小曼谷泰國美食 (南角道)

營業中

休息中

我哋又去咗食泰國菜今次係因為 門口 一張poster， 入咗去⭐泰式花膠濃湯煲仔翅二人份量唔算好大喎 但係都祝你嘅 味道都ok我覺得愛嚟撈飯會好好食⭐沙嗲串燒串燒最驚就係燒得太乾身 今次我叫咗牛舌又唔會太乾喎⭐ 泰式燒牛仔骨呢個做得唔錯味道剛剛好又唔會太鹹 最重要就係唔韌呀⭐ 泰式清湯雞肉湯河雞肉鮮嫩，湯河條條分明冇黐到一舊舊👍🏻⭐ 泰式炸芝士蝦丸呢個真係要講下個size小朋友拳頭咁大 食一個 真係會飽咗😂， 炸得幾脆口嘅 芝士都多⭐ 泰式馬拉盞炒椰菜 每次食泰國菜我都會嗌 因為去食泰菜先食到好味嘅椰菜⭐芒果沙冰呢個大人細路都鍾意飲 又唔會太甜⭐ 小曼谷原隻芒果糯米飯每次嚟都會必點嘅 椰漿覺得剛剛好 配上熱辣辣軟淋淋嘅糯米飯 加埋好甜嘅芒果 正呀 食咁多嘢埋單都係幾百蚊 抵食

開咗宋皇臺站對去九龍城食嘢真係超級方便，最近小曼谷開返喺舊舖對面，B出口行上嚟就係，仲更就腳，今次唔揀太子道嗰間試吓呢間！“泰式清湯雞肉湯河”話就話清湯，湯底好鮮甜，雞肉嫩滑，份量足夠！“沙嗲串燒”因為想食吓其他嘢，今次只叫了雞和豬，小曼谷永遠唔會失望！“泰式燒牛仔骨”第一樣想試吓呢個，火喉啱啱好，唔太韌，有肉汁唔亁身，味道唔錯！“泰式炸芝士蝦丸”第二樣想試就係佢，熱辣辣脆卜卜嘅外表，內裡係濃濃嘅芝士，而且個個都大大粒，好有口感，食一粒都飽飽地！“泰式馬拉盞炒椰菜苗”每次到小曼谷都會點嘅菜式，又係一個永遠唔會食唔哂嘅炒菜！“泰式花膠濃湯煲仔翅”夠哂兩個人食嘅份量，好足料，花膠都嗰少，加小小胡椒粉食份覺惹味，值得推介！“芒果沙冰”個仔最愛嘅飲品，連我都忍唔住偷飲咗佢幾啖，好正！“小曼谷原隻芒果糯米飯”輪到我至愛嘅泰式甜品，一個我再三介紹俾朋友，去小曼谷一定要食嘅食物，真係好鬼好食㗎，暖暖嘅糯米飯加上椰汁，甜甜酸酸嘅芒果，真係就算幾飽都仲食得落！

🍚 小曼谷泰國美食 (南角道) (九龍城)🥢 九龍城南角道9-11號地下 🌎 屯馬開通後都未搭過，今日就帶屋企人去九龍城食泰國菜🇹🇭小曼谷泰國美食就喺正屯馬線宋王臺站B出口對面馬路，交通好方便，而且門口有個好大好得意嘅充氣公仔好易認，舖頭都係採用智能小小嘅手機落單，3個人點咗6碟餸同飲品🔸泰式酸辣鳳爪 以為係前菜，估唔到佢咁大碟，鳳爪俾咗好多，酸酸辣辣好醒胃🔹泰式生蝦刺身 一份有六隻，啲蝦好大隻而且新鮮，表面各有一塊蒜片同指天椒酸辣汁辣度揀咗正常，食落幾惹味，係好開胃嘅前菜🔸牛油蒜蓉燒大蜆（半份8隻）蒜蓉燒得幾香，特別嘅係加咗啲魚乾仔喺面，咬落幾香脆，蜆食落無沙，而且好多汁🔹鐵板豬頸肉芥蘭 嚟到個鐵板已經沙沙聲，芥蘭炒得好香，火候好夠，豬頸肉食落夠爽脆🔸泰式乾炒海鮮河粉 好大碟又多料，海鮮嗰度有帶子、魷魚🦑、蝦🦐，成碟都炒得好有鑊氣，啲料好入味，食得出啲料同個粉有獨立分開炒，唔係求其炒兩下就算🔹椰青 幾清甜，一邊食辣一邊飲凍椰青，爽！飲完仲可以刮埋啲肉嚟食，啲肉仲好軟添🥥🔸小曼谷原隻芒果糯米飯🥭 糯米飯溫度夠熱，食落好煙韌，芒果好甜，識落無渣，椰汁都幾多

