小曼谷泰國美食 (南角道)

營業中

休息中

小店門外有個店員不斷向途人介紹佢地新開，唔少路人都因為佢嘅誠意入左去試午餐選擇不少，價亦很相宜今日想食咖哩飯，有紅、黃、青咖哩3種選擇，亦可選配雞、牛、豬基本上餐廳同以前嘅外貌無變，所以裝修亦係一間西餐廳嘅外觀，加左少少泰式嘅裝飾物。大大杯龍眼冰。吃咖喱當然配合印度薄餅才夠正！ 馬拉盞香辣惹味，配在清翠嫩綠的通菜上非常好吃！ 菠蘿炒飯加入了大量配料非常豐富，飯粒有嚼口，粒粒乾爽。店內服務非常好，個青仲多水又多肉，絕對冇得輸！

九龍城雲集泰菜，不過仍然食番小曼谷，大愛佢個彈口蝦餅係附近飲完一杯，好想食泰式嘢！一坐底叫左拼盤，一碟菜，同埋炒金邊粉！好香，全部上菜都幾熱，辣口都照食蝦餅，仍然係好彈牙，仍然係好好味，下次都係叫蝦餅，真係忍唔到口，再加甜辣醬，無得輸！炒金邊粉，一上菜我地爭住食，可能係太耐無食泰菜啩😂😂我地算夜先食，所以都唔多人，整體無差，仍然保持水準。

一黎就叫左椰青....真系好大，甜甜地，好清甜！冬蔭宮鷄湯： 紅紅湯底，看似好辣，但其實系酸酸地、少辣！湯中料足，有吾同海鮮，吾同菇類，仲有兩大海蝦 湯熱辣辣系爐中暖住，一口熱湯一口配其他食物，真系好正！極上燒安格斯西冷牛小排： 賣相吸引，份量好足，木板上鋪左：煎得香香既牛小排放系上面，配上新鮮蔬菜、蕃茄同菇作配菜，好吸引！牛排嘅肉質好煙韌有嚼頭，味道好正宗、好味 明爐蒸烏頭： 店員推薦，所以叫左。真系超大條魚！上面灑左好多配料。有青紅黃椒，慕、鹽茜等香料！烏頭魚肉多、彈牙。魚蒸得剛剛好，配上泰式辣汁更將魚的鮮味帶出。 最後店員送上椰汁膏好重椰汁味，滑溜，吾會好甜.....

食泰國野就硬系去九龍城 今日同朋友去左小曼谷度食叫左三樣野食同野飲！環境好乾淨整潔，服務態度好好添！芒果沙冰 啲芒果好甜 啲沙冰吾會好似出面街甘 一舊舊大粒既冰 而系真系好似沙甘 大大杯好fresh!黃金蝦最值得推介食品 真系好大隻 肉質非常爽口 彈牙 而且仲好鮮甜添！蝦頭裏面仲有啲膏食添丫！梛青飯 裏面有蝦 有雜菜粒 有蜆肉 連埋上面既梛汁食 令個飯充滿梛子既味道甜甜地的。加上啲蝦刀幾大隻下 吾系蝦米甘既size!海鮮拼盤有大蝦 有青口 有帶子 有魷魚 啲汁系金黃色 但一啲刀吾辣反而系甜既！真系可以加碗白飯連埋啲汁黎食。大蝦雖然整左啲汁上去 但肉質依然無變 彈牙加爽口 無得彈！！帶子數量刀幾多 咬落去吾系一patpat 而系爽既口感總括黎講，小曼谷啲野食 價錢公道 味道香口 特別值得食有海鮮類既食品 加上啲黃金色既汁 甜甜地 吾洗驚話吾食辣既人食吾到 而且份量多 適合一家大細/朋友一齊食

