小曼谷泰國美食 (南角道)

營業中

休息中

宋王臺站開咗咁耐都從來未去過，今日就黎食呢間小曼谷泰國餐廳。去到嗰陣時，見到好多人已經喺度等緊，好彩一早已經預約咗，去到就有得坐低。叫咗個炒金邊粉，食落甜甜地，啲蝦每一隻都係大大隻啖啖肉。芒果糯米飯啲椰汁加埋芒果，以前去泰國食旅行感覺返晒黎。串燒方面，叫咗雞腎，豬肉，牛肉，雞軟骨，鴨胸。全部都係即叫即燒，值得一讚嘅係佢嘅豬肉，肥瘦適中，燒得特別惹味，可以覆桌。飲品方面我嗌左個椰青,非常大個，飲完啲椰青水仲可以食埋佢嘅肉，爽。朋友叫咗個芒果椰汁冰沙，望落都幾吸引。椰汁西米糕既西米軟林林，幾好味。泰式千層糕煙煙銀銀，唔會太甜，值得一試

泰式生蝦，配埋舊蒜頭同辣椒一齊食好辣但好食又夠彈牙！大小食拼盤，最愛蝦餅，彈牙有口感。馬拉盞炒通菜，無乜特別蒜蓉包一流，整到好脆，蒜蓉味好香必食泰式鳳爪，好食但都幾辣，唔食得辣嘅朋友就唔好叫。椰汁三色冰好足料好飲

自從開通左屯馬綫之後一直都好想去九龍城行吓 搵吓嘢食依家放個聖誕長假終於可以做到了今日同男友喺小曼谷泰國美食 (南角道)食咗個好豐富嘅lunch 我哋總共叫咗六樣嘢 ⋯⋯ 😱呢度值得推介 而又係最出名嘅椰汁雞湯我好鍾意佢哋用個小爐仔熱住個湯首先佢有淡淡的椰子清香味之後就係嫩雞 香茅 小蕃茄 香草嘅濃郁味道可惜男友唔鍾意椰汁 / 椰子食品所以我一個人飲晒成碗湯 lu 🤓🙌🏻 大滿足 ～～～除此之外我哋仲叫咗：香茅豬扒拼泰式臘腸飯配甜豉油汁原來泰式臘腸好味過廣式嘅勁多倍O M G 唔夠喉無骨海南雞船粉船粉不過不失海南雞份量都好多唔鍾意食辣嘅朋友可以試試泰式炒雜菜蔬菜同醬汁嘅混合 味道啱啱好唔會太醎 而且芥蘭夠爽豬及雞串燒 各一串 我好鍾意配埋小曼谷嘅沙嗲汁而且豬肉又燒得好香小曼谷原隻芒果糯米飯唔記得咗叫侍應後上呢個甜品如果趁熱食嘅話更加好味椰汁份量同糯米飯嘅配搭非常好 ☺️

去九龍城吃泰國菜已經成為習慣了,呢日就選擇再吃小曼谷,因為離宋皇台站好近,非常方便.泰皇咖喱炒海鮮-份量十足,有多款海鮮搭配：魷魚，青口，鮮蝦，奶香味偏重，咖喱汁配鬆脆的薄餅一流泰式柚子沙律 - 鮮蝦夠大,花生香口,柚子相當清甜，口感新鮮，味道偏辣，非常醒胃沙嗲串燒 (雞肉+牛肉）-燒得恰到好處,肉嫩多汁,yummy泰式鮮蝦炒金邊粉-金邊粉軟硬適中，配合新鮮青檸汁，口感更加豐富椰汁西米糕同千層糕-甜度適中,千層糕煙韌有口感

