小島•澳門菜 (已結業)

最近時代廣場有個米奇展覽，想睇之餘又想搵好野食，就決定黎依間主打澳門菜既餐廳！一試都幾有驚喜，想當唔錯！位於時代廣場既13樓，搭lift一上就見到，相當方便！餐廳環境好舒適，同埋仕應都好有禮貌，相當之好！由於唔算肚餓，所以2個人叫左一個主食、一個小食同兩個葡撻馬介休球，個汁一個辣、一個唔辣，同埋裡面有芝士，相當惹味！乳豬飯，雖然佢個皮唔脆，但係d肉好鬆，一層膏一層肉，好有層次！我相當欣賞！最後叫左2個葡撻，流心個個相當唔錯！另外朋友食既佢就話好清新👍🏻埋單300幾蚊，銅鑼灣來講價錢合理，有機會再來試👍🏻

約左朋友睇戲，開場前想睇下附近有什麼餐廳吃飯先。上openRice搜尋到時代廣場13樓有澳門菜食，唔使去澳門都食到，當然要試下新嘢啦！門口甜品櫃吸睛的放滿葡撻同木康布甸。洋甘菊$58最近睡眠狀態欠佳，來一壺洋甘菊最好！鮮蝦蟹肉南瓜湯$62幼滑的南瓜湯加入鮮蝦、蟹肉，增加口感和鮮味。😋香辣煙肉煮海蜆$128海蜆新鮮肥美，香辣可口，最值得一贊係好乾淨無沙！👍鹹魚炒介蘭$72淡淡的鹹魚香令新鮮嫩綠的介蘭更惹味！👍乳豬野菌牛油焗飯$188乳豬皮金黃酥脆、肉質入口嫩滑、鬆軟，好juicy😋牛油焗飯軟硬適中，野菌的香味四溢，令到焗飯好有質感！👍宇治抹茶黑木康布甸$46淡淡抹茶清香，清新的味道！

今晚放工和女友人行銅鑼灣，順便去時代睇運動鞋，行到中段有少許肚餓就找一間餐廳吃飯，突然見到大招牌［小島.澳門菜］想吃葡國菜就去時代廣場13樓！我們各自叫了一個奶皇流心葡撻$18和經典葡撻$14奶皇流心這款奶皇流曬出來，拿上手暖呼呼的，而且吃下去口感香酥軟滑，價錢便宜！乳豬野菌牛油焗飯$188 超香牛油，加上脆嫩的乳豬上咖哩味葡國醬，帶d微辣和香滑口感，粒粒野菌的米飯沾滿醬汁惹味十足！另外叫了一個小食檸檬燒沙甸魚$88，雖然身材有點細小，但吃上去咸香香辣！最後每人結帳一百七左右，服務不錯，食物上得快！

今日特意準時收工約朋友去時代廣場買飛睇戲,上到戲院買飛時見到隔離開了一間很吸睛的澳門菜餐廳,整間餐廳都是我最喜歡的天藍色,裝修得精緻優雅,牆身和磁磚都滲透了澳門與葡國的味道,我們都被餐廳吸引住,決定睇戲前就在這裡食晚餐!!餐牌貫徹餐廳主題用天藍色,還加上立體雕花圖案,感受到他們除了店面,連餐牌都那麼用心設計!!打開餐牌有太多菜色,每樣都很想食啊!!最後我們決定了芝士馬介休球伴香草沙律汁,咖哩B牛坑腩配香草蒜茸包及澳葡芝士鮮茄焗豬扒飯!落單後首先來到是芝士馬介休球伴香草沙律汁,馬介休球炸到外層金黃色,外脆內軟,咬開中間有小小的芝士流出,再加醬汁一齊食,十分滋味!!咖哩B牛坑腩配香草蒜茸包,熱騰騰的牛坑腩散發出濃濃的咖哩味,牛腩與牛筋煮得很軟身入味,有入口即溶的感覺!蒜茸包上鋪滿了蒜茸,烤過後更香濃更香脆,厚身的蒜茸包配上咖哩汁一齊食實在一流!!澳葡芝士鮮茄焗豬扒飯的豬扒全是厚切,不會又乾又硬還很入味!!整個飯都充滿著芝士和蕃茄,每粒飯都粒粒分明,有小小煙韌的口感,真的不錯!!整體來說,餐廳環境和食物都非常好,絕對令人一試難忘!!

