富臨皇宮 (已結業)

親戚大壽設宴在馬鞍山的富臨皇宮， 有幸出席恭賀感覺非常榮幸。 酒樓佔地面積非常之大，應該超過一千呎，人手充足，多盞 超大水晶燈映照著，現場金碧輝煌，非常熱鬧。頭盤鴻運乳豬全體，小豬沒什麼肉，勝在外皮脆卜卜。玉環瑤柱脯， 大大粒的瑤柱釀在節瓜， 非常鮮味。再來一個名貴菜式--- 翡翠炒蝦球象拔蚌，新鮮象拔蚌很爽口彈牙。清蒸沙巴龍躉， 大龍躉很滑， 廚師在蒸的時間上掌握得非常之好。最令人矚目的菜式蠔皇鮑魚扣金錢， 鮑魚炆得非常軟淋，一咬就開，不錯。可是紅燒海皇翅內的魚腥很重，令人有點小失望，姑姑食一口就放棄了

這次與爸媽慶祝雙親節節日點團餐是常識吧本以為又是一個伏想不到有意外驚喜還算不錯👍🏼食物質素材料都用得很好特別欣賞其炸子雞外皮酥脆肉質鮮嫩其他餸菜也做得出色實在是意外驚喜感恩

5月31日大優惠最後一天。4斤半的阿拉斯加大蟹$1000以下，還有太公分燒肉，超滿足！其他小炒味道也不錯，性價比超高。點了一炒菜、一炒飯、一燒雞和大蟹，4個人全吃飽！

長輩中菜今日同女朋友帶父母黎食富臨皇宮！唔講唔知，原來馬鞍山開左間分店，地點就係新開既迎濤灣廣場😍😍😍店內環境好寬敞，人流都唔算好多所以同父母都坐得好舒服😌食物方面，我地點左個新出套餐勝在有哂組合，有菜有肉又有湯同包，岩哂我地呢d選擇困難症既人呀！我地點左條魚食，都只係$48咋！好抵食！仲有個黑椒薯仔牛肉粒，食落都幾重黑椒味！怕辣既人就要自行衡量下喇！另外，重頭戲係個中湯，真係好好飲！而且又足料！必點呀！

去完韓國番黎 食得炸雞燒肉多番到黎好想食中菜 所以一家人又要食番餐中菜粟米魚肚羹好大煲魚肚羹 魚肚好多好大舊好怕好多生粉水搞到好傑 但呢個岩岩好落啲胡椒粉 味道更佳手抓跳舞雞上枱見到隻雞掛左係個碟上面 好搞笑侍應好貼心甘俾左手套我地隻雞睇落冇咩特別 但係用手撕開 閒到好香 啲肉好滑好入味總之真係好好味 下次一定會再叫海味銀絲煲本身好中意食粉絲 加上有啲海味蝦乾個粉絲索晒啲味 送飯一流濃湯鮮竹浸皇帝苗食左甘多日炸雞 梗係要嗌個菜食下皇帝苗好新鮮 給晒啲濃高湯唔會油林林 唔中意食菜嘅我 都好俾面甘食左好多銀蘿清湯牛四寶本身以為牛四寶係牛腩牛筋個啲原來係牛內臟 有牛腸 牛肚 牛肺出面好少地方都有得食 呢度真係整得好好食唔會好大陣蘇咩 同埋洗得好乾淨 可以好放心食 真係好有驚喜同時蘿白又係好索味 唔會有渣

