386
25
10
| 餐廳: | 小曼谷泰國美食 (南角道) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：http://www.foodwisehk.gov.hk/zh-hk/food-wise-Eateries.php
開飯介紹
由細舖搬到大舖，人氣多年不減。餐廳選擇豐富，供應多款串燒，即叫即燒。推介冬蔭功湯及咖喱蟹。
繼續閱讀
營業時間
今日營業
11:00 - 01:00
星期一至日
11:00 - 01:00
以上資料只供參考, 請與餐廳確認詳情
有關獎賞計劃
招牌菜
食家推介
講起食泰國菜，就諗到去九龍城。原因係九龍城又有小泰國之稱，泰國菜館多到條條街都有幾間，而且味道非常地道，所以本人/遊客都識嚟搵食。屯馬線宋皇臺站開通咗之後，嚟九龍城就方便好多，B出口南角街一出嚟就見到小曼谷。今日嚟食生日飯，一於食豪啲。😅泰式生蝦6隻海蝦，隻隻彈牙，証明好新鮮。泰式椰子雞湯味道有少少似冬蔭功，但就少辣少酸。椰香味好濃，淡淡嘅南薑香茅味，飲落去好舒服，大人細路都啱飲。泰式炒金邊粉(Pad Thai) 甜甜酸酸，有大蝦幾隻，味道不錯。咖哩麵包軟殼蟹麵包烘得好脆，點咖哩一流， 炸軟殼蟹略嫌油膩咗啲，唔及麵包吸引。芒果糯米飯芒果超甜，糯米飯熱辣辣，軟軟糯糯好好食。但注意一下，佢份量足2-4人份，建議如果點芒果糯米飯嘅話，就減少其他主食，同埋晏啲先落單，因為佢上菜好快。最好食到咁上下，食得落先再點，當日我哋差啲俾佢K. O. 。食到好飽，好滿足。當自己去完泰國夜市架啦！😅
繼續閱讀
🫶🏻天氣一熱就懶得入廚房煮飯，苦夏時不時都無冇食欲，落街買餐泰菜外賣同家人共享就岩哂啦～九龍城泰菜眾多，食返間老字號就唔洗驚中伏啦 😉👅 豬頸肉配海南雞油飯 ( $ 75 )一份 Lunch Set，又食到豬頸肉又食到海南雞，好食仲要份量充足，都係呢個價錢真係好癲 😱豬頸肉烤得表面金黃焦香，口感爽彈，配上泰式酸辣蘸汁食好上癮 ❤️🔥海南雞嫩滑無骨，點酸辣醬食好滋味 🥰👅 安格斯西冷牛小排配白飯 ( $ 125 )牛小排牛味濃郁，香烤後炭香四溢，軟熟好嚼口，估唔到食泰菜都試到咁高質既烤牛肉 ✨👅 泰皇咖哩軟殼蟹配薄餅 ( $ 125 )外賣貼心地分裝咖喱湯汁、軟殼蟹及簿餅，咁就無浸淋哂既問題 👍🏻 咖哩湯底濃稠，椰香味較重，味道不辣而係偏甜及咸。軟殼蟹外脆內軟，蟹肉並不少，點上咖喱汁同簿餅一齊食風味十足 💕👅 酸辣鳳瓜 ( 跟餐 + $ 29 )平到不得了，CP 值超高既小食 ❤️🔥 外賣比足一盒滿滿既鳳瓜，彈牙清脆，酸甜入味好開胃 😍.👅 串燒豬及雞肉 ( 跟餐 + $ 29 )跟餐加配 2 串豬肉同雞肉串燒，肉質結實，同樣烤得火熱，點醬食好惹味 🥓🥓🍹 泰式龍眼冰一整杯泡出濃濃既龍眼味，香甜泌脾 😋🍹 珍多冰椰汁配不少綠色珍多及冰碎，冰涼清爽，味道偏甜 ❄️❄️.🍹 凍檸水叫返杯凍檸水降溫消濟，清甜涼爽 ❣️▫️◾️▫️◾️▫️◾️▫️◾️▫️◾️▫️◾️▫️◾️▫️小曼谷泰國美食 (南角道) (九龍城)📍九龍城南角道9-11號地舖
繼續閱讀
