小曼谷泰國菜館

營業中

休息中

話說屋企住附近，之前一兩個月都會吃一次小曼谷，早排想同屋企人買外賣慶祝母親節，就打電話落去叫外賣自取，先叫一個炒飯，但經詢問之下，原來嗰個炒飯入面有豬肉(屋企工人姐姐不吃豬肉)，所以禮貌地請對方介紹另一款沒有豬肉的炒飯，完成落單之前，我突然見到有蝦醬炒飯，就問對方可否改為蝦醬炒飯，對方就立即破口大罵，話不能再改，已經改了兩次，我說真的想吃蝦醬炒飯，對方説不會再幫我改，叫我下次才叫蝦醬炒飯。我只好說：”不會啦，應該都沒有下次” 對方態度變得更加惡劣，並連剛才的order都拒絕落單，電話都 cut 了，我嘗試再打去，另一個員工接聽電話，同樣說不再接受電話訂單。最後之後幫襯後面的象泰宴….

今次外賣叫咗蝦餅 …..堂食好食好多豬頸肉…..絕對唔會失望，真係好食香草辣椒炒河….第一次試，好味辣辣地芒果白糯米 ….呢個都係第一次試，幾好味串燒….今次好失望 雞串冇味（可能醃唔夠時間）豬肉串都係唔夠味蝦球炒飯….同堂味道食差唔多

行完山唔想煮飯，所以去咗食一間屯門隱世正宗泰國菜🤩好鍾意食同整泰國菜嘅我一於去試下到底有幾好食！我哋兩小口叫咗5樣嘢，以下逐一為大家介紹下🔸青木瓜沙律 $48對我嚟講，個汁太甜🙈但佢有花生蝦米等等嘅配料，其實好香🔸泰式炸蝦餅 $45同出面嘅蝦餅有啲唔同，出面好多泰餐蝦餅偏實！哩間外脆內軟，仲見到有蝦仁㗎～重點平過出面好多😂🔸燒豬頸肉 $45好怕食豬嘅我，見人讚豬頸肉，所以就試下🤭好彩，完全冇臭豬味之餘，仲燒得好香，唔會變柴，仲好爽口添👍🏽🔸辣椒香草海鮮炒河 $48一致大讚👍🏽👍🏽👍🏽夠辣夠香夠嘢味！炒得乾身，味道啱啱好👍🏽配料亦都好多🔸芒果白糯米 $16糯米飯偏淋同甜，好彩份量唔太多，過吓口癮非常不錯😆整體嚟講試咗5樣，有3樣都好滿意～其餘兩樣純粹喺我唔太好甜味😂其實正宗泰國甜嘢都係偏甜，所以只喺我問題🙌🏾價錢方面真喺好親民，食咗咁多外賣都只喺$207🤩開返晚市，要同啲朋友嚟哩度食晚飯👍🏽

order green chicken curry, pork neck, mince pork lettuce through delivery app. the mince pork ok but the pork neck was pathetic and the curry was disgusting. it did not even look like curry! ended up throwing it in the rubbish bin. the food is not what it used to be. last time I went. ordered pad Thai and it was so sweet like they've just only put ketchup

