17
4
5
餐廳: 富臨皇宮
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵馬鞍山站 A1 出口, 步行約7分鐘 繼續閱讀
所有分店 (17)
電話號碼
23104201
營業時間
今日營業
07:00 - 00:00
星期一至日
07:00 - 00:00
付款方式
Visa Master AE 現金 銀聯
其他資料
酒精飲品
電話訂座 詳細介紹
加一服務費
食評 (28)
等級4 2017-10-11
891 瀏覽
朋友新居入伙, 特意去拜訪, 馬鞍山對我來講實在陌生, 幸好友人一早訂了酒樓晚飯, 免卻茫無頭緒的煩惱. 人多加上有小朋友酒樓最穩陣, 這次拉大隊去了富臨皇宫.​由於人數眾多, 女的大部份忙着看管小孩, 實在沒有空檔看餐牌, 忙亂間不知最後由誰點了菜, 也就全程做食客本份, 努力地吃. 脆皮燒乳鴿 ($38) 細細隻的乳鴿, 肉不厚但夠瘦, 沒有肥膩感, 皮下就是肉, 脂肪不多. 醃得很入味卻不過鹹, 皮燒得香脆, 色澤均勻, 明顯有五香粉和南乳味道, 兩種味道跟乳鴿也很夾.​肉質嫩滑油潤, 肉不多但十分惹味, 每人半隻雖有點不夠喉, 但小食多滋味更回味.​貼心的吃完後還奉上一碗檸檬茶給我們洗手去除油膩.​淮杞燉響螺 ($128) 超級足料和清甜的燉湯. 材料有響螺頭, 瑤柱, 雞, 瘦肉, 雞腳, 淮山, 杞子, 紅棗等.​燉湯一向清而潤, 材料的鮮甜和藥效全溶進湯裡, 喝一口相當滋潤, 甜品天然沒有味精, 平時懶得燉湯, 這一碗讓大家都讚不絕口.​材料多得盛起滿滿一碟, 精華都盡在湯中, 忙碌的父母們趁機進補一下.​芝士焗波士頓龍蝦烏冬 ($168) 破格選用較少用的稻庭烏冬代替伊麵底, 有點驚喜. 龍蝦雖然不算大隻, 但肉也算多, 而且波龍殼較軟, 可直接咬開, 吃起來也較方便. 龍蝦肉爽口彈牙, 鮮味突出, 能滿足我這個龍蝦狂.​芝士夠多, 能掛汁在每條烏冬上, 入口creamy而有口感, 感覺特別亦飽肚. 不過我還是比較喜歡傳統的伊麵底.​花膠北菇鵝掌煲 ($98) 不知是否點菜的友人想女士們都補一補, 竟點了很多養顏菜式. 這個花膠煲又是回本之作, 花膠鋪滿了砂鍋面, 下層有鵝掌, 大花菇, 小棠菜等, 滿滿的材料絕不稀塲. 花膠雖不是貴價的種類, 但同樣很有嚼勁和充滿骨膠原, 汁料不過鹹, 沒蓋過鮮味.​鵝掌也能保持嚼感, 沒有稔得支離破碎; 花菇厚肉而香味濃郁, 相當抵食.​清蒸沙巴龍躉 ($168) 出街食我甚少會吃魚, 因為點魚等於自討苦吃, 家中一大一細都要我幫忙挑骨, 到魚也放涼了自己才能吃上一口, 所以我從來不會點魚. 但老實說出街吃魚又很值得, 一來健康一點, 二來食店能拿捏蒸魚的時間, 還有淋面那些滾油和醬料, 令魚的鮮味更表露無遺. 沙巴龍躉是價錢經濟卻有很有貴價海斑味道的魚種, 過時過節我也經常買來煮. 不用多說, 鮮魚用蒸的方式最能突顯鮮味, 肉質有嚼勁, 結實, 碎骨不多, 啖啖肉, 挑骨頭的時間也縮短, 還有那引人入勝的蔥油, 鮮甜油潤, 相當美味.​果皮蒸南非飽魚($58/隻) 九孔吃得多, 蒸南非鮮飽魚倒是頭一次吃. 南非飽價格比本地貨高出很多, 質素也高幾班. 南非飽魚肉厚, 結實, 口感和嚼勁一流, 配上果皮, 蔥絲, 薑絲同蒸, 簡單又能突出鮮味, 傳統的食法已令人很回味, 不用搞什麼Fusion創新口味已是最好.​席間還有吃其他菜式, 但沒留心拍照, 不記得那麼多, 只知傳統酒樓人情味較濃, 職員多數是上年紀的中年女士, 對同枱的小朋友愛護有加, 不時過來逗孩子玩, 又慷慨地送了小朋友橙和甜品, 服務有禮殷勤, 上菜快收拾桌面也主動, 雖然菜式都是家常為主, 沒太多特色, 但味道和品質取勝, 家庭聚餐不二之選, 下次家中有聚會, 或可試試住所附近的分店呢~ 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-26
