25
4
8
餐廳: 富臨皇宮
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵馬鞍山站 A1 出口, 步行約7分鐘 繼續閱讀
所有分店 (16)
電話號碼
23104201
營業時間
今日營業
07:00 - 00:00
星期一至日
07:00 - 00:00
付款方式
Visa Master AE 現金 銀聯
其他資料
酒精飲品
電話訂座 詳細介紹
加一服務費
食評 (39)
等級2 2018-06-30
158 瀏覽
今日放假同屋企去飲茶,門口不算多人等位很快就安排入座,因為太肚餓即刻劃點心食先, 叫了一籠蝦餃,金錢肚,燒鴨瀨,同腸粉。結果等了45分鐘先有第一碟燒鴨瀨,是少少暖的同無咩湯的。之後等了1小時都未有第二碟,於是問待應,待應話因為太多人入座同埋是即叫即蒸所以整唔切。等左1.5小時終於來了腸粉,結果係凍地,似係放左好耐咁,皮變得又乾又硬,裡面的蘿白蓉又係冰;而金錢肚份量得4小塊,同埋凍的!這是所謂的即叫即蒸?而蝦餃係等到離開了(2小時)都完全無蹤影,直接埋單走人算了,完全無野到肚。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-06-19
134 瀏覽
完左活動同一大班朋友去到富臨皇宮食晚餐,結果只有成肚氣返屋企!😠🙄🙄🙄因為訂左枱既緣故,佢留左晚市枱比我地,但我地覺得火鍋好似抵食d,問可唔可以轉火鍋啦,d店員搞左一輪又話轉唔到火鍋枱,用唔到gas爐...最後個經理指住d menu話:「我地乜都有 ,就係冇火鍋材料」,都唔知好嬲定好笑,冇得打咪算囉🤷🏻‍♀️枱上個轉盤係唔郁嫁😅,又要叫人黎換,好彩未上菜前發現左。終於叫到野食,個set晚餐明明係冬瓜盅,佢冇哂就求其上左豬肺湯又冇通知我地🙄,要我地出聲問先話「乜唔係有人同你地講左啦咩? 豬肺湯仲好啦要$200幾蚊嫁」喂大佬唔係價錢問題,可以咁亂咁上菜嫁咩😤最嬲係佢上配菜個時倒瀉d湯係朋友部手機到😱,道歉都冇只係笑騎騎話唔好意思😑而上碟蝦竟然可以跌左幾隻落張枱,點樣拎野嫁?🤷🏻‍♀️無啦啦又劈碟生煎包落嚟,我地話冇叫喎佢問我地係咪94號枱? 我地話唔係,佢問「咁94號枱係邊?」你話呢?我點知呀?🤷🏻‍♀️上菜時張枱冇位係叫我地幫你拎一拎走其他餸比你上埋佢?我地朋友坐隔離枱催碟餸咁耐未到,佢話「你好似冇叫喎」,但明明係佢自己推介嫁喎...😑😑😑最後問佢地有冇糖水?佢話「冇」生果呢?「更加冇」乜原來間野叫「皇宮」係d咁既質素嫁咩........ 繼續閱讀
(以上食評乃用戶個人意見 , 並不代表OpenRice之觀點。)
等級3 2018-04-26
164 瀏覽
我諗無幾個香港未食過富臨,因為總有一個係我地身邊. 今日係屋企老闆娘生日,爸爸就提議一家去食富臨 首先黎左個姬松茸花膠燉響螺,花膠味都好濃好香,而且個湯都唔會太過重味道 ,花膠亦都夠彈牙,唔會冧晒好似食紙皮咁,響螺既鮮味亦都好突出,用黎開胃既湯真係唔錯,而且酒樓姐姐仲好推薦呢比我地話每日鮮煮無味精 呢個個個湯既渣,可見真係好足料 西蘭花帶子珊瑚蚌 首先帶子既鮮味完全咁keep住,帶子亦都煎得好香 而且西蘭花亦都好爽口 唔會冧晒 媽媽都話好鐘意呢個菜 黑椒頂級牛仔骨 呢個菜比想像中份量多 4個人食都食唔晒 而且牛仔骨既香味係一出廚房都已經聞到 牛肉唔會太硬 都算易入口 反而如果薯仔再煮耐少少會更好 果皮蒸鮑魚 媽媽一直好鐘意食海鮮 鮑魚唔會好難咬同腥 而且都好入味 細細隻咁都算入口 鮮茄魚茸蒸蛋白 蒸蛋白亦都無嗌錯 蛋白好滑好香 而且佢既蛋白汲收晒配料既味道 成個菜唔會太dry 用黎伴飯就好 一家大細食就唔錯 每次食富臨都比到一樣既水準比我 屋企既老闆娘亦都好鐘意今次既安排 希望下次都可以食返一樣既味道 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-22
144 瀏覽
