寬巷子 (已結業)

依家打邊爐通常都有做折所以特登揀d 正價絕對唔會食既餐廳黎試當晚bk 左七點半，我地七點早到左都唔比入，唯有坐係門口睇下餐牌先餐牌都好有特色，一對門甘，好重手坐左一陣都算多人walk in 但要等到八點幾就有位最後坐到七點三就比我地入去一坐底就擺低依個洋蔥醬，埋單先知$15 一碟。。。。但真係好好味，佢可以提升d 食物到另一層次，所以值得比依$15一個鍋都要二百尾，鴛鴦先338, 梗係揀鴛鴦一個紅泥小染，係麻辣底，一個養生鍋，係烏雞花膠底麻辣一開頭都無咩料到。。。可能都有譚仔十小甘上下，但對我地食開辣既人黎講真係好似無辣甘。。。中間個圈係大量花椒，連住麻辣底，甘就唔駛成日筆到d 花椒粒，好貼心既設計，麻辣無乜料，得三舊豆腐同兩舊仔鴨血，鴨血勁滑， 豆腐好特別，好吸湯，養生都有半隻小烏雞可以食下，填填肚，d 湯都ok 甜依度大部份都係分左三人份量同五人份量我地三個人，所以叫哂平d 既三人份依生菠菠糖一上碟就覺得好似食芝麻卷甘入面好多芝麻好香，好好食，但唔覺得自己食緊麻辣鍋甘墨條就普通d, 墨魚味唔算好重，口感係硬身dd, 似長形墨魚丸甘，唔算彈牙枝仔冰係好多人勁讚，一食落去係甜既，彈牙質

如果唔係為野食，想幫手交下舖租同無限俾人反白眼ge歡迎黎呢間打爛台灣始創店招牌ge海港城海外分店😏😏野食唔多講，正常唔難食。岩小朋友份量，600蚊5片牛，70蚊街市買到ge現成炸響鈴，同埋全部幾粒上ge餃同丸。服務101分超水準地差。諷刺客人，係咁意問左句湯底係咪有配料。 侍應：「係呀！不過其實都係得一兩舊，你地都係要另外點菜ge！」 請問我地幾時有表達過唔會另外點菜？難道會有人打邊爐淨係食湯底？之後未點完菜，侍應就走左去話一定要落湯底先，之後再對住同一位侍應揮手佢已經當睇你唔到！ 其他仲有講野一舊舊，唔願意介紹食物嗰d下省1000字。仲有餐廳環境好熱，好似冇開冷氣咁。唔fill水，未食完就收走食物etc總之未食都夠哂飽，一肚火。

飛不了，打算回味一下台灣火鍋，可惜失望了。不看價錢，食物是可以的。但對比其他價錢相約的，不管質量及份量都沒有優勝之處。基本肉類不過不失，同樣價位有更好的選擇。試了幾樣創意火鍋料，壽司做形的基本上下面都一樣是蝦加墨魚膠，但上面的蝦或鮑魚與下面配料煮的時間不一，所以口感很差。特別是蝦那款，蝦都老了，下面的膠再熟... 鳳梨酥的話，個人認為只能用有趣來形容。服務水平更加需要更大的改善，服務員基本在雲遊狀態，長期低頭，即使是結帳都等很久。整體來說是失望，沒比較沒問題。雖則台灣店家來香港開分店，水準都免不過下降，但這次落差頗大

未試過豪食火鍋，但原來豪食唔係話豪就豪，唔好亂打亂撞，一定做下功課先，咁岩揾到尖沙咀特式火煱，餐牌上有超過六款湯底，但可以揀得就三款咁多，理由係19:00先有雞湯，而入座時間18:45都未預備，O咀，又只得兩個鐘用餐，之後只揀菇湯$290，牛肉一朵花成為$580，海鮮$780，再加一渣山渣水$88，醬料每位$45 ,坦白講呢個價錢應該好多邊邊可以揀，後記觀察見到有其他食客坐底之後睇完餐牌都起身走人，小妹真係學到，下次再遇唔岩食就真係走頭好過，好伏

