小時光 (已結業)

The restaurant is decorated with an old school theme, and all the waitresses are dressed in school uniform. To order food, you have to order and pay at the counter, and collect the food yourself when it's ready.The noodles (around $50) had a pretty good texture and the soup base was actually made of real spices (I saw a star anis in the soup). However, the beef is a bit fat.Salad was $25 and was pretty big, but there's nothing special, just a normal lettuce salad with sesame dressing.

🍂台灣魯肉便當@小時光Scoool🍂小時光是一間藏在觀塘工業大廈內的台式餐廳，店內裝潢以懷舊為主。這裡的椅桌大多是木製，留下同學用塗改液寫上的字句，帶點殘舊，卻令人想起昔日上課的小時光🌾。佈置也很有味道，有舊式電視機、地圖、小鋼琴和長頸鹿毛公仔……牆上還貼有最近流行的＜我的少女時代＞海報。如果你是喜歡看漫畫的，何不在這裡吃著台式便當，聽著店內播放的台灣流行曲，看看店內堆疊的漫畫，渡過一個幸福的午後小時光？ 這次點了台灣魯肉便當，性價比相當高。一大碟滷味拼盤 (牛腱、雞蛋、豆腐、魯肉、蘿蔔和雞翅) 配上一碗魯肉飯，兩個人分享也足夠。便當不只份量足，質量也令人滿意。餐單上指便當的牛肉是上等的，配上台灣公賣局認可的米酒及多種獨家香料製成。喜歡台灣文化及美食的你，一定要去試試💨💨💨！ 美味指數：💖💖💖💖💖價錢：$55 (配飲品🍵)

是晚朋友們相約放工後去觀塘dinner,友人介紹去了這間小時光試下...我同我的他叫了...鹽酥雞扒飯(餐)鹽酥豬扒飯(餐)友人們叫了...要先去買票,再等攞餐...食品質數及味道還可以啦至於環境,都真係幾school feel的,但一多人就會覺得好嘈...um...未去過,可以去試下,但我個人就應該唔會再去了

真心，本來是抱著期望去的，怎料會有如此的hard feeling。收銀女服務員態度非常差，眼神好像欠了他。小店辛苦所建立的小淸新形象，瞬間被毀滅卻非常容易。食物一般，啲野食就算幾好味都好，背脊骨落，冇下次。ps. 建議店長招聘員工時請留意職員的禮貌

小時光既位置真係比較難搵，好在朋友黎過，所以好快就上到去。平日夜晚約八點都要等一陣先有位，應該係因為人氣真係爆哂登。至於食物，當晚我試左紅燒牛肉便當同埋黑糖奶茶。都幾好食的，尤其係肉臊飯好香同埋有酸菜好開胃，但根據我對台灣便當既印象，呢間食物講不上係特別地道，同好多新既台灣餐廳都差唔多。無可否認，餐廳內在環境好特別，好似<<那些年>>入面既感覺，店主好有心思地做到好懷舊，杯杯碟碟都見到可愛之處，整體真係好有gimmick！但佢作為一間坐低食野既餐廳，我就覺得未必想再返黎，原因係其實佢既擺設咁舊，座位又逼，所需服務都係自助既，位置係工廠大廈停車場旁邊，衛生情況真係麻麻地。如果食物質素只能講係OK，座位都係留俾鍾意影相既食家啦。

儘管你到台灣旅遊也未必有機會感受到台灣嘅校園風味,但喺呢座工廈𥚃的小課室,必定能令你憶起那些年的情懷,讓你被周圍的校園氣息包圍著！置身這裡好像進入了另一個時光⋯⋯,突然也想起柯震東和王大陸呀😇😇。這天,我們三人分別點了香酥雞扒,香酥排骨和蔴辣雞絲冷麵,再加一個鹵水拼盤,飲品配了凍美祿恐龍朱古力,凍冬瓜檸檬茶和熱萍果綠茶。原來台灣菜食雞扒和排骨是同一樣嘅,看似油然乾脆的賣相,但入口也香口肉嫩,配着灑上黑芝麻的白飯,算是不過不失,而朋友吃的冷麵,嫩滑嘅雞絲混在辣度適中嘅醬汁中,加埋一注冷麵同吃,吃出清涼可口中一點刺激感,不錯！每份餐還有碟三式小配菜,有我喜愛的辣味大荳芽,額外讓人感受到一種平實不華。我覺得最有驚喜的是我那杯凍冬瓜檸檬茶,很好飲,甘甜中帶少少酸又夠凍,令我從此對冬瓜茶改觀咗😊,好適宜在這個炙熱的天氣飮之,而萍果綠茶也加上新鮮的萍果粒,好健康啊,至於那杯凍朱古力,特色在於有一小杯美祿朱古力粉另上,讓你可隨喜地灑在杯中,小玩意吧！這餐我們吃得很愜意,消費合理之餘又可以邊吃邊看著每件的陳設佈置,每角落都找到驚喜,值得去一試的。

