富臨皇宮 (已結業)

由細到大都係住馬鞍山，眼見呢排忙住返學，好耐未試過飲茶，聽母親講開左間富臨，上星期見係假日就去左試一試。呢間富臨位於迎濤灣個商場，位置都算偏，唔講都唔知開左間酒樓，相而隔離酒店間酒樓知名度仲高，可能商場外牆冇乜宣傳掛。今次同母親兩人去飲酒，大約一點入座，正正係午市時段，又未到下午茶。一入到去坐低，點心紙有張係叫午市孖寶，我地叫左兩份孖寶，再加個點心，total 5樣。首先叫左個釀茄子，一碟有三大件，味道一般，比ｄ豉油cover晒個味。然後就黎左個小籠包，一般小籠包都多汁，但呢度既小籠包反而有ｄ乾身，冇想像中咁好味。叉燒腸粉就好滑，不過就比較少叉燒，口感唔係咁好，好似食緊齋腸粉咁。食點心當然要食ｄ煎炸野啦。我地叫左個炸春卷，一份有４條，佢切左一半，不過切唔晒，好實，加上件春卷有ｄ凍，應該係預先整好，但攤得太耐，所以唔係咁脆。到最後，叫左個南瓜煎堆，呢樣係母親推介話黎富臨一定要食。個煎堆比起一般既煎堆大好多，有拳頭咁大，食落口都好有口感，十分煙軔，不過都係唔熱，如果整完即食既話一定好好食。整體黎講，我覺得呢度ｄ野食都係一般般，加上馬鞍山都開左好多酒樓，下次可能去返去開果幾間算。

富臨皇宮今天晚上湊巧所有家人都放假，有空可以一起吃火鍋，馬鞍山的選擇沒有太多，在馬鞍山居民的眼中，馬鞍山是一個劣食之都，可能商家看準了馬鞍山擁有劣食之都的是「美譽」，近幾個月不少新餐廳都紛紛進駐馬鞍山，希望可成為全城焦點。富臨皇宮在馬鞍山來說都算較新的酒樓，看到任食雞煲只需$128，想也不想便入去了。這次我們叫了一個藥膳醉雞煲，等了大約十分鐘藥膳醉雞煲便上枱了，碎雞煲的雞件也不小，而且聞落亦非常香，雞件非常嫩滑，醉雞味都幾濃郁，不知不覺間我們便吃光了所有雞件，接着便叫火鍋配料，我們瘋狂叫肥牛、豬頸肉、雲吞等全部質素也不太差呢，都尾聲，我們在叫了唐生菜和小白菜，可是小白菜的樣子太差了，不太新鮮亦不太乾淨，之後，弟弟再叫了一個公仔麵，大家都很飽了！雖然質素不是最好，但價錢便宜我們都不能要求太多，畢竟可以任飲任食又有店員服侍，打足兩小時邊爐，也只是收＄128！

同朋友諗住近近地食飯, 又唔想太多人, 就揀呢個冇咩人既商場。點知錯了,, 我地7點幾去到,呢間富臨都已經有人龍。D人大部份係去食小菜, 望落係幾抵, 有1蚊1隻雞, 幾十蚊1個冬瓜盅。但我地一心想打邊爐, 又見佢有任食$128埋單全包價咁就諗住試下。等位等左都差唔多45分鐘, 其實等攞飛都等左10分鐘。好明顯樓面既人手係嚴重不足。D碗同餐具污糟就預左既, 畢竟酒樓佢都預你自己洗多次架啦,,但係感覺始終唔係幾好。好似食緊人口水尾咁...一坐低就叫左個胡椒豬肚雞煲, 隔左一陣個侍應行埋黎望一望, 跟住就話 "丫, 唔知有冇落到單呢...."我地都滴晒汗... 你無啦啦咁講,,, 跟住我地就係咁追其他樓面問啦,因為都等左幾個字喇...後尾其中個侍應係好好既, 佢不停幫我地追單, 服務質素真係冇得頂。要比個LIKE佢! 係成餐飯最值得讚既!好, 講返個煲, 千呼萬喚此出來.. 見佢一黎都熱騰騰都急不及待喇, 因為都8點半,,好肚餓!試左D豬肚先, 個味道其實都OK既, 跟住朋友食左舊雞。一咬..發現原來係未熟既...即刻lur返出黎....認真講, 真係冇諗過係酒樓既野, 放得上枱竟然會係未

富臨皇宮在迎濤灣開業以來都未光顧過，今次二人周六同行試下早茶，10:30到達不用等位可直入，樓面招待都OK有禮(我指我果圍枱)，叫了五款點心(煎腸粉、炸兩、鮮竹牛肉、香芋炸春卷、汁义燒飽)，要彈係春卷係脆，但是凍的，炸兩都係暖嘅唔夠熱，最好食都係义燒飽夠熱同埋都夠味，另外人手唔夠，食晒嘢都冇人執拾，埋單$108，收費都算一般啦。

馬鞍山有新商場落成，可喜可賀。不過據我所知，這樓盤，這商場，已落成多年，時至今日才正式把原是售樓處的商場開幕，完全是一貫《華懋集團》的奇怪作風。而當這商場一開幕，FB的馬鞍山群組就立即傳來一個好消息，就是有一個新既飲茶地點，商場新開了一間《富臨》。更好的消息，就是人流未算得上多，如果去新港城、市中心，或附近屋邨的酒樓，星期日飲茶等位，我相信要預一個鍾頭的時間。而我們去的那一次，基本上是直行直入。一家五口飲茶，都是以點心為主食，再去加一兩個味部小點，在味道小點，我們點上了一個胡椒豬肚，務求簡單惹味。酒樓的胡椒豬肚，是大製作，不過味道一點也不參差，豬肚爽口，咸菜香甜，胡椒味也是夠適中的。老爸要食飯，而任何酒樓都會識做，都會推出燒味飯優惠，記憶上是20多元一碗蜜味的叉燒飯，叉燒，不肥，入口腍身而且有蜜味，已經是很好的一份叉燒。素腐皮卷，內裡的羅漢齋餡的味道濃郁，腐皮卷亦炸得酥香，不是素食者也覺得這個素點心好食。邪惡地，我們要了一籠臘腸卷，臘腸的油滲透了在包的內心，非常之香口，而且包是軟綿綿的，入口時味道亦帶甜，令我們邪惡地得到滿足感。蝦餃，細個的我的其中一個至愛，到現在，亦是我兒子的最愛。餃

一個字差，雞煲冇雞煲味，油太多。牛肉難食，咬唔開。冇炸腐皮。只得生根。配料款式唔多，多數為平價貢丸，牛丸，包心丸等…………。粟米淡而冇味。限食兩小時，其實都足夠有多。

新開張去試下，一行三人去試下午茶時段。一開始出左煎蘿蔔糕及釀茄子都勁多油（之後啲食物都唔少油），蝦餃又腥，腸粉唔知點解會係咁硬。人手又唔夠，叫極啲侍應生都扮見我唔到；叫加水，攞左水壺走，好耐都唔返黎，追咗幾次先喺隔離枱攞壺水過來。加單好耐都無來，最後等得唔耐煩取消走人。總之就難食及服務差。