今晚泰國菜食的是九龍城南角道的小曼谷泰國美食。Menu是泰國的菜式，差不多應有的泰國菜式都有。泰式鐵板蠔餅$118今晚要了一個平時小食的泰式鐵板蠔餅，炸蠔餅份量頗多，雞蛋的邊非常香脆，蠔仔份量也頗多，都頗大粒，又有少少蠔味又好香口！泰式濕炒牛河$77濕炒牛河真的好多湯汁，裏面的牛肉炒得剛好熟，好嫩滑，配菜還有很多好爽脆的芥蘭，河粉沾著滿滿的湯汁，與炒乾炒牛河，是不同的一種食法，好美味！泰式燒羊架 $88羊架肉大大嚿，燒得九成熟剛剛好，肉質嫩滑，又香羊肉味，醬汁帶點酸酸甜甜，更增添羊肉的鮮味！泰式千層糕$43千層糕份量頗多，有六件，煙煙韌韌的很有口感，很香甜！要多個飲品凍青檸樂，酸酸甜甜，又冰涼，食得滋味。

朋友生日最鍾意食泰國菜就帶佢去位於九龍城南角道「小曼谷泰國菜館」食餐好的，這裏選擇多又可以食到正宗泰國菜😋泰式馬拉盞炒椰菜苗食泰國菜一定會點椰菜苗，自己煮會比較難煮得好食，椰菜苗都比較少有，這裏煮得火候控制得剛剛好，好爽脆，加入馬拉盞更加惹味！生蝦刺身生蝦亦是必點的菜式，蝦肉新鮮爽口，加入蒜片辣椒一齊食，一條接一條食唔停口👍大蝦炒金邊粉蝦肉有四大隻，好鮮甜，金邊粉炒得不會太油膩好乾爽，碟側邊嘅檸檬可以榨啲汁落去，食落酸酸甜甜味道更加提升，好開胃！燒豬頸肉豬頸肉一碟份量不少，切得好薄肥瘦適中，燒得不會太乾身，反而仲有肉汁鎖住喺入面，配埋佢哋嘅特色醬，非常好味😋鹽燒東風螺螺肉好新鮮又爽口，簡單加入鹽燒，已經帶出螺肉的鮮味😋

又係食我最喜愛既菜式同埋又係去我最喜愛既地方食，就係九龍城泰國菜喇。今次同幾個新認識既朋友食，所以今晚唔試新野住，都係去番最穩陣既小曼谷泰國美食啦，介紹下最好味既泰國菜俾朋友試先。不過小曼谷就真係唔會令人失望，每次食個水準都keep得好好，先黎左個冷盤新蝦刺身，d蝦好新鮮，最緊要係個醬汁勁好味，朋友本身都驚唔新鮮會肚痾，見到碟蝦之後都放鬆哂。跟住就係食泰國必叫既生菜包，肉仲多過菜，份量好多又好味。炒椰菜苗都係我最中意食既泰菜之一，因為無論你自己買番屋企自己住，或者去其他餐廳食，都唔及泰國鋪炒得咁好味，呢道更加係特別出色。燒牛仔骨同燒豬頸肉都好出色，燒烤味勁濃郁，啖啖肉勁滋味。當然唔少得黃咖哩雞配薄餅啦，雞肉入味又嫩滑，咖哩配薄餅又香口惹味，一流。所以小曼谷其實一個月食最少一次都真係唔過份，而家仲要有屯馬線真係勁方便。