今日黎馬鞍山呢邊探親，一行四人就選了富臨皇宮飲茶。黎到就見到龍蝦做緊$48半隻既優惠，鐘意食龍蝦既小妹就點了2隻。上菜果陣都嚇親，估唔到隻龍蝦都幾大隻，同小妹既手掌咁大。味道都唔錯架，肉質幾爽口彈牙，而且都幾鮮味。估唔到$48可以食到咁既質素，真係算唔錯啦。除了$48龍蝦之外，我地仲點了砵酒焗桶蠔。桶蠔size大大隻，炸得幾香脆。不過食落有少少砂，呢度減左少少分。由於睇落個美極香薯牛仔粒都唔錯，就點了一碟試下啦。黑胡椒味增添了牛仔粒味道層次，令佢更加野味。而且鑊氣火喉都唔錯。男朋友最鐘意食菜苗，於是乎就點了濃湯鮮竹浸皇帝苗。皇帝苗味唔算好重，唔會令人好抗拒。而且皇帝苗都幾嫩，愈食愈滋味。本身擔心唔夠飽，仲點了生煎菜肉包。菜肉包包皮鬆軟，而且煎得都唔錯。至於小妹就最鐘意飲湯啦。呢個老黃瓜燉響螺湯就岩曬。湯料足，而且食落好鮮甜，健康又有益，重點係唔貴。最後食埋個桂花糕。估唔到呢間富臨皇宮都幾好食。下次可以同屋企人再黎食。

今日黎呢頭探親探完就梗係一齊醫下五臟廟本身以為呢Ｄ類似屋邨酒樓既野食唔會太突出點知又幾有驚喜喎餐廳選擇唔算多不過我一直覺得食野既野，貴精不貴多而且價錢都好相宜竟然仲有48蚊就半隻龍蝦?一於食你水仙水滾茶靚焗加拿大龍蝦本身以為48蚊只係好細隻點知有成隻手掌咁大而且仲要係靚野口感好彈牙,肉質夠鮮味真係估唔到48蚊可以食到咁好食既龍蝦美極香薯牛仔粒繼龍蝦之後最鍾意既一道菜炒得好有鑊氣而且黑胡椒味好香薯仔淋中帶脆,仲甜甜地令人食唔停牛仔粒好軟淋淋,而且好有鑊氣砵酒焗桶蠔唔好以為佢咁大隻係得炸粉大炸粉入面幾乎成隻都係蠔而且D蠔好鮮味濃湯鮮竹浸皇帝苗皇帝苗其實都係茼蒿既一種所以可能唔係個個都鍾意食但佢既味就會冇咁濃所以連我呢個唔食茼蒿既都食到皇帝苗都幾爽脆最緊要係咩呀,係佢營養價值高!生煎菜肉包不過不失,包身幾鬆軟,如果餡料再多D會更好老黃瓜燉響螺好鮮味既一個湯可以見到幾真材實料而且D湯完全唔油好難得最後以一個清甜既桂花糕作完美既句號四個人食到個肚捧住走仲要有龍蝦有蠔有牛都係每人兩舊水左右抵啦

今日帶住父母經開沙田馬鞍山，諗住係附近食個晚飯，但諗左好耐都諗唔到應該去邊食🥺🥺始終父母都比較喜歡食傳統中菜...好彩發現新開既迎濤灣廣場有富臨皇宮，真係安心哂！富臨皇宮做緊晚市套餐，有湯有小菜，亦有包點同飯食價錢都算係平實！我地點左條蒸魚食，食落又幾惹美！爸爸話條魚夠熟，食落冇血水，食得好安心第二推介就係薯仔牛肉粒食落口都好濃黑椒味！怕辣既人就可能會覺得太辣喇！第三推介就係個螺頭中湯入面好足料！媽媽飲完想再添飲呀

在附近的YMCA青年營做活動, 在富臨訂了早茶時段9:30, 15圍180人。酒樓旁邊就是海濱長廊, 風景相當優美, 舒服, 很適合食飯後散步。帶著一試的心態訂了這個酒樓。訂餐時, 客務主管非常盡心盡力幫助點菜, 我們訂的其實也不是什麼名貴菜式。由於招呼客人要好睇少少, 當中多次改動菜式, 也沒有加很多錢, 最後每圍$1398, 平均每人$116, 有點心, 燒味拚盤, 幾盤飯面, 甜品等。酒樓專門為我們預備了一間獨立的房間, 擺設得像晚巿酒席一樣, 每枱擺了一瓶襯花, 客人都說有驚喜。早午巿價格, 晚間酒席的格局佈置, 客人食得開心, 算是很抵。當中上海蝦伊面, 鮮蝦大大隻, 個個都說蝦很鮮, 很好食；另外連野菌都有人讚, 說野菌肉肥厚很好吃。總括而言, 這頓都無搵錯酒樓。不過最後找數過後, 回去才發現訂金未退。酒樓本來堅持要我們山長水遠去馬鞍山搞退款, 經再三溝通後, 李小姐願意專程到太子幫我退訂。雖然麻煩了些, 但也很感謝他們服務周到。下次再在YMCA搞營時, 一定會再考慮響度聚餐。