1.因我們用某apps訂枱，用餐可亨有折扣優惠。但櫃檯職員表示如用該apps訂枱只可享用火鍋，不可叫其它麵食等食物，並聲稱條款已清楚列明於該apps，惟事實沒有。為免爭拗破壞假日心情，我們只好按原訂計劃入座，同時我們表示入座後才決定吃火鍋或麵食，但職員只提供火鍋的餐牌予我們。相信職員此行為是希望客人吃火鍋，因火鍋定價比其他麵食較高，以提高餐廳生意額。2. 見到附近枱亦有客人要求職員提供麵食的餐牌，查詢火鍋及麵食的點餐安排，職員極為晦氣。3. 我們被安排梳化座位，但坐下後即發現梳化背後的牆身不斷震動，於是請求職員安排隔離的梳化位，惟職員立即表示已有訂枱，完全不想協助安排，但枱上根本沒有已預訂的告示牌，而事實上我們亦是已訂枱的客人。4. 職員之間用粗口大聲溝通，只有兩個比較年輕的職員較為有禮貌。5. 即使已有訂枱折扣優惠，火鍋湯底及食物的定價比其他餐廳還要高，所以不期望餐廳的員工質素及態度如此惡劣。雖然餐廳環境及食物都很好，但換來的只是吃到一肚氣，希望餐廳職員可以作出改善，不過我們亦不會再光顧。

本來訂咗海景枱， 滿懷歡喜慶祝生日點知短短由等位到坐底嘅時間經歷咗兩次失望首先，入座前問有冇海景枱，第一次話有。隔咗陣，有職員再講"由於張海景枱位置有滴水情況，所以安排唔到， 但都安排咗包廂，依加等vip 食完就可以比你地"最後，入座時唔洗一秒就到咗， 原來就係門後第一張枱。食完成餐飯我係連一眼海景都見唔到麻辣湯底一般， 美人湯底

每次喺海港城經過都好想試呢一間台灣麻辣火鍋，今日趁着母親節我哋嚟呢度試吓原來而家仲做緊七折優惠，店內環境燈光昏暗，裝修格局精緻，空間感十足，可惜嘅係我哋嚟得太遲窗邊嘅海景位置已經坐滿。我哋點左最出名嘅東方美人鍋同埋紅泥小染麻辣鍋，呢兩個湯底都好吸引，後者係用新鮮花椒豆瓣辣椒等10多種香料炒香加中藥調製而成，麻辣勁到十足，感覺不油膩。水果茶涼拌海蜇手工壽司🍣鮑魚滑，蝦滑牛小排枝仔冰：蝦、豬肉、花枝組成創作料理墨條牛軋雞軟骨花，花枝組成招牌水餃🥟響鈴竹

今日lunch同同事去咗打邊爐，原先想去另一間溫野x,但太多人等位，轉左食哩間。我哋一行3人午市去到，唔駛等位。見到佢話午市有7折，即刻中咗入去。員工比個靚位我哋，坐窗邊。開頭我哋都好開心，但係越食越熱。所以不建議中午打邊爐坐近窗口位。窩底點了鴛鴦，一邊麻辣，一邊美人鍋。麻辣不太油和不太辣，非常好，美人鍋是豬骨湯底，用來落菜非常好吃。菜式有些很特別，例如豆腐和鴨血，會用淡豬骨湯裝上送枱。鵝腸新鮮，不會滾完後變很小。仲有牛4寶，初送到時以為就咁食，原先要滾一滾熱才食得。仲有一個枝冰仔，很特別，要滾4分鐘。總結，這餐廳值得推介，但價錢也不平。

