富 (裝修中)

又一個週末約班朋友黎公館食下午茶呢度既粉紅色梳化非常之適合打卡可惜早4日預約已滿額只好預約天台邊的位置環境一樣舒服250蚊一位，包飲品。食物黎講中規中矩，環境勝過一切。

Madame Fu 相信好多人都聽過，冇聽過都一定睇過佢三層下午茶架配以粉紅色沙發嘅厄like相今次藉住朋友生日，決定要去會一會Madame Fu! 由於想坐粉紅色沙發嘅signature位置，所以提早左一星期打電話去預約，點知被告知想坐既位置已經冇咗啦所以就決定要室外嘅位置，因為自然光影相比較靚吖嘛！Madame Fu嘅下午茶係有三餐嘅，底層睇鹹點，中層係scones，而最高嘅就係甜點我一直以為下午茶算係食西餐式嘅，誰不知佢嘅下午茶都係帶有中國特色呢！當中嘅叉燒酥同埋奶黃糯米糍真係好少會係afternoon tea set食到而餐廳室外嘅座位係可以睇到大館中庭嘅表演位置，可以一邊休閒咁享受下午茶，一邊欣賞樓下嘅表現，過一個寫意嘅下午時光

全港最夢幻最少女心嘅下午茶在此 粉紅控準備尖叫吧💕💕...相中咗佢間Pink Room像極了倫敦網紅餐廳Sketch 再配合埋中西合壁既下午茶畫面相當之Instagrammable成個月前打嚟訂佢通常會問你坐indoor定oudoor咁就 識揀一定揀Pink room唔係佢就會質你坐第二度唔好話唔袋錢入你袋謹記要同店方再三確認Pink Room 得五張枱咁大把坐低即有花生食 好彩唔關我事通常去Tea之前例必做足功課由餐廳官網至其網上食評都睇睇多些少 慎防中伏係咁以望過官網 厨既班底雖然係唐人但再睇背後主理人定係嚟幫襯 西人為主牌面上就似係鬼佬唐餐多啦所以個Tea嘅組合好中西合壁我都係第一次要用筷子食tea亦從來未食過啲皮成尺厚嘅湯圓真係你求其去超市買盒利川都好過佢不過整體畫面構圖豐富 的確美感十足其他如scone更係不值一提擺到明係食個環境㗎啦裏裏外外環境真心好靚睇閣下食tea 志在環境定嘢食啦平時人均消費$400-$800所以個Tea兩位連埋加一都唔駛五嚿 定價又唔算進取喎若果你只求影靚相呢度就真係啱曬你啦💗💗💗💗💗💗💗💗💗💗💗💗💗💗時間：週末下午3時至下午5時價錢：HK$250(每

The deco and the overall interior of Madame Fu were beautiful and filled with colonial elements. The staff there offered good services and speak excellent English.They offer good wine selections from all over the world. I really enjoyed Churton Chardonnay - clear, light bodied and goes so well with the Chinese dishes. Took my clients there for dinner. They really enjoyed the barbecue pork, razor clams and signature Chicken dish. This is a good place to impress your clients from overseas.The port

餐廳在大館內，充滿英式殖民地建築，環境氣氛已經夠晒吸引💕一早book定同班friends嚟下午茶，專登訂了在粉紅色房享用下午茶💕👍待應服務良好👍👍下午茶食物中西合璧，有中式甜心及甜點，亦有英式麵包、蛋糕及甜點，美味吸引💕👍最鍾意佢哋提供充滿粉紅色及金色裝潢，享用下午茶之餘，仲可同班friends一齊影下靚相打埋卡，夠晒一流🥰🥰其實坐在出面走廊位食嘢亦都不錯，夠晒英式懷舊及悠閒，絕對值得一嚐再嚐💕👍

與友人一早約好了afternoon tea，可惜來遲一步，過了時間，所以只好單點甜品試試。本應懷着平淡的心情嘗試，因為一向對於漂亮的下午茶抱不大期望，一心只想打卡和找個地方聊天。😅誰知點了兩款甜品都有意外驚喜，很不錯！為了配合甜品，和朋友分別點了兩款茶，配搭起來很合適。🍵茶具精美而且環境真的十分適合與姊妹們拍照打卡📸 粉紅色控必去地點😍喜歡我的食評，可追蹤我💕

