小曼谷泰國美食 (南角道)

營業中

休息中

［朋友小聚之選］味道：☀️☀️☀️☀️（4）服務：☀️☀️☀️☀️（4）環境：☀️☀️☀️（3）性價比：☀️☀️☀️🌤（3.5）小曼谷都算是九龍城的地標，其中以咖哩蟹最為出名。九龍城雖然地方小小，但餐廳非常密集，實為香港人開餐基地！而且開店愈久就代表實力愈強，實力不夠很快就被淘沙掉了。小曼谷在九龍城泰菜來說算是高價位的一間，窮人來說，我只食過兩次晚餐，午餐就第一次食。今次我們一行三人，叫了兩個午市套餐，另加一個海鮮咖哩、一個蒜蓉炒通菜、一碗白飯。午餐都幾抵，一個主食+湯+飲品都是四十至五十元。餐主食我們叫了豬頸肉炒飯及冬陰公雞肉河👇🏻👇🏻炒飯粒粒分明，味道唔太濃剛剛好，是嫌豬頸肉得兩三塊比較少，套餐來說都合理。炒通菜就一般好食水平，不過7x元就比較貴海鮮咖哩不太特別，椰奶味很濃非常欣賞他們家的冬陰公湯，不嚐辣的我都食到一兩小碗，特別提一提，飲的湯是酸多微辣，而河粉的湯底就辣多酸少，都過癮。3個人埋單308元，午餐來說都算貴，窮人下次都是叫回午市套算了。哈哈性價比為得3.5分是因為以過個價錢，九龍城還有很多都好好的選擇，還有座位都比較逼，不過服務員姐姐都幾好人。

泰国菜真的百吃不厭，尤其是九龍城的老字號小店小曼谷泰國美食，我和男友上週吃完泰国菜，今週一又想再吃其它泰国菜，所以選了這間小曼谷泰國美食!首先order 了我的榴槤沙冰，真的很入味，榴槤香味在我口中散放香氣，男友叫了一杯青檸疏打，他說十分清新!我叫了招牌的酸辣原條明爐鱿魚，這個菜的做法和明爐魚一模一樣，魷魚很鮮味，也很爽口，胃口大開!咖喱大頭蝦一点也不欺場，大頭蝦真的很大碟，而且黃咖喱把大頭蝦的鮮味帶出來，大頭蝦又大隻又鮮甜，性價比真的很高!另外叫了一客燴肉碎皮蛋，皮蛋加上辣辣肉碎和香菜葉，更加入味及好吃，真的很辣，也很道地，今晚我們真的大滿足了，小曼谷給我們一個滿足又開心的晚餐，令我們回味萬分!

平日有得去九龍城食午餐，當然要食泰國菜。有午餐優惠叫粉面有冬陰公湯送，仲要有甜品送。份量都大碟，飲埋湯食埋甜品其實都食唔晒，都真係幾抵食。今次要泰式炒粉，比起平時的酸，不過都算係唔錯抵食。

食泰國菜都會黎九龍城小曼谷，雖然呢區好多選擇，但每一次都係揀黎小曼谷，始終有信心又食過好食。因為太耐無黎既關係，兩個人都叫多左，失左控食曮哂。不過個人真心排介泰式黃咖哩，送飯一流又惹味。炭燒豬頸肉都係必點的，有炭火香味肉質又軟，正。馬拉盞炒菜都當然唔小得啦，重口味好食。

九龍城一向都係泰國美食嘅集中地，今晚特意嚟到呢間餐廳，當然要食地道泰菜風味啦！食泰菜點可以唔食海南雞，半隻海南雞，份量絕對唔少，見到雞肉白淨，雞皮同身肉嫩滑，果然具質素。再加上秘製海南醬汁，點在雞肉上相當合拍！另一道地道泰菜，就係豬頸肉通菜。先將豬頸肉燒得香口，香味撲鼻，食入口有爽勁嘅口感，而通菜加上泰式醬汁，蝦膏等惹味醬汁一齊烹調，最後以鐵版奉上，味覺提升一個層次，強烈推介呢道。而泰式炸蘆魚，用上泰式芒果、酸甜醬汁，已經非常開胃吸引，而脆炸蘆魚即叫即炸，上檯時香噴噴，加上炸漿夠薄，魚身嫩滑，亦係另一道出色嘅菜色。

