小曼谷泰國菜館

營業中

休息中

🥘冬蔭公(𝚂𝚖𝚊𝚕𝚕 𝚜𝚒𝚣𝚎) - $𝟹𝟼好正宗既泰國味道配上鮮蝦同草菇淡淡既香茅味同酸檸檬味真係會令人上癮🤤呢個價錢超平 呢個𝚜𝚒𝚣𝚎出面至少要𝟽𝟶蚊𝟸個人啱啱好😏🐷香燒豬頸肉 - $𝟺𝟷份量都幾多 豬頸肉邊燒到脆脆地配埋泰式辣醬好惹味😋🍤咖喱炒大蝦 - $𝟽𝟾咖喱勁多！係濃味適中既黃咖喱大蝦有𝟺隻～蝦身好脆卜卜😋建議可以叫埋蒜蓉包/香煎薄餅蘸咖喱食🍋青檸梳打 - $𝟸𝟶正宗泰國梳打水 啲汽勁充足！仲可以自行調配甜度及梳打水份量👍🏻玻璃樽好𝙲𝚞𝚝𝚎 💓可以自留🥭芒果黑糯米飯 - $𝟷𝟽細細碗 可以當甜品食芒果出乎意料地好甜！(多數好酸)配埋煙煙韌韌既黑糯米📋全間餐廳都好有泰式風味，因為全部侍應都係泰國姐姐👩🏽‍🦱而且好抵食！𝙲𝙿值頗高～小資必選

突然想食泰國菜...自己就施施然咁下午3點去左小曼谷嘆。估唔到平日嘅下午茶時段係咁靜，夾埋我得2枱客。我叫左個泰式金邊粉同龍眼冰止下想去泰國嘅癮。味道一如以往咁好食。我想講：佢杯送嘅唔係茶，係龍眼水。係店員話我知嘅....所以我當日飲左2大杯龍眼水，滿足

尋日去開置樂搵嘢食，突然間醒起以前勁鐘意去既小曼谷，因為食物水準超哂班點知尋日買完外賣返屋企，簡直O哂咀，我叫左一碗細既冬蔭功，炸蝦餅，菠蘿炒飯同埋馬拉盞炒西蘭花，埋單$168，我心諗"點解咁平既?"原來佢一個餸既份量，仲少過酒樓份量既一半，但係價錢只係平過酒樓少少，簡直係超搵笨，食物質素差過以前太多，簡直唔可以叫做好食1. 冬蔭功一啲都唔辣，仲成碗椰子味，成碗湯入面勁多菇，$37一碗都接受唔到既質素，我俾錢嗰陣問個收銀，3個大人係咪應該買大碗，佢仲同我講細碗就夠喇，咁細碗，一個人飲就差唔多2. 炸蝦餅算係有番少少正常水準既餸，不過都唔可以叫做好食3. 馬拉盞炒西蘭花仲離譜，佢收我酒樓價，但係西蘭花連半個飯盒都無，大部份都係"碎濕濕"，起離譜4. 菠蘿炒飯都係騙案嚟架，離哂譜，收我$68-$70，竟然俾半盒飯我，一個人都唔夠食啦。嗰盒飯，除左係黃色之外，無一樣嘢係附合到菠蘿炒飯既要求總結，一定唔會有下次

當在屯門想不到吃什麼時，很快便會想起小曼谷，因為沒有一間泰國菜性價比高過這間。價錢抵👍🏻份量足👍🏻味道好👍🏻不過通常在假日及晚飯時間都很多人等位，大家要有心理準備！.//「沙嗲串燒」（雞/豬）$42🍽：串燒共有6串，燒得很香口，沙嗲醬內花生味很重，個人覺得不用醬汁也好味。//「泰式酸辣鳳爪」$41🍽：味道都有點辣，但很開胃，作為前菜是不錯選擇。//「珍多冰」$20//「香燒蒜容包」$16 🍽：一共有5件，開初我以為像其他泰國餐廳一樣是一磚磚，所以有點失望，因這個偏向脆口。//「芒果冰」$20🍽：每次來這間都會叫的，很好味，喝得出是用新鮮芒果製成。🤗其實另外還叫了肉碎生菜包$58及泰式炒金邊粉$39，因太肚餓關係沒有拍照。😆但都很推薦大家吃！😉

餐廳：小曼谷泰國美食 (屯門)地區：屯門地址：屯門青善街康景花園日期：27/8/2020 時間：12:00人數：2人 等位： 0mins 價錢： $128 屯門最出名嘅泰國餐廳就係小曼谷，真係野又好食，價錢又平！我哋叫左香茅炸豬扒（$28）、泰式燒豬頸肉（$41）、辣椒香草肉碎炒飯（$39）、芒果冰（$20），每款都好食到不得了，非常出色！同係泰國食差唔多，總共食咗$128，香港用到呢個價錢食到咁多款泰式美食真係平靚正！大推👍🏻👍🏻👍🏻