想食泰國野緊係要去九龍城，依家交通方便左想食隨時去都得！第一時間諗起小曼谷，因為係我其中一間很喜歡的泰國餐廳。泰皇咖哩法包軟殼蟹呢個係我食泰國野必點嘅菜式，呢到嘅法包係軟軟的，唔會勁硬，我地真係可以一路點咖哩食晒成個。咖哩少辣，岩晒我呢啲唔食得辣嘅人。軟殼蟹非常大隻，炸得脆又香口！泰式原味烤薄餅食咖哩點少得薄餅，呢到嘅薄餅超大塊，仲大過我隻手掌。熱辣辣整起，煙煙韌韌又帶點脆皮，點咖哩一流。泰式豬頸肉炒飯來到時覺得平平無奇的炒飯，但食左第一啖之後就改觀了，因為係超有鍋氣的炒飯，真係好正！豬頸肉超淋，好好味，而且原來炒飯入面仲收埋左好多大大舊嘅豬頸肉！泰式馬拉盞炒通菜食咁多肉緊係要點返碟菜，帶點辣的通菜很惹味，大大碟很抵食！除左野食好味之外，員工亦非常有禮，性價比高的泰國餐廳！

細細個已經由大人帶黎依度食泰菜，食物如何就印象比較模糊，最記得、最鍾意係佢哋d沙冰😍仲有一個原因成日黎依間，應該係因為平囉😂😂冬陰功係至愛，又酸又辣，蝦唔係大頭蝦，但鮮甜過大頭蝦加埋泰式香料，簡直係正呀👍🏻柚子沙律好好味呀，因為要求走椰絲，所以終於可以柚子嘅味道冇被搶走，我建議大家要咁樣食！個蠔餅上枱熱辣辣，好香脆，蠔肉亦新鮮，即晚冇肚痛呢😅😅朋友話叫咖喱就梗係配牛腩，而咖喱牛腩就梗係配蒜蓉包😋😋😋好似係指定動作添馬拉盞炒椰菜苗，馬拉盞好香呀！碟菜份量勁多，抵食！沙冰又點少得，我覺得波蘿沙冰好飲dd，酸酸甜甜，食泰菜最夾😏

咁就食泰國菜，當然要去九龍城，小曼谷應該冇人不識吧。 小姐仔最鍾意飲椰青，一坐低就點了一個椰青，冰凍新鮮。 我們點了冬陰功湯，小食拼盤，燒魷魚還有菠蘿海鮮飯。 小食拼盤非常大堆頭。 如果只有兩個人絕對吃不下。春卷揸得外脆內軟，熱辣辣非常可口。 蝦餅是推介之一，🦐膠爽口彈牙，蝦味濃郁，而且醬汁酸酸甜甜非常醒胃。 還有這個炸魚肉波波，香口惹味。 必須要讚一讚呢一個燒魷魚，笑得剛剛好不會過火，輕微的辣味不會搶過魷魚嘅鮮甜。

小曼谷泰國美食 (南角道分店)九龍城泰國食肆林立，自從開咗宋皇臺站地鐵站後，更加方便我哋去那區品嚐泰國美食， 呢間餐廳喺宋皇臺地鐵站b1出口便見到 ，交通非常方便。* 餐廳座位闊落 ，光線明亮， 在牆壁上掛上泰國的地圖和各種吊鐘， 充滿泰國色彩。1. 泰皇咖哩法包軟殼蟹 $168: 大大塊的法包承載著黃咖喱，法包外脆內軟 ，蘸上咖哩汁來吃，非常滋味！法包和軟殼蟹分隔開，軟殼蟹份量過多，炸至金黃色，非常香脆，但卻沒有一點油膩的感覺， 黃咖哩味道濃郁，帶點椰香味，不太辣， 非常美味。2.海南雞飯$78： 海南雞做得非常出色，雞油飯粒粒分明 ，軟硬適中； 雞皮爽滑，肉質嫰滑而富彈性， 雞味濃郁， 配合秘製的醬汁去食， 更突顯出雞的鮮味。3.泰式濕炒海鮮河$81: 大大碟，份量十足， 配料豐富， 包括有鮮味的帶子、 爽口的大蝦 、 彈牙的鮮魷， 再配上紅蘿蔔和翠綠的芥蘭， 河粉是寬條的，而且非常滑， 鮮味的湯汁和新鮮的海鮮，鋪在河粉上面， 令人垂涎欲滴 ，引不住一口一口地吃下去4. 椰青$37： 椰肉非常多，而且爽口， 椰青水夠，而且清甜。5.蒜蓉包$32: 蒜蓉份量十足，非常香脆， 咬

