小曼谷泰國美食 (南角道)

營業中

休息中

平時同女朋友去九龍城都係為左食泰國野同潮州野，但食泰國菜就真係最常去呢間，原因係佢地最能保持水準，所以不得不讚一讚!話說果日我地去到剛好有位唔洗等，坐低後立即叫返支勁凍泰啤爽下生蝦 - 去到必點既生蝦! 勁新鮮同爽，同係泰國食既真係有得比。連埋D生蒜同辣椒仔一齊食，味道會更突出。食一碟其實都唔係太足夠。泰式炸蠔餅 - 其實呢個第一次點，因為見到旁邊既食客食得好滋味食落去好脆，一D都唔油，同埋蠔仔都好大粒，由於太大份，到最後都係食唔哂。馬拉盞炒通菜 - 份量正常，係外面食馬拉盞炒通菜都係會偏咸，但呢碟一點都唔會，味道岩岩好，同埋唔會炒到出哂水到最後都係買單每人約150元，價格雖然唔係極平，但值得每次都要叫返碟生蝦食先滿足

今日同朋友去街，咁啱講起我上個禮拜食左泰菜，點知佢地又想食，所以今次係去左九龍城嘅小曼谷🤣可能我地時間尚早，去到都仲有位唔洗等，店員安排左卡位比我地，坐得好舒服～遲多半個鐘嚟就開始要等位喇😳由於實在好肚餓嘅關係，我地嗌左都唔少野食～首先，我地嗌左個香芒蟹肉炒飯🦀 份量都幾多，我地四個每人一碗都仲有淨。炒飯夠鑊氣，芒果炒熱左仲非常鮮甜添！配埋肉鬆食，整碟飯加分左不少🤪不過如果蟹肉多返啲就好喇，因為食落都唔係好覺有好多蟹肉🤨泰國菜又點少得冬蔭公湯呢～我地嗌左大size，上枱時碗湯下面仲點著個火架～所以飲落都好夠熱。食埋啲蝦同埋菇，啲辣味仲出哂嚟。呢個湯酸辣味道適中，調教得啱啱好，所以好好味啊👍🏼另外仲炒左個鐵板豬頸肉通菜。呢碟菜味道唔鹹，豬頸肉又唔太肥，用鐵板上仲要非常型添🤣平時食泰國菜都唔會食牛排，但見餐牌寫住推介😲就點埋佢🤣估唔到原來咁有驚喜！牛排大概5-7成熟，入面仲係粉紅色生生地，食落完全無血腥味，而且一啲都唔韌！佢燒嘅時候上面點左啲醬汁，所以好入味 🥩呢塊西冷牛小排真係好推介👍🏼我地諗住叫隻海南雞唔會好大份，所以嗌左一隻，但上枱時份量多到嚇親～一隻心型碟只係半份，所以呢到係我同朋

一行9個人放工後到小曼谷食好野😋已經吃過好幾次了 裝修前後連美味程度都變了 係變得更好味了!雖說不想是100%地道正宗泰國菜 但係香港食到已經幾滿足喇☺️生蝦夠晒凍 配上特製既汁 連埋蒜頭一齊食 正喔!不得不提佢地既蒜蓉包 夠晒脆之餘 又香口唔洗特別點咖哩食都可以Encore左三次啊呢個軟殼蟹巨型面包配上咖哩汁 值得一試!看似平凡的炒菜 十分惹味 竟然食唔停口呀邪惡椰漿飯爆晒出黎 但食落唔會好膩唯一麻煩係睇落好開心 但食既時候其實唔知點分好 底碟太細 啲飯會整到周圍都係🤧一班人食泰國野好開心 好想快啲再去呀😁

今日睇完Kooza 就想同朋友搵個地方食個Dinner, 佢地突然話想食泰國野所以我地就開車去左香港中的小泰國(即係九龍城）小泰國中的小曼谷. 一黎到咩都唁洗講一定要叫我既至愛生蝦! 呢度既生蝦好夠凍, 蝦肉又好爽口唔會係出面個Ｄ梅肉, 好好味!! 個汁又夠辣所以真係配合得好好.另一個都係必叫既就係泰式辣鳳爪,冇錯佢係又酸又辣次次我都頂唔住不過我次次都要試 唔可以放棄唔叫, 跟住就係呢個枱枱人都會叫的芝士炸蝦丸, 呢個拳頭咁大既蝦丸真係令到我地嘆為觀止, 男仔就可以食得晒一粒女仔真係有Ｄ困難, 蝦丸彈牙中間有芝士流心出黎...外表炸到香脆, 真係好超級好味呀.最後就係呢個泰式咖哩煮大蜆. 呢個泰式咖哩甜甜地一Ｄ都唔辣. 連小朋友都食到好香我地用黎送麵包真係好perfect. 蜆又唔會好老煮到剛剛好～真係好味到震呀！大滿足！！

