小曼谷泰國菜館

營業中

休息中

每次黎親呢度食，都會見到長長的人龍，因為呢間泰國菜價錢親民，CP值幾高。今次雖然係兩個人黎食，但因為樣樣餸都幾平，所以叫下叫下都叫左幾多碟下^^。大概就係黃咖哩牛肉、炒金邊粉、蝦醬通菜同燒豬頸肉，埋單都係二百幾蚊，非常抵食。咁多樣食物之中，我就最滿意個黃咖哩，因為個汁夠曬香，係食得出用左好多香料個種正的咖哩。另外，蝦醬通菜亦都夠曬惹味，蝦醬的咸香同通菜真係好襯，獲氣亦都好夠，唯一美中不足的地方係通菜無咩葉的部分，搞到食落差咁D野咁。而炒金邊粉我地就一致覺得麻麻地，因為唔夠獲氣之餘，又比人感覺係撈金邊粉多過炒，所以下次應該都唔會再叫呢個。整體黎講，食物中規中舉，但勝在價錢平，食物質素又唔會太差，下次都會再黎。

作為一個海南雞飯fans, 今日出黎午餐決定拉同事一齊食小曼谷海南雞海南雞飯連湯 $39呢個海南雞飯第一眼吸引我既一定係三塊臘腸，平時海南雞飯既配菜都係青瓜為多，小曼谷呢個特別配菜，真心令小妹覺得驚訝，有種格格不入既感覺雞肉尚算嫩滑，唔會太肥，如果飯方面改返傳統油飯就更好啦

雖然呢間泰國🇹🇭菜係屯門真係好出名，但住左咁耐屯門都無試過🙈今日咁岩有朋友入屯門玩，就帶佢地試試。我地約7點到，店門口已經有一大批人排隊等位，不過我地都算好彩等左15分鐘左右就入到👍🏼。黎之前有問過其他屯門牛有咩推介，佢就話馬拉盞通菜、生蝦刺身同炒金邊粉好食，所以我地今次都叫左佢推介既馬拉盞通菜同金邊粉，加燒豬頸肉、沙爹串燒（雞🐥、豬🐷）、菠蘿海鮮炒飯同炸蝦🍤餅，再每人一日椰青。最回味既係佢個蝦餅同通菜，兩個都好惹味，大家都食極唔停🤤。豬頸肉正正常常，不過溫馨提示，佢跟個醬都幾辣🌶，食唔到辣既朋友就唔好點咁多🙈金邊粉同炒飯就大失所望，兩個主菜上到台都已經凍曬🥺😢炒飯得幾粒菠蘿🍍，幾粒海鮮，好少肉鬆，又無咩味，個人覺得為食過而黎最唔好食既菠蘿炒飯🤭金邊粉又係凍既，不過味就還可，有埋檸檬🍋汁既話會更好。下次若要再試，可會避開人潮，期待會有熱騰騰既野食🥺不但CP值都可以既，我地4個人叫左咁多樣野都係每人$92（當中$40係因為個椰青），減返既話大約$50食到晚餐都幾平！

前幾日去開屯門搵人 諗左好多間都唔知食咩好十分掙扎！ 錦岩地膽提議去食泰國菜 猛虎不及地頭蟲一於就聽聽佢既意見 試下一間喺屯門十分出名的泰國菜我地去到果陣都只係6點左右 但已經接近爆滿 我地十分幸運 即刻有位我地叫左4樣野 包括炸蝦餅 馬拉盞通菜 冬陰功湯 炒金邊粉同芒果糯米飯當中最特別嘅就係馬拉盞通菜及冬陰功湯 通菜分量十足亦不會炒至變黃我們點了一客細的冬陰功湯 但都能夠分成3 4碗 不會太辣最令人喜出望外便是芒果糯米飯我們分別點了一個黑色及一個白色 15蚊既價錢 但一d都唔細 芒果又多 仲好好食 下次一定會再去幫襯

價錢親民相信係呢一間泰國菜嘅賣點但係環境擠迫都係呢間鋪頭嘅特色😂😂咁就要睇下你點選擇啦😂😂😂😂生蝦係每次黎都必食嘅，不過就唔會話好夠凍，但又唔會食到你肚餓😂飛天通菜中規中矩，價錢相宜金邊粉30幾蚊就有得食，唔算大碟，不過味道夠酸，唔錯椰青好鮮甜又夠凍，正鳳爪就唔係好夠味，少少可惜另外叫咗個炸蝦餅，抵食，香口，彈牙仲叫咗個聖子，意外地都幾多肉食喎，又夠入味，下次會再食不過環境方面就真係好擠迫，想同朋友傾吓計都唔得，叫多兩碟餸都冇位擺😂

好耐都冇食過泰菜，我有兩個朋友極力推介呢間小曼谷泰菜，一於約多三個朋友去食吓！入到去首先嗌咗泰式椰子🥥湯、生蝦、無骨鳳爪、香茅雞翼、咖喱蝦、蒜蓉包、印度薄餅、馬拉盞炒椰菜仔、鹽焗烏頭、泰式豬頸肉、柚子蝦沙律、雞牛沙嗲、肉碎生菜包及炸蝦餅！食咁耐泰國菜第一次飲泰式椰子湯，咦！見佢清清哋，點知飲落幾濃喎，好香椰子味但帶啲冬陰功嘅酸味，好特別呀！生蝦ok啦。可惜未溶完雪就放上枱啦！無骨鳳爪比較鹹少少，好奇怪呀！香茅雞翼有啲鹹。蒜蓉包同印度薄餅味道算係不過不失，配埋咖喱蝦嘅汁，好！泰式豬頸肉煎得比較乾，切得比較薄，味道算ok啦。馬拉盞炒椰菜仔得幾條菜，雞牛沙嗲味道普通，口感較為乾身！肉碎生菜包啲肉碎較為乾，啲肉好似烚再炒，唔好食！炸蝦餅炸得好香脆！咁多碟菜最好味就係鹽焗烏頭，條魚好重香茅味，而且啖啖都係肉，非常好食！最後六個人都叫做芒果糯米飯，小曼谷可以俾你選擇要白羅米飯或黑糯米飯做甜品！估唔到個芒果黑糯飯幾好味，味道都唔差！總括來講，共六我哋叫咗咁多嘢食，每樣只不過係$177！抵食但味道麻麻！

