小曼谷泰國菜館

營業中

休息中

豬頸肉分量夠晒多，啱晒我哋班食肉獸外層燒到脆脆地，入面嘅肉質唔會太「鞋」再配埋個酸酸甜甜嘅醬汁，成個感覺好開胃🤪不過個醬汁都幾辣下，如果唔太食得辣嘅朋友仔就要注意啦.炒飯炒到好金黃雖然配料只有菠蘿、魷魚同蔬菜粒等等既簡單食材，但成個感覺夠曬fresh🌿再配埋面頭既肉鬆一齊食，味道層次更加豐富🥰.黃咖喱飯一如既往咁好食咖喱味夠晒香之餘，椰香都好夠而且係完全唔辣岩曬C小姐呢啲怕辣嘅人🙈.之前食過馬拉盞炒通菜覺得麻麻地所以今次就叫咗蝦醬炒通菜🙆🏻‍♀第一啖食落去唔會過份地鹹而且好重蝦醬既鹹香味同夠晒鑊氣.龍眼水夠曬滋潤而且熱度微溫，唔會好難入口食完熱氣野飲一流😋

豬頸肉沙律，炸蝦餅，肉碎炒飯，過黎食中午飯，首先會送一杯龍眼水，叫三個小菜，唔貴又好食，豬頸肉沙律好spicy，又野味，埋單153蚊，免加一，又平又抵。好彩住屯門。

今次已經係我第二次去呢一間泰國菜館野食飯。佢6:00開店，我地唔夠5:30去到都已經係排第10枱，6:05出邊就已經要等食第二輪啦😅！⚠️⚠️佢要齊人先可以入座，各位要留意啦！呢一間泰國菜嘅價位較平🤩，但相對份量亦都會較少，最啱我哋呢一啲想食好多款但又食唔到好多嘅人，三個人食都可以叫多款嘅菜式。今次我哋一家三口叫咗六碟菜，兩杯嘢飲，一個甜品，最後$327埋單。😁1. 柚子鮮蝦沙律：👍🏻👍🏻呢一個沙律真係好推介呀，酸酸辣辣既醬汁，加埋柚子好清新，係我最愛嘅泰國菜之一。有三至四隻蝦，都唔Hea底㗎。2. 椰汁黃咖喱雞：🥺🥺呢個就我最唔推介嘅菜式啦，價錢係好平，但係料就相對好少，得幾舊雞，易啲薯仔亦未煮林，個咖喱味亦都唔夠濃郁。但佢包埋一碗飯係對得住個價錢嘅！3. 蒜蓉包：🥰🥰佢嘅蒜蓉包好好食，佢夠簿所以好脆，蒜蓉味亦都算係幾濃郁。4. 炒馬拉盞椰菜苗：👌🏻佢嘅椰菜苗都幾嫩，馬拉盞醬汁亦都好夠味道。5. 泰式炒粉絲：😋😋呢一個炒粉絲好夠鑊氣，夠晒乾身，佢嘅味道同做法有啲似泰式炒金邊粉，好香口。6. 春卷：😍雖然賣相個顏色唔算金黃，但係食落個春卷呢又好脆口，餡料亦都好多，加埋個泰式辣醬好滋味呀！7

屯天天朋友一講thai一定會諗起小曼谷，平靚正。呢日同屋企人食完海鮮，表弟話未夠飽即轉場再食下一餐。嗌左tomyum, 雞豬串燒, 芒果黑白糯米，生菜包，椰青。$36 tomyum夠酸夠辣，香料味足，味道偏濃，正常發揮。$42 雞豬串燒肉有d鹹味外，冇任何香料調味，沙嗲醬沉實，冇乜驚喜，唔會再嗌，食完有d油滯感。$15 芒果黑白糯米呢個價錢真心抵😍個人覺得椰漿甜左d，但糯米都有咬口，芒果甜，整體中上。性價比高🤭$53生菜包肉碎份量多，豬味濃，同行表姐同我都覺得香料冇乜，唔夠酸同辣。$30椰青甜，室温，椰肉好嫩🤤🤤整體食完都好滿足👏🏿👏🏿芒果糯米性價比超高，份量適中🤭員工好友善。

睇完電影已經10:30就去附近撞下有無野食雖然寫收晚上11點但仲俾我地入去食真好叫左好多野逐個講下生蝦刺身幾大隻算彈牙但個醬汁唔夠辣冬陰公湯 味道正宗有蝦有菇 幾足料柚子沙律 一般大大舊既柚子堆埋一齊賣相影響左食慾雞+豬串燒都係一般 唔似即燒炒金邊粉好好食 唔會太油或太咸蒜蓉包 一般可能係叫到咖哩黎點黎食飲品就叫左汽水同青檸梳打食到11:30啦大概4個人埋單都係3百幾即係每個人1百蚊都唔洗抵食到飛起我記得另一間同名既都要2百幾蚊1個人