今日去銅鑼灣睇戲，橫惦未夠時間，諗住搵個地方坐下食少少野先去睇戲，比我地行行下見到有間好有葡萄牙既裝修的澳葡菜，好有澳門特色，但在香港有得吃的餐廳少之又少。裝修又唔錯。【小島奶黃流心葡撻】葡撻真係未試過內裡有奶黃，真是第一次見，吃這個奶黃流心葡撻，就比我諗起好似吃了另類月餅一樣，果然不同凡響，非常唔錯。【葡式香烤豬件配薯菜】烤豬是幾乎每次到澳門旅遊的必吃之物，金黃色澤，皮比想像中薄脆，有清脆的索索聲。皮下脂肪入口即化，絕無肥膩感。【果香軟心多士伴Movenpick雲喱嗱雪糕】呢款軟心多士可以話係西多士嘅變奏版，廚師先將兩吋厚嘅多士原個浸喺忌廉牛奶入面，再半煎炸至外層香脆，而入面就保持勁軟心，上桌時伴以 Mövenpick 雪糕及拖肥醬。令整個甜品口感味道亦十分香濃豐富，食完會有一種幸福既感覺。

以前假期最鐘意去澳門玩返2日，但而家澳門船飛酒店越黎越貴，寧願搭飛機去旅行比較化算。不過有時好掛住澳門野食，早排聽到時代廣場新開了一間澳門菜餐廳，於是同老公一齊去試下先。好耐無去過時代廣場搵食，原來入面開咗好多新餐廳，而且仲有好多特色菜。餐廳環境感覺有少少澳門懷舊風情，而且好多遊客。餐牌選擇非常多，而且仲好多特色菜，我地揀咗幾次小食，主菜share 食。蜜桃沙冰蜜桃味清甜香濃，入口清新又解暑。沙梨頭手打墨魚餅伴葡式甜辣醬墨魚餅外皮炸到金黃酥脆，口感彈牙又夠實凈，鮮味十足，伴上少少甜辣醬，更添風味。烤焗盲鰽伴檸檬牛油汁煮海蜆魚肉鮮嫩多汁，沾少少檸檬牛油汁，更加香甜滋味，而海蜆肉質爽嫩彈牙，蜆肉鮮甜，堅正！值得一讚員工態度良好，而且食物環境都不錯，下次可以再試試其他食物款式。

未夠鐘入場睇戲又有啲肚餓就去左旁邊的小島澳門菜醫醫肚。由於時間不多，所以我們只點了兩個主菜食，分別是十月初五蝦籽黑松露意大利麵和小島鵝肝焗鴨飯。餐廳的設計理念是模仿葡萄牙時期的風格餐桌與餐桌間的距離亦足夠，沒有侷促感，這點幾好。食物方面先從十月初五蝦籽松露意大利麵說起，麵身使用較幼身的麵，所以很吸味，再加上蝦籽黑松露等鮮味的食物在麵條中，已經有很重的鮮味，用上的忌廉也食得出濃味，所以整身配搭出色，亦幾好味。小島鵝肝焗鴨飯所使用的鵝肝夠肥美，散發出肥美的油脂香，聞到已經流曬口水，而且鵝肝放在飯上面，飯吸收曬精華在其中，食落咬埋鴨肉，精華盡在其中，出色之作。下次再來試下佢個葡攤先