同女朋友夜晚食飯，她話想食泰國菜，咁梗係要入九龍城。以前要喺旺角轉小巴，依家地鐵直到，超方便。一出站就見到小曼谷，之前都聽朋友講過，就試呢間。首先，我地叫左燒羊架，羊架燒得唔錯，唔會太老，一食落去好有羊味，肉質鮮嫩。炸蝦餅炸得好好，唔會好厚粉，同蝦係會痴住唔會散開，新鮮炸出黎熱辣辣。我一個人都食咗大半碟。泰式明爐青檸桂花魚桂花魚魚好新鮮 ，唔會好腥，因為有好多香料去癖腥，桂花魚肉比烏頭嫩滑，d湯一路滾一路食 ，而且個醬汁好惹味酸酸辣辣，同朋友傾計唔經唔覺食哂成條魚 。食泰國菜點少得嗌馬拉盞炒芥蘭，吵得唔會太老，食落去好爽口，而且仲有好香嘅蒜味最後叫咗條燒魷魚，魷魚好大條，新鮮爽口彈牙，唔會好似出面咁好林，再加埋佢個辣汁，真係好夾都係食唔停口。我哋兩個人叫咗好多，但最後都比我清晒好飽。

九龍城🛕小曼谷我諗大家一啲都唔會陌生，佢地嘅黃色招牌見證咗成個九龍城嘅變遷。九龍城🛕宋皇臺站開站以來都未嚟過，今日就同我老工搭地鐵🚅去宋皇臺站睇睇以前食開嗰間小曼谷而家變成點，原來好方便，宋皇臺b3出口一出，上到去對面就已經係小曼谷原來真係好近。原來搬左去以前舊舖嘅對面。裝修靚咗環境好咗。我地7點幾去到，門口好多人等位，我哋等咗15至20分鐘終於入得。佢哋嘅menu一如以往有佢哋嘅招牌菜🥘🍛，仲多左唔少新菜式，咁耐冇嚟梗係要睇下佢哋啲味道有冇變。明爐蒸烏頭🐟：同以前一樣咁大條，烏頭冇泥味，條魚🐟好滑，條魚索曬啲湯汁好好食。泰式鮮蝦炒金邊粉🍝：好夠鑊氣，材料充足，蝦又大隻，分量又好多。泰王咖哩炒大蜆🦪：呢個咖哩係我每次嚟都必食，同埋呢個咖哩味喺出面唔會食到，係小曼谷獨遊有，咖哩香而不辣，配薄餅同埋白飯一流，大蜆超級大隻又新鮮而且冇沙，必食之選。冬陰功湯🥘：有得揀小辣，又有得揀size，我哋揀咗個細size，已經好大碗，足夠我哋飲，而且小辣個辣度剛剛好，完全接受到，酸辣味配合得天衣無縫，而且仲有四至五隻大蝦，好新鮮好甜。珍多冰🥤：食泰國菜點可以唔飲呢個飲品，椰汁味好濃，唔會太甜。

九龍城🕌係一個泰國美食集中地，咁多年嚟我去襯九龍城都只係幫襯同一間泰國菜，就係（小曼谷），我諗呢個名大家都好熟悉，因為喺九龍城已經開咗好耐時間，冇去一排，原來搬咗去舊舖對面位置，超級方便地鐵站🚈宋皇臺b2出口一出就到，雖然細間咗，但師傅水準一d都冇變，食物一樣係保持水準，唯一變咗就係用q r code落單同有裝修左🕌。泰皇咖哩炒大蜆🦪$138：好大碟，咖哩本身已經好香再加上落咗好重牛油🧈同椰奶，令到成個咖哩味道昇華，大蜆🦪十年如一日都係咁大隻，有半隻手掌咁大隻，最重要係d咖哩可以餸到幾碗白飯🍚，食到一滴都冇剩，因為太好食😋。泰式拼盤🍱（細份）$123：有蝦餅🦐/魚餅🐟/春捲🌯/雞棗🍗各兩件，蝦餅🦐炸得好香，啖啖蝦肉，春捲材料充足一啲都唔油膩，同埋雞棗好特別，出面好少食到。馬拉盞炒通菜🥬$81：以前食就得一種辣度🌶️同咸度，而家隨著時代嘅進步可以用QR點餐時，可以揀辣度🌶️同鹹度，咁樣啱曬我呢啲鍾意食辣但係唔係食得太辣嘅人。泰式原味烤薄餅🫓$32：你叫得小曼谷嘅咖哩，就一定要叫埋佢哋啲薄餅，因為佢哋啲薄餅烤得好酥好脆配埋小曼谷獨家炮製嘅咖哩，係超級好食。椰青🥥$37：每次去親泰國餐廳唔到一定

