小時光 (已結業)

放假同朋友食飯,黎到觀塘,朋友帶我黎呢間餐廳都幾得意,D裝潢真係好似以前既屋企同埋學校咁~~~呢度係首先等WAITER話你知坐邊度,咁你坐低睇好食咩就去COUNTER度叫野食,之後等部機響再去拎野食~~我地坐樓上,咁我叫完野食就諗住行番上去等啦,點知行左半層部機就響左XD台式滷肉便當(牛腱,雞蛋,豆腐,魯肉,蘿蔔,雞翅)---魯肉飯幾好味,不過D鹵水我就覺得唔夠入味,牛腱亦都UN左少少...鳳梨蘇打---真係有菠蘿,而杯蘇打都唔算太甜,幾好,仲可以自己飲先倒落冰,唔驚D味變淡~夜市香酥雞便當---雞扒都幾大件,炸得都夠脆,唔會太咸,算唔錯~~~~~其實呢度平日LUNCH時間都好多打工仔黎,朋友話試過星期六LUNCH黎都好多人排隊TIM~呢度野食一般,唔難食,但價錢OK,D裝潢幾得意,有興趣既朋友可以一試~

今日趁早，6點45上去食，一入去就有位，剛好避開左人潮。叫左個魯肉飯拼盆，海南雞飯，炸雞，兩杯咖啡同一件抹茶提拉米蘇。餐廳除左派位之外，其他叫餐，拎野都係自助式，食完仲要自己執埋枱。講反食物，真係好唔掂魯肉飯冇汁之餘，個飯好油，完全唔夠魯肉啲牛，雞亦等（跟併盆的）都唔好食。到海南雞飯，個飯又係得個油字，冇果啲黃油飯香，啲雞又喊炸雞扒，凍嘅又冇味到左甜品抹茶提拉米蘇，佢係買返黎溶雪嘅，所以要等，但個 tiramisu. 好似拎去叮過咁，表面溶溶地，入面個心就有啲冰咁，唔好食好彩唔洗排隊，如果要排完隊再食啲咁嘅質素嘅野食，我寧願唔食啦不推薦真心唔明點解咁多人上去排隊食

滿心歡喜諗住試咁有特色嘅餐廳，點知一肚氣走了，二點食飯時間明白多人嘅，要排隊冇問題，等了15分鐘，最燥係比左遲來的客入左，跟住同我講因為廚房做唔切，所以要再等15分鐘，趕客😠希望餐廳日後安排可以完善點。

都去過幾次，今次諗住同男人食晚餐，星期日關係 上樓已經唔方便要行 停車場 攪左好耐都無入口，搵到啦，入到去又要 比人排位，只係 五點幾 又唔爆，坐邊 點坐有咩所謂， 一行開買嘢，有個女員工 去干涉 我男人坐位，我男人就火起，我就走去問 個女員工 咩事，之後我講左句 "坐邊有無所謂呀，唔好嘈喇" 個女員工先收聲。 當時 應該仲有一檯人同個女員工有d衝突， 趕客態度好，再好食都好難返轉頭！

觀塘又一間特色樓上店，可愛懷舊裝飾同家俬。但所有野self serve，冇什麼service。排隊叫了以下：炸雞排飯：雞冇味，麻麻地魯肉飯：ok西柚梳打：唔夠冰，味道ok美椂恐龍(飲品)：呢個最好，夠濃如果志在同朋友影下相，這裡好好，但如果要食好野就麻麻。

環境有點髒亂，食物不是很新鮮，飲用水有怪味。我點了三杯雞，吃起來像是煮了再煮，加熱過很多次，而導致肉質很乾硬，像是在咬肉乾一樣。而朋友點的牛肉麵也不及格，湯頭很稀味道不濃郁。

環境裝修擺設，有复古校園感覺，座位唔好坐，又偏矮，難以想像的矮，似小朋友坐的！曾要求職員可否等下張高啲正常嘅枱，職員服務態度都唔友善，即時拒絕，ok,照坐，自己點餐拎餐，食物質素😓👎🏻無味，又凍冰冰