行完山，黎到屯門揾野食，由一位地膽朋友極度推介，帶我地到呢間《屯門小曼谷》食泰國菜。店內嘅裝修比較簡樸，簡樸到令我一度懷疑係咪中左伏餐單都比較簡單，只有文字，冇任何食物圖示。點野食就完全交由我朋友拍板。1. 泰式燒豬頸肉豬頸肉燒得好靚，外熟內嫩，有少少似中式叉燒果種感覺，實肉得黎唔鞋口，配埋個燒肉甜醬，食到舔舔脷！2. 沙嗲串燒一份串燒有6串，有選擇雞肉同豬肉，今次我地就揀左雞豬各3串。串燒新鮮出爐，上到枱温温熱熱，配搭沙嗲醬一齊食，今次係我少有地覺得豬肉好食過雞肉，雞肉比較鬆散，口感似雞胸部位；而豬肉就實肉得黎些少彈牙，好有咬口。3. 椰汁青咖喱(牛肉)食泰國野當然唔少得食泰式咖喱，今次揀左我最鐘意食嘅青咖喱。味道方面充足滿滿嘅椰汁味，用料亦都好充足，好多牛肉。正常發揮，5道菜入面算係比較冇驚喜嘅一道。4. 泰式炸蝦餅十分推介嘅炸蝦餅！上枱熱辣辣，薄薄嘅米糠炸粉包住大大舊嘅蝦肉，食落好軟熟鬆脆，配埋甜辣醬簡直係絕配。5. 泰式炒粉絲炒粉絲亦係好出色，有粉絲、大葱、炒蛋絲、午餐肉條，大葱爽口；午餐肉條有鑊氣(即係有些少焦焦地嘅味)；炒蛋絲同粉絲都有陣甜甜地嘅味，粉絲仲炒得好彈牙，整道菜

又係外賣聚會既時代開始😌今次揀泰國野，這間是由細食到大，而家調左鋪大左好多，重點價錢親民，泰國人主理🤩「泰式豬頸肉沙律」望落好辣，但並不是的🤪只是酸酸小辣，是開胃菜式「蝦醬炒飯」炒飯相當唔錯👍🏻粒粒分明，但蝦醬味唔夠😙「菠蘿炒飯」甜甜的菠蘿炒飯👍🏻👍🏻「炸蝦餅」本來有4-5件，經我地自己剪碎後變了多件👍🏻👍🏻「咖哩牛腩」會有白飯配上，牛腩淋身👍🏻加上薄餅😍😍「泰式生蝦」泰國野點少得呢🥳新鮮！備註：🔺地方雖然變大，但仍然坐得唔太舒服😅🔺環境似泰國😙🔺價錢相當親民💰 而且味道good

搬咗入屯門兩年，都算係呢間餐廳嘅熟客仔，每個月最少都光顧一至兩次。每一次光顧，都總要揀啱時間，因為繁忙時間必定排長龍。呢間餐廳從來冇令我同老公同朋友們失望。雖然坐得不太舒適，但佢食物嘅質素好穩定，最緊要係價錢夠平，食物夠正宗，我哋試過嘅大部份食物都十分有水準。餐廳職員都係泰國人，服務不過不失。內部裝修雖不華麗，但很有泰國風味。我同老公同一位好友今次叫咗四個餸：香辣香草海鮮炒河（每次必叫）、豬肉生菜包、燒豬頸肉（每次必叫）同馬拉盞炒通菜。飲品叫咗椰青同龍眼冰。我哋都食得舔舔脷，雖然我們本來都唔肚餓，但都將食物全清。香辣香草海鮮炒河 $48 我同老公嘅最愛。辣味真係好香好開胃好惹味，好想知佢用咩辣醬！超正！不過大家有定心理準備，因為佢都真係幾辣，每次食都要不停飲嘢。燒豬頸肉 $45 肉質彈牙，燒烤味好香，辣醬是重點，好香好惹味，我老公仲會拎啲醬去撈飯。豬肉生菜包 $45 馬拉盞炒通菜 $45 肉碎味道出色，辣辣地酸酸地好開胃。馬拉盞好香，菜亦新鮮。椰青 $33 解辣必備龍眼冰 $18 味道香甜 （午市會送一細杯）屯門人氣泰國餐廳，必定會繼續支持！

同朋友聚會最鍾意就係去小曼谷食泰國菜🍻每一款菜式都好惹味，好正宗。價格親民， 但份量較少，不過咁就可以嗌多啲，食多幾道唔同嘅菜式。💚泰式炒金邊粉💚青咖喱雞💚泰式炸蝦餅💚肉碎生菜包💚香茅炒蜆💚椰汁西米糕