今晚同朋友一齊入屯門搵好嘢食，去咗置樂食泰國餐。呢間小曼谷長期都爆滿，一到七八點就好多人排隊我哋等左15分鐘就有得入坐喇。第一款必叫嘅係泰式生蝦，好新鮮、爽脆。跟住叫咗冬陰功湯、燒豬頸肉、辣椒膏炒聖子同菠蘿海鮮炒飯。每道菜價錢都好實惠、平過出邊一截，係抵食既。冬陰功湯好足料，不過唔夠辣，因為啱香港人口味；而燒豬頸肉就好惹味。辣椒膏炒聖子無咩沙、都整得ok ge。另外每人點左一個芒果糯米飯$16雖然份量唔多，但勝在夠抵食，唔錯！

屯門又平又抵既泰國菜由於疫情既關係？食飯時間都唔使等位 平時應該等到傻左啦今日叫左生蝦刺身 無骨鳳爪 炸蝦餅 馬拉盞炒通菜 辣椒膏炒聖子同埋炒金邊粉 全部都keep到水準 係碟菜既味唔夠整體係好既👍🏻

今日跟朋友一齊黎食呢間泰國野，雖然晚飯時間遲左到，要等位同埋好多人，諗住食第2間，但係喺門口已經聞到好香，而且朋友講到啲餸菜好吸引咁，所以就繼續等落去！等左9個字左右終於有位，雖然地方係「屈質」啲，同埋要坐圓木凳，但呢一餐真係食得好滿足！佢地嘅價錢好合理，而且啲餸菜真係好好食😋 好多唔同小食都會配唔同醬汁，真係唔錯嘅！野食有好多選擇，份量都唔算細！最後埋單每人百幾蚊，真係食得幾飽肚，同埋大部分野食野飲都係好食嘅👍🏼 值得一試

點菜時我都係er 左一下。即刻話轉頭先寫。。上菜時。。一係就係你身邊剷埋黎。一係就掟落個枱面度。。冬陰功湯個窩底冇火熱住。。問一句野又呼呼喝喝咁。。最後野都未食完已經想收碟趕你走咁。。總之食到一肚氣

平時利到都已經好多人等位但呢間野真係好好食所以等幾耐都值得，最鍾意佢個龍眼冰，生蝦，生菜包，其實佢裝修好簡單，但係啲嘢就好好食，通常都係同屋企人一齊嚟食，喺屯門呢間野真係應該冇乜人唔知😍

咁岩入屯門又想食泰國嘢就黎左置樂花園搵左間咁既野七點左右都幾多人食好彩仲有位唔洗等😬😬😬即黎就叫左豬頸肉、炒飯同埋冬陰功湯豬頸肉幾有咬口 點埋個sauce就剛剛好炒飯就偏乾 唔夠熱 似係煮左擺左一陣冬陰功湯就幾滾 不過唔係幾多料食 得隻蝦同幾舊菇後尾唔夠飽再叫多左兩碟菜分別係通菜同埋蝦餅個通菜一般般 佢陣味有啲奇怪 唔係難食只不過食唔懶而已個蝦餅幾好食剛剛炸好上碟係衰在太多油啦😌Overall都算抵食既每個都只係四十幾蚊可以叫多幾個菜黎試食

如果單從外表睇，因為位窄，所以未必會食！(附近幾間泰國菜嘅座位格局睇落較舒服！)今日因為早，未多人，一試吧！聽到厨房同樓面吱吱喳喳已好有泰國 feel🤭，已估計食物都應該係！果然冇錯，食物一流，而且值錢合理。正！👍埋單時已坐滿人，行過都有難度，好彩去得早！ ✌

住係屯門附近，就一定有聽過小曼谷依個名😋。留意返✨星期五六日就一定要等位架啦～我同男朋友兩個人都要等半個鐘左右，但勝在野食黎得快💯。環境唔好預佢好企理，因為都係平民小店😂。同埋座位都比較迫。炭燒豬頸肉💖— 強推，燶邊得黎又唔會太乾，配埋秘製醬汁一流！泰式河粉— 好夠鑊氣，濕度適中！馬拉盞炒通菜— 依個唔洗多介紹啦，食泰國野必叫咁濟😂不過小曼谷炒得比較辣🥵黃咖喱雞— 椰香味適中，好食既。要改善既係應該比客人揀配飯定薄餅😂因我配薄餅我覺得夾好多，但依度default左跟飯🥺！會ENCORE的💖

未食已經一肚氣，點菜前借了洗手間一用，出來後收銀阿姐大聲呼喝我關廁所門，還遭連聲指駡，我完全不知道出來要關門，說一聲就可以，為何要這樣鬧客人其他員工態度都一樣差，放食物在枱大大力，因為不想朋友掃興所以沒有離開，點菜後，那個冬陰功湯，難飲至極淡而無味，像水一樣，大家喝了半碗已經沒興趣再喝下去，另外泰式炒金邊粉同樣是沒有味道沒有熱度，我想這間垃圾餐廳只是因為價錢平所以先多人幫襯，附近有間泰國餐廳好食過佢幾百倍服務態度又好，以後都不會再幫襯