銅鑼灣時代廣場13樓有間澳門菜，我地好耐無去澳門，一於入去食，星期一紅日8點幾唔洗等位，呢度坐得舒服，兩個人叫三款菜。烤焗盲鰽魚伴檸檬牛油汁煮海蜆，$178唔算大條適合2-4人食，有紅黃椒，洋蔥，火腿粒，橄欖，牛蒡伴碟，好豐富，味道唔錯。小島椰香葡國雞配飯或蒜茸包，$138葡汁美味開胃，雞件大舊夠滑，點少得薯仔，葡汁送飯無得頂！！葡式西洋腸炒雜菜，$72每款餸菜都有橄欖、臘腸，味道亦非常配！炒菜更一流，有椰菜，菜心，粟米仔，好味呀。

去銅鑼灣食野, 都偏貴, 今日約朋友試呢間澳門葡國菜,抵食喎,我們先叫了一碟冷盤-黑醋豬手($78)，豬手處理得乾乾正正,皮脆,夾埋黑醋汁中和肥膩感,充滿膠質，好彈牙。另一道菜叫了烤焗盲鰽魚伴檸檬牛油汁煮海蜆($178),一大條魚,旁邊有8隻蜆肉，蜆肉鮮甜,還有牛油同忌廉味。平時少食盲鰽魚,原來肉質好滑,實肉的，完全唔會有魚腥味,其不需加檸檬汁,保留魚肉鮮甜味,加上其他配菜，有橄欖、黃椒紅椒、三款菇、檸檬片、洋蔥、同魚一齊食好juicy。我同朋友都愛食葡撻,我自己叫了兩個,朋友一個,分別叫了濃香咖啡葡撻同鮮橙檸檬葡撻作甜品， $14一個，鮮橙檸檬味夠特別, 帶清香, 重牛油香的酥皮，但咖啡味偏苦澀,唔係太襯葡撻味道,下次一定要試焦糖原味。

今晚朋友約了去Times square 食晚飯, 餐廳在戲院旁, 座位都算多, 也有卡位,裝修有葡國瓷磚,有異國風情感覺,MENU都多選擇。期待食葡式烤乳豬,原來呢間烤乳豬有不同的烹調手法選擇,有當主菜食,有配焗飯,有配法包食,我地就揀左配焗飯,叫了葡式乳豬野菌牛油焗飯$188, 乳豬皮超脆, 肉嫩，每啖飯都黏了牛油及菇的香味，野菌味濃, 再叫了葡汁焗時蔬$72 ,葡汁有椰汁清香, 時蔬的菜款有椰菜,椰菜花,芥蘭,份量都大碟,另外再叫了個墨魚餅$78, 共有四件,好彈牙的墨魚肉,外皮好像有啲麵包碎條,好酥脆,食落口感似蝦餅，旁邊辣醬超辣，朋友喜愛食辣點了好多醬。每碟份量大, 都好滿足夠飽了。雖然見到門口有木糠布甸好吸引，但都要留返下次了。

點解香港得咁少葡國餐廳架？係咪因為隔個海就係澳門太近關係呢？其實葡國菜好啱香港人口味，豬扒包、葡撻、乳豬，都係必點items，而今次試呢間都係因為幾年無過大海，太掛住d美味喇😶辣肉腸松露芝士脆多士 $72🥢🥢🥢原來有辣肉腸架，完全食唔到喎，只食到香濃松露加芝士嘅脆多士忌廉芝士薯仔焗馬介休 $128🥢原來有馬介休架，又係完全食唔到喎，而且芝士唔凸出，只食到忌廉汁薯仔，份量又唔多，好呃錢囉😒沙梨頭手打墨魚餅伴葡式甜辣醬 $78🥢🥢🥢🥢又彈牙又重墨魚味，唔點醬已經好味，不過如果你食得辣，可試下呢個勁辣醬葡式香烤乳豬件配薯菜 $218🥢🥢🥢🥢一客只得五件乳豬，有d貴，但真係烤得好香，而且肉又嫩，點少少芥末醬超勁正呀🤤香脆乳豬野菌牛油焗飯 $188🥢🥢乳豬皮腍咗dd，可能個飯d熱氣影響咗啦，美味道大減，低層嘅野菌牛油飯亦唔見出色，牛油味不足，而野菌唔起眼之餘亦食唔出，所以想食乳豬，我會建議叫上面果款＂烤乳豬配薯菜＂小島咖喱羊架配蒜蓉包 $185🥢🥢🥢鍾意食羊嘅你一定要叫呢個羊架，羊架雖然少同較細件，但肉嫩而羶；而咖喱汁同蒜蓉包就不過不失，叫做有汁點下兼填飽個肚小島鵝肝焗鴨飯 $168🥢🥢鵝肝好大