九龍城就好似香港嘅小曼谷咁，好多泰國嘅餐廳同舖頭。今次同朋友一共三人揀去小曼谷泰國美食，夜晚去食大約等咗半個鐘先有位，所以都好期待啊！今次就叫咗三道菜試下，我地都覺得唔錯喎～1. 泰式生蝦：蝦肉好厚身，好爽，而且唔會有雪藏味，加上辣椒同生蒜，味道一流～2. 咖哩雞：雞肉煮到好滑好淋，味道唔太辣，咖哩汁有好濃嘅椰汁香味，薄餅點上咖哩汁啱啱好啊！3. 生菜包：生菜好嫩，豬肉碎多汗，酸酸辣辣，包埋一齊絕配啊～

係九龍城 有好多唔同既泰國餐廳任君選擇 今次我同朋友就黎左呢間小曼谷大開食戎❗一坐低唔洗諗 串燒 豬頸肉 鳳爪沙律 生菜包一定走唔甩 我地仲驚唔夠飽叫多左個菠蘿炒飯 點知最後因為啲份量太大份食唔晒😌比起屯門個間小曼谷 呢間既串燒同豬頸肉都比較香口 肉質亦都唔會太硬 點埋個秘製醬汁 個味道更上一層樓👍生菜包都無令我地失望 唯一唔好既就係我地唔食洋蔥 但肉碎入面有太多洋蔥 有啲失分 最後到個菠蘿炒飯 亦都非常足料 但因為走唔晒要打包 就算到另一朝食返都覺得好好食 口感好滿意😁今餐每人平均$150 可以食到唔同種類既泰式野 絕對係值值值❗❗❗

夜晚突然想吃泰國菜，就到九龍城小曼谷過過口癮，餐廳營業時間到凌晨一時三十分，宵夜時間也可以吃。這次叫了泰式雞絲海蜇沙律($75)，香芒蟹肉炒飯($84)，及炸蝦餅($95)。雞絲海蜇沙律味道酸酸甜甜，帶有少許辣味，十分開胃，白、紅蘿蔔口感爽脆，海蜇亦有咬口，唯獨雞絲有點「鞋口」，但份量頗足，值得一試。至於炒飯，現在不是芒果當造的季節，所以芒果實在是酸，但好在芒果味道很香，不過蟹肉份量比以前少，少得可憐，感覺就像在吃芒果炒飯。記憶中炸蝦餅十分出色，這次卻失望了。蝦餅口感太軟爛，沒有彈牙的感覺，蝦味也不濃郁，可取的是炸粉薄，而且酥脆，但整體來說，真的對不起價錢。這次不是以前的滋味，不知道是碰巧失準，還是退步了，但泰國風味還是有的，想念泰國菜時可以嘗嘗。

今日我又來到九龍城 今次是到九龍城有名的泰國餐廳小曼谷吃午飯首先他們的午餐價錢是比較便宜40元有飯 有餐飲 有餐湯餐飲餐湯 我分別點了龍眼茶 冬瓜湯龍眼茶其實是龍眼蜜 沒有茶味 但是龍眼味十足 並且一杯有六至七粒龍眼肉在杯內至於冬瓜湯 是因為太經常在泰國餐廳飲冬陰公湯所以才好奇一試冬瓜湯甜味很重 不是人人可以接受比較建議叫冬陰功湯午餐我則叫了香葉辣椒肉碎燴飯飯量正常足夠一個正常男士吃飽至於肉碎味道比較香辣 和鹹味胡椒味比較重正常午餐質素 不要有太高期望 當然以我的食量 以上一個午餐當然不夠飽所以我加了一個午餐額外優惠中的C有一串燒雞肉和一串燒豬肉拼甜品串燒方面 保持一向水準 燒得香口 咬開有肉汁甜品有三種選擇 我選了大菜糕 椰汁的甜 配合大菜糕的爽口感不失為一個吃完泰國菜 清新一下的選擇總體而言 小曼谷可以作為一個正常午餐選擇但是質素正常 不會十分高 不要有太大期望我吃過很多次小曼谷的晚餐和消夜不得不承認這兩個時段的質素比較高可能是廚師不同 當然沒有午餐的價錢便宜大家可以自行選擇下次可能再出一篇關於小曼谷的晚餐或消夜食評 再介紹一番