「小時光」係我從朋友得知觀塘有呢間台灣嘅餐廳，餐廳係官塘工業區入面，如果唔係有地址相信都幾難搵。下午時間都幾多人排隊，餐廳以學校做主題，連員工嘅制服都係校服黎😳 入去食嘢感覺上好似置身於學校地方，而且桌子椅子都係舊式嘅學校枱，感覺真係好特別。呢度以自助既快餐形式買，買完餐之後就去格離攞餐。夜市香酥雞便當🍱 $55香酥雞唔太熱，感覺似整定咁食落冇想像中既香脆，而且冇咩鹽酥味道，欠缺一點台灣既風味，感覺好普通。😥水蜜桃梳打 $35甜甜地桃味都算幾重，不過唔係套餐要單點有貴。整體而言食環境多過食呢度既野食，食一次就夠了。

由於好想食魯肉飯，經朋友介紹就黎左小時光今次五人行，五個有四個都叫左魯肉便當😋魯肉飯啲魯肉唔會太多脂肪而致碗飯變得好油有足夠嘅汁比我撈飯而啲汁味道又唔會過濃，太好味而當中嘅牛展一啲都唔un雞翼係當中嘅不足，因為個人認為鞋口而且難咬呢杯係水密桃蘇打，甜甜地，杯入面更有水密桃果肉五個人當然要叫啲小食我地就叫左呢三款香酥雞塊味道岩岩好但又唔會炸到好難咬炸花枝套勁好咋，佢表面層炸粉好薄，令佢炸得黎又唔會食粉咁起司炸薯條好味🙂 脆口最後我食一個提拉米酥，夠甜又凍，岩曬呢個天氣食紅豆幕絲中間亦係凍冰冰，而且甜度十足☺️作為甜品迷嘅我十分滿足

慕名而黎到觀塘的小時光餐廳位於工廠區 但卻沒有因此而門可羅雀 更因為打着特色餐廳而在觀塘打岀一片藍藍的天空當天去到門口已經好多人 好彩好多人決定走 所以都等咗10分鐘就有位啦 入到去 其實除咗一兩張大枱 其實一喺學生枱 一喺就係矮矮既梳化 坐底梗係眯眯個menu 先 到叫得時候至發覺原來要自己岀去叫 再會俾個韓國coffee shop 嘅震震器你 做好再岀去拎基本上海南雞唔算特別岀色 黃油飯唔夠香 雞也不算有味 但值得一讚既係佢既餐具好靚 好有cafe 嗰種休閒感覺😙😙食完仲可以隨手喺自己隔離攞本漫畫睇下 如果店員唔得閒 仲可以幫手收收餐盤 小店嘛 用自己對手支持下唄😏

聽過好多朋友講呢間cafe環境好特別, 有"那些年"既感覺, 今日專登黎睇下有幾特別, 平日既lunch time有好多人, 好彩朋友一早黎左攞位, 所以唔洗點等, cafe果然裝修幾特別, 有用校園課室既枱同椅, 燈光暗黃, 2邊都放滿書同埋好多得意既擺設, 有種懷舊甚至係殘舊既感覺XD野食方面, 以台式食品為主, 特別一提飲品選擇有好多而且好多款都好吸引, cafe係自助形式, 自己出去買自己拎自己收拾枱面~Vi點了一份台式魯肉便當, 配特飲減$10, 要左芭樂紅茶~ 芭樂紅茶用實驗室既conical flask裝, 幾特別, 芭樂味都幾濃, 幾好飲~而魯肉便當有好多野食, 一碗魯肉飯, 仲有魯蛋, 牛展, 雞亦, 豆腐同蘿蔔, 仲有一碟小配菜~ 魯肉飯雖然細細碗, 但因為有好多配菜所以都好飽, 魯肉既肥肉比較多, 中意肥既朋友就岩哂, 可惜Vi唔中意XD 而其他野食都不過不失, 當中牛展做得頗差, 好un咬唔開咁, 其實就一般般~ 整體呢間cafe以環境取勝, 食物唔突出, 但作為lunch都滿足既~

星期天本來想上飛鵝山但當日天氣實在太炎熱 於是我們便找地方歇歇 先觀察形勢 再決定要不要行上山機緣巧合之下 我們便來到小時光 餐廳每一個角落也佈置得很細緻充滿懷舊的味道飯桌應該是從台灣運送來港的吧某些桌子還印着台灣國小的名字還記得我小學的時候也是用這些木桌喔 餐廳裏面擺放了幾個書架可供人取閱上面大部份是漫畫 喜歡漫畫的人應該為之瘋狂吧餐廳以自助形式為主在收銀處點餐後 會收到一個電子牌 當電子牌響起 便可出去取餐這是收銀桌上的擺設好可愛的長頸鹿家族😊我們點了鹵水拼盤和魯肉飯 大概五十多元 不算貴食物質素不過不失只是魯肉飯過份油膩而鹵水拼盤包含鹵水豆腐 蛋 牛展和雞翼尖醃得不算很入味 飲品方面 點了檸檬冬瓜水和宇治紅豆奶檸檬冬瓜水實在消暑一流很喜歡冰粒和飲料分開上這樣飲品份量充足之餘又能保持其冰涼感杯子也是長頸鹿紋的莫非店主是長頸鹿迷哈哈