住新界西既人一定識嘅一間泰國菜，小曼谷。坦白講，叫小曼谷既泰國餐廳好多地方都有。不過屯門小曼谷就得一間😎次次食飯時間都大排長龍。因為裡面既餐牌真係令人😍😍又平又吸引。不過琴晚真係太多人排啦，所以最後買咗外賣搵個地方食🤩🤩佢仲係泰國人開既，味道好地道。不過當然有某d食物唔係好令人眼前一亮。不過呢個價錢黎講已經無得輸。例如佢地蒜蓉包係無其他出名泰國餐廳咁好食。因為佢真係一塊多士有少少蒜蓉同埋牛油。個味有啲淡，個包又唔脆😕食左炸蝦餅，好多件，裡面蝦好新鮮，好香好脆口。生菜包同出面既餐廳不相伯仲，咁曬辣，正呀。炒金邊粉好好食，好夠料同埋入味。😇😇

相信好多人都試過排好耐隊等食屯門小曼谷🌼小編以前食親都排好耐😢不過今次so lucky 好快就有位嚕～但其實今次係小編喺佢搬咗之後第一次返嚟食🙈都真係好耐冇食冬陰功🍲(細) $36就咁睇個顏色都同平時飲嘅唔同 睇落有啲淡🤨但估唔到佢唔係淡咁簡單 直頭冇應有嘅酸味同辣味 得咸味😂第一次飲到唔酸又唔辣嘅冬陰功——感到陰功😢泰式炒金邊粉🍝 $39一上枱個賣相同之前食嘅都幾唔同尤其係隻色水🤦🏻‍♀️略嫌個粉太濕 而且味道好淡完全食唔到個茄汁味對食泰式野必點炒金邊粉嘅小編嚟講 極失望☹️蒜蓉辣椒青檸蒸烏頭🐟 $97成個爐上🤣條魚完全比啲菜蓋曬等左好耐先滾味道酸酸辣辣 但都偏清淡👅啲魚好易夾散 肉質唔太鮮嫩但勝在唔會有好多魚骨痴住 唔洗點揀骨🤪泰式炸蝦餅🦐 $44炸好上枱熱辣辣🔥全餐最好食又保持到水準係佢！炸粉唔會裹到好厚 蝦肉又好彈牙🦐泰式生蝦🦐 $68呢到點生蝦嘅汁較得好味😋酸辣都適中呢到嘅生蝦口感係實淨啲(?)彈牙 而且幾新鮮👍🏻明明以前嚟食幾次 水準都超高 係平靚正但今次真心失望 水準差咗好多😭希望今次只係廚師失手 下次嚟會食返高水準嘅一餐😤

相信大家去完泰國到香港都會掛住泰國嘅嘢食🤪串燒、炒貴叼、冬陰公、泰式生蝦、芒果糯米飯🤤入開去屯門就搵咗間都幾出名嘅泰國餐廳，叫做”小曼谷泰國美食”，而我今次就嗌咗金邊粉同埋菠蘿海鮮炒飯。金邊粉小小辣，芽菜好多又有蛋食落好爽口好開胃。而菠蘿炒飯真係有成個菠蘿做底，好fresh，仲有蠔😍多幾粒腰果好爽口！正！而飲品方面，呢到啲泰國飲品都幾齊，有泰啤，椰青，而甜品仲有椰汁糕同埋芒果黑糯米🤤真係去唔到泰國都可以頂頂癮😜

d菜係不過不失，不過食過3次，次次都一肚氣。d職員態度認真好差，好似唔恨做你生意咁，極度悔氣。無必要為咗食泰國菜而受佢氣。置樂附近有好幾間泰國餐廳，大把選擇。。。

屯門友無理由會唔識呢間小曼谷泰國菜 每一次經過屯門區必試既泰國餐廳 提醒番剛剛裝修好由舊位置搬左去以前近著車房既轉角位變到好大唔需要點等位 以前舊店起碼等成粒鐘架 不過好可惜裝修只是一般 但入面店員全部係正宗泰國姐姐就連落單都有小小鄉音風味十足首先來個非一般既炸蝦餅實在太彈牙唔會太多粉漿非常有蝦的味道每次來都必試誠意推介👍🏼跟住來多碟牛油蒜蓉包係新鮮即烘配上蒜蓉牛油廚房好細心仲會加點蜜糖上面有種驚喜的感覺來個主菜豬雞沙嗲串 沙嗲好有沙嗲醬既味道唔錯又唔會太辣帶點甜的味道食落喉嚨好舒服最後就緊係要叫碟生蝦試試 每次入唔同既泰國餐廳必定會叫的價錢$68/7隻 唔算太貴留意番每碟生蝦中間會有個醬汁 甜甜酸酸食落好開胃唔夠汁仲有可以添加唔需要收取額外費用真係好細心👍🏼提提大家當然唔少多叫番支正宗藍妹啤酒啤啤佢 全部加埋兩舊水有找 絕對係三五知己聚舊既好地方推介啊！

