小曼谷泰國美食 (南角道)

營業中

休息中

黎開九龍城，lunch諗唔到食乜， 好多年冇食過小曼谷，諗住老字號無死叫咗個鐵板煎蠔仔蛋冇諗過原來而家小曼谷會咁伏😂個底成幾匙油係到😂😂個炸蛋本身油到不得了， 仲唔知點解冇調味🤦🏻‍♀️🤦🏻‍♀️ 蠔係完全冇味， 蛋係dd 咸味都食唔到🤦🏻‍♀️🤦🏻‍♀️ 最後竟然食唔曬， 我哋兩個人嗌咗兩碟餸， 都食唔曬就知味道真係………… 另外叫咗個海南雞飯， 不過食曬啲雞先記得影haha 味道係正常好食嘅海南雞飯，油飯唔會話太油👍🏻👍🏻 仲叫咗個椰青 記得以前九龍城嘅小曼谷門口係勁多人食排曬隊， 出名好食又抵食，可能即係過咗太多年😅😅

屹立咗喺九龍城咁多年 諗起要食泰國嘢第一時間就諗起小曼谷 食到正宗嘅泰國嘢之餘質素有保證價錢又合理黑胡椒炒大糕蟹 （一斤二兩重）大個兩個拳頭嘅大膏蟹 蟹鉗 好似有兩隻手指公 咁大 成個 蟹蓋 入邊全部都係蟹膏， 蟹膏金黃甘香， 蟹肉鮮甜 而且啖啖肉 而且黑胡椒味冇蓋過蟹肉嘅鮮甜味泰式叉燒乾撈麵泰式叉燒大大片， 肉質軟腍，叉燒汁香， 秘製醬汁撈嘅撈麵特別惹味泰王咖哩炒蝦配薄餅大大隻海蝦喺咖哩汁裏面游水， 咖哩汁香濃， 像一片片薄餅 點上咖哩， 真係 停唔到口泰式鮮蝦柚子沙律清甜微酸嘅柚子肉， 鮮甜爽口嘅鮮蝦球， 加上泰式醬汁和不同嘅沙律菜，伴製出嚟嘅沙律， 甜甜酸酸， 十分開胃青咖哩海鮮香濃椰奶味重嘅青咖哩，加上魷魚，蝦等海鮮盡吸咖哩味串燒豬，串燒雞食泰式餐廳，怎能夠唔食串燒， 豬肉同雞肉嘅油香味，肉香味，未放進口已經感受得到食咁多嘢當然唔少得嘆返杯泰式奶茶 同埋泰式特產 泰式龍眼冰， 泰茶同奶嘅比例啱啱好， 龍眼冰清心潤肺

講到食泰國嘢，就梗係唔少得一定要走去九龍城啦！去到九龍城嘅時候，我自己就揀咗呢一間小曼谷泰國美食！入到去嘅時候，我今次就叫咗一個牛丸牛肉船河粉！呢一度嘅河粉真係好好食，就咁睇呢個湯底就已經知道佢非常之濃郁！飲落去嘅時候真係好香嘅牛肉味道！而且呢度嘅牛肉亦都好好食，啱啱好熟！所以牛肉非常之亂，牛丸亦都係非常之有牛肉嘅味道！而且爽滑彈牙！非常回味！

九龍城最多就係泰國嘅美食，呢間就係宋王臺站對面，超級方便之餘,佢比我感覺裏面仲有好多唔同種類嘅泰國美食。而佢哋而家仲推出左個BTS站必食推介餐牌。牛丸牛肉船河粉牛丸蛋呀，牛肉味濃，河粉滑口。冬陰功海鮮湯粉絲食泰國嘢點可以少得冬陰功😆足料好味😋呢間海鮮都算高質，因為都比較新鮮，裏面有魚片，魷魚🦑，蝦🦐同蟹柳，成碗食完仲可以飲埋佢個冬陰功湯添，又唔太辣，鮮味道十足👍🏻泰式生蝦刺身呢個係重點，生蝦新鮮爽口，配埋佢個特別辣醬，簡直食完回味再回味。椰汁西米糕配泰式千層糕椰汁糕好creamy椰子味好重,泰式千層糕好煙靭又唔太甜。芒果沙冰新鮮芒果製造，好重芒果味。小曼谷泰國美食 (南角道) (九龍城)🏠九龍城南角道9-11號地下☎️27167828