自從九龍城有了地鐵站我經常嚟九龍城食泰國菜，今次選了比較有名的小曼谷有三間分鋪 明爐檸檬汁烏頭湯汁辣到適中非常易入口酸酸地很開胃烏頭都非常新鮮不會有腥味湯頭入邊配料非常多有肉碎蕃茄等等串燒選了豬牛雞生燒非常熱辣辣不會太乾身沙嗲醬亦非常可口可以單串叫不用成個拼盤比較少有生菜肉碎份量非常多酸酸辣辣的生菜亦非常新鮮都很大塊泰式煲仔翅魚翅很多配料內有魚肚雞絲冬菇都很名貴價錢亦不貴性價比很高 配上一小蝶 芽菜 芫荽鹹肉炒芥蘭不會炒到太水非常乾身鹹肉非常好吃很有泰式風味炸蝦餅 叫了細份都有三件蝦打得爽爽脆脆查得很乾身不會太油 很正泰式海蜇雞絲沙律用了泰式酸辣汁去拌勻海蜇及雞絲蔬菜方便有木瓜同芒果絲酸酸甜甜很開胃喺九龍城眾多泰式餐廳依間性價比都非常高可以值得一去再去今次沒有試到燒海鮮..都很多選擇下次一定會一試

地鐵站開左之後再黎食超方便一出站 對面馬路就係小曼谷老字號 點都應該有保證我地叫左燒羊架（兩件）超推薦 好好味😻燒到好香 調味岩岩好唔會太咸 一人一件勁正 之後炸蝦餅都唔錯 好彈牙 炸粉同蝦係會痴住唔會散開 粉漿唔會太厚 仲係新鮮炸出黎熱辣辣泰式明爐青檸桂花魚魚好新鮮 魚肉比烏頭嫩滑同更加索汁熱辣辣d湯一路滾一路食 同朋友傾計唔經唔覺食哂成條魚 兩個人share都清哂d肉 超滿足😝 酸酸味味既湯底有香茅同青檸既香氣忍唔住飲左兩啖湯 又辣又過癮馬拉盞炒芥蘭都係必嗌既野食好爽脆既菜 配上馬拉盞既蒜香 🧄 龍眼冰好好飲青檸梳打都encore左兩杯 因為原條燒魷魚個汁都幾辣 不過好惹味忍唔住係咁點黎食 燒魷魚又係勁大條 成班朋友分都得 好抵食 好新鮮的 ！比起平時出去西餐廳食既魷魚🦑 得一兩舊呢度真係好大碟

九龍城食泰國野！轉角既小曼谷🤩門口有錶位可以泊車超方便bro！豬肉沙嗲串燒（$17)雞肉沙嗲串燒（$17)雞全翼沙嗲（$22)雞軟骨沙嗲（$17)重有特色立即叫立即燒既串燒！正bro! 好有泰國街頭風味！ 雞翼大大隻啖啖肉🍖！鐵板豬頸肉馬拉盞芥蘭（$95)熱辣辣既鐵板！豬頸肉煎到脆卜卜😎芥蘭新鮮脆卜卜❣️香辣豬肉碎炒飯（$78)可以叫少辣！上面有荷包蛋🤩！撈埋蛋汁黎食！超惹味有穫氣既炒飯！椰汁西米糕（$43)椰汁糕真係泰國野必食呀😋芒果沙冰（$36)酸梅樂（$36)食完辣野飲番杯沙冰！幾大杯！朋友個杯酸梅加可樂都有特別！野飲種類都好多！唔錯