因疫情關係，好耐冇同一班朋友一齊食飯，今晚終於可以開懷暢聚，揀左呢間人氣火鍋店，講到人氣，打去訂位分兩輪，6:30 或 8:00 pm，只可食兩個鐘，心諗今時今日有冇咁誇張呀?! 不過8點侍應就埋黎同我地講last order，8:30pm 就催我地起身，見佢8:30後真係full嘅。食物方面，我哋叫左三個湯底包括麻辣、茶樹菇同美人鍋，最好味係茶樹菇，打邊爐前飲左兩碗湯，食完我仲飲多一碗湯😋而且食完唔口渴👍🏻火鍋料叫左美國牛小排，肉質嫩滑，我哋總共食咗三碟😋豬腸好淋，值得推介，老油條就一般，唔係脆身果種，口感似牛脷酥，我就覺得麻麻地，水餃大大隻都爽口，不過無驚喜，鴨血嫩滑正👍🏻其他食物賣相好得，呃like一流。環境方面，都幾嘈吵，因為我地一行7人唔可以坐海景枱，因有海景多數係細枱，就有啲失望😞

疫情關係已經忍左好耐冇打邊爐，襯住長假期疫情冇咁嚴重，見到寬巷子做緊外賣自取半價，就外賣返屋企頂癮😋六點鐘去到落單俾埋錢，去附近超級市場再買其他料，大約半個鐘可以拎得！喺寬巷子買左$1100 左右 姐係原價$2200 返到屋企打開嚇咗一嚇，大部分都好細份，最唔抵食係溫體牛，原價$388 半價$194 得手掌心咁多多😰 最好就係湯底，我哋揀鴛鴦湯，總共俾咗四大兜，以供加湯用，最後打咗三個鐘都用唔晒啲湯！👍🏽而且兩款湯都好有台或風味！以個人今次外賣自取經驗，肉類真係份量太細份唔建議喺度買，可以買個湯底、餃類、鵝腸、鴨血、滷大腸等.... 半價後算比較抵！但你問我如果原價會唔會試堂食？答案係- 唔會!

一入餐廳已經聞到香濃的湯底味⋯ 諗住試新嘢，叫咗個松茸湯底⋯ um...好清淡😅點咗兩款牛 - 溫體牛 同美國牛， 我哋覺得美國牛濃味啲再點咗玫瑰松板 - 打卡用一流👍🏻 ， 可惜，侍應放低就即閃， 洋蔥🧅入面到底係咩呢？ 半個鐘後，侍應先話洋蔥入面係蛋白，佢會幫我哋煮。 😤鮑魚滑 - 唔錯，但比較細粒菠菠糖，台式月餅糕 - 又係放低就走，唔會提示你煮幾耐⋯ 😤7折打邊爐嚟講，人均消費差不多$700，但無服務囉⋯ 又限時120分鐘。 以呢個價錢，選擇有很多。所以，不打算再幫襯。

在開始新一輯台北遊記系列之前，記錄埋今年最後一頓友人請的生日飯，就是在一月頭，再到「寬巷子」吃火鍋。此台北過江龍，之前已經介紹過背景，相當仔細，大家可以參考相關舊文。窗外的維港夜景。今天回想，好像有些唏噓感。。。先來「凍水果茶」好，入直路！湯底「鴛鴦鍋 : 紅泥小染 / 貢布豬肚湯」$338「紅泥小染」就是 signature 麻辣湯底，用新鮮花椒、豆瓣、辣椒等十多種香料炒香加中藥材調製而成，以麻引辣。感覺是香麻不油膩，辣度較溫和，來到必要 encore：而「貢布豬肚湯」，就是健脾暖胃的「豬肚包雞」，用上世界知名的貢布胡椒粒熬製，單喝湯頭已很甜：食物方面今次沒有叫太多及 fancy 的，因為大部份特色配料上次都吃過。「炸響鈴」放在湯中三、四秒，即起：我食得辣，乾脆直接將響鈴放進中間的麻辣醬料沾來吃，痛快：「溫體牛 (小)」$228，就是手切滑牛肉片：因為它標榜沒冰藏，即日買即日清，肉質食得出很新鮮，肉味亦比和牛或肥牛濃得多：將牛肉沾上用來提味的醬料洋蔥醬，是另一番風味：吃麻辣怎能少得鐵膽「鴨血」$68，由台北運來港，上桌前浸在雞湯內，口感極滑溜：是晚亮點是「手工壽司滑」$238 / 每