九龍城周圍都係泰國🇹🇭菜館，今日同朋友仔過咗嚟幫襯一下🤤小曼谷！入邊裝修用咗🟡黃色同🟢綠色嘅配搭，感覺好🤩醒神有朝氣😆。我哋叫咗個泰皇咖哩軟殼蟹🦀配蒜蓉包🥖午餐，呢個係跟餐嘅🇹🇭泰式冬瓜湯🥣，入口清甜，冬瓜入味。呢個🇹🇭泰皇咖哩🍛軟殼蟹🦀配蒜蓉包🥖午餐份量都幾足，咖喱香料味重唔算好辣🌶而且好香甜☺️，配埋香脆嘅蒜蓉包🥖食好好味🤤，軟殼蟹🦀都幾肥美😋而且好鬆脆👍！🇹🇭泰式花膠濃湯🥣煲仔翅入面有軟滑嘅🐟花膠又有鮮味嘅🦈魚翅，味道濃郁又🤤鮮味十足，💰性價比唔錯。鹽燒🔥東風螺🐚表面有唔少嘅鹽粒，食落去鹹香😋鮮甜，沾少少🤏泰式辣汁🌶就更加惹味！🇹🇭泰式🧈牛油🧄蒜蓉🔥燒青口成排上枱🤩好 eye-catching！青口飽滿肉嫩又鮮甜🤤，上面仲有啲🐟小魚乾再強化左佢嘅鮮味👍，十分之唔錯😋。鹽燒🔥鮑魚大大隻🤤肉質爽滑，上面嘅🐟小魚乾再加添左啲鹹香風味，😋正呀！個人來講十分之推介佢哋嘅🔥燒脆皮白鱔，火候控制得好好👍外層脆皮卜卜脆又鬆化🤩，下層嘅皮少少煙韌又鮮味🤤，肉質嫩滑多汁😋，原味食幾啖之後沾少少🤏泰式辣汁🌶又有另一番風味！椰汁🥥西米糕拼🇹🇭泰式千層糕🍮煙韌香甜又解辣😋，椰香味出眾。泰式奶茶🥤同椰汁沙冰🍹

擁有著「小泰國」之稱既九龍城 只要經過每條街都會見到泰國美食、串燒、香料等等既店鋪 種類非常之多 今日就選擇左宋皇臺站一上就到既泰國餐廳 非常滿意🤪好滿意餐廳既海鮮 種類多、新鮮、味道好👍🏻泰皇咖喱軟殼蟹 配蒜蓉包呢款泰式咖哩真係與眾不同 咖喱有講唔出既泰國香料 同平時食開既好唔同 味道偏香甜既咖喱 配搭蒜蓉包惹味非常 再加上炸軟殼蟹非常鬆化 啖啖都係蟹肉 非常吸引鹽燒東風螺鹽燒鋪滿東風螺 唔需要特別既烹調技巧就可以食得出東風螺既鮮味 新鮮爽口 如果追求刺激可以沾埋餐廳泰式秘製辣醬 海鮮配上泰式辣會昇華上另一種層次燒脆皮白鱔大大條啖啖魚肉既白鱔 輕輕一燒燒到爽脆魚皮 咯咯聲魚皮 香甜魚肉一啲都唔腥牛油蒜蓉燒青口好香牛油味再搭上非常多既蒜蓉 好邪惡但係好好味 仲有啲炸魚乾鋪面 令到青口有唔同層次調味既體驗鹽燒鮑魚蔥 蒜 炸魚乾 令鮑魚同樣有唔同既體驗 而且燒得鮑魚非常嫩滑 就咁望住隻鮑魚真係會垂涎三尺🤤泰式花膠濃湯煲仔翅堅係有真花膠同埋魚翅既煲仔翅 大大煲適合4 5個人食用椰汁西米糕 拼 泰式千層糕真係正宗泰國餐廳既甜品 椰汁味重 口感都好QQ 煙韌不得了椰汁沙冰泰式冰奶茶飲品方面都好泰

泰國美食實在‘泰’好味，九龍城更有多間泰國餐廳，今次這間鄰近鐵路，非常方便。泰皇咖喱法包軟殼蟹法包盛載著濃郁黃咖喱，咖哩甜而不辣，口感順喉，配上酥脆軟殼蟹，吸收晒咖喱精華，啖啖滋味，法包全個都可以食，好飽肚。泰式鮮蝦炒金邊粉金邊粉口感煙韌，質感彈牙，最鍾意醬汁甜味，伴上花生碎、青檸汁，十足泰式情懷。泰式炒雜菜 清炒簡簡單單都唔錯芒果沙冰 芒果味濃郁，揀了少冰少甜，順喉又唔會飲到頭痛珍多冰 一樣自選少甜，少冰，配料有半杯，非常足料。