已經黎第二次 😛 主要係鐘意嗰環境 Feel ~呢間小曼谷 係九龍城都有好幾間舖位 其中一間就係有Live band ~唔肯定係咪openrice 呢啲地址，如果搵唔到可以問下職員點去 ~👍 推介 ~ 泰皇咖哩炒蜆 咖哩唔辣的 甜甜哋，蜆好鮮甜 肉大 😋 配蒜蓉包或芝士薄餅都好夾 很多泰國菜呢隻咖哩一定係跟炒蟹 而且時價都幾貴，對於我哋唔太食蟹，但鐘意食呢嗰咖哩嘅就無得簡，而且除咗炒蜆 仲有其他配搭可以簡。 👍 泰式奶茶 正宗的味道👍 生菜包 木瓜沙律 可以點少辣或加辣反而餐廳推薦的明爐青檸汁桂花魚有點失望 🐟 一般般 湯汁清甜都開胃，但嫌魚肉有腥味不太喜歡。

經歷過多少年的風沙，地盤工地終於完工，餐廳都係時候修復失地。一直想食個泰國餐，終於係週末搵到時間，最後選擇九龍城小曼谷。先來一個東鑫雞湯，阿辣妹一直話好飲，所以我都想試下。一試之下覺得好咸，阿辣妹也表示同意，覺得係咸味聚底，因為阿辣妹話開始時好好多。木瓜沙拉唔夠辣，可能係個人口味，不過味道好平均，最怕沙律偏咸。去骨辣雞腳有水準，酸辣適中，份量亦好足，好滿意嘅選擇。串燒方面也不錯，由於死肥仔同叉燒妹都十分愛，喺未得切拍照之前已經消滅了好幾串，看到以下照片就知道歡迎到。^_^ 照舊雞牛豬國兩村，死肥仔和差先會表示牛肉比較乾，我試過後也同意，雞肉和豬肉都到水準，所以最後也encore了。馬拉盞通菜不特別講，中規中矩。蒜蓉包味道可以，蒜蓉味算係比較重，剛剛出爐特別脆口。咖喱牛腩係為死肥仔魚翅，想俾佢試下乜嘢叫做”佬”味。咖喱汁唔係太難，小朋友都可以接受，份量好多，寶物沉歸底。炒金邊粉係阿辣妹摰愛，以小曼谷嘅出品非常出色，味道非常到位，推介之一。總括來說到九龍城選擇泰國食品都會首選小曼谷，由於之前風塵滾滾，所以有一段時間沒有來。這次重臨發現其實仲保持到水準，需要讚的會是它的衛生狀況，非常非常乾淨

好多人食泰國菜，要等左25分鐘，仲要過對面分店食。點了菠蘿炒飯，有點失望，以為原個菠蘿上，點知冇。個飯好油，而且感覺係把所有海鮮抄在一起，沒有泰式的風味。菠蘿肉都好少見到。肉鬆都不太新鮮，吾太香。。。不過，海鮮種類都多，有魷魚，蝦，蜆肉仔。。。同份量大件。串燒就平平無奇，叫左牛，豬，雞，豬軟骨。個醬汁都好味，不過吾算超級好食。坐位好逼，二人枱放滿食物，冇乜位置食野。比較少服務人員，要落order ,又執枱，吾太做得切，人手短缺問題要改善下！

上個月去完曼谷，一直都對地道泰國野念念不忘，雖然九龍城可以話係半個泰國，但要搵一間好食又夠地道既餐廳都唔容易，加上朋友對餐廳環境有一定要求，難度就更加高。最後臨食飯之前一日先俾佢揀到小曼谷，仲話應該得呢間先附合哂佢所有要求。星期日晚7點左右入座，人唔算多，後來到8點左右已經full哂加有人等位。一坐低先叫左2杯野飲，我揀左芒果沙冰，好飲！主要係因為飲得出佢用料十足，芒果多過冰咁，所以果味好濃。朋友叫既椰子沙冰，我無飲到，不過聽佢講都好好飲。之後黎既係招牌泰式燒雞，呢個可以話係我係香港食過最好味既燒雞，如果有係泰國食開雞既話都知道泰國既雞肉質係好實淨，同時又唔會鞋口，呢隻燒雞完全就係咁，加上燒得好香口，配埋個醬汁真係好屈機。 第二碟係黃咖哩軟殼蟹農夫包，又係十分出色，黃咖哩入口味道濃厚，一啲唔會水稀稀，軟殻蟹脆口又有肉，仲補留到啖啖蟹肉，我地最後係成個農夫包連咖哩食哂，一啖都無浪費到。最後叫埋個菜，係我最中意既啫啫豬頸肉椰菜苗，香口惹味熱辣辣，我地勁快已經清哂成碟。值得一提係餐廳每晚都有live band，好有泰國夜市啲餐廳既感覺，阿叔唱既英文舊歌勁有feel。為左多謝朋友好介紹，最後請