由正宗泰國人主理嘅小曼谷係屯門人氣極高，位置唔就腳都一樣非常多人捧場。未搬舖之前星期六日嚟食起碼等返一個鐘以上，搬咗大鋪之後就快好多，不過無好坐左😂-🦐生蝦 $68生蝦係呢到嘅招牌菜之一，用冰鎮方式上碟保持新鮮同彈性。🦐本身已經非常鮮甜，配上酸辣汁加蒜片鮮味更突出。男朋友好鍾意食呢到個生蝦，所以次次嚟都係必點！仲成日食完都話唔夠喉😆-🦐泰式炸蝦餅 $45呢到個蝦餅係細細舊外層唔多炸粉，口感彈牙多汁，配埋泰式甜辣醬一人一舊會唔夠喉🙊兩個人一碟5件就差唔多🙊-🐷燒豬頸肉 $45豬頸肉有時偏乾有時肥啲油脂感重啲。肥啲嘅時候食落比較油膩，自己偏好燒得乾身啲。不過重點都係佢個醬汁，辣辣地好惹味😋-🥬馬拉盞炒通菜 $43通菜係蔬菜類之中我最愛，所以必點💚呢間以前都整得幾辣下，慢慢演變到依加有辣椒無辣度😂不過依然好食，係份量有啲少唔夠喉～-🥘泰式炒粉絲 $45炒粉絲唔辣唔會太酸，自己鍾意佢夠幼身，同類主食中算係比較出色。炒飯都唔錯不過平時唔想食太飽就好少叫。-🥭芒果冰 $20鍾意芒果嘅話非常推薦呢杯，好夠味又唔會假，不過水準有啲飄忽可能十次會有兩次係唔好飲😂（試過好多渣/啲冰太大舊）-- 以下再分享

小曼谷泰國菜🌼👨🏻👩🏻👧🏻👧🏻兩大兩細食左9樣野～先4百幾蚊落樓🌝名副其實平到笑既泰國菜❤️水準就不過不失～點菜好似放題咁😆但出名係多人食等位耐🙈基本上六點前入座就唔使排隊👍🏼·明爐蒸烏頭·泰式生蝦·豬頸肉·黃咖喱雞·蒜蓉包·肉碎生菜包·冬陰功湯·香草肉碎炒飯🌶️·泰式炒飯

又一間屹立多年既屯門泰菜，由細鋪搬大鋪，門口總係見到人山人海。價錢咁多年都無乜點變，CP極高，店內職員幾乎都係泰國人但正唔正宗就見仁見智。有人專誠揸車入屯門一試亦有人覺得唔洗排隊都唔食。我個人覺得ok，因為食既都係回憶。以前同班同學打完波都會食返餐，銀彈唔多，呢度經濟實惠，岩曬學生哥們！今次兩個人食個lunch. 叫到一枱都係⚫️Lunch 限定，海南雞飯仲配幾片蠟腸，好送飯呀🤣重點係個汁⚫️鳳爪沙律～酸酸甜甜而且都幾辣，開胃小食⚫️炭燒豬頸肉～都厚厚一片架⚫️柚子沙律～充滿椰糖味，柚子唔係碎濕濕⚫️沙嗲串燒～似係炸多過燒，沙嗲汁偏稀身⚫️春卷～就係普通春卷，下次可以唔叫不過呢個價錢，無得投訴啦。

今次閒日黎食小曼谷出乎以外地唔洗排隊❤️試過一次假日黎要排成個鐘今次叫左四款菜第一款係馬拉盞炒通菜幾惹味 又唔算太鹹 少少辣 令佢更加惹味第二款沙嗲串燒 燒得岩岩好 沙嗲醬好好味😋建議襯熱食晒先 放耐左肉無咁而咬開第四款餃子釀雞翼 炸到好金香 雞翼入面釀左菜同肉碎 相當juicy 再試埋冬陰公烏頭有個爐俾我地坐熱條魚 每啖都熱辣辣 冬天食一流有個冬陰公湯俾我哋加落去煮烏頭有好多椰菜碎 椰菜碎同烏頭俾冬陰公煮完好入味酸酸地好開胃 只係略嫌烏頭魚本身真係比較多骨 怕骨人士要小心喔總結 算係平民美食 又平質素唔算差❤️❤️❤️❤️