1418 瀏覽
今日放工後,同兩位同事嚟到馬鞍山富臨食夜晚飯。「極品燒鵝皇」例(2-4位) $20半隻(5-7位)$40一隻(8位以上)$78服務員推薦我地點呢款做緊promotion嘅燒鵝皇,$20就可以食到,除開每人都係比幾蚊,真係好抵呀!上桌嘅時候熱辣辣,皮脆肉嫩,點酸梅醬一齊食加分不少!「金蒜銀絲蒸鮮帶子」$88帶子一碟四隻,蒸得剛剛好,隻隻鮮甜肥美,不會過韌。粉絲更是精華所在,索晒蒜頭和豉油的香味,真想再encore一碟。「竹笙羅漢上素」$62食材豐富,有竹笙、 粟米芯、草菇、木耳、芽菜、筍片、紅蘿蔔等等,味道天然,實屬健康之選。「大澳香蝦骨」$72豬肉炸得酥脆,蝦醬味道香濃,非常香口,用嚟送酒一流呀!「香薯一口牛」$88呢碟值得一讚,牛仔嫩滑,醬汁濃郁,充滿蒜香,惹味非常!一啖一粒,唔洗撕唔洗扯,剛剛好。「花膠燒豆腐」$78花膠不腥不潺,口感彈牙,而且份量很多,用料充足,絕無欺場!豆腐滑劣劣,很快便一掃而光。最後點了「香芒糯米卷」$12.8,一共3舊,外形呈長方體,均勻地灑上椰絲。芒果香甜,糯米外皮軟硬度剛剛好,推介!每人都係百幾蚊,食到咁豐富的一餐,絕對值得一來再來! 繼續閱讀
(以上食評乃用戶個人意見 , 並不代表OpenRice之觀點。)
今日嚟到人稱美食沙漠嘅馬鞍山 梗係冇啖好食 所以 只好選擇連鎖嘅餐廳 最後揀左黎到富臨酒家呢度食中餐咁啱做緊優惠 有芝士焗龍蝦烏冬 就叫咗個上菜嘅時候有啲失望 因為樣貌唔係幾靚有啲似嘔吐物 不過聞到好香芝士味 食落芝士味都夠濃郁同鹹香 龍蝦冇乜肉 較為水 穀比較多 不過都有d鮮味 烏冬有啲林同埋斷開 不過配埋芝士汁一齊食都ok 百幾蚊兩個人食 有咁嘅質素還可以 繼續閱讀
(以上食評乃用戶個人意見 , 並不代表OpenRice之觀點。)
等級3 2018-01-22
116 瀏覽
我同屋企人經常去富臨飲早茶既雖然飲慣茶既人都知張點心紙食黎食去都係個幾樣但係就係咁先試到佢既水準穩唔穩定今次食左1個孖寶 蝦餃 粉果同2個特價飯咁孖寶就叫左牛肉腸粉+菜肉包粉腸其實係最尾先黎到一開頭都奇怪點解咁耐都唔黎一上枱就覺得等得值得啦!大大條腸粉,牛肉料足冇乜肥肉!粉皮幼滑唔會未夾就爛!之後2個飯呢就一如既往既好食~排骨鳳爪飯 飯粒今日有點少水 較硬!蝦餃就係咁啦!每粒入面有2-3隻蝦我發現富臨好鍾意落胡椒係蝦餃度⋯唔知係好事定壞事啦粉果 如圖啦 非常飽滿既不過今日粉質唔夠煙un呀 用左第二隻粉! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-12-14
166 瀏覽
今晚一家人食飯落咗樓下間富臨皇宮食一坐低就帶咗個湯先屋企人點左水鴨燉響螺湯呢個湯都非常足料大大隻水鴨係個湯入面而且仲非常之鮮甜亦都充滿了水鴨的味道之後見到龍蝦今晚有優惠所以就叫咗一隻呢度嘅龍蝦都非常之大隻而且每件都啖啖肉而且個上湯仲要教得非常之咁好唔會太杰身食落口都有少少Creamy的味道另外在叫左焗黑椒德國豬手用上了完整一隻嘅鹹豬手爽口彈牙嘅豬手皮非常之咁入味而且充滿晒黑椒的味道一入口就係那爽口嘅豬手皮之後就係啖啖肉嘅另外在叫咗半打生煎包雖然生煎包都知道係來貨交來的但係啱啱煎好就即刻食嘅生煎包簡直令人食指大動 繼續閱讀
(以上食評乃用戶個人意見 , 並不代表OpenRice之觀點。)