又來到泰菜集中地九龍城食泰菜, 今次揀左南角道既"小曼谷", 平日入夜, 店內已經坐滿大半, 果然係泰菜人氣店。食物款式多, menu上亦有唔少食物圖片, 賣相相當吸引, 有選擇困難症真是要再花點時間啊!【椰皇沙冰】HK$32微甜, 入口有淡淡椰香味, 仲有大量既椰絲, 豐富了口感【明爐香檸汁蒸桂花魚】HK$208明爐魚熱辣辣上檯, 桂花魚魚肉嫩滑, 湯汁酸酸甜甜, 亦帶微微既辣, 味道近似冬蔭功, 但冇冬蔭功咁濃郁, 愈食愈開胃, 額外上多碗湯汁, 慢慢滾住食, 唔夠可以自己加~  【泰脆豬手】HK$208份量幾大, 豬手已被離骨切件, 豬手皮很脆口, 稍嫌豬手肉鹹左少少, 配啤酒食應該會比較好。【泰皇咖哩炒海鮮】HK$178海鮮包括有三隻大蝦、幾隻大蜆、兩隻大青口、幾粒細帶子同埋魷魚。咖哩甜甜的, 有椰香味, 夠杰身, 魷魚好爽, 大蜆唔會有沙, 蝦很爽口, 唔係死蝦...但對比街口既小曼谷分店, 呢間既咖哩汁蛋花唔多, 所以蛋香味唔太突出。見到牆上張貼左榴槤沙冰同埋榴槤糯米飯, 下次再來定必要一試!!

去開九龍城 一定會食泰國野不過依家百花齊放 條街都多左好多選擇小曼谷都算係九龍城泰菜既始祖仲記得細細個食小曼谷佢仲係檔口仔依家已經有幾間鋪啦愈做愈大 又未必愈做愈好試過幾間鋪位既小曼谷始終覺得舊時細鋪最好依家名氣大左 野食就賣貴左但質素反而差左今次帶未食過小曼谷既朋友黎果然佢都認為有D小店出品仲高質價錢亦都平好多 所以依家都好少再去泰式鳳爪 一碟大概6舊(3隻)左右冬蔭公 用左爐慶住都唔太熱啲蝦個殻又淋肉又好霉 唔新鮮蒜蓉蒸大蜆粉絲好硬 蜆又蒸到過左火芝士蝦丸 不過不失小食拼盆炸野好難失手 不過唔突出咖喱軟坡蟹農夫包軟殼蟹炸得唔透身 食落只係油浸蟹咖喱好杰身 味道較甜個包無烘過 所以食落唔會脆口 好un椰青焗飯椰味好濃 但好少椰漿不開入面就較dry同埋飯太實 一舊舊痴埋 好硬整體黎講性價比低應該都係做遊客生意嫁喇

每逢食泰菜， 我第一時間就唸起九龍城， 九龍城泰菜餐廳林立, 於是我約咗好友去咗「小曼谷泰國美食」食晚飯。 從遠處就見到好可愛嘅公仔歡迎我哋， 很快就可以看到「小曼谷泰國美食」了。必食推介梗係《明爐蒸烏頭 $158》，明爐魚用咗多種香料而成， 包括有南薑、芫荽、香茅同辣椒等等， 味道特別豐富。 除咗烏頭本身肉味非常鮮甜之外，加上各種各樣嘅香料，散發出多種香味， 使人食慾大增，香濃嘅湯汁融入魚中， 魚肉特別鮮甜可口， 味道當然就更加惹味啦！ 香噴噴嘅《泰皇咖哩炒大頭蝦$178》 ， 香濃嘅咖哩配上肥大肉厚嘅大頭蝦， 啖啖肉， 真係爽！ 我好鍾意佢嘅咖哩汁， 所以叫咗碗飯撈汁， 有淡淡嘅椰香， 加上少辣同甜味， 又唔會蓋過大蝦嘅鮮味，真係食到舔舔脷呀！《小曼谷招牌海南雞 $85 半隻》，廚師用嘅係黃油雞， 所以雞味特別香濃，食落肉質嫩滑 ， 配上醬汁就更加滋味啦！ 極力推介之《椰皇沙冰 $30》椰皇同冰打碎， 飲落非常冰凍同鮮甜可口， 感覺十分清新， 又清涼又解渴。