今日就嚟到屯門置樂嘅小曼谷食泰國嘢，一入到去聽到啲員工溝通都係講泰文，環境就係類似大排檔或者普通餐廳。⭐️香燒豬頸肉燒得好香，但肉質稍為有啲韌 ⭐️椰汁黃咖喱(雞)肉嘅份量算多，椰汁味好濃，咖喱味唔算出眾⭐️肉碎生菜包普通⭐️泰式炸蝦餅呢個好食👍🏻炸得好香好脆，真材實料⭐️冬蔭功呢個湯攞嚟送飯一流，入面仲有啲香茅、菇、蝦⭐️芒果冰 龍眼冰芒果冰幾好飲，不過就要越飲越口渴龍眼冰入面有幾粒龍眼，個人認為太甜啦！⭐️沙嗲串燒麻麻哋肉質好韌⭐️蝦醬炒通菜呢個係咁多個之中最好食幾多道菜👍🏻蝦醬味好濃郁，會令人食極唔停整體而言，啲菜正唔正宗唔敢講，因為我都未食過真正嘅泰國菜。但全部菜嘅份量都比較少，啲好食有啲唔好食，如果而呢個價錢，我可能會去食第二間。

屯門牛一向都冇乜選擇想食泰國嘢 出九龍城又要個幾鐘有哩間小曼谷都近近地都可以頂住先以前舊鋪成日都排哂隊等位，新鋪少咗好多人，好多時都輕鬆有位雖然啲伙記都係泰國人，但野食味道都幾港式價錢算平，lunch 仲抵都係三十幾蚊個飯食過咁多樣野都唔會有咩覺得難食今次叫咗辣椒肉碎炒河 45燒豬頸肉 45椰青 33最後加個 芒果白糯米 做甜品 18炒河 炒得幾好，夠乾身，條條分明又唔會勁油不過都幾辣，可能有tams嘅小辣燒豬頸肉普通啦，有兩排，份量ok椰青好清甜芒果白糯米 啲芒果甜到似糖水，白糯米暖好軟淑，正！埋單百幾，ok la，飽到上頸鋪大咗但都仲係坐得幾逼，客人或伙記行過會經常撞到你

今日放工約左朋友係屯門到睇戲屯門近年都好多好野食 最後決定左試試尼間平價泰國菜食完終於明白食物質素果然同價錢成正比🤭🥲小曼谷不嬲都多人食 平日下午茶時段都有3-4枱客 而嗰到既姐姐都好好服務態度 又有禮貌好抵讚！！！👍🏻👍🏻👍🏻食物價錢都大致實惠所以叫多幾個餸試試佢今次order左 青咖哩雞🐔 ～Pad Thai 🍲～冬蔭公湯 🥘～薄餅 🫓～酸辣鳳爪🌶2個人食好豐富啊😝😝冬蔭公湯色素好勁 味道味精偏多🥺🥺飲左2-3啖就好夠 而蝦就用普通雪藏蝦 都有6-7隻青咖哩雞 好重椰汁味 完全不辣😨Why??? 青咖哩應該帶辣架？！而泰國茄子就偏唔熟 仲脆身 not my type🥺Pad Thai 炒得好濕身 味道非常正常🙃（最後上 唔記得左影🥲🥲）薄餅不錯 雖然油啲啲 但幾好味😌一份有3塊而今餐最好味就係酸辣鳳爪😙😙夠味 夠脆口 夠開胃 love it👍🏻👍🏻👍🏻下次應該唔會再食luuuuuu…..