屯馬線方便，我最近常九龍城，九龍城歷史悠久，最出名一定是泰國美食，’泰’多好選擇。小曼谷南角道店鄰近宋皇臺站，交通方便。鮮菠蘿雞肉炒飯炒飯口感濕潤，雞肉嫩滑，菠蘿香甜，甜甜地易入口，小朋友至愛。泰式鮮蝦柚子沙律可按個人口味選擇辣度，我揀少辣，柚子香甜多汁，醬汁酸酸甜甜，配上爽口原隻大蝦，作前菜好開胃。串燒可逐串選擇，雞肉最嫩、豬肉有口感，牛肉最惹味。泰式千層糕 蒸好特別軟糯，煙煙韌韌椰汁西米糕 椰汁濃，西米配粟米，口感豐富。

💡短暫拾回泰味黎到九龍城當然唔少得食泰國菜🥢，加上而家有左宋皇臺站之後就更加方便好多。眾多泰國菜館中，其中最早出名嘅可算係開業多年嘅「小曼谷」，而家開左幾間分別，今次就咁岩黎到九龍城買野，就黎試下。🍽 BTS無骨海南雞飯🐥海南雞份量多，雞肉亦算滑。雞皮同雞肉之間有層透明啫喱，食落一啲都唔油膩，仲有清爽嘅口感。雞皮爽脆，雞肉鮮嫩，而且有雞味。加埋佢個醬汁一齊食就更加正。而雞油飯粒粒分明，食落有咬口！🍽明爐香檸汁蒸烏頭🐟 食得泰國菜又點可以唔食明爐魚，大大條明爐魚，有成隻手臂咁長，入面有生菜，酸菜等。睇見已經想食，加上上菜時會有小火一直加熱著，滾熱的明爐魚散發出香濃青檸味，肉質嫰滑，非常入味。🍽泰皇咖喱炒海鮮🥘海鮮配料夠豐富，有青口、帶子、魷魚、炸蝦等等，另外仲有青椒同洋蔥，層次感夠曬豐富。咖喱重椰奶味🥥，好香口，拎黎撈飯一流。🍽豬肉雞肉串燒🍢午餐加$25可追加兩串串燒，各有豬肉及雞肉一串。即叫即燒，非常惹味。沙嗲醬汁濃郁，配合燒肉好夾。🍽龍眼水好足料，好多龍眼肉咬下！甜度適中，飲落好清甜。🍽凍泰式奶茶相信呢個黎得食都係必點，甜度就選左正常，但飲落又唔覺好甜，而且奶茶口感絲滑，奶同茶嘅比例

話說好友想食泰國菜，即時就諗起九龍城，一來選擇多，二來而家有咗屯馬線，來回都比以前方便呢間泰國菜館就在港鐵站出口附近，可謂位置極佳。而食物嘅選擇非常多，唔同口味嘅朋友都一定會揀到樣啱食嘅▶️泰皇咖喱法包軟殼蟹 - 咖喱陣陣椰香，再以法包盛載，香口惹味，而軟殼蟹亦炸得酥脆，食唔停口！▶️泰式鮮蝦柚子沙律 - 大大隻蝦碌，配以柚子肉，清新好味，最適合做開胃前菜▶️泰式燒原隻鮮魷 - 原隻鮮魷切成細片，滿滿炭燒香味，再點上泰式辣醬汁，份外惹味▶️泰式拼盤 - 有蝦餅、魚餅、春卷、雞棗，樣樣有啲，滿足到唔同口味朋友嘅要求，最特別係有雞棗，一般嘅拼盤唔會有▶️小曼谷炒飯 - 其實係蛋包飯，料就有蟹柳、扎肉、豬頸肉同蝦，非常之豐富總結：食物選擇多，質素有水準，性價比亦高，喜歡食泰菜嘅朋友不妨一試！

吃泰國菜，第一時間就想起九龍城。來到九龍城，一出地鐵站口，就見到這家泰國餐廳，一於去試吓泰式鮮蝦柚子沙律鮮蝦爽甜彈牙，柚子味道清甜，配上帶微辣的醬汁，作為餐前開胃菜最啱不過泰式燒原隻鮮魷原隻魷魚份量十足，每件都大大塊，而且經過炭燒，每一件都有炭燒香烤味泰式拼盤自己吃泰國菜必定會吃煎炸食物拼盤有蝦餅、魚餅、春卷，還有少見的雞棗樣樣都啱食泰皇咖喱法包軟殼蟹熱辣辣香濃咖喱汁用法包盛載炸得香口的軟殼蟹，就咁吃已經好味，蘸一點咖喱汁，別有另一番風味泰式鮮蝦炒金邊粉金邊粉炒得夠惹味，加上大粒鮮蝦，銀芽，特別好味