餐廳位於工業大廈內，都要先問一問搬運工人才找得到對的路 (實際是電梯上一樓再去A座)。一進大門就看見門楣寫著「小時光到了」，一走進去果然是不同光景。因為很多顧客的關係，都沒有很多機會仔細看餐廳的裝潢。椅子寫著XX國中，桌子椅子是在台灣運來的嗎？還有感覺像是校門的鐵閘、傢俬，很多很多不懂名字的漫畫。我們坐的那張桌上是舊到不行的電燈!跟朋友叫了兩個餐麻辣雞絲冷麵：覺得很熱就點了一份冷麵，但那個麻辣的程度超出預期! 嗜辣朋友這是個不錯的選擇。牛肉飯：台灣風的牛腩真的很好吃! 特別喜歡酸菜和醬油混在一起的味道，正正正!飲品方面我點的是$45水果茶，這兒跟其他台式餐廳的水果茶味道不一樣，水果主要是芭樂、蘋果、橙，沒有熱情果的酸。唯一不夠好的地方是沒能把台灣的熱情服務態度也引進來，侍應不一定要說普通話，反而對廣東話更好，不用學到十足十，但真台灣餐廳的那種好客態度，如果在小時光也能找到就完美了。

搵到間好似都幾出名既台灣餐廳，週末黎，滿場。台風（那些年）既布置裝潢，有用麥克筆畫過既石屎牆、漫畫書架、特別矮既殘舊風台凳、台燈，仲有著校服既台灣侍應（🤔居心叵測自助式點餐同拎野食（唔係自助餐，係快餐式個種自助式😂）食物就係估得到既台式食品，魯味囪味炸豬排牛肉麵台式飲品。食物一般般，冇咩特別，唯一食完仲會記得既係杯黑糖凍奶茶既黑糖凍，好彈牙好好食，杯底有隻長頸鹿，初初見唔到估左好耐唔知係咩（會唔會係有一大舊未溶既冰糖🙄之類既猜測）整體就係食台風，扮下那些年。如果係想食好味，呢間性價比好低。

店舖位置蠻難找，剛好又碰上大廈維修，就要繞路才能找到此店。客人數量多，不過店舖算大，有兩層，因此，不用等位。一樓枱多，較迫；二樓比較寬敞，而且拍照位較多。一到就先點餐，點餐取餐是採自助形式，餐具自取。點了夜市香酥雞便當、台式紅燒牛肉麵、時光沙拉及蘋果梳打。後三項都好快有，唯獨香酥雞便當等了很久，查詢後才知漏單。時光沙拉★★★★★有菜、麵包條及蕃茄仔，沙律醬好味。價錢平，份量多，抵食。台式紅燒牛肉麵★★★☆☆賣相不錯，味道一般，比不上台灣地道風味，但算不錯。夜市香酥雞便當★★★☆☆雞份量多，味道普普，略嫌調味不足，不及夜市的惹味。蘋果梳打★★★☆☆味似台灣超市罐裝那款蘋果梳打，但驚喜在有切幾粒真蘋果在內，有加分。整體評價其實可以，但要刻意再來吃，應該不會，稍嫌味道不足，平常上班經過再食就可能會。

開學前，當然要食次開學飯。要食，當然要食氣氛嘅！小時光真係做到好有學校嘅氣氛。但可惜晚餐時段實在太多人，而且位置太迫，又要同人夾枱。想休閒，舒適食嘅，我不建議。只想飽食一餐嘅，可以一試。台南鹽水意麵套餐+玫瑰拿鐵算足料。有牛腱，蛋，豆腐，雞翼，鹵肉等。牛腱中上，其他不過不失。香酥雞便當。。。。姐係咸雞排飯OTL。不評論。全餐内最好嘅東西。咸檸七！完粒嘅咸檸檬，最少地方有。通常係檸檬片+鹽+七起。驚喜之作。氣氛好，可惜堅多人

叫左個香酥雞便當. 啲雞係完全唔熱, 冇香酥味, 整體係冇味道好似食完等於冇食過野...............收銀女服務員串嘴+態度差劣晚餐唔算貴但唔值得一試咩都要自己扲 好似食緊快餐咁環境極嘈 唔會再去 感覺被騙

2點幾去吃午飯，課室形式裝潢，書桌椅座位，但換了2次位都發覺椅子太矮，正常人根本不能好好坐下吃飯，最後換好位，去點餐，等了成半個鐘先有，原來同一個菜式等埋—次出，不論落單先後，乜理由但飯唔熱，味道極一般，浪費 quota。

8點都未到，叫咩無咩。叫野食仲要排左成10分鐘，去到cashier先講好多野都無，無就早講，吾係諗住d人排到焗住買呀嘛。都開左咁耐，野食都應該預返咁上下，安排真心差。

呢間餐廳係工業大廈內都幾偏僻下但又幾特別😀😀😀去到係自助型式自己岀去買 拎左部機等震再岀去拿之後食完要自己拎走餐盤但由於吾係我買但我男朋友話收銀態度差係咁催但當時冇人排隊個飯係ok，個三色小食都唔錯，但鹵水唔係好入味蘋果梳打要35，但飯要55，對比之下比較貴，但d餐具好cute，可呃下like