人人都去大館打卡，我哋都唔例外，今次特登嚟Madame Fu 慶祝聖誕，殖民地色彩嘅建築確實好靚，室內餐廳好有情調、燈光較暗，其實都好適合撐枱腳，我哋order南非鮑魚火鴨粒燘飯 、預訂脆皮乳豬、醋椒汁脆皮鱈魚、madame fu 松露法蔥脆皮雞、蝦球、脆鱔、煙燻素鵝，appetisers好細碟，乳豬皮脆肉嫩，鱈魚好滑，松露雞冇乜松露味，鮑魚火鴨粒燘飯冇得頂，鮑魚好鮮味，飯的軟硬適中，收汁剛剛好，好夠鮑魚味，又唔會太鹹，waiters 好好service，聖誕晚餐$600一位，值👍🏻

Madame Fu 其實我系比佢間粉紅色嘅房吸引左佢 大家如果想去尼一間房嘅話就一定要book la 如果吾系尼啲涼涼地嘅天氣坐室外望住大館都吾錯嫁佢個tea set分量我覺得就岩岩好 平時有啲酒店每人都2-3個scones真系吾知有咩人食得哂 尼一間就一人一個 其實望落去就知佢都吾系好多嘢食同平時個啲吾一樣 但我覺得都好嘅吾洗食到勁飽 同埋佢相對出面嘅afternoon tea都系抵啲 around 250 per person 我覺得佢個甜品荔枝mousse系最好食 好香嘅荔枝味 佢仲有個nutella puff都好好食 但都偏甜嘅 所以對甜嘢麻麻嘅話就未必咁鐘意

大館有幾間餐廳都好有特色，見到IG超多人打咭的Madame Fu食下午茶，今次特別揀左呢間試下先，不過就食lunch。的確係打咭勝地，環境確係冇得彈，十分高級華麗。好天時坐係走廊特別舒服，比坐室內還要有空間感，景觀更開揚。食中菜的西餐廳格局，很有藝術感的menu cover。服務不錯，酒店等級的，菜上得幾快，在這環境下吃飯，感覺特別舒爽。炭火燒金方( 腩仔) ($120)賣相精緻，的式小巧，皮脆肉嫩，有質素，貴左少少……或份量可以多返d。春風得意腸($65)正常水準。蜜味叉燒包($62)，新鮮製，熱騰騰，包子很鬆軟，叉燒餡香甜，唔錯。瑤柱上湯鮮竹卷($80)餡料豐富，湯也very nice。水晶蝦餃皇 ($65)也不賴，很多蝦子，餃皮夠薄有咬口。亁炒安格斯牛河 ($158)算不錯，差一點鑊氣。慶祝生日都好開心，candle 唔係好match餐廳image，可以再有心思些。酥皮蘋果批配雲呢嗱雪糕 ($80)，不要看apple pie只是薄薄一片，味道都幾濃，帶點焦脆，vanilla 雪糕都係上乘的品質，配almond吃，口感 wonderful！

這個陽光燦爛的下午，來到中環大館營房大樓三樓的Madame Fu中菜飲茶，喜歡這裡偌大的露台雅座，室內環境亦走是懷舊優雅格調，大部分服務員都講英文，如此洋化又針對遊客的中菜，自然對其點心質素不會抱太大期望。我保守地點了蝦餃、燒賣、叉燒腸粉及鮮竹卷。說真的，蝦餃皮厚蝦肉又偏咸，燒賣也是偏咸，叉燒腸粉亦不夠咬口彈牙，皮肉分離； 上湯鮮竹卷算是比較好，但價錢也不平宜，菜式沒有什麼特別所以也沒有影相，中式茶芥$20一位。最後點了特濃朱古力蛋糕配雜莓及雲呢拿雪榚，算是比較正常的一道菜，朱古力Brownie甜度適中，配上帶酸的雜莓及帶甜的雪榚口感也不錯。整體來說，這裏是食環境、裝修及服務，可以靜靜地同朋友聚會，食物雖一般，但飲品選擇頗多，下次可以試下淨係嚟飲嘢。