今日朋友突然想食泰國野所以我地2個就嚟咗食位置係宋王臺站一出行幾分鐘就到 好方便由於太肚餓既關係所以我地每人嗌咗個主食🙈朋友嗌既係香葉辣椒豬肉碎燴飯配荷包蛋豬肉碎有少少辣而且份量夠 送飯一流👍🏼我就嗌咗每次食泰國野都必食既泰式鮮蝦炒金邊粉金邊粉就一如既往咁好食 仲有3隻大蝦🤪另外再嗌左個牛油蒜蓉燒大蜆，豬頸肉同炒椰菜苗大蜆夠鮮味而且好香牛油味豬頸肉大塊得嚟又唔會乾身 點埋泰式辣將更加惹味😋椰菜苗既份量都好多食咗咁多野其實已經好飽 但我地都堅持要食埋甜品🤣最後嗌咗我地既至愛芒果糯米飯 有2大塊芒果而且淋上大量既椰汁🤤呢餐真係食得好滿足

每次想食泰菜都一定會去九龍城，小曼谷都成日聽朋友推介，而且又近地鐵站。我同朋友叫左PAD THAI ， 香辣豬肉碎煎蛋飯。PAD THAI 望落以為好辣，但係唔辣的，仲有少少甜，蝦都好多隻! 香辣豬肉碎煎蛋飯可以簡辣度，好貼心，肉碎好夠味，用黎送飯真係好岩，配埋D蛋漿，好滿足。豬頸肉又係好正，件件都好多肉，好大件，又唔會UN。次次食泰國野都叫通菜，食到悶，今次試椰菜苗，又OK WO，幾惹味。蒜蓉牛油大蜆都好抵食，好香蒜蓉味，面仲有D魚乾仔，同埋可以點下佢個甜辣醬。椰青好滿清甜，下次再黎會想飲下佢呢到個泰奶!

一講起泰國食物，第一時間就會諗起九龍城。所以今天我們入九龍城食小曼谷。我們點了牛肉沙嗲串燒、鷄肉沙嗲串燒、泰皇咖喱炒海鮮、泰式柚子沙律、泰式炸芝士蝦丸、泰式鮮蝦炒金邊粉、泰式原味烤薄餅和甜品椰汁西米糕拼泰式千層糕。泰皇咖喱炒海鮮超大份的分量，有好多海鮮，例如魷魚、青口、蝦，咖喱的奶味比較重，少一點會更加好。泰式柚子沙律柚子很新鮮，花生夠爽脆，汁就甜了些少，整體算不錯泰式鮮蝦炒金邊粉呢樣是必食的泰國主菜，果然味道不錯，鮮蝦很爽口，感覺真的好新鮮。甜品的椰汁西米糕同千層糕，上碟時還是暖暖的，甜度適中，好好味。

這間泰國菜餐廳之前食過銅鑼灣分店，今次來到九龍城分店，感覺更有泰國的feeling！食物都好多選擇，今次還點了一些平時較少吃的菜式！泰式煲仔翅，上次食過覺得不錯，所以今次都要再食！一煲煲仔翅足夠兩個人食，翅的份量都幾多，加上芫茜、芽菜和紅醋，味道非常惹味！泰式鐵板蠔餅，想不到蠔餅的份量超大份，炸到非常脆卜卜，而且用上超級多蠔仔，基本上每一啖都可以食到，非常足料，再點上辣醬，能夠刺激味蕾，口感又豐富！鐵板豬頸肉啫芥蘭，上枱的時候熱辣辣，用上馬拉盞一齊炒，味道好香，豬頸肉亦有燒焦的效果，份量都幾多！泰式鹽燒烏頭，烏頭用上大量粗鹽醃住再燒，外表燒到脆卜卜，內裡魚肉嫩滑，美味！泰式鮮蝦炒金邊粉，很久沒有吃Pad Thai了，這裡的炒金邊粉份量好大份，味道甜甜酸酸，加上花生碎和芽菜，口感豐富又惹味！再飲上椰青和泰式奶茶，好有泰國的感覺!

