小島•澳門菜 (已結業)

一直很掛念到澳門吃葡國菜，但沒有時間。原來銅鑼灣開了一間小島澳門菜，以各類型的葡國菜式為主打。我和朋友點了香脆乳豬件配薯菜，一試難忘。菜式分量很大，有大約六件乳豬件，每件也有香脆外層，加上油脂和嫩嫩的乳豬肉，邪惡至極。薯菜亦十分豐富，有薯角，各式蔬菜，而烤菠蘿更一解乳豬的油膩感。我們也是試澳門名物：焦糖葡撻和從未試過的鮮檸香橙葡撻。酥皮鬆脆之餘亦不油膩，而內裏的蛋漿很creamy，檸檬香橙口味，十分清新，亦不會蓋過蛋香的味道。餐廳還有酒精飲品供應，我點了其中一款甜香果酒，以白酒為基底 ，加上一些莓類的水果，味道很配~

睇完戲落咗嚟13樓嘅小島•澳門菜，之前一直想試下，今日終於有機會啦！其實好多嘢食都想點，不過兩個人食唔到太多啦~先嚟嘅係香脆乳豬野菌牛油焗飯，一上菜已經好香，仲有陣陣味，起初仲擔心會好油啦，但係厚切嘅乳豬好正呀！肉質嫩滑， 下次都可以再食。之後我哋叫咗白酒煮海蜆同小島香脆豬扒包。海蜆份嘅量一大碗，好似食極都仲有咁，而且每隻都大大隻又多肉，好抵食呢。而豬扒包仲配埋我最鍾意嘅薯條，豬扒包唔會太乾，仲有肉汁，分成三份方便我哋食呀~ 

於銅鑼灣逛街後找晚飯地點, 想嘗新下找到這家澳門菜餐廳。地點相當方便, 位於時代廣場食通天, 地下有專𨋢直達。餐廳主打澳門菜, 其實即是葡國菜, 選擇相當多, 亦有套餐選擇, 今天不太餓, 選擇散叫。點了些小食及一個飯分吃。芝士馬介休球: 先點了一個前菜。芝士馬介休球外脆內軟, 薯蓉軟滑甚香薯味, 中間的芝士帶點流心, 整體咸香, 很好吃。不要錯過旁邊的醬, 白色的香草沙律汁帶點酸甜, 加了一點清新感予薯球, 紅色的像是沙沙,帶點辣味, 刺激得來很開胃。焦糖葡撻: 去澳門必食葡撻, 原想點一個流心奶黃葡撻但賣完了...焦糖葡撻酥皮酥脆, 蛋液也算滑, 甜度適中, 不錯。葡式檸檬白酒煮海蜆: 上桌時香氣四溢! 蜆量很多, 相當鮮味。湯汁帶蜆的鮮味和檸檬清香, 也帶點點白酒香。內裡亦有不少秀珍菇, 洋蔥碎及紅椒碎, 與湯同吃相當岀色, 推薦!小島鵝肝焗鴨飯: 主食選了邪惡的鵝肝焗鴨飯。鵝肝油脂豐富, 煎得表面帶點焦香, 很肥美。鴨飯內有不少鴨絲, 飯粒煮得剛好不會濕, 還帶一點咬口, 調味不會過重, 剛好配襯濃味的鵝肝。整體質素不錯，環境亦算輕鬆舒適。想念葡菜的味道，可以來試試。

今次同家人到時代廣場食通天小島澳門菜，平日六時來到，時間尚早，不用等位。不過已有一些枱reserved,所以周末來時還是訂枱會更安心。餐廳以藍綠色作主題，讓人感覺很精神。我們三人，被安排坐在卡位，坐得很舒適。食物種類也不少，我們點了三款廚師推介。小女生點的是，蝦子黑松露野菌意大利麵，我就選了特色的澳門辣肉腸豬扒包，而蝦子餅就選了咖喱牛坑腩飯。黑松露意大利麵平日也吃得多，不過加入蝦子的還是第一次吃。意粉很creamy,有很多蝦子及黑松露，提升了整體的味道，讓意粉更惹味。辣肉腸豬扒包充滿澳門風味，豬扒厚切，肉質鬆軟juicy，豬仔包十分香脆。而且還有香辣薯角及沙律，份量相當大，吃半個包已經很飽了。咖喱牛坑腩味道濃郁香辣，牛坑腩啖啖肉亦很軟稔，配上白飯，份量也是相當足夠。還有地道的甜品葡撻和木糠布甸，下次有機會會試一試呢！

