富臨皇宮 (已結業)

個人推介指數分7.5(10分為滿分) - 海鮮質素屬中上, 不會比你自家在西貢, 三聖等地買回來的遜色. 食材炮製方面簡單直接, 沒有花巧, 味道卻比起一些標榜特式煮法的店子讓筆者滿意. 服務方面, 真想不到酒樓的服務也能做到很貼心, 服務員細心又有健談, 值得比多個讚. 是日請了一天假, 和太太探望友人的新居, 新居環境雖不大但精緻整潔. 閒話間友人說住在馬鞍山樣樣都不錯, 不過貴為飲食沙漠(早陣子看了文章, 說馬鞍山和青衣是飲食沙漠, 青衣是沙漠, 我住過倒是很認同), 沒有太多選擇. 友人預早訂了酒樓的位置, 他說這裡的海鮮還萛不錯, 價錢又合理,是沙漠中其中一點水源, 是他宴請親朋的首選，說法真是誇張. 這裡環境和一般酒樓相約，筆者不特別描寫。重点是店內的食物和優質的服務，讓我也感到頗滿意。　先來一個足料燉湯　－　淮杞燉響螺燉湯和一般老火湯不同，味道會較濃郁和沒有太多油份，可以用純這個字來形容。　這個燉一飲也去，感受到的就是那份純，食材的鮮甜完全滲入湯中。　以大量瘦肉做湯底，再用雞腳等提味，使主角響螺的甜更突出。　品嘗後，平日上火的我，喉嚨也感到一份舒緩的暖意。接着來的是三道家

最近好友搬入馬鞍山, 所以岩岩個weekend 入左去探佢~參觀完佢間屋就去佢屋企樓下間富臨食!連埋佢老公，4個人叫好多餸~ 不過唔記得影哂…其中有花膠北菇鵝掌煲、紅燒乳鴿、芝士伊麵焗龍蝦、淮杞燉響螺湯!個紅燒乳鴿偏細隻，$38一隻真係唔好expect咁多. 如果大隻d 會好d！本來諗住飲冬瓜盅, 點知冇哂, 侍應介紹話試下淮杞燉響螺湯$128~估唔到又真係唔錯！用料十足，有淮山、杞子、響螺、仲有成隻雞，湯熱辣辣好飲，唔覺有味精。而花膠北菇鵝掌煲有好大塊既花膠， 鵝掌份量都多，食落好惹味！芝士伊麵焗龍蝦先最正，伊麵勁多，而且充滿芝士味，好香～加上龍蝦非常爽口，價錢都唔貴，$168咋，值得推介 =]

細佬升職請食飯，所以星期日近近地0係屋企附近間富臨食~3個人叫左果皮蒸鮑魚、花膠北菇鵝掌煲、龍躉斑、金蒜銀絲蒸帶子、淮杞燉響螺湯.個淮杞燉響螺湯真係好飲, 好有屋企煲既FEEL, 感覺都幾健康, 仲有成隻雞.花膠北菇鵝掌煲D花膠完全冇腥味,正！龍躉斑啖啖肉，唔錯！果皮蒸鮑魚好大隻，而且爽口～金蒜銀絲蒸帶子既帶子大大粒，蒜蓉好入味。OVERALL 整體都好滿意，不過星期日晚真係好多人，要等一陣先有位。但相信下次都會再黎！

今日去馬鞍山探親戚，跟住話請我地食飯，就帶左我地黎富臨皇宮呢度啦。發板既當然都係親戚啦，佢見到有個黃油蟹餐就問我地食唔食啦。平時多數食大閘蟹，黃油蟹就真係第一次！我地一行四個人，叫呢個四人餐剛剛好！極品黃油蟹餐！首先，先上盅嚮螺湯。好足料，有准山、雞、豬肉、螺頭等。湯鮮甜，好香雞味。湯渣雞同豬肉都好林，應該煲左好耐，湯料約有半鍋。湯我地四人分，每人約飲左兩至三碗。飲完湯就上左碟生煎菜肉包底同面煎過，所以好脆，好香，包同肉都好軟熟，有芝麻同蔥既香味。蠔皇花膠扣翡翠花膠好多，好大塊，夠林！生菜爽口，唔會林晒，蠔油味道剛好，唔會好咸，所以夾住菜食無飯都ok！xo醬爆蝦球蚌片xo醬唔算好多，但都夠味既。蝦球夠大同爽口。蚌片厚又大塊，好肉、鮮甜，正！伴炒既菜好似係萵筍頭，爽同多汁。呢個送用萵筍炒幾好，唔洗次次都係食西芹！乳豬半只個皮好脆，肉滑嫩，唔肥！古法蒸龍躉腩腩肉雖然較肥，但好嫩滑，啖啖肉，魚肉夠鮮。汁淡淡地，幾岩口味。主角黎啦！黃油蟹！共有兩只！唔開佢都無咩特別甘，但一開。。。。。嘩嘩嘩！超多膏！睇見都流口水！啲黃油膏浸到落蟹腳子入面都有！蟹膏無大閘蟹啲味甘濃，但好鮮甜，好似食緊好多好多既

