更多
2017-09-04
522 瀏覽
今日去馬鞍山探親戚,跟住話請我地食飯,就帶左我地黎富臨皇宮呢度啦。發板既當然都係親戚啦,佢見到有個黃油蟹餐就問我地食唔食啦。平時多數食大閘蟹,黃油蟹就真係第一次!我地一行四個人,叫呢個四人餐剛剛好!極品黃油蟹餐!首先,先上盅嚮螺湯。好足料,有准山、雞、豬肉、螺頭等。湯鮮甜,好香雞味。湯渣雞同豬肉都好林,應該煲左好耐,湯料約有半鍋。湯我地四人分,每人約飲左兩至三碗。飲完湯就上左碟生煎菜肉包底同面煎過,所以好脆,好香,包同肉都好軟