聖誕前夕與朋友共聚，朋友先比了此餐廳網上介紹，看圖片見環境氣氛很吸引， 因此二話不說說打電話留位。可能佳節前夕，walk in 及等候的人多，不過入位安排快，我們坐在outdoor露台沙發位置。打開Menu, 可選的不多，都是一般tea的款式，３個人叫了１個二人+一人set，都是一貫英式般的食品（如迷你撻，鬆餅，三文魚多士），食物外觀是吸睛的，可是不熱，份量亦不算大份，不算有驚喜。如此價錢，應該是包括環境的因素在內。在場見遊客都佔不少，相信此餐廳是打咭勝地，但如果說食物方面，就真的失色了。

呢輪成日見到人哋post大館打卡原來就係呢度😌😌😌話說我嘅姊妹想同我補祝生日🎂🎂上網咁咁下見到呢間粉紅色餐廳幾靚🎀本身想book佢個Tea set☕️不過呢幾個星期都滿左咁我哋就決定喺度晚餐啦建議女士不要着高踭鞋👠👠因為就算你車係出邊停都要行條大斜路先去到餐廳門口要行過少少先會搵到一條神秘嘅電梯上到3樓又會見到呢間餐廳粉紅色沙發喺房入邊嘅不過覺得有啲浪費左呢個情調呢個環境係適合食西餐以佢嘅中菜亦都冇乜係可以用來影相嘅菜式點左一味雞嘅菜式，相信已經係最靚嫁啦呢樣野係有少少失望牛柳粒都做得唔錯而個甜品真係做得好唔精緻咁大隻碟點解Happy birthday啲字可以寫到咁細🤣我建議都係日頭嚟有日光相信影相會靚好多

因為睇左有人介紹話個pink room好靚 所以約埋班閨蜜黎high tea! Around $250 per high tea set 預左個價錢係買個餐廳嘅裝修 意料之外竟然我幾中意啲食物本身我係中意食中餐 有時食平時外國high tea都唔食macaron同埋啲太甜嘅甜品 食high tea都係貪佢靚姐 今次又可以影靚相又食到中式野都真係幾唔錯 我叫左個jasmine tea 真係用平時飲茶嘅杯裝 如果叫西茶先有靚靚英式茶杯最中意食就係個叉燒酥同個松露鵪鶉蛋 叉燒酥要趁熱食 相機食先之後就嗱嗱臨食 鬆餅都不過不失 之後有個糯米糍都好好食 我第一次食哂成個tea set 平時一定有一兩款好難食 呢次真係唔話得 不過唯一唔好嘅係啲食物有啲少 如果每行多一兩款會好好多 平時tea當lunch食 呢次份量太少 dinner又要食大餐補翻

最近係網上見倒好多呢間餐廳既廣告，見呢度環境幾靚，所以預訂左tea set同朋友慶祝生日.我提早左一星期打電話去book檯，當時佢並冇提及過幾時要交檯，亦冇提及過有冇限時..我地4點鐘去到，未到5點，我地野都未食完，侍應就俾左張單我地叫我地埋單. 當時我就同佢講我地仲有個預訂左既甜品未到..然後個侍應問我預訂左咩甜品，話幫我加番單. 我當時有提醒過個侍應仲有句happy birthday..然後佢話冇問題，佢知道有呢個request..個creme brûlée 好快就整好送上黎. 我一望，真係得句 “happy birthday”!當時我有少少失望，因為我預訂既時佢有問我朋友叫咩名，話會幫我寫埋上去..不過冇所謂，有句happy birthday 已經唔錯..然後個甜品都未開始食，reception 就突然黑住面口咁就入黎話夜晚有人book左成層搞活動，叫我地走.. 當時5點13分，我問佢我地最遲要幾點走，然後佢繼續黑住面咁話5點鐘，話我地已經超左時.. 而我從來都唔知5點要交檯俾佢！無論係我預約個陣定係入座個陣，佢從來都冇提及過！咁然後我地廢事阻住人，於是快快食埋個帶唔走既crem

I loved the afternoon tea here. There wasn’t enough staff during afternoon tea but well staffed during lunch. Cleanliness: 👍🏻👍🏻👍🏻👍🏻Service: 👍🏻👍🏻👍🏻👍🏻Ambiance: 👍🏻👍🏻👍🏻👍🏻Taste: 👍🏻👍🏻Taste and definitely be improved. The fried dishes were pretty oily. A dish that I would recommend is their signature chicken with truffle sauce. It was quite noisy as the restaurant filled up with people.