有一次同朋友講起食泰國菜，佢同我講有一間泰國菜係佢由細食到大，又平又好食。於是琴日特登去左呢間餐廳食晚飯。當時朋友已經同我講要有心理準備可能要等一個鐘先有得食😭好彩去到只係等左半個鐘就可以入去，落完單五分鐘到所有菜就已經到晒，而且好熱既青咖喱好重椰汁味，配菜較多，如果多反小小肉就好了用黎配薄餅簡直絕配泰式生蝦吃泰國菜必點菜式，非常新鮮而且價錢廉價＄68就可以吃到，如果多人吃晚飯多點一份也不過份。馬拉盞通菜喜歡它那種好像蝦醬一樣惹味，也是必點菜式香葉辣椒肉碎炒飯將所有配料炒在一起，原來味道是這樣完美。從此多一個選擇，不再只是菠蘿炒飯薄餅＄20有三大塊好吃又能當主食生菜包比平常吃的沒那麼油，多吃也不怕不過如果肉碎能嫩一點就好了總結:非常值得一試，😋😋😋👍🏻👍🏻👍🏻店舖雖忙，但店員都非常熱情好客。上菜速度超級快，價錢便宜。這晚餐才$300多，難怪附近的泰國菜都沒人吃

今天同友人中午去了試屯門人都知嘅小曼谷泰國菜, 老闆娘侍應都係泰國人, 正宗泰國口味! 餐廳寬堂, 櫈仔比較多, 所以有擠逼感,侍應很貼心, 碗筷已經用熱水浸住呈上, 中午時段還送一杯龍眼水。海南雞飯: 多塊嫩滑雞件配雞油飯+秘製醬汁, 真係嘗到泰國風味! 炭燒豬頸肉: 豬頸肉燒到剛好, 肉邊有少焦仲正+ 秘製醬辣辣地, 恰到好處。炸蝦餅: 蝦餅有五件, 蝦肉好爽口彈牙。生蝦刺身: 蝦肉鮮味彈牙+秘制醬汁+生蒜頭提味, 絕配。馬拉盞通菜: 香辣帶甜, 通菜炒得嫩口。冬陰功湯: 很多配料, 酸辣到剛剛好, 很惹味!芒果糯米飯: 熱上, 有黑or 白糯米, 芒果帶甜。青檸梳打: 青檸冰塊放入吉杯+ 一瓶泰國梳打水,自斟。整體泰國風味濃厚,味道配搭剛好, 價錢便宜, 質素相當高。

小曼谷是經常大排長龍的泰式地道菜，區內無人不曉，近年更多了不少區外人來光顧，令排隊時間又延長不少，這次私心分享多年食客的必點菜式。生蝦生蝦大概是無人不點的前菜，蝦肉新鮮彈牙，加上秘制的醬料和蒜頭，令生蝦鮮味提升至另一層次。辣肉碎炒河火候大夠鍋氣，海鮮、肉碎類炒河類都很不錯。馬拉盞通菜每次來都必點的菜式，馬拉盞香辣且帶點甜味，通菜炒得有鍋氣，但又不會過熟。另外青檸蘇打和椰青也是必點，椰青清甜冰涼，夏日解暑首選。蘇打水也有滿滿半杯冰，非常冰凍解渴。

住屯門嘅人一定識呢間泰國餐廳🍴因為佢好味 抵食 多嘢食 上菜快所以好多年前開始我就好鍾意約朋友去食 無論兩個人食定大班朋友都咁正串燒 👌🏻 唔係必點泰式生蝦 正👍🏻 必點 我地叫咗兩碟 仲想再encore烤魚 好多配菜 味道酸酸甜甜 都唔錯 不過有朋友覺得太多骨 好難夾啲魚肉泰式蝦餅 啱啱炸起 好好味 一人一個啱啱好 👍🏻泰式鳳爪沙律 👍🏻必點開胃 不過我嫌佢沙律菜少 鳳爪都幾爽口 夠凍 調味夠 酸酸辣辣又有啲甜 正通菜 👌🏻 嫌佢少咗啲 要叫兩碟先夠聖子鍋 好大隻 可以一試 想飲嘢嘅可以叫呢款青檸梳打試下 下次會試下椰青

經常要排隊的小曼谷，好吃和價錢便宜已不用多講，我都排過幾次隊，價廉物美的泰菜很自然令人食指大動😋每次必點的是生蝦。二人去食，一人一碟，大概是另類的浪漫💕 回想第一次吃的時候已是沒看menu直接叫兩碟生蝦，已不知價錢，但埋單也不算貴就一直沒理會了😆很多餐廳都將生蝦賣得貴，過百一碟得5隻也不足為奇。好吃又貴的食過，不新鮮又貴的都食過。始終小曼谷是我倆吃過最好吃的生蝦。不止肉質鮮甜爽口，醬汁也非常惹味，配上青檸梳打，真是人生一大爽事🤤