今年媽咪生日想到富臨食中菜, 其實個人對富臨印象不好, 公司附近的分店都被我黑名單了, 不過她聽鄰居太太介紹說食物不錯, 所以就心動了, 好吧!最緊要她開心, 希望這家分店不要令我們失望吧!準時8時入座, 分店地點較偏, 但食客都差不多有7成, 想必不會太差吧? 不過點菜時我開始發現問題。首先是無論我如何揮手, 都沒人過來, 不知是有意還是不夠一眼關七!好不容易有伙計過來, 正想點菜時她說找人給我下單, 如是者又我們邊聊邊等, 差不多10分鐘都沒人過來, 於是再揮手, 我要求這位伙計直接幫我寫, 但伙計就說她不能幫食客下單, 要找經理過來幫我下單這麽簡單都要經理?那請你們回來幹什麼?只會加茶加水? 抱歉, 我們喝掉一整壺茶, 都從來沒人幫我們處理! 最後找到一位黑衫經理來下單, 我們正點菜, 她卻在自顧自的說有其他優惠。 其實她出發點不是錯, 但時機不對。 由於她不斷說話但又沒在留意我的點菜內容, 所以我也只好強行重複, 直至確認她聽到為止。點菜小插曲總算完結, 我們一行五人點了$298的套餐: 一條頂級叉燒皇, 一條1斤蒸富貴龍躉斑和一碟蒸貴妃蚌(4隻); 另外還點了個$1木桶豉油雞(1隻), 一碟生炒骨和一碟西蘭花炒帶子蚌片。最快送到的是生炒骨和叉燒。生炒骨份量還算合理, 配菜多, 微稠的甜酸汁醬掛在生炒骨上, 入口已感覺到陣陣酸氣, 甜酸味道適中, 有肉食, 不是大大件骨, 這個菜不錯。這個所謂「頂級」叉燒皇, 是頂級地差!賣相差, 顏色暗啞, 頭尾位置都燒得比較燶, 而且看起來都不像是原條切的, 有點左搭右搭的感覺。立即叫他們更換, 但再換的根本看上去是同一碟, 只是切掉了燒燶位置罷了, 我們不是太滿意, 但他們也沒意思要更換, 媽咪說算了, 免得跟他們耗時間, 所以我才作罷。但心裡滿生氣的叉燒不夠蜜汁, 而且份量很少, 每件都的的骰骰, 基本上1人也能輕鬆吃掉有餘。除了不夠蜜汁外, 豬肉偏肥, 真正能吃的肉也不多, 還有微微的豬"除"味, 質素和味道都強差人意陸續送上的有蒸貴妃蚌和炒西蘭花蚌片和$1雞。貴妃蚌肉質稍微實了一點, 不過味道鮮甜, 蒜味很香, 是不錯的, 不過如果蓋面的粉絲能清爽點會更好, 現在油太多了, 很肥膩, 要扣分! 炒西蘭花蚌片, 份量適中, 不過西蘭花過於爽脆, 稍微軟一點點會更合適, 蚌片那些給的數量也算合理, 不會過少, 味道鮮甜, 不過太油了!木桶豉油雞, 這個$1雞比想像中大隻, 賣相還好, 味道都不錯。雞肉不算是嚡, 但就略嫌有點韌, 不過以$1雞來說, 算是交到功課的, 當然如果雞是正價, 我們的要求就不是這麼低了!吃著吃著都差不多吃光所有菜, 發覺還有蒸魚未到, 好幾次請伙計和經理追單, 但每次等了好久都沒消息。 再找伙計理論時, 剛好有位經理經過, 那個伙計立即叫著她, 但她一心要走到前面跟熟客聊天, 所以根本沒在意身邊發生的事, 亦聽不到伙計叫喚。 今時今日, 此等服務態度實在不行! 最後在忍無可忍的情況下, 我親自走過去打斷經理的聊天時間, 直接了當地問那條蒸魚到底何時會到。簡直十級忿怒, 好聲好氣地追過了, 責罵地追也追過了, 都不當一回事, 那還想我們怎樣?最後有一位稍為有責任心的經理, 有點歉意的說多等幾分鐘, 並送上一客妃子桂花糕給我們。老實說, 我寧願你快點蒸魚給我, 一直追一直罵, 吃再多都補不了死掉的腦細胞!不過客觀地說, 魚肉很滑和新鮮, 整體而言不錯。送的桂花糕切得大小不一, 賣相不美觀, 好hea。沒桂花清香味道, 是「糖水糕」, 很假的甜味, 完全不好食。我們快快吃掉蒸魚後就埋單了!這兒的食物有些是不錯, 但有些則水準太差了, 所以整體來看, 平均水準只是中規中矩。 但中規中矩的食物遇上差劣的服務, 不得不說$600多有點不值。至少給這個價, 我們可以有更好質素的食物和服務, 富臨以後都不來了!太失望。 繼續閱讀
(以上食評乃用戶個人意見 , 並不代表OpenRice之觀點。)
難得和住在馬鞍山的朋友聚聚,所以選了在鞍駿街迎濤灣商場一樓的富臨皇宮吃晚飯。店員送上了一客零食小吃,是脆卜卜的花生、蠶豆和青豆。第一味來到的是黑椒頂級牛仔骨,剛上桌時還在微微冒煙,滋滋作響。牛仔骨煮得得十分香口,肉質頗鬆化,黑椒味濃郁。酒樓花了少許心思在這小菜中,特別加了炸過的薯仔和蕃茄,令味道及口感更豐富清新。吃一件酸酸的蕃茄,味蕾也不會覺得那麼單調。吃小菜當然要叫一碗白飯,落單後約五分鐘白飯便來到了,而且飯的質素也不錯。點了第二款小菜海參花菇扣玉掌,約一百元便能吃到這款美食,性價比頗高。鵝掌炆得頗軟,充滿骨膠原。花菇的size也大大的,約有三份一隻手掌般大,鮑汁味道濃郁。之後來到的為生煎菜肉包,菜肉包煎成金黃色,賣相吸引。咬一口菜肉包,能吃到三款口感:最外層煎得微脆而香口、包的部分鬆鬆軟軟,裡面的饀料則夠juicy。 繼續閱讀
(以上食評乃用戶個人意見 , 並不代表OpenRice之觀點。)