蝦既蝦味更香濃而且仲有蝦膏😍因為咖哩蟹🦀係跟時價的🤔太貴了要$490一隻😱所以叫左咖哩蝦加蒜蓉多士🍞佢個多士係即叫即烘，蒜蓉好足料好香加埋佢個咖哩汁真係無得頂！個芒果沙冰🥭都必叫😋邊食辣野邊飲🥤爽❗️