鮑魚落單時已經要求必須起內臟，其他餸已經食噻，個鮑魚遲遲未見影，以為起內臟需要多d時間，終於等到遲來的鮑魚，點知都系無起內臟，胃口即時減半，埋單又等勁耐，連收錢都慢過人，吾會再幫襯

今日難得收早d同家人一齊去茶樓食晚飯。第一次去遠少少既富臨，樓下間稻香食到好悶。老豆最鐘意食燒腩仔同乳鴿，所以各叫左一樣。脆皮燒腩仔呢碟燒腩仔真係好好食，熱辣辣之餘仲脂肪同肉既比例岩岩好，外皮仲有少少脆。有少少咸味但又唔會太咸，帶出肉既鮮味。忍唔住食左好幾塊。紅燒乳鴿38蚊一隻，真係好抵食，正常水平，肥瘦剛剛好，瑤柱上湯什菜煲呢個就中規中距，係因為叫得太多肉所以叫既蛋黃蓮蓉大壽包本身諗住叫生煎包，但無曬，好想食包所以叫左，上果陣估唔到咁大個，熱辣辣，好多餡，好正，個咸蛋王都好好味呀！

其實我一直以黎都好鐘意酒樓啲小菜同炒飯類既野，但係平時都係有人擺酒先有機會去酒樓食，平時好少就咁去食，而且都係打邊爐居多，今次比個fd捉左去食富臨，終於可以叫啲小菜加飯咁啦～～雖然第一次同fd gathering咁樣好似怪怪地但係其實我覺得個環境都幾好，同埋其實好多人都會咁做，約齊三五六個知己一齊食，有少少打邊爐既feel xd由於小妹我真係好好好鐘意燒鵝同伊面特別叫左呢個孖寶餐（心心眼燒鵝啲皮好脆，肉汁亦好好香，唔會燒得太乾，叫個例牌都夠３個人食啦，利申：我食左隻鵝脾重頭戲緊係唔少得龍蝦伊面，其實點解間間茶樓都有伊面，我硬係要揀富臨呢？　事緣同家人有一次係到擺酒慶嫲嫲大壽，跟著叫左個伊面令我一試難忘，想試再試xd呢個伊面我食左差唔多一半，呢到既伊面有得揀芝士焗or湯，芝士咁邪惡，我當然要消滅佢，成盤伊面都係芝士會唔會太正，芝士好濃而家啲伊面都好滑，最緊要啲龍蝦啖啖肉，可惜係食嗰陣真係超污糟，(因為我唔鐘意剝殼加剝殼好煩同唔識剝) T.T整體黎講係超推薦 (十粒星跟著再叫左個一口牛肉可惜啲薯仔多過啲牛QQ其實薯仔少啲都ok 牛肉都唔算少係比啲薯仔遮住晒啫(sor影得唔好啲牛肉唔會太韌同

今日放工後，同兩位同事嚟到馬鞍山富臨食夜晚飯。「極品燒鵝皇」例（2-4位） $20半隻（5-7位）$40一隻（8位以上）$78服務員推薦我地點呢款做緊promotion嘅燒鵝皇，$20就可以食到，除開每人都係比幾蚊，真係好抵呀！上桌嘅時候熱辣辣，皮脆肉嫩，點酸梅醬一齊食加分不少！「金蒜銀絲蒸鮮帶子」$88帶子一碟四隻，蒸得剛剛好，隻隻鮮甜肥美，不會過韌。粉絲更是精華所在，索晒蒜頭和豉油的香味，真想再encore一碟。「竹笙羅漢上素」$62食材豐富，有竹笙、 粟米芯、草菇、木耳、芽菜、筍片、紅蘿蔔等等，味道天然，實屬健康之選。「大澳香蝦骨」$72豬肉炸得酥脆，蝦醬味道香濃，非常香口，用嚟送酒一流呀！「香薯一口牛」$88呢碟值得一讚，牛仔嫩滑，醬汁濃郁，充滿蒜香，惹味非常！一啖一粒，唔洗撕唔洗扯，剛剛好。「花膠燒豆腐」$78花膠不腥不潺，口感彈牙，而且份量很多，用料充足，絕無欺場！豆腐滑劣劣，很快便一掃而光。最後點了「香芒糯米卷」$12.8，一共3舊，外形呈長方體，均勻地灑上椰絲。芒果香甜，糯米外皮軟硬度剛剛好，推介！每人都係百幾蚊，食到咁豐富的一餐，絕對值得一來再來！