去左三聖村搵下附近有咩好食，見上網推介呢間泰菜。晏晝食得唔夠飽好早就肚餓，大約六點就入座，餐廳座位唔少，未夠六點半就坐滿人。 叫左生蝦、泰式燒豬頸肉、香葉炒蟶子、細冬陰公湯同埋芒果白糯米作結。生蝦有七隻，靈魂喺個生蒜同醬汁到無得輸；豬頸肉唔算肥，燒完都唔覺柴有咬口，點埋醬汁更加惹味😍蟶子上枱時已經去左殼方便食用，蟶子大大隻飽滿有成隻中指咁長，炒得好入味送飯一流，不過我地無嗌飯，唔駛七十蚊有十隻蟶子到好抵食🤩平時想飲冬陰公驚太辣飲幾啖就飲唔到，呢到嘅冬陰公嘅辣度啱哂怕辣嘅我成功飲哂👍🏻 酸味同香茅味出，略嫌得蕃茄仔、菇同蝦配料比較少，如果再多d就更好。芒果白糯米糯米飯仲係熱嘅，淋上椰漿芒果唔酸正常發揮。 店員全部都係泰國人，態度友善；食物好快就到，每款食物都好惹味啱哂重口味嘅我，價錢又親民食多d都唔肉痛，好滿意下次有機會再黎試其他，食泰菜唔一定要去九龍城lu~👏🏻

今日入屯門揾朋友食飯, 傳說每個屯門友都一定食過呢間, 因為朋友推介所以泥試左淨係一入餐廳已經聞到好似番左泰國既東南亞味道🤩, 滿足左我旅行既感覺望下個meau, 價目唔算貴, 於是同友叫幾碟餸菜share食跟朋友叫左青咖喱飯, 豬頸肉同酸辣鳳爪小食, 冬蔭公湯, 感覺是完組合哈味道真的不錯! 每碟都大大份比我想像中多冬蔭公雖然睇落細細碗但好開胃豬頸肉食落口好爽鳳爪大份! 不過都幾辣下熱龍眼水稍為甜左d最後, 呢間餐廳真係無介紹錯!!!食咁多野同朋友都只係平均$100

身為一個屯門人，相信好多人都聽過呢間泰國菜，今次有朋友專登入嚟屯門搵我，就帶咗佢去食呢間隱世美食！叫咗個泰式生蝦，菠蘿炒飯，冬陰功湯，泰式豬頸肉，蝦餅，幾乎所有菜我哋都覺得好好食，尤其是係呢個蝦餅，如果唔係驚食唔晒真係想叫多碟，仲有個冬陰功湯，真係令人回想起泰國嘅味道，無論係唔係屯門牛嘅你，鍾意食泰國嘢一定要入嚟試一試！

朋友帶我來食，食完真係返尋味😋.第二次係行完山過來食，原以為都要等好耐，已經做好要排隊嘅準備。一去到，發現唔洗等 大把位～ 哈哈哈.🌼肉碎生菜包 $58呢個真係每次來都必點，大愛。.🌼泰式炒通菜 $43對於一個鍾意食通菜嘅人，無論點炒都會覺得好食。泰式炒就更加好味😋.🌼泰式酸辣鳳爪 $41去骨鳳爪，酸酸甜甜，味道脆爽，吃的停不了口。.🌼生蝦刺身 作為頭盤菜，少不了要吃蝦。配大蒜一齊食，有種蒜辣味，更顯得出蝦嘅甜味。.🌼香煎薄餅 $20之前會配咖喱汁，但其實就咁食都好好味。.🌼沙嗲串燒 $42呢度嘅串燒真係不得了，肉質肥美多汁。

假日去郊遊, 目的地是屯門菠蘿山, 打卡後,  我問道: 說起屯門置樂花園 你會想起甚麼? 我想起有個小曼谷, 一伙人便去了朝聖, 吃個下午茶晚上, 小曼谷要等位的情況基本上是等閒事, 聽說這兒還是嶺南大學的學生飯堂, 可想言之, 全盛時間的小曼谷真的繁榮的如同身在泰國夜市似的這家店很多人吃過, 我也吃過很多次, 所以簡單介紹幾種我喜愛的(1) 泰式燒豬頸肉小食推介第一名, 那醬汁有點辣又非常香, 豬頸肉不肥, 燒的非常好, 不會太乾, 算是我在香港吃過最好的其中一間(2) 串燒雞牛豬一般來說, 我不會點串燒牛肉, 因為我怕牛肉太熟會乾會老, 但這裡還是燒的很好, 牛肉是軟的, 有驚喜, 於是我會推介給愛吃串燒的人(3) 泰式菠蘿炒飯其實炒飯可以好伏, 如果唔夠味, 又好油, 成件事就會好浪費quota, 這炒飯沒有令人失望, 加了肉鬆和還是脆的腰果, 份量足料, 良心制作呀. 適合餓鬼和無飯不歡的人(4) 泰式炒金邊粉我差不多每次也會點, 可是味道其實是不過也不失, 因為慢慢試多了其他店的Pad thai, 世界之大, 小曼谷無法在全方位都領先溫馨提示, 如果你是Pad thai 愛