鐘意吃泰國菜既我😌今日同姊妹黎九龍城小曼谷吃好味泰菜😋🥘冬陰功雞湯湯味道好香，而且用料好多🙈雞肉質細嫩彈牙，飲的時候熱辣辣。材料有雞肉、秀珍菇、香茅、青檸及檸檬等。雞湯味道鮮味，椰汁味道香濃🦪海鮮孖寶可以選擇兩款海鮮，我就選擇左牛油蒜蓉燒大蟶子皇同牛油蒜蓉蒸扇貝🍴用牛油和蒜蓉做出來的海鮮味很香，提升左海鮮的鮮味💦蟶子同扇貝肉質鮮甜泰式馬拉盞炒通菜炒通菜大大份，都幾有穫氣😋 唔會太鹹！🥢豬肉碎生菜包豬肉碎唔會太辣，用泰式香料去炒，配上生菜夾埋一齊食一口接一口🍤剌身蝦泰式刺身蝦我最愛加埋醬汁酸辣度一流，蝦🦐入口非鮮甜😋！🥢泰式酸辣鳳爪去骨鳳爪配上泰式酸辣汁🤤加埋配菜凍食一流

自從搬入九龍城之後，發現區內其實除了泰國菜之外，還有很多不同類型的餐廳，所以便以九龍城為主題，介紹不同類型的的食肆，歡迎關注，以便獲得最新九龍城飲食資訊。小曼谷海南雞飯$78，海南雞已經起骨，雞皮爽脆，雞肉鮮嫩，而且有雞味。香飯的香茅味道十足，加上例湯的胡椒味道香濃，和泰式海南雞醬的香辣，怪不得價錢比外面的貴一點點，不過都很值得。泰式鹽燒烏頭$128，用粗鹽包裹着的芋頭，魚肚的部份塞滿了泰式香料，保持了烏頭的鮮味，加上沒有一點泥味，絕對是值得推介的。豬肉沙嗲串燒每串$17，雞肉沙嗲串燒每串$17。稍微有點乾身，不過送啤酒一流。由於是即點即製的，需時十數分鐘，炭燒味道香濃，再加點自家製的沙嗲醬，就更加惹味。泰式鹹魚炒芥蘭$77，鹹魚份量適中，芥蘭爽口鮮甜，很有泰國特色。

🧒🏻👦🏻兩個在家上網課的日子下課已差不多一點半要在步行🚶🏻‍♂️🚶🏻🚶🏻‍♀️可達的距離極速尋覓簡單、划算、又好吃的午餐🍽🧒🏻👦🏻選了每人一份牛丸牛肉船粉lunch set包基本飲品才$50👍湯底濃郁、河粉軟滑牛丸比平時吃的小一點，肉味豐富加錢配的芒果沙冰🍹有點微酸不像芒果糖漿那種甜膩午餐加$25可追加兩串串燒或一份酸辣鳳爪串燒新鮮烤製，香口而有肉汁沙嗲醬香而不辣，很合👩🏻口味鳳爪可以選擇辣汁分開上這安排很貼心😜⋯⋯因為只有🧒🏻能吃辣👩🏻選的極上烤安格斯牛小排飯是較deluxe的星級午餐系列💖同系還有咖喱炒蝦🦐、海鮮🦑、烤羊架🐏等都是平時的高檔次主菜變身成為一人lunch size😬😬烤安格斯牛小排的主餐牌價是$218現在才$118還送飲品牛小排表層焦香，肉質粉紅鮮嫩😋連伴碟的烤翠玉瓜都很好吃沒因為是lunch set而downgrade甜品選了泰式千層糕和椰汁西米糕雙併 $43家姐🧒🏻一人吃了四件美味程度應該不用多說了😆唯一不好，是這午餐份量都大了一點到晚餐時間還未餓啦🤣

疫情期間暫時沒有晚市堂食，就同屋企人去九龍城食返個午市泰國菜，入座後店員即時遞上QR code給我們落單，餐牌上亦有優惠午餐，午餐價錢吸引很多選擇！泰式生蝦蝦肉很大隻又厚肉，配埋蒜頭辣椒同個醬汁，酸酸地好開胃，必食！泰式炒金邊粉食泰國菜又點少得一碟泰式炒金邊粉，色香味俱全，碟旁邊仲有花生碎粒，好惹味夠地道。冬陰功（小）冬陰功上枱時點住火熱辣辣滾住，味道香濃，材料十足，海蝦有兩至三隻鮮甜爽口，整體不錯！小曼谷原隻芒果糯米飯原隻泰國芒果，食落清甜多汁，糯米飯夠煙韌，配合埋清香的椰汁，非常滿足！泰式奶茶/泰式龍眼冰奶茶甜度適中，入口好順滑，茶味都好香濃，龍眼冰不會過甜，仲有幾粒龍眼肉可以食，幾好飲！