小曼谷泰國菜館

營業中

休息中

2021.08.22餐廳：小曼谷泰國菜館地區：屯門地址：屯門青善街康景花園時間：18:30人數：2人 等位： 30 mins 價錢： ＄232又食小曼谷，嗌咗5款野食加1杯野飲都只係$232（包括：辣椒香草肉碎炒飯 $39、泰式炒金邊炒 $39、馬拉盞炒茄子煲 $51、香燒豬頸肉 $41、沙嗲串燒（雞/豬）$42、西瓜冰 $20），每款野食都完全就係泰國食嘅味道，都非常值得推介！🤩性價比真係超級無敵高🌟🌟🌟🌟🌟

用外賣App order 炒金邊粉 同生菜包 黎到變左濕粉河粉…又無味…. 食食下 仲發現到加料……好嘔心…… 唔知係鼻毛定咩？！ 生菜包都既肉碎都無味…….生菜係林哂既…. 叫外賣唔無堂食都唔需要比劣食我地… 由細食到大…真係好失望…食物質素好失敗

10幾年前已經開始食呢間小曼谷泰國菜館，由舊鋪食到新鋪，一直都覺得好正 唔單止價錢親民，味道仲係正宗泰式。呢間鋪特式之處，入去坐低已經擺低兩杯野飲，咪以為係用黎洗杯呀 其實係龍眼水，免費送的。好好飲架呢個炸蝦餅真係超級好味，外皮酥脆，入面有彈牙既蝦肉，配埋泰式雞醬一絕冬蔭功細碗$37蚊ja, 外面好少賣到咁平，味道一樣係正宗 酸酸辣辣最鍾意食炒椰菜苗，配埋馬拉盞，好地道既泰國味道呀！最後叫左個泰式炒飯，飯炒得乾身，牛肉大大片，完美既一餐

成班人去食嘢，最開心就係食泰國菜！可以叫到成枱都係！今日就專誠去咗食呢間小曼谷泰國菜館！叫到成枱都係嘢食好豐富👍🏻首先食咗燒豬頸肉，呢個豬頸肉好大份，而且豬頸肉好爽口，肉質好好！另外仲有一個炸蝦餅！炸蝦餅好香，不過略嫌啲粉有少少厚！不過蝦肉都係好新鮮嘅！仲有一份馬拉盞炒通菜！食泰國菜一定要食馬拉盞炒通菜，呢度嘅馬拉盞好香，而且通菜都好新鮮！！仲有肉碎生菜包！呢份生菜包嘅用有少少辣，不過係可接受嘅！再加上呢個肉碎好香口，連埋生菜一齊食好夾！！

小曼谷喺屯門應該都好出名由細食到大出名係平靚正入面啲侍應全部都係泰國姐姐嚟做法非常之正宗真係搬咗出市區都特登返嚟食每個月至少食一次因為真係好平出面搵唔到一間好似佢咁平嘅泰國菜基本上每次嗌五六樣食物埋單都係三百幾蚊超級之抵所以呢度每逢晚飯時間都排晒長龍其實六點幾就要過嚟拎飛豬肉生菜包吾辣的生蝦刺身每次都必點因為好平生蝦又厚又多肉配埋個汁超好食青檸梳打 好飲好甜馬拉盞通菜好大碟炭燒豬頸肉個汁做得好出色不過真係好辣嘅

小曼谷在屯門區很出名，雖然他有很多值得試的食物：炸蝦餅、青咖哩、炒河粉、串燒、芒果糯米飯、菠蘿炒飯、椰汁冰等等，今次反而想推介只有中午才有的海南雞飯！這裡的海南雞飯只有中午時段才有，買完即止，一份海南雞飯配湯和龍眼水（外賣是二選一），只售$39（堂食）, 絕對超值，嫩滑的雞肉配以青瓜和臘腸，雞肉夠入味，臘腸可以說是精髓，配飯一流。再加上冬瓜湯和龍眼水，豐富的午餐。因為很多人會專程中午到來，很多時中午1：00已賣完。如果大家想試下這海南雞飯，要早點到。