過年前聽說附近開了間米芝連新餐廳，本來想跟好友試試新菜式，卻發現很難預約，想起之前吃過的這間精品火鍋，就再回味一下❤️隔了大半年再來，環境仍是那麼有格調，能望著浪漫海景吃的精品火鍋🥰很久沒來，餐廳也添了新菜式😆超有創意的！竟然是做成壽司款的火鍋料～看來挺精緻！不過我們還是想念之前吃的玫瑰松阪，就先放棄吧😌湯底方面，我們選了新湯底：豬肚和松茸茶樹菇湯❤️放工再來已差不多八點，怕餓過飢嘛，就點了兩份小食麻辣萵筍是店員介紹，辣很過癮，而且萵筍非常爽口，很好的開胃菜👍🏻鹵牛筋醃得很入味，夠稔又不失咬口👍🏻再來這碟朝思暮想的鮮花💐厚薄均勻的鮮粉紅色豬頸肉片，砌成唯美的玫瑰花🌹又好看又好吃😋用蛋白沾滿下鍋，肉片又爽口又嫩滑👍🏻這裡的火鍋即使吃的是清湯下鍋，也不需額外的醬料已夠味再來試試新菜式台式月餅糕外表看來像棋子餅又像杏仁餅，內餡卻不是甜的，裡面是蘿蔔和肉碎，吃起來像蘿蔔糕😃紅色的月餅糕外皮用火龍果汁製成，是食物天然色素，不怕吃進多餘的化學物質但月餅糕的外皮做得透薄，兩分鐘就要撈起，我們只顧閒談，不一會紅色的月餅糕就散了再吃了份手工蛋餃，蛋餃皮薄，肉量多，飽肚必選墨汁牛軋條，整碟看來還是一張藝術水墨

今日與友人相約海港城shopping，購物前先吃飯，發現原來寬巷子推出了午市menu，於是就決定一試。友人是喜歡吃牛，點了牛魔王濃湯麵。一款麵有齊牛的各種部位，包括有牛坑腩、崩砂腩、牛筋、牛肚和牛，另有半隻滷蛋。麵為粗麵，湯底濃郁，牛肉煮得稔身。滷蛋亦有驚喜，入味而且略帶酒香，非常特別。而我因為想飲湯暖暖胃於是點了鮑魚魷魚蒜湯配白米飯。湯用料十足，有原隻鮑魚、魷魚、冬菇等，非常鮮甜。除此以外，飯餐亦包括炒雜菜、泡菜等前菜和蒸水蛋，非常豐富。

已經好耐冇約朋友出街食飯，但有陣時自己一個人食飯都可以食好啲，都係一種放鬆方法自己本身都幾鍾意台式嘅口味，見到呢度嘅牛魔王濃湯麵有齊咁多種牛嘅部位，令人急不及待咁想試吓牛魔王濃湯麵牛魔王濃湯麵有牛坑腩、崩沙腩、牛肚、牛展、牛筋湯底顏色偏深，果然係有濃濃嘅牛肉鮮味但唔會過濃同過咸，食到最後都唔會覺得好膩而且材料真係十分足料，配料同麵嘅比例簡直就係一比一因為太多料，所以夾麵都有一定嘅難度而且佢嘅牛筋真係相當之稔，有入口即溶嘅感覺牛坑腩同樣夠稔、牛肚就夠爽，材料新鮮相信呢一個牛魔王濃湯麵唔會令牛肉粉絲失望