相約家人往銅鑼灣時代廣場購物，到食晚飯時間，往食通天試吓澳門菜。侍應安排了長卡位，夠晒舒適，餐廳嘅陳設都很有格調，有如置身濠江。主菜為葡國鷄飯，咖哩豬扒飯和椰汁鷄湯米。飲品有芒果柚子沙冰，蜜桃沙冰和荔枝沙冰。甜品點了焦糖葡撻和果香軟心多士伴雪糕。白飯用熱碗盛載，以保持温度。每樣主菜均很夠份量，咖喱汁和葡國汁均調教得唔錯，提升味道。湯米口感討好，和椰汁鷄很相配。果香軟心多士拌雪糕都幾有特色，焦糖汁和雪糕塗在軟心多士上，感覺清新香口，配以果香味十足嘅沙冰，更令人有舒適悠閒嘅感覺。

今日放假到銅鑼灣逛街，時代廣場是熱門地點，我最愛到地庫超市購物，然後到食通天用饍。食館坐落時代廣場食通天，門口很有特色，玻璃柜有葡撻作招徕。周末客人甚多，因為六時已入座，較易揾位。點了濠江咖喱豬扒配白飯，小島椰香葡國雞配白飯和華僑椰香鷄湯米。主菜味道唔錯，個人較喜歡咖喱豬扒飯，份量十足，豬扒足足有两件，咖喱汁煮得很香，辣度適中，最啱送飯。蜜桃沙冰有蜜桃香味，味道唔錯。甜品則揀左焦糖葡撻和果香軟心多士伴Movenpick雪糕，水準不俗。個人較喜歡焦糖葡撻，暖暖焦糖厚厚蛋撻，夠晒香口。

尋晚同個朋友聚舊來咗呢度食飯入餐廳之前見到呢個葡撻櫃、有多款口味好吸引呀叫咗一個豬扒包$78好大份仲有三種醬料比你調味（蕃汁用來點薯角、另外仲有一個辣醬同芥末比你）個包好脆口但唔會好乾、兩邊都塗咗蒜蓉牛油醬令個包更加香口塊豬扒好厚身外皮脆入面嫩D醃料又夠惹味D薯角份量好多熱辣辣好好食鵝肝焗鴨肉飯$168d飯粒好飽滿充滿住鴨油嘅香味鴨肉同鵝肝都好香口好夾正甜品叫咗兩個葡撻（原味同咖啡味）仲有一杯抹茶味木槺布丁葡撻個皮好酥脆好重牛油香原味充滿蛋香咖啡味都不錯木槺布丁抹茶味好出又好香滑好満足

今日放工黎到位於銅鑼灣時代廣場13樓既小島-澳門菜（就響UA戲院隔離），一嚐澳門葡國菜！一黎就睇中左個廚師精選二人套餐，非常豐富！先黎餐湯葡式蟹肉青菜薯蓉湯，十分健康，蟹肉鮮甜！頭盆特式拼盆，有沙甸魚，辣肉腸沙律（非常特別，香味十足），芝士蒜蓉包，芝士馬介休球（芝味滿分）第一味主菜-至尊鵝肝焗鴨飯，睇落去好似糯米飯，食落香噴噴，鵝肝同鴨肉配合得天衣無縫！perfect match!第二味烤乳豬配黑松露意大利面，黑松露味濃郁，烤乳豬卜卜脆，口感一流！跟餐仲有炒雜菜同木康布甸

就在時代廣場戲院隔壁。選了廚師精選二人套餐，餐點非常豐富。 還單點了梳打飲料跟一個咖啡葡塔葡式蟹肉青菜薯蓉湯 真的有一絲絲蟹肉特色拼盤（海鹽燒沙甸魚，葡式辣肉腸凱撒沙拉，芝士蒜蓉包，芝士馬介休球）任選兩個主菜 有六個選擇 一上餐點就聞得到超香的葡式香烤乳豬配松露義大利面 乳豬又脆又嫩 松露讓香氣提升另一層次至尊鵝肝焗鴨飯 很像糯米飯葡式西洋腸炒雜菜經典木糠布甸 甜點很重奶味 十分滿足跟男友兩人都捧著肚子離開，在時代廣場開店果然有一定質素。

食物水準同質素真喺好一般 ！蒜蓉飽竟可差不多凍上，跟服務員說才馬上加熱！乳豬件亦令人失望，肉嘅質素遠非此價錢！小島拼盤也水準以下，沙律菜完全不新鮮，整體上菜模式格局好茶餐廳但就收費就貴好多囉～吃完一肚氣

銅鑼灣時代廣場，近一年在戲院樓層開了一間澳門菜餐廳，為食的獵人當然不能放過！😁咖喱牛坑腩肥瘦平衡的牛坑腩，肉味豐滿且稔，牛脂肪帶來香溢的味道，牛腩分量也頗多。咖哩汁方面亦相當惹味，配上一件一件牛坑腩，用來配白飯一流。燒魚用橄欖、檸檬、青椒、鹹肉粒等等作調味，魚肉又多又滑，價錢相當便宜！記得落多些檸檬汁，比較開胃。兩個人興奮地，夾完一口又一口，食完之後非常滿足！豬扒包澳門菜又怎少得豬扒包呢。麵包口感外脆內軟，炸豬扒大塊鬆軟有肉味，熱辣辣且帶有肉汁。另外仲有薯條角做伴菜，適合分享或者單獨食。葡撻葡撻有原味、橙味、咖啡味。原味已經相當有水準，特別在於咖啡味葡撻，對上一次食應該已經是澳門了，想不到香港都有店家製作。咖啡味恰到好處，唔會太甜覆蓋了味道，上邊一個咖啡奶凍，與酥皮相當配合，值得一試！