話說已經有一排冇食泰國菜，心思思好想食番，適逢有家人生日，咁就去咗九龍城有名嘅泰國餐廳小曼谷。去到真係唔野少，即刻等咗半個鐘先。等咗半個鐘立即到我地，我哋二話不說就即刻點菜，因為之前已經睇咗菜單諗定要咩食。首先想講一下咖喱海鮮同蒜蓉包真係絕配，拎起蒜蓉包點一點咖哩海鮮，再一啖咬落去，果浸咖喱味同日式咖喱冇得比，完勝！之後講一下鳳爪沙律就比我有啲失色因為有啲只辣不酸嘅感覺。春卷嚟到嘅時候熱辣辣，咬落去仲脆博博，中間仲有肉汁別出嚟！不得不提嘅就係我哋冇影相嘅冬陰公。佢既冬陰公十分之適合唔係太食得辣嘅人，因為佢嘅酸辣味調校得啱啱好好，適合香港人食！👍🏻

2017.7.7 小曼谷泰菜@九龍城第一次食泰菜係無咁重味，碟碟都無味精咁。所以好難得食完泰菜唔會好口喝。每碟平起其他泰菜餐廳都較為淺色。所以唔會咁重味精感。是好事。而且價錢較抵食。— 生菜包$76, 雖然色水淺色，但都有味，幾好。— 半隻海南雞$85，雞肉嫩，雖然無咩味，但沾醬都不錯。— 芒果蟹肉炒飯$84(反而食唔到有蟹肉！)但芒果超甜，好正。整個飯味道不錯。甜甜的，好食— 明爐烏頭$158, 超大條魚，魚肉嫩。但平起其他餐廳都係無咩色水，無咩味，清湯咁。但感覺健康啲。(3人食 $557)😋😋😋😋😋😋😋😋😋😋😋😋

九龍城食泰國野出名，小曼谷更是眾所皆知的其中一間，它們簡約嘅裝修，比較似港式茶餐廳。今日share 個泰式海鮮炒飯，飯過硬又乾又嚡口，蛋冇蛋香，冇泰式味，海鮮得幾粒蝦，整個賣相及味道非常差。燒雞軟骨，豬肉同珍寶腸...個醬味道麻麻，唔夠花生味，而且豬肉無味，有點失色。整體燒得偏乾芒果冰淡而無味，只能解喝泰式珍多冰青綠色的粉條不帶味道，椰果肉冇味，椰汁味淡，只有糖水甜，冰可解喝椰青椰子味淡淡甘甜，質地少少黏喉，入口未能止喝嘩！今次再黎呢到食，簡直難食到...本來又攰又餓嘅我，呢刻完全冇曬食慾。sorry 真心覺得好難食

五一努動節，同木先生去咗九龍城展開美食之旅，第一站，我地去咗小曼谷醫下肚先。由於吾係好肚餓，我地點咗一碟泰式炒金邊粉同蒜容包share 食。金邊粉炒得很香口，不太油同好開謂，好快就KO唒佢；另外蒜容包好香蒜容味，好正呀

Friday night dinner ! Is a chain restaurant, they have 3 location on the same street. Average environment with old cushion seats, like most of Thai place in kowloon city. Small order of Assorted appetizer (fish cake, shrimp cake, chestnut chicken wrapped in banana leaf, spring roll) nothing special. Stir fried veg is always safe . Surprisingly the curry in French bread was not too bad.

同朋友去九龍城，梗系會食泰國嘢啦…今次試吓呢間小曼谷，價錢偏貴，味道就唔錯嘅…食物上菜嚟得都幾快，唔駛等太耐！反而今次我最推介係冬蔭功湯！雖然冬蔭功間間都差不多，但我個人認為呢個冬蔭功實在唔錯！佢味道較辣，唔太酸，入面有幾隻中蝦，雖然材料唔算太多，反而咁樣我覺得突出咗冬蔭功嘅味道！不過今次我哋嗌咗個泰式炒田雞，呢個就唔推介，因為好咸同埋炒得過火咗，變得乾身同硬…整體其實真係幾好嘅…侍應好有禮貌，即叫即到，唔會扮嘢避開睇唔到客人！

上個月同男朋友黎呢到食，等左都一段時間先入得！點知安排好坐位又要我地調枱，個下真係嬲左，調黎調去好煩！咁本身我地話唔調，個老闆行過黎又講哂唔好意思咁！男朋友又屈服左，咁我就黑左面咁調位，一黎餓，二黎唔鐵意調黎調去！我地好快叫落單，咁個老闆定唔知經理話送野飲比我地，個下覺得順氣左好多，佢又再一次道歉，話員工安排錯左，佢d態度令我心情好返好多，講唔好意思都好誠懇，唔似得其他餐廳唔休做咁！野食都好唔錯，無令我地失望！好夠味！最後走叫埋單老問又再送埋個甜品比我地，個下我地真係唔好意思，真係覺得難得一間餐廳做得好其實唔止野食做得好，連態度咁誠懇咁到位好少見，佢地無多客唔休做既態度反而係形惜每個客人，連臨走都再三道歉，今次唔止係食野既體驗，更係一次以禮相待既體驗