九龍城美食雲集，尤其泰國美食，總有一間在左近。當中的【小曼谷泰國美食】總是客似雲來，想輕鬆享受美食，又不想排隊，所以今日便跟老公前往歎個下午茶。走進南角道，便會被搶眼的【小曼谷】招牌及由【小曼谷】組成的泰國大象LOGO吸引。 門外有泰國特色篤篤的士以供拍照，記得不要坐呀！店內舒適寬敞，實而不華。 我倆叫了3個小菜、白飯、油飯及飲品。【泰式生蝦配自家製醬汁】生蝦最怕不新鮮，但【小曼谷】的生蝦，每次都十分新鮮，水準很高，爽口彈牙，加上酸辣惹味的【自家製酸辣醬】，鮮味更出。若覺得醬汁美味，更可即場買支添！ 【極上燒安格斯西冷牛小排】牛小排送來時，看到表面燒得外層有點焦，以為大廚失手，當夾起時，嘩，原來內裡是半生熟，層次分明，看起來很美味，點上醬汁及咬下去時，嫩口度應是5成熟，嫩滑肥美，食不停口。再配有酸味味的小蕃茄及菇菌，開胃得很。 【泰式鐵板豬頸肉炒通菜】熱辣辣的翠綠通菜，爽口豬頸肉，及配上多款配料，令整道菜增添惹味，配飯一流。食飽飽，來杯酸酸的【酸梅樂】及【酸梅七】，實在是緩和飽肚感的佳品呢！ 

2017年第一頓泰國菜當然要選九龍城的泰國餐廳吃才最正宗~ 數天前與友人吃城寨風味的時候正好看到小曼谷泰國美食，我也未吃過這間，可以一試。今晚相約另一好友吃本年度首餐泰國菜，哈哈。好友吃泰國菜時總不離椰青，她說椰青富有泰國風味的代表飲品。椰青清涼解喝，喝進後散發出陣陣的清涼感。椰青水甘甜沁心，完全感受到來自椰青的甘甜，當然它也十分新鮮清爽~菠蘿沙冰用了新鮮菠蘿調製，除了菠蘿本身的香甜外，沙冰還加入少許鹽巴，讓菠蘿不會過於甜膩又能解渴，令沙冰不會這麼快融化，保持它的沁涼感。朋友說在泰國菜餐廳竟然點牛扒，她第一次吃呢，我之前也是朋友這種驚訝，不過吃過一次就喜歡上了。所以我拿主意點了這極上燒安格斯西冷小牛排，牛排一上桌，外層香烤至上色，內裡牛肉如玫瑰般嬌艷，咬一口，肉汁滿滿，而且軟嫩，沒有甚麼筋。油花分佈平均，厚度超有份量。蘑菇，蕃茄香燒後表面看似被抽乾水份，其實內裡保有時蔬的濕潤感，新鮮味道更為濃烈。明爐蒸烏頭魚魚肉非常軟嫩，檸檬湯頭的香氣充份吸附到魚肉裡面，整條烏頭也有厚度，不是薄薄的。檸檬湯頭酸酸微微，十分開胃，難怪明爐蒸烏頭一直都是人們喜歡的經典泰國菜。辣椒膏炒海鮮永遠都這麼迷人，色

九龍城小曼谷裝修之後，清爽乾淨，更吸引顧客。7點去到，好彩仲有兩個位。兩個人，三送兩杯嘢飲好足夠。「鐵板豬頸肉炒通菜」成日食飛天通菜/馬拉盞通菜，未食過豬頸肉炒通菜，覺得好新鮮。上菜時鐵板保溫好勁，啲汁仲滾緊。通菜綠油油，同蝦醬炒差唔多但又冇咁重蝦醬味，適合食唔慣蝦醬/馬拉盞的食客。通菜用豬頸肉墊底，豬肉索晒啲汁好惹味。雖然墊底但並不焦，肉質鮮嫩可口。豬頸肉配通菜都係一個特別又新鮮的組合。「蒸烏頭」係今餐重頭戲。烏頭很大一條，份量足夠。魚身佈滿香料，色澤鮮豔。魚肉鮮嫩肥美，入口前蘸一點配送的酸湯，開胃又不會太鹹，還有魚肉的鮮味。最鍾意係條魚冇乜骨，啱晒我呢啲懶人「冬蔭雞湯」食開冬蔭海鮮，今次試下雞湯。端上桌一大鍋，份量足夠。顏色紅亮很有食慾。雞肉易入口，中和了冬蔭的酸辣，反而有些鮮甜。「青檸梳打」食泰國菜怎能不飲呢杯特飲。鹹甜適中，冰冰涼，小曼谷開左咁多分店，仲能夠保證味道質素，很難得，值得再幫襯。