今日黎到以懷舊台灣校園風做主題既小時光依度星期一至日都要等位，所以想黎食既朋友記得早d黎拎飛啦！餐廳內有好多懷舊擺設樓上果層坐得無咁擠迫，重有一d記念品可以俾你買走！ 好啦！講到食呢~必定要叫香酥雞湯麵($55)呀！外皮炸得非常酥脆~灑係上面既味粉非常多而且咬落重有肉汁走出黎~一d都唔乾！麵係白色既幼身麵條非常有口感，一d都唔淋另外我朋友就叫左個台式三杯雞便當($55）味道係唔錯既~可惜無咩肉汁食正餐既同時當然唔少得要叫返杯野飲啦俾個提示大家！記得要叫凍飲呀！因為佢會用科學當既玻璃瓶裝住再用個杯放冰！冰同飲品分開，就唔怕d冰融晒令杯野味道變淡啦！

閒日星期四夜晚, 因為係工業區, 大廈正門已經落左閘, 要兜路, 又上樓梯, 又要穿過停車上先到達,去到8點15左右, 5個人要等位….等左20分鐘先有位,WATIER話9點LAST ORDER, 所以一有位就立即趕頭趕命去點餐,呢度係自助形式, 類似快餐店, 自己出去買, 買完比個訊號器你, DoDo響先出去拎餐, 仲要自己拎餐具, 水, 水杯(好污糟, 都唔知有無洗乾淨T_T), 紙巾…食完仲要自己執野…都唔緊要啦~最大問題係唔夠冷氣!!  一路食已經一路滴汗, 仲要忙拎餐, 忙收野…行黎行去真係熱到無朋友@_@食物方面, 我地唔覺好好食囉~- 前棻: 朋又食中個小棠棻”叔”既, nur都nur唔切- 藥膳排骨湯飯: 成層油係面....- 香酥雞/酥炸排骨: 炸得好似唔夠耐咁, 外層唔鬆脆又多油, 食落口一陣油益味…- 紅燒牛肉面/滷豬耳: 唔錯, 算係正常既食物- 三杯雞/滷豆腐: 咸到腎虧….咩事- 魯肉飯: 還可以, 不過D肉好肥下環境裝飾係幾特別, 不過D櫈都唔多穩陣, 搖搖下, 大肚朋友要揀過先好坐!

周六下午來到觀塘工廠區附近覓食, 心目中有兩個選擇, 一係就去華嫂冰室, 到達門口見到非常多人在等位就放棄了, 所以我去了另一間, 近期好熱門的, 有電影"那些年"感覺, 舊式台灣學校感覺的「小時光」。下午3時左右到達, 店內人頭湧湧, 座無虛席。我們要先取籌, 然後到門外等, 門外有拍照點, 拍了數張照片, 店員就說我們有位。店內環境因為有太多其他客人, 所以沒有拍照, 他們所用的木餐枱及木椅子就像是中/小學時用的那種, 所以對成人如我都覺得點太矮及太細張, 較高大又腳長的人覺得坐得不太舒服。裝潢還有帶點舊的輔導室牌, 不整齊地放滿漫畫的舊書架, 黑板等充滿學校的味道。我們入座後就先看餐牌, 餐牌每個字都寫了國語的拼音, 看不懂, 但很台味。選好就去點餐, 自己到收銀處購買付款, 然後就會給一個取餐呼叫器, 飯餐準備好就會震動通知就可以出去取餐。 平日餐點如飯及麵等, 可以用優惠價配飲品, 周六就沒有, 全部正價。便當都有跟一碟三款的前菜, 有惹味的醃芽菜, 菜莆, 蒜味西蘭花, 為餐點補充一些蔬菜。紅燒牛肉便當($48): 紅燒牛肉夠入味和夠淋, 仲有紅蘿蔔都好入味, 吸晒牛肉和香

同事推介台式午餐，完全無門牌，仲要係樓上舖，唔係特登搵或有人介紹，真係唔會知佢存在。午飯時間勁多人，好快揀左同事推介的古早味炸排骨飯，好一般，隔離同事叫的香酥雞仲好食。最中意杯美碌恐龍，加埋脆米幾啱小朋友口味～呢度都係食環境啦，影下呃like相咁啦！有機會可以試下其他餐，難得响觀塘食又唔算貴。