上星期日夜晚過黎小曼谷買外賣，已經幫趁過好多次，都係因為佢算平，同埋味道唔算太差，所以再encore。今次叫生蝦、柚子蝦沙律、咖哩雞同芒果糯米飯，落單時順口問一問收銀阿姐，黃咖哩定綠咖哩冇咁辣，因為我地唔係好食得太辣，點知佢突然變臉，話「咁樣幫唔到你做wo」(態度好寸!)我打左個突，連呢個問題都唔答?不過我費事嘈，就話之前有叫過，不過唔係好記得邊隻辣D，點知佢居然再話「你自己食過邊隻都唔記得架咩?」我真係大開眼界，不過都冇同佢嘈，但其實之前呢位收銀阿姐已經試過教訓我，個次我叫左個咖哩，但唔知原來跟白飯，就叫多左個白飯，到佢覆單我先知本身已經有，就叫佢cancel 個白飯，點知佢又即刻叫我諗清楚先好黎叫野，上次已經忍佢，今次真係覺得佢太冇禮貌，少少事已經咁樣對客人，係咪多人食就大哂?不過講返食物質素啦，生蝦一如以往係新鮮既，柚子蝦沙律得兩隻好細粒既蝦(唔抵)咖哩雞呢，D雞肉5隻手指數得哂，不過都叫做好過咖哩牛少少，佢咖哩牛係牛肉片，一D都唔夾!咖喱汁本身又好稀，而芒果糯米飯，真係睇運氣，今次芒果勁酸。都係個句啦，呢間餐廳勝在叫平民價錢，食物質素都唔好太高期望，但收銀名姐服務態度真係超差!

屯門識食梗係食小曼谷，今次早少少食晚餐就5點45分左右去到，點知排到我地已經第一輪full咗⋯拎飛等位嘅同時當然四周圍行吓先，大概9個字鬆啲就入到座。嚟到小曼谷通常都係點個幾味，生蝦、生菜包、馬拉盞炒通菜，價錢幾平算親民，味道都算中上，當然有好多捧場客或熟客，所以等位都係正常嘅～生蝦每次數量都可能唔一樣，有時6隻又時8隻，都要睇返佢個size，個汁夠泰式，咬埋上面生蒜一齊食更有辣勁。生菜包勁多豬肉碎，算係頗辣嘅，不過又夠晒過癮。今次啲生菜都用唔晒添，之前係唔夠包，或者佢地生菜份量比多咗呢！今次仲第一次嗌佢地菠蘿炒飯，見咁平就試吓，肉鬆當然係亮點，加咗落去飯都好食咗，蝦都有兩三隻，仲有魷魚同好多三色豆。我自己就對三色豆無排斥嘅，同埋呢碟嘅三色豆又無乜雪藏味同埋唔會炒得太乾所以都唔錯。馬拉盞炒通菜都係慣常水準。飲品就必飲勁多氣超爽青檸梳打！

🇭🇰 屯門 小曼谷泰國美食住9龍真係好少入新界搵食但依間真心正 佢唔係出名好多分店個間小曼谷 依間係大排檔形式🥢價錢勁親民💵晚市去親都Full 哂要排隊🤣又有勁多街坊支持要食既話記得早D啦🕢每樣野都超好味冇失望🥰🥰去過兩次都係抱住個肚返屋企🤰🏻如果唔係住得遠我一定成日去😒-🍖沙嗲串燒豬雞MIX (💰$41)沙嗲醬超正 豬🐖雞🐓都係保持水準地滑-🐖香燒豬頸肉 (💰$40)有碳燒🔥的味道 而且唔會鞋口 KEEP到油份份量超多 食唔哂第2日再食都仲好正-🍚🦐🦑菠蘿海鮮炒飯 (💰$37)味道唔錯 重點係成個飯好多料‼️🦑海鮮多得黎 連👩🏻最💛既菠蘿都有好多啊~每一啖都係甜甜的☺️-🍄🎃什菇南瓜(💰$48)南瓜味好正而且份量超大🌝最後要打包回家 兩條大食積實在頂唔順-🥥🐔椰汁青咖哩雞 (💰$43)青咖哩好正 送飯一流 佢唔辣的 反而甜甜地 好好味😋

每年都會食一次，近排係屯門返工食多咗，今次慶祝個frd 生日，最後揀咗泰國菜，生蝦食得多，今次想食啲特別嘢，食咗個炒粉絲，都幾煙韌有口感，仲有個炒通菜都幾香口，辣椒都幾多。今日都唔算多人排隊，仲好快可以入到去。

午飯時間去佐屯門小曼谷食晏。以前次次都係黎依到食夜晚，今次係第一次係到食晏晝飯。店外幾台人等緊外賣，但堂食就唔洗等位，黎到就入得。落單到有野食10分鐘內，快食啱晒！店員為泰國人、落單都係寫泰文$30幾-$40幾蚊一碗麵，仲要雙併湯底淡味d、無乜特別配料無乜味，只有蒜同埋蔥為主，但勝在真係性價比高。大大碗、餸都夠多、食得好飽真係勁抵食春卷夠熱夠脆，好香口、配埋個汁好好食個份量我都覺得合理。一個人食一碗粉再加個小食、滿足！