與媽媽到九龍城添置完物品後就去食個晚飯。九龍城泰國菜林立眾所周知，不過今次都依舊選擇食小曼谷！晚上旺場時候，門外陸續開始有人輪候。不過人少也有人少的好處，就是不用等太久可以轉去對面的分店!先來兩個椰青解解渴，飲落清甜消滯。椰肉算易刮掉，味道柔軟富有微微口感！泰式鐵板豬頸肉炒通菜 - 吱吱聲的聲音，熱騰騰飄出煙氣的菜，口感軟得來又索入濃濃醬汁，味蕾有點豐富！豬頸肉薄切，同樣索入醬汁關係，味道不過不失！香芒蟹肉炒飯 - 炒得甚有鑊氣！飯粒炒得甚為分明，質感適中。再配上甜而厚身的粒粒芒果肉及雪白的蟹肉，味道不再單調！若果依然覺得不足的話可以再放上肉鬆，乾身得來又有丁點咬口，是送飯不錯之配料!媽媽太愛吃魚，不過又不想食香口的煎魚，所以便點了簡單得來美味不會減緩的蒸烏頭～魚肉燒得合時，所以入口嫩滑不嚡而且加入太多配料作調味關係，味道甜酸，是確實刺激到食慾。

久違的九龍城！再來啦⋯⋯「咖哩蟹」主要是看蟹本身的狀態⋯⋯結果=正！肉爽膏橙紅，咖哩多蛋又不辣，是我愛的類型呢😍😍「泰式豬頸肉炒椰菜苗」，被辣殺個措手不及，辣在骨子裡呢！意外驚喜是「蒜蓉包」，放了一陣陣，仍甘香鬆脆，索索聲架，配上咖哩汁，極品！小小攻略：咖哩蟹上檯才點蒜蓉包，原因，你懂的🙊「芒果沙冰」，芒果味濃不覺冰粒，爽爽爽！無得輸無得輸無得輸

今日去左九龍城食飯，去得呢度就預左係食泰國野，不過咁多間其實都真係吾知食邊間好。最後見呢間都多人排所以就傻下傻下咁入左去食。我地四個人叫左一個椰汁海鮮焗飯，蝦go炒飯，雜錦串燒，煎鳥頭，煎鮮魷魚同每人一杯野飲料，份量都真心吾少，雖然價錢未話好平，不過係香港食泰國野既價錢黎睇都合理。個椰汁海鮮焗飯甜甜地幾好食，飯係糯米吾係白米，幾有口感！至於個炒飯就不過不失，而串燒都幾入味，值得一試！叧外個煎烏頭都真心好食，雖然無咩調味，鐘意食重口昧既人未必like,但肉質真心幾嫩！而飲品方面都不大驚喜，吾難飲但我會建議飲反椰青。整體者ok,每人二百內都飽飽地，不過係個環境可以再好d〜〜

嚟到九龍城，太多泰國菜，唔知簡邊間，最終都簡左比較出名既小曼谷串燒$15/串， 都唔平， 但嚟到都幾大串， 燒得唔乾，論肉質，串燒來說是嫩，值得讚是沙嗲醬，有花生碎粒，好香口！叫左豬牛雞及雞腎，最推介係雞腎，爽口得嚟剛熟，好嫩，唔韌，其次係雞肉， juicy!濕炒牛河，好多料，味道ok, 但河粉少左d嚟食泰國菜，其實重點係想嚟食芒果糯米飯其實呢個先係我既主菜上檯時仲出晒煙，熱辣辣！糯米球內有白糯米/黑糯米兩款，成碗飯咁大，芒果好厚肉，兩層，等於成個芒果，好甜，與椰汁糯米飯永遠是絕配！整體來說，都唔錯既泰國菜，見到人食咖哩大蜆，蒜蓉飽，同炸芝心蝦餅(大過乒乓波)，好似好正，下次一定要試吓