大年初二，回到馬鞍山和媽媽拜。因為馬鞍山實實在在太多人食飯，所以非常難book位， 好辛苦之下才book到馬鞍山的富臨！其實對它没有抱很大的期望，因為它的菜色比較平庸！我們叫你好幾碟餸係我們意料之外！1. 清蒸鮑魚仔: 味道非常鮮甜， 又好味， 帶有貝殼的海水味！2. 乳鴿: 肉質鮮甜, 外脆內滑, 味道剛剛好, 不需要點淮鹽! 3. 叉燒: 又滑又淋， 醬汁剛剛好， 又唔會過火， 非常惹味!4. 蝦仁炒西蘭花: 蝦仁夠彈牙又爽， 西蘭花不會太淋 亦不會太硬， 軟硬度剛剛好!5. 瑤柱扒豆苗: 豆苗夠爽甜， 瑤柱夠鮮甜， 兩者加起來極配!6. 咕嚕肉: 外脆內軟， 咬落好juicy， 食極唔停!總括全晚， 菜色都非常之滿意!

#富臨皇宮 (馬鞍山)馬鞍山鞍駿街23號迎濤灣商場1樓6&7號舖-----新年為左同親戚食餐飯～要早幾個月book 就算明知比酒樓水 都要照食🤭但貴 往往同質素係唔掛勾ge 尤其係呢d忙碌ge日子 酒樓煮餸就更求其了～唔知係咪廚房哥哥趕住煮～全部食物都偏鹹同好油膩～象拔蚌仲有腥味tim~☹️唯一真係好食ge得乳豬同炸蝦球～其他大部分都有待改進～🤭-----B仔整體評價：6/10個👍🏻B仔抵食程度：5/10個👍🏻B仔環境評分：6/10個👍🏻B仔味道評分：6/10個👍🏻B仔回頭機會：6/10個👍🏻-----

今天去🐴鞍山飲茶，也是第一次嚟。就老人家，所以咪試試😜😜我們3個人，點了一個蝦餃，豉汁蒸鳳爪，菜遠蝦球伊麵，燒鵝(例牌），紅燒乳鴿（一隻），鮮竹泡菜苗，南瓜煎堆仔。味道大至都唔錯，最喜歡就是個菜遠蝦球伊麵，乳鴿，鮮竹泡菜苗和煎堆仔。蝦球麵都有好幾隻蝦，湯底都算清甜，味精不大。紅燒乳鴿，都新鮮熱辣辣，價💰又唔貴，又唔會瘦骨如柴，有肉地，抵食吖最驚喜就係那個煎堆，可能因為熱辣辣，皮又不厚，食落真係好掂。因為我平時唔多食這些東西，其它店口感唔好，唔夠熱，所以少食。今次令我愛不釋手👍👍👍服務態度都很好，因為當初上那份燒鵝睇落唔多靚，超黑。所以叫了服務員來取消，部長就幫我們換來另一碟，這碟似返個人😂😂😂總括來說，價💰大眾化，食物服務質素唔差，都算值得一去