最近除了工作，根本都沒辦法外出，開車經過小曼谷，就點了外賣回家吃，時間差不多4點幾很早，沒人在等，排隊。就好快點餐貨到車回家原本都沒打算打食評，可是開動後發現串燒真的要評一評！因為串燒較平時細份左，雞肉還有一陣雪藏味，之前吃都不是這樣子的鳳爪沙律味道仍然一如既往的又辣又香，份量都多，配菜配合，不會太酸。炭燒豬頸肉用氣炸鍋再翻熱，會有點偏乾，但沒破壞他的香和炭烤的口感。菠蘿炒飯炒得很乾身適中，香口又足料

講起小曼谷大家都只係知道九龍城嗰間，其實屯門呢間真係好好食 價錢仲平過九龍城嗰間，而且呢間係正宗泰國人開架，不過嘢食嘅味道都調節左少少配合返香港人。呢度環境就一般比較狹窄，坐得迫啲，坐到落去基本同後面嗰台個人背對背痴住，而且等位真係等好耐，但都好多人好有耐性咁樣等，因為CP值好高，啲嘢食超級平呀！嗌左咁多嘢食埋單$300有找！食泰國嘢當然要嗌炸野去食甜酸醬！今次我哋冇叫到蝦餅叫咗春卷，一樣咁好食😋-豬頸肉真係好抵食 肉質又嫩又爽-馬拉盞通菜個味道啱啱好，唔會太咸依個咖喱奇怪咗啲，冇乜咖喱味 反而係好甜總括來講只可以話超好食 超抵

話說假期帶小朋友去黃金海岸玩水，玩完梗係要醫肚啦。但對呢頭完全唔熟，只好叫朋友介紹好味食店。一問朋友佢就介紹呢間泰國菜，佢話平靚正。帶到咁講就梗係二話不說揸車去啦。原來舖頭出面咁啱有一堆咪標位，方便揸車人士去。店面坐到大約2-30枱客人左右，店員全部係泰國人，有幾位正在準備生蝦刺身，有幾位負責將春卷皮分開。我地一行6人先坐低，店員就送上龍眼水解渴，全好飲，夏天飲一流木瓜沙律： 好香辣，好爽口，都幾大碟。泰式春卷：香口，因為睇住佢地自己包，覺得特別正泰式肉碎生菜包： 炒得好好味，辣味剛好，都好多肉菠蘿炒飯：因為我細女大愛食菠蘿炒飯，所以我冇食到就冇哂了，不過我女話好好味，不過細碟左少少。泰式炒金邊粉：酸酸地好開胃，但因為其他野食太好味，金邊粉就比下去了馬拉盞炒椰菜苗： 唔知點解同平時係九龍城嘅椰菜苗有少少唔同，但個汁炒出黎比起係九龍城嘅更好味，令到我食極唔夠，好香嘅魚露味好惹味。紅咖哩雞：呢個咖哩實在超級太好食，令我回想返2年前去泰國食過嘅咖哩，我係香港一路都搵唔返，估唔到今次食得返，好香嘅椰汁味，入面仲有豆角，泰國小茄子。因為個汁太好味，連我2個大女都食到停唔到口，搞到最後仲要再叫多個

夜晚入屯門車房扲車，老公即時興起提議去食小曼谷！喱間屯門泰菜小店，上次一食就傾心！今日再去食，去到先發覺搬左鋪頭，搬左去以前正後方，8點半去到都要等10張枱，但枱去得快手！鐘意喱間野佢份量細，但價錢平，2個人都可以試多幾樣！叫左個細冬陰功，串燒雞牛，蝦羔炒飯，明爐烏頭，2杯青檸梳打🥰🥰🥰冬蔭功酸甜開胃又唔辣，岩老公飲！串燒個沙爹醬淡淡地左唔嗆喉😋😋😋蝦羔炒飯一般，等到個烏頭黎，清湯甜配料勁多，烏頭但略略有腥味，喱個比以前失準。埋單$237，價錢都叫抵食

呢間餐廳係泰國人開架！（唔係九龍城個間）成日都大排長龍，下晝六點開舖，但未到七點已經坐滿晒人，仲要好多人喺出面排緊隊添！真係抵食又好味🤤 係環境有啲擠迫，真係好多人🤣⁣⁣炭燒豬頸肉（$43）⁣無expect過會咁大碟！燒得好惹味，保留到肉汁，一啲都唔會乾，加埋秘製醬汁無得頂💯 ⁣⁣泰式炸蝦餅 （$42） ⁣岩岩炸起上碟，一碟有成五舊😋炸得幾香口，都幾爽口彈牙！配埋泰式辣醬無得頂☺️⁣⁣泰式炒金邊粉（$39）⁣金邊粉味道正常，但上到枱已經凍咗，有啲失望😿⁣不過40蚊都唔洗就已經有碟都唔要求啲咩🤪⁣馬拉盞炒通菜 （$43）⁣正正常常，都幾有鑊氣～⁣⁣芒果糯米飯（$16）⁣糯米飯熱辣辣出爐，口感軟糯，芒果都幾甜🥭 細細碗岩岩好，唔怕食濟～⁣⁣椰青（$33）⁣大大個超正，勁鮮甜又夠凍！