今晚和女兒撐枱腳，她先前和朋友到過小島澳門菜吃飯，覺得味道很好，於是今晚便帶我去開餐啦一入門口，已感到很舒服，佈置簡約，坐下來服務員便為我們遞上餐牌，研究了一陣子，我們點了馬介休滑蛋蝦子豬扒包、香脆乳豬野菌牛油焗飯，及當然不少得焦糖葡撻。果然很有驚喜，豬扒包非常脆卜卜，滑蛋很香很滑，薯條更是阿女的至愛。乳豬肉質很稔，味道很好，牛油焗飯很香很入味。至於葡撻，入口熱辣辣，皮脆內軟，很正喔！可惜肚子空位有限，仍然有很多餸想吃，但要待下次再來才試了

以前澳門豬扒包真係好好味，不過宜家又貴又細，冇以前咁吸引！難得有澳門菜餐廳真係要請下個豬扒包！辣肉黑松露芝士豬扒包俾豬扒包個size嚇親，對比係澳門出名嗰間，價錢差唔多，但係double size，黑松露醬混合芝士鋪係大大塊豬扒上，麵包烘得外層脆脆地，每一啖都好滿足。薯角炸得香口，配埋醬汁辣辣地幾特別，都幾值得推介。澳葡芝士鮮茄焗豬扒飯呢到用厚切豬扒，賣相同味道都幾有驚喜！飯粒做到粒粒分明，好有咬口！加上面頭有芝士，撈埋一齊更滋味葡汁焗雜菜，惹味又開胃，味道唔錯，健康之選。

今天約左人去睇六點場特務戇J：神級歸位，下午就同友去左銅鑼灣行街食飯😆行左一陣朋友已經一袋二袋😅我諗都應該係時候去食下午茶了，我地在時代廣場見到小島澳門菜，見裝修幾好的，D位又寬敞，下午茶時間又吾多人，啱曬我地。睇餐牌都有好多選擇，無論係粥麵飯小食都有，不過我哋就揀咗一個葡式香烤乳豬件配薯菜，乳豬皮又脆又香口，薯條又粗又好味😋甜品叫左個暖心薯仔甜餅，好軟熟，吾太甜，食到一粒粒的薯仔，加埋D乳酪一齊食好好味👍配埋咖啡仲正😆

下次再來！陪朋友去了銅鑼灣買東西，買完當然要去吃飯。所以我們就去了一問間餐廳坐下吃東西。這間餐廳我幾滿意的，因為他的海鮮食物幾新鮮。我們叫了一碟盲鰽魚伴海蜆。魚和蜆肉，都幾新鮮，蜆肉吃下去，有彈性口感，還有一點點忌廉的味道。魚肉又幾滑，加上其他配菜一起放入口，味道幾好。而其中一道菜——黑醋豬手，我覺得又整得好味。豬手我出面就經常會叫來吃，原意是補充膠質，不過出面的豬手通常整得比較「林」，而且食完有一點點肥膩感。但這間餐廳的黑醋豬手，不但有彈性，咬口十足，而且可能他用了黑醋來煮這個豬手，所以食下去，不會覺得很肥膩，所以我一件吃完，又夾一件來吃，味道可口的。整體幾好，一邊吃，侍應又會一邊倒水給我們，態度都幾好，所以我下次會再來這間餐廳吃飯。啊，忘了說這間餐廳叫做小島•澳門菜。