🌶小曼谷泰國美食🥥宋王臺站B出口嘅泰國餐廳🍴椰青 $37🥥清甜多汁泰式蒜蓉包 $32🥖中肯 整得幾脆嘅蒜蓉包 如果叫埋咖哩可能會好食d推薦🙆🏽‍♀️:香葉辣椒豬肉碎炒飯配荷包蛋 $78🌶今次嗌咗小辣我覺得個辣度啱啱好 食落好開胃風味燒豬頸肉 $92🐷雖然份豬頸肉唔係好大份 但係好在佢燒得啱啱好 食落仲有個油脂味同口感芒果沙冰 $36🥭因為咬到辣椒之後嗌咗杯芒果沙冰 杯沙冰好好飲 唔會覺得係死甜 解辣一流

呢間小曼谷超近宋王臺B3出口，港鐵站一上去就見到非常就腳，餐廳座位唔算多，只有七至八張枱，但價錢相對抵食，選擇又多食物份量都好足夠。入座後職員會比QR code落單叫嘢食，姐姐好好人話唔用QR code落單叫佢落單都可以🥰泰式鐵板蠔餅 $118呢個鐵板豪餅真係不得了，就嚟大個塊鐵板咁滯，啱啱炸起好脆口，又唔會好油同埋真係超級多蠔，仲要粒粒都好大粒，份量多到我哋兩個人都食唔晒。泰式蝦餅（細 ）$75蝦餅啱啱炸起，脹卜卜食落好彈牙，亦都有蝦味。泰式鹹魚炒椰菜苗 $86每次去食泰菜如果餐廳有椰菜苗，一定係我嘅首選，除咗因為佢夠健康之外好鍾意佢呢隻菜嘅質感，有咬口又嫩，加埋鹹魚來炒鹹鹹香香仲正。泰式乾炒海鮮河粉 $81乾炒河夠晒鑊氣，大大片嘅河粉口感滑，海鮮配料有帶子、蜆肉、魷魚同埋蝦。叫咗兩杯嘢飲泰式奶茶同青檸梳打。

喜歡黃色，喜歡泰國，也喜歡位於泰國菜館林立的九龍城區的黃色泰國菜館「小曼谷」。之前每次光顧「小曼谷」，去的都是位於太子道西，地方較大的「小曼谷海鮮燒烤屋」，今次到訪的，卻是位於同區南角道的「小曼谷泰國美食」。兩間泰國菜館的名字雖然稍有不同，其實都是同一個老闆所開。這店子雖然沒有太子道西店的位置那麼開揚和大間，但正對著地鐵「宋皇臺站」其中一個出口的對面，交通比太子道西店其實更加方便，而且也更加明亮光猛。先來兩杯清新涼快的「泰式青檸梳打」（$32）刺激味蕾，開一開胃，迎接之後的美味菜式。兩夫妻都喜歡吃白鱔，「燒脆皮白鱔」（$118/兩串）是必吃的，這裡的燒白鱔燒得甚好，而且又夠大件，把燒得香噴噴，熱辣辣的燒白鱔送進嘴巴，滿足極了！「極上安格斯牛柳粒串」（$48/4粒）也不錯，牛柳粒夠嫩，肉汁仍存，不會燒得乾巴巴，配以多汁的車厘茄，也好吃。「泰式原味烤餅」（$32/兩塊）是老婆仔特別點的，一上桌便已讓人聞到它的香味，這天雖然沒有點咖喱，烤餅不可以蘸上咖喱汁吃，剛剛烤起的烤餅仍然不錯。烤餅只得兩塊，當然不夠飽肚，一碟少辣的「香葉辣椒豬肉碎炒飯（配荷包蛋）」（$78）才是真正的主食。這飯雖然炒得