因為疫情既關係 一路都係外賣自取 啲份量幾大 價錢好扺今次有番堂食 一於試下坐低 好有去左泰國既感覺 啲員工差唔多全部都係泰國人 好親切照舊叫左個生菜包 雞同豬串燒 蝦餅 同柚子沙律質素維持不變 好食😍 生菜包完全係泰國既煮法 辣度都夠 食開好辣個啲 可以問佢拎辣粉加辣柚子沙律 柚子分量好足 個汁有啲椰絲味 有埋幾隻蝦 份量又夠 真係幾好食！😍串燒雞同豬都好好食 雞會相對比較好食 點埋佢個串燒汁真係好好食真係大件夾扺食 但啲份量好似外賣會多啲 生菜明顯少左 蝦餅$45就唔算好扺 總括黎講 平價又有泰國風味，會繼續幫襯！

屯門📍真·地道泰國菜依間由泰國人主理嘅泰菜係我由細食到大嘅小菜館🦦以前同屋企人夜晚嚟食 次次都要等成個幾鐘先有位！今次大概12點左右嚟到 都已經差唔多成個場滿咗啦😆平時夜晚多數都係叫小菜今次晏就就剩係叫咗個飯同小食咖哩豬頸肉飯（$35）咖哩意外地係甜甜地 唔辣但咖哩味都幾濃 撈飯一流比咗好多豬頸肉！35蚊嚟講 絕對係物超所值 唔洗40蚊就有得埋單 另外總有得簡豬扒/雞翼 雙拼都只不過係$38！炸蝦餅（$45）個shape好似dong冬甩咁🍩炸得唔錯 唔會話太油/太乾點埋泰式辣椒醬好過癮🤤🤤最特別嘅係 佢哋唔係比水你 而係凍嘅龍眼水！！！依樣野 我真係好意外🤣雖然冇龍眼 但我都好鐘意飲😍小曼谷泰國美食 (屯門)地址：屯門青善街康景花園

今日到屯門朋友家過夜，本來打算在家吃火鍋。但下午的活動太累了，外出食晚飯算吧！朋友提議小曼谷泰菜，我問他是否九龍城很出名的那一家，他說不是。那麼就試一下吧。我們點了泰式豬頸肉，泰式生蝦，生菜包，蒜蓉包，青咖哩雞肉。牛豬串燒，柚子沙律。首先要讚的是，上菜速度非常快。基本上下單不過五分鐘就有食物。豬頸肉醬汁出色柚子沙律酸酸甜甜十分開胃生菜包就比較咸了一點青咖喱味道出色。基本上整體食物有90分。大家可以嘗試下

嚟過好多次，之前嗰排有試過水準差咗啲，但係因爲幾好抵食嘅關係，決定俾多次機會佢，今次水準返返嚟😉海南雞飯$39由於媽媽好鍾意食佢嘅海南雞飯，差唔多每一次去都會叫。今次認真試吓都真係唔錯嘅。雞肉好嫩滑，唔太肥，份量都算足夠，油飯有淡淡嘅椰香味，臘腸雖然肥咗少少，但係都幾香。雞飯奉送冬瓜湯一碗，熱辣辣好清香嘅芫茜味，飲落有雞湯嘅味道。成個雞飯加例湯嘅配搭都好好😋 加埋個酸酸辣辣嘅自家製雞醬，又真係嘅好味嘅！乾炒海鮮河$43之前成日都叫濕炒海鮮河，但係後來試過好幾次佢打個芡汁落得太多，成碟粉濕滴滴芡多過粉咁，對佢印象唔太好。今次決定試吓乾炒，有驚喜喎，炒得好夠鍋氣，雖然四十幾蚊碟唔好期望海鮮好多(都係雪藏海鮮)，但係都叫做有3隻蝦、3-4舊魷魚、3-4隻青口，算係咁啦。唯一係啲菜心有少少老，應該都係啲菜頭菜尾，但係咁嘅價錢都算唔錯。之前都會叫芒果糯米飯，黑/白糯米都係$16，唔算大份，1-2個人share啱啱好，糯米好香椰汁味，熱糯米飯加埋凍嘅芒果好正。但係近排戒甜食所以冇叫，但係都推介大家😉哩間環境唔算非常好，有啲似大牌檔風格，如果食環境嘅就唔太推介，但係勝在平靚正！味道：5/5環境：2/