繼續揸住我部倫敦的周圍去, 過住行街、食飯、睇戲的悠閒日子， 今晚食葡菜， 小島澳門葡菜位於銅鑼灣時代廣場13樓， 位置非常方便。食店裝修富葡國特色， 部分地下鋪上及牆身鋪上葡國特色瓷磚。很多特色葡國美食， 有葡式烤乳豬、馬介休球、葡式烤沙甸魚等等‚ 葡撻當然不可少， 還有其他葡式意粉、 飯、沙律及甜品等。葡式香烤乳豬配薯菜 ($218)賣飛佛， 脆卜卜嘅乳豬皮入口甘香鬆化乳豬肉則嫩滑香口， 豬肉汁很豐富， 我片走部份肥肉後拈些附送的香草香辣醬伴食， 夠曬香辣醒神兼惹味。呢碟香草香辣醬調較得很出色, 味道豐富, 又夠香辣, 我用黎拈薯條同樣正!烤乳豬嘅配菜都幾豐富， 除咗厚薯條外， 還有烤翠玉瓜、菠蘿、 BB 車厘茄及雞比菇， 件烤波羅超甜， 厚薯條亦炸得外脆內粉棉， 灑上香辣粉更香辣好食。

銅鑼灣時代廣場的食通天作為區內最強的餐飲去處，大部份餐廳也具不同特色，令人津津樂道。「小島•澳門菜」是全新的正宗澳門葡國菜概念，貫徹大商埸標準的雅麗裝潢，亦具空間感。餐廳主打葡國烤乳豬、豬扒包、各款特色葡撻及馳名咖喱等...... 鮮橙檸檬葡撻 ($14/件): 葡撻迷當然要一嘗葡撻，外皮鬆軟香酥，帶淡牛油香，加上鮮橙及檸檬，味道一層又一層。特別的是，還有微微酒香，非常惹味。濃香咖啡葡撻 ($14/件): 餡料奶滑，酥皮同樣香酥，咖啡味道適中，同樣帶酒香，味道也蠻討好。. 辣肉腸松露芝士豬扒包 ($92): 每款包也配有炸薯角及沙律，其中這款辣肉腸松露芝士豬扒包更是餐廳推介。傳統澳門豬扒脆包加入辣肉腸及松露芝士，味道層次更顯豐富，豬扒厚度適中，帶少許肉汁，中規中矩吧。澳蒲鮮茄芝士焗豬扒飯 ($108): 鮮茄芝士焗豬扒飯雖然普通，但也是澳葡菜常見的。芝士及鮮茄份量蠻多，令醬汁更為濃郁，而且無骨豬扒比起港式豬扒更厚更爽滑，唯一是飯粒不及乾爽。

睇戲後很肚餓便到訪鄰近餐飲食葡國菜的餐廳在香港不算多，這裡除了豬扒包還有乳豬好似很出名便決定去試試朋友先點了沙梨頭手打墨魚餅伴葡式甜辣醬賣相精緻墨魚餅彈口，面層不太油膩個人認為葡式甜辣醬偏辣，不過惹味主菜咖喱B牛坑腩配香草蒜蓉包率先登場牛坑腩份量不少，咖哩不算辣，內有不少薯仔牛坑腩偏瘦，淡淡肉適合怕肥的我們配香脆的蒜蓉包真的很夾，兩片感覺有點不夠，值得再加蒜蓉包期待已久的香脆乳豬野菌牛油焗飯，沒有令我失望乳豬外皮微微脆加上葡汁，野菌牛油焗飯好香好入味

睇完好戲就順便嚮旁邊既呢間餐廳食晚飯，非常就腳。門面以淺藍色葡式花紋磁磚砌成既bar檯尤其吸睛，餐廳裝潢頗具格調，坐得舒適。除了水蟹粥、葡撻等澳門為人熟悉既食物外，餐牌上還有不少特色新派菜式。沙梨頭手打墨魚餅炸得金黃，香脆彈牙，秘製甜辣醬很重要，微辣令墨魚餅更惹味鵝肝焗鴨飯熱辣辣上檯，粒粒分明既米飯中混入臘腸片、鴨肉、肝菌及橄欖，加上肥美既鵝肝入口即溶，油香味充斥著味蕾，非常有口感！馬介休炒椰菜食落爽口，當中夾雜鹹香味，火喉十足