今日老豆呀媽去左堂細佬間新鋪成日，返到屋企冇飯食 ><3個人落樓下搵飯食，黎到富臨見唔洗等，就一於食下啦，反正好耐冇食！一去到坐低，已經好多野想叫！！ 望落價錢都唔貴～ 有個龍蝦孖寶，我地叫左上湯伊麵龍蝦配乳鴿２隻～勁抵食，HKD$238咋！上湯伊麵同龍蝦既份量都勁多，龍蝦啖啖肉，伊麵非常滑彈，唔錯！ 乳鴿非常嫩滑，皮又脆，超香口！之後仲點左個蒜蓉炒通菜～通菜色澤翠綠，蒜香味美，感覺好健康！ 最後仲點左個果皮蒸鮑魚，雖然唔算好大隻，不過係食到鮑魚既鮮味，而且好爽口，有咬感！ 最後埋單$ 500 內，有龍蝦、又鮑魚，好抵食！小評：味道：★★★★☆環境：★★★★★服務：★★★★☆衛生：★★★★★抵食：★★★★★

間中和家人到酒樓用餐，富臨也是一個不錯的選擇。蜜汁叉燒外脆多汁，肥瘦均勻，個人喜歡半肥瘦的叉燒，這個便最適合了。手抓跳舞雞＄48元一隻燒雞，價錢相當便宜，賣相有趣，雞皮烤得略乾，幸好內裏肉汁能夠保持。食用前，侍應會幫忙將雞撕好。上湯蒜子莧菜能吃到家常便飯的風味，蒜味突出，菜也煮得夠腍。乳鴿相當出色，外皮香脆，鴿肉多汁多油，很美味。吃得出是即點即烤。冬瓜盅來有蝦肉豬肉也有蟹柳，分量很大，湯汁清甜。芝士焗龍蝦伊面底龍蝦份量不少，肉質彈牙。芝士也下得很多，與伊面撈在一同吃用，10分滿足。

除了大時大節家人生日, 都很少去酒樓晚飯. 今天去富臨是因為有有抵吃特價龍蝦. 波士頓龍蝦, $98特價沒期望下很有驚喜. 龍蝦份量勁多, 而且廚師拆件比較合理, 全部龍蝦肉都可輕易用筷子"篤" 出來吃, 不似細個時吃的龍蝦, 廚師切得求其, 往往要各客人輪流用蟹鉗.龍蝦多肉爽口, 波士頓龍蝦本身味較淡, 配芝士吃口感就最好了. 芝士味道濃郁又不漿口, 再加上伊麵真是一流. XO醬炒蝦球象拔蚌仔, $98象拔蚌仔切片,彈牙爽口, 整碟最多的是爽脆的薄片蓮藕和西芹, 風格一致 - 脆. 只是較油膩, 顏色比較暗啞. 手抓跳舞雞, $48原來還有另一個特價菜式. $48 已經有一隻燒雞. 勁抵. 見圖片是站立的雞, 好似我之前自已整的啤酒烤雞, 所以點了一試. 侍應會將全雞放臺上, 我們決定不自己撕了, 侍應便在旁邊幫手撕好, 將雞肉放雞底的碟子內. 剩下的雞殼還放在企架上, 像食人族的感覺, 其實不太討好. 幸好雞肉尚算燒得嫩滑, 至於雞皮就不是脆的. 海皇冬瓜盅, $88冬瓜消暑, 夏天必點. 材料有蟹柳、蝦肉、豬肉等. 夠很多人的分量. 最後的西瓜是最驚喜的, 勁甜.