泰式鮮蝦柚子沙律：柚子沙律上枱賣相吸引，鮮蝦非常吸精，大大隻又啖啖肉。柚子一疏疏，分量十足，而且酸酸甜甜帶點微辣，非常醒胃，做時菜一流。泰式鐵板蠔仔餅：蠔仔餅大大份，油炸極之香口，脆卜卜又鮮味，啖啖蠔仔肉加上辣醬。鐵板上可以保持熱度，不錯！炒椰菜苗：椰菜苗新鮮幼嫩，鑊氣十足，上枱香噴噴。喜歡食椰菜苗，多數泰國餐廳先有，不可錯過！沙嗲串燒：即叫即燒，牛肉和雞肉非常惹味。沙嗲醬汁濃郁，配合燒肉好夾，一人一串剛剛好！去九龍城食泰國嘢是常識！屯馬綫方便！

自從宋王臺站起咗之後，好耐都冇嚟過九龍城食嘢，黎九龍城，第一時間梗係食泰菜啦！一出地鐵站，就見到一條好又多嘢食，我哋就揀咗最近嘅泰菜，小曼谷！真係超級方便，一出地鐵站就見到啦！呢度雖然舖頭細細，D都唔會太迫，又卡位可以坐！我同朋友實在太肚餓嘅關係，所以叫咗好多嘢食，要睇Menu有勁多選擇，所以就瘋狂叫咗勁多嘢！首先叫左生蝦，柚子大蝦沙律，識啲Fresh嘅嘢可以開胃!跟住就可以食超級勁多嘢!大蝦冬陰功嘅飲得多，今次就轉雞肉冬陰功!個湯嘅味道酸酸辣辣好好飲！雞肉都尚算嫩滑！今次我哋仲叫左海鮮！香蒜象拔蚌，同埋燒鱔！海鮮好新鮮，完全冇腥味仲好有鮮味添！最後我哋仲叫咗馬拉盞拖炒通菜！超級大碟，兩個人食真係勁正！

食泰國菜，點都覺得去九龍城食係好味啲地道啲🤪同埋最緊要方便，今次就揀咗宋王臺站一出就見到嘅小曼谷，宋王臺站B2出口一出就見到，黃色嘅招牌好易認🇹🇭❤️沙嗲串燒 雞肉豬肉 （每款$34）串燒即叫即燒好快就有得食，燒得好香口， 保持肉汁唔會太乾😊❤️泰式燒羊架$88燒羊架都係即燒，外脆內軟，羊架又唔會太蘇，食落好有羊味，肉質鮮嫩。❤️泰式煲仔翅 $98呢個泰式煲仔翅除咗有翅之外，仲有兩片花膠，啱晒我哋一人一舊，份量夠兩個人食，好懷念去曼谷唐人街食雞煲翅嘅日子。❤️海南雞飯 $78每次都會點我最愛嘅海南雞飯，呢度嘅海南雞做得唔錯，雞皮爽脆雞肉嫩滑有雞味，再點埋秘製海南雞醬汁，正呀😍❤️小曼谷原隻芒果糯米飯 $72喺泰國餐廳食甜品又點少得芒果糯米飯呢，以前去旅行喺機場都要買返香港食😜哩到餐廳現場食暖粒粒嘅糯米飯，再配埋原隻芒果同椰汁，正呀🤩🥢小曼谷泰國美食 (南角道)⛩️九龍城南角道9-11號地下