九龍城出晒名好多泰國餐廳，今次試吓「小曼谷」，自從「宋王臺站」起咗之後就非常之方便，一出地鐵站就係對面街😎去完泰國之後已經有啲掛住泰國🇹🇭風味🤌🏻泰式鮮蝦炒金邊粉 金邊粉可以每次都必食，濕度啱啱好唔會太乾，酸鹹度都好夠，份量好多，加埋花生碎同青檸汁一齊食🤣鮮蝦好大隻，仲有泰式魚片等配料好豐富🤌🏻椰汁雞湯 本身想飲冬陰功但屋企人唔食得辣🤣雞湯用火熱🔥住以保持温度，好濃郁嘅椰香味，配料十足有嫩滑雞件、鮮甜車厘茄、秀珍菇、洋蔥🧅等，夏天食酸甜開胃，食慾大增😎🤌🏻 明爐蒸桂花魚桂花魚肉質比較好食，湯充滿香料好泰國🤣有香茅、檸檬葉、南薑、辣椒、青檸等，酸酸地唔辣，用上原條桂花魚，啖啖魚肉嫩滑，個人覺得個湯再濃味啲會更好😛🤌🏻小曼谷炒飯 用蛋包飯形好厚，入面嘅料包括蟹柳、扎肉、豬頸肉、蝦，車厘茄等都幾豐富，飯嘅份量好多，不過蛋皮就比較乾身，整體都好食😛🤌🏻椰青 椰汁🥥沙冰椰青好清甜飲得出好新鮮，椰汁沙冰亦都好解渴，夏天飲真係好站適合😎🚩 小曼谷泰國美食 (南角道) (九龍城)九龍城南角道9-11號地下#addifoodie #addifoodie九龍城#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #小曼谷
繼續閱讀
過咗嚟宋皇台返工咁耐，都無去過九龍城嗰邊食泰國嘢，每日放工都歸心似箭 🏃🏻♀️難得大學同學飯局有人提議去，我當然無問題 👀 由公司行去，都只係十分鐘。上網揀餐廳嘅時候，除咗小曼谷，不停見到BTS美食站，去到餐廳先知，原來都係同一間餐廳。我哋一早預約咗，一去到就可以入座。泰式生蝦刺身 ($128)一份有6隻，好爽口。夠新鮮。泰式炸蝦餅 (細) ($98)因為有生蝦嘅關係，蝦餅揀咗細份。但佢個細份都幾大，同平時食嘅蝦餅嘅賣相有啲唔一樣。個蝦餅成個冬甩咁🍩好厚身，口感好彈牙，新鮮炸起，熱辣辣。沙嗲串燒 (豬肉/牛肉/雞肉) ($22)串燒逐串計，我哋每款要2串可以大家一齊 share。豬肉同雞肉都好食，但個牛偏硬，可能燒嘅時間燒耐咗。泰式馬拉盞炒通菜 ($108)份量大，水準正常。唔辣，好惹味🥬黃咖喱雞肉 ($108)落完單，第一道上嘅菜就係咖喱。我哋都有啲surprise，估唔到要煮嘅咖喱比起生蝦仲快😂咖喱有好多薯仔同洋蔥，反而雞肉又唔係好多。咖喱汁唔辣，點蒜茸包 或者 酥餅都好味。泰式原味烤酥餅 ($48)一份有兩大片，每片分一半，大家都有得食。我初頭以為係食印度咖喱嘅Naan，但佢係手抓餅外面嗰層嘅酥餅，所以有啲油。泰式蒜茸包 (4片) ($48)蒜茸包好鬆脆，而且好大件。我覺得咖喱配蒜茸包比較好食。我哋4個人，埋單每人唔洗$200，食物份量都夠大，好抵食。宜家有地鐵站好方便，餐廳就係地鐵站出口對面。值得一試👍🏻
繼續閱讀
收工一個人去左九龍城搵食, 搭地鐵過到黎諗住就腳少少是但搵間入去食晚飯, 係門口睇左陣餐牌, 見到有我最鍾意食既船粉, 毫不猶豫咁入左去拎位坐低估唔到船粉都有咁多選擇, 最後叫左豬肉丸肉片船粉, 除左河粉, 仲可以揀金邊粉或米粉, 配菜本身有青有芽菜, 我全走青同走芽菜, 再叫左多湯船粉賣相同我係泰國食到既好相似, 但份量比我想像中大碗, 係一人份量多少少, 入面除左有豬肉丸、肉片, 仲有豬皮同豬潤, 個湯濃郁得黎帶甜, 唔會係死甜嗰種味道, 豬肉丸好彈牙, 肉片質感幾軟熟, 炸豬皮超正帶脆刃口感, 豬潤就煮得熟左啲, 如果可以生返少少就更好了! 另外再叫左個豬肉碎生菜包, 生菜大片新鮮, 肉碎之中夾雜左花生碎, 食落口感剛剛好, 又唔會過分乾又唔會太濕, 辣得黎好惹味, 如果食得辣既人會鍾意, 同埋都真係幾大碟, 如果平時同朋友黎叫幾樣餸一齊食, 都夠3-4個人食整體味道幾正宗, 環境乾淨又光猛, 上菜速度幾快, 船粉唔係度度食到, 依度有得食真係加分, 同埋啲份量同價錢係合理, 一個人黎食又唔會叫唔到野食, 一大班朋友黎食都得
繼續閱讀