難得朋友們有興趣食泰國菜，咁就選擇去九龍城食泰國菜啦。今次都冇特別咁去搵好食處，只係見到該點門面大，有華麗嘅裝潢，就冒險入店啦。今次選擇了4款菜式，因在香港品嚐泰國菜並不便宜，唯有揀啲大路嘅東西。第一道菜為生菜包，今次用作飯前小食之用，生菜爽甜，肉碎炒得乾身又香。第二道菜為無骨鳳爪，當初未到時諗起網上流傳的片段，怕影響食慾，但美食當前，便不想那麼多，吃了後覺得帶點酸辣，很正。第三道菜就係飛天通菜，原因係好簡單，是因為不太想為食肉獸，所以點了它。辣辣地之餘又唔老，正。最後就是炒金邊粉。金邊粉炒得不黏，很乾爽，食落又清爽。是個不錯的選擇。

呢日放工有任務在身，係執行任務前決定黎附近既九龍城覓食，想食好耐無食既泰國菜，但又驚九龍城會食到好貴，所以問過朋友推薦，最終決定試下呢間名字無乜特別（好似間間泰國菜都叫呢個名咁）既「正宗」泰菜。入到去同想像中既泰國餐廳有點出入：港式茶記既格局，中間拼成一張大長台，兩邊仲有卡位添，半信半疑下坐底觀察下附近，似乎食物都幾大碟，再望下餐牌! 圖片好多又寫得清楚，越睇越吸引！兩人掙扎一輪，本來打算叫明爐烏頭，但因為平時都試過，而且又唔想同冬陰公重複有「湯」既菜式，所以決定博下，轉戰「烤馬友魚」！本來對馬友魚呢個名非常陌生，唔講以為係大提琴家馬友友d frd xD 但見到真身後頓時回想起去泰國都見過呢d用鹽包住烤到微焦既烤魚！我諗除左大眼雞外 就係呢條馬友魚了！由於係鹽燒，表皮相當咸，千萬不要玩命去食魚皮（雖然我試左），師傅上菜前已經細心咁將魚皮切好，所以一揭開就食得！第一次食馬友魚，魚肉非常細嫩幼滑，而且基本上無骨，可以用匙羹掃晒d魚肉落黎食，食得乾淨又可以刮埋d魚油，正！ 原味唔點醬汁都好味，但點埋酸辣醬食會更鮮更甜！我覺得一人一條都不為過（嗯 但要留肚食其他野）另外大蝦冬蔭公都無令人失望，

好姊妹約食飯, 突然間講起中學時代, 成日係九龍城食飯又掛住個度嘅泰國茶, 為左懷念? 讀書時代, 就走左去食。呢間餐廳係九龍城好多年一直都佔一席位, 今次我地冇去到佢舊舖, 想坐得舒服 d 所以去左其中一間新舖😚首先黎左燒魷魚, 魷魚夠晒大塊😆而且有香濃嘅炭燒味, 上面塗左一層泰式醬, 另外都配左一碟泰式酸辣醬, 鍾意辣嘅朋友, 真係要點醬食而魷魚都比想像中燒得夠淋, 真係又香又好食。再黎就係我地嘅主菜, 黃咖哩炒海鮮, 黎到時我地嘩左一聲因為好大碟! 而且都有好多海鮮, 有: 大蝦, 青口, 魷魚, 蜆, 同帶子。大部分嘅海鮮都好鮮甜, 因為黃咖哩唔辣, 剛好同香料一齊可以帶到海鮮嘅甜味只係帶子食到有一陣雪味因為大家都係女士們, 食飯配咖哩就 too much 啦, 所以叫左蒜蓉包。包焗得好夠脆😆而配埋黃咖哩味道剛好。而蒜蓉牛油都好正~最後黎左緊搵盞炒小椰菜, 小椰菜自己煮好難的, 而佢炒得好惹味而且夠辣, 又岩晒我呢個食辣人😆飲品叫左龍眼茶, 茶裡面有好多龍眼肉, 但係太甜lu甜到嚇左一跳, 如果少 d 糖漿的話就更好。總結: 我地2個人食左 HKD500 左右, 佢地嘅泰式燒烤