之前係石門個間富臨食過隻阿拉斯加蟹，好回味，想食多次 ，所以借b女100日去多次慶祝下。點知石門個間冇位，唯有去馬山個間。嗌左隻阿拉斯加大蟹約千幾蚊，薑葱筒蠔，燒乳豬一隻， 象拔蚌，佢話好抵6白幾蚊2隻，&龍蝦伊面。先黎左隻乳豬ok的，個筒蠔好腥，係大隻既，可接受，隻蟹出場，出菜個阿姐show一show我地睇就放係出面，又唔叫人黎剪，隻蟹凍哂先有人黎剪。隻蟹明顯冇石門個間咁好食，好多水，唔厚肉。等左差唔多45min都冇下一味菜出，我地就問阿姐姐啦，有位姐姐check完返黎黑哂面咁話，"冇菜啦wo,你地叫個d黎哂啦wi."我地當然話冇理由啦，部長幫我地落嫁麻。佢再講"咁係冇丫麻，咁點姐" .火都黎，就搵部長黎講，係有單既，話個 象拔蚌片緊，咁隻野都幾大wo,片咁耐。等多15min先到。連埋個龍蝦伊面一齊上，隻龍蝦成千蚊隻，整出黎碟伊面係細碟囉。諗住唔夠食，嗌多個小龍包同生煎包。等緊途中，請左2碟芒果布丁卷比我地，都唔係好食嫁啦！再追下個生煎包，裡面係凍，真係凍!!個小龍包一塔野咁，又腥，咬兩啖扔低左。扔低左4籠冇食!間餐廳已經冇乜人，仲要冇冷氣，見到格離台要開把風扇比客人囉！食到成肚火

今日放假同屋企去飲茶，門口不算多人等位很快就安排入座，因為太肚餓即刻劃點心食先， 叫了一籠蝦餃，金錢肚，燒鴨瀨，同腸粉。結果等了45分鐘先有第一碟燒鴨瀨，是少少暖的同無咩湯的。之後等了1小時都未有第二碟，於是問待應，待應話因為太多人入座同埋是即叫即蒸所以整唔切。等左1.5小時終於來了腸粉，結果係凍地，似係放左好耐咁，皮變得又乾又硬，裡面的蘿白蓉又係冰;而金錢肚份量得4小塊，同埋凍的！這是所謂的即叫即蒸？而蝦餃係等到離開了(2小時)都完全無蹤影，直接埋單走人算了,完全無野到肚。

完左活動同一大班朋友去到富臨皇宮食晚餐，結果只有成肚氣返屋企！😠🙄🙄🙄因為訂左枱既緣故，佢留左晚市枱比我地，但我地覺得火鍋好似抵食d，問可唔可以轉火鍋啦，d店員搞左一輪又話轉唔到火鍋枱，用唔到gas爐...最後個經理指住d menu話:「我地乜都有 ，就係冇火鍋材料」，都唔知好嬲定好笑，冇得打咪算囉🤷🏻‍♀️枱上個轉盤係唔郁嫁😅，又要叫人黎換，好彩未上菜前發現左。終於叫到野食，個set晚餐明明係冬瓜盅，佢冇哂就求其上左豬肺湯又冇通知我地🙄，要我地出聲問先話「乜唔係有人同你地講左啦咩? 豬肺湯仲好啦要$200幾蚊嫁」喂大佬唔係價錢問題，可以咁亂咁上菜嫁咩😤最嬲係佢上配菜個時倒瀉d湯係朋友部手機到😱，道歉都冇只係笑騎騎話唔好意思😑而上碟蝦竟然可以跌左幾隻落張枱，點樣拎野嫁？🤷🏻‍♀️無啦啦又劈碟生煎包落嚟，我地話冇叫喎佢問我地係咪94號枱? 我地話唔係，佢問「咁94號枱係邊？」你話呢？我點知呀？🤷🏻‍♀️上菜時張枱冇位係叫我地幫你拎一拎走其他餸比你上埋佢？我地朋友坐隔離枱催碟餸咁耐未到，佢話「你好似冇叫喎」，但明明係佢自己推介嫁喎...😑😑😑最後問佢地有冇糖水？佢話「冇」生果呢?「更加冇」乜原來