-尼到九龍城一定要試下好出名人氣：小曼谷#泰皇咖喱炒海鮮一尼到就已經哇大聲 全部海鮮都充滿咖喱汁，而咖喱汁比較重奶味，每啖都有椰奶嘅香味，但沒有辣味。而且一碟可以食到不同的海鮮，有大頭蝦，青口，帶子，魷魚，花甲等，海鮮非常大隻，但略嫌欠鮮味，加上有不同配料，例如青紅椒，洋蔥，大蔥，香葉等，總括來說也是非常抵食😼推介👍🏻 #辣椒膏炒大頭蝦两隻勁大隻的大頭蝦一分為二，每隻都有手掌般大隻，但鮮味也是略嫌，勝在每隻肉質肥大厚肉，爽口彈力。而辣椒膏也不辣，反而味道偏甜，也是不錯的。而配料也有青紅椒，洋蔥，大蔥，香葉等，與咖哩炒海鮮的配料一樣。 #生蝦刺身每次食泰國野都一定要叫生蝦刺身今次一碟有7隻 每隻都是冰凍又肥肉 肉質爽口彈牙😆再沾上酸酸辣辣嘅魚露汁，魚露辣味較重， 令人超級開胃。中意食生蝦一定要叫來吃👍🏻#明爐蒸烏頭今次選擇了蒸烏頭，果然蒸是最能帶出烏頭的鮮甜味，食落一點也不腥,仲好多蔥花，有湯林條魚到，吾驚燒乾水

不知從何時開始，每隔一段短時間，爸媽都嚷著要再吃泰菜，這天決定帶他們到小曼谷舊店吃吧~由於明天是星期一，所以我們決定早點到餐廳吃飯，以免太晚回家影響休息，630到達餐廳，想不到人客已經很多，職員就把我們帶到對面的新店坐。 說是新店，只是裝修有點不同，餐牌還是一樣的，當然，點椰青是吃泰菜的指定動作，這裏的椰青真的超級香甜，最重要是椰青水滿滿的，喝後暑氣全消。 泰式干炒海鮮魚麵是這天的心水推介，因為鮮魚麵炒得非常夠鑊氣，而且非常入味，加上內裏的材料超多，包括爽口的魷魚及彈牙鮮蝦，而鮮魚麵入口帶有彈性，不會淋芝芝的，非常有口感。這個椰青海鮮焗飯，我們通常稱它為雪糕飯，但為飯球上淋了大量椰汁，半融化狀態令它的外型看起來更像雪糕，而海鮮焗飯味道香甜，入口帶有濃濃的椰香味道，材料亦相當豐富，帶子、魷魚、青口及鮮蝦全都有齊，不過，就是椰汁的份量不足，所以當吃掉了飯球後，椰青內的焗飯味道就變得很淡了。由於我們三個人，所以點了半隻小曼谷招牌海南雞來吃，這個海南雞確實令我感到有點失望，因為雞肉不夠滑，雞肉肉質亦較粗糙，不合格。最後，餐廳送了甜品給我們，椰汁西米糕的口感QQ，不過味道有點偏甜，而泰式千層糕就

九龍城的泰國菜都輸不到那裡， 呢間都係其中一間唔錯既選擇，雖然裝修就勁似快餐店，但價錢亦好像有比其他靚裝平一點點吧😏。今晚5個菜，2個飲品才$500上下，份量算大，2條友其實都食唔晒，好浪費😅 。特別一提個冬陰公湯有2隻大蝦，真係幾大隻下，但無影到相😅😅。

咁今日我就四個人來呢度食嘢啦都食咗好多好唔同嘅小食個人最鍾意食生蝦啲泰式汁酸酸辣辣好野味仲有個咖喱炒蟹勁重口味係我嘅至愛我仲專登叫咗個薄餅送咖喱汁冬陰公我都有叫，不過個人認為一般佢呢度嘅蝦餅都好值得推介一句都尾值得再去