到中式菜館食飯，為良久不見的朋友或家人，是聚會的好地方，一邊食飯一邊聊天，是多麼的開心，談談近況。今晚選址馬鞍山的富臨皇宮，正好是聚會的好地方。今晚正好為從外國遠道回來的友人食餐飯，並由友人發辦食中菜。芝士波士頓龍蝦（伊麵底）並不常吃，但是今餐卻又想吃，故點來一個。龍蝦與伊麵被芝士覆蓋，上桌時有芝士的香味。入口固然有濃郁芬芳怎芝士味道，龍蝦亦具鮮味濃郁。伊麵沾滿芝士，也是濃厚味道。泡椒鳳爪是一道很平常的冷盤，反正友人都說很久沒吃過鳳爪，就點來一個。鳳爪略有酸味，食落是幾爽口的，只是略為硬了一點吧。天氣這麼的熱，來一個海皇燉冬瓜盅，可助消消暑。隨著時代不同，冬瓜盅有不同的做法法，有傳統的做法，也有加入新食材，隨個人口味。而這冬瓜盅則有蟹柳、魚肉等海鮮，味覺鮮甜，冬瓜肉亦燉得軟腍。叉燒皇顏色較深，是半肥瘦叉燒，亦有燶邊位置，入口鬆化而蜜味充足，吃起來不會嚡，亦夠軟滑，是不錯的燒味。XO醬翡翠炒蝦球象拔蚌仔是一道幾惹味的一道菜，其當中的食材很爽口，蝦球亦具彈牙，象拔蚌爽得來又煙勒，而入口時是惹味的，又不辣。當中的食材包括了蓮藕片，芹菜，象拔蚌和蝦球。上湯蒜子浸莧菜是今晚相對地沒有那麼濃厚的味

平時同親朋食飯，好多時候都揀食西餐，但今日都係食傳統嘅中菜，重新細味當中嘅滋味。平時返工食晏，都好中意食燒味飯。今晚食晚飯，當然亦要食下明爐燒味: 半肥瘦叉燒，肉質鬆軟易入口，外面有蜜糖點綴，當然好食；手撕燒雞亦相當特別，呈上全隻燒雞後，侍應會將雞肉撕下，肉汁徐之流出，品嚐之下雞肉亦嫩滑，果然屋企人無介紹錯。接著要左一個冬瓜盅，清新唔油膩嘅選擇，非常適合夏天飲用。而材料除左冬瓜之外，亦都有蟹柳、蝦肉、豬肉，所以呢個湯水係清新之外，亦都鮮味無比。波士頓龍蝦伊麵亦都係食中菜必叫之選。芝士味道濃郁，但質感唔會太厚，配合彈牙嘅伊麵，整體感覺唔會太heavy。而龍蝦份量相當之多，件件都係啖啖肉，彈牙而新鮮。白飯魚煎蛋，看似平凡，但其實唔係好多地方食到，今次久別重遇，當然要再嚐久遺嘅味道。最後要左一道XO醬炒蝦球象拔蚌仔。XO醬點到即止，帶點滋味，又唔會瘋走泣海鮮嘅鮮味。而象拔蚌仔彈牙嘅感覺，跟爽脆嘅蓮藕西芹有著兩種特別嘅口感。

通常意大利粉是西餐既菜式，喺酒樓係好少見，但是呢間酒樓就用咗意大利粉煮中菜。上湯龍蝦一向都係跟伊麵，但係今晚就試下跟意粉喇。意粉都可以，唔會太淋，用上湯煮都幾好。龍蝦都新鮮，肉質都算鮮甜，龍蝦肉彈牙，不過就太少喇，但是以$78既價錢，就okay啦！蔥爆牛仔骨$88，好香，好惹味，可能調味時加咗糖，有d甜。蔥爆後沒有隔清d油，食到成口都係油。

預先訂左位, 到左後發現酒家攪一周年慶祝晚會, 大廳開行音響唱歌, 幸好我們是被安排坐房內的檯, 否則嘈死, 我們連BB 共9人給了一張大檯, 因未齊人我們先點菜, 再叫起....其間一 "知客" 入來想要求我們換檯, 出返大廳坐, 說什麼有十幾人在外等緊想要我地張大檯, 我說不調, 她再說他們一早訂左檯, 原本呢張檯係佢地訂左.......她真的當我們傻的嗎 ? 我都係訂左位你地安排我地坐, 仲叫晒野, 根本就係突然有街客, 想我換大檯比佢地, 出面嘈到拆天咁點食, 講句野都聽唔到, 跟住聽到個知客好大聲咁同出面講: 佢地唔肯換呀 (她的聲音很不悅)講返食物 龍蝦芝士烏冬 $68份  - 我地7人以上可以叫2只, 上檯發現得幾舊龍蝦, 似一份份量, 向個著紅衫的女侍應查問後佢就拎返走, 後尾再上返就多左2-3舊咁下下, 但全碟都係腳,爪, 頭等部位, 一件龍蝦身的肉都冇(係一件都冇, 唔係少), 烏冬底依然係一人份量, 睇佢張上菜紙明明寫住 "龍蝦芝士烏冬 1" , 再問返個侍應, 她很悔氣話呢個1 並唔係1份, 話佢張單係入2份, 呢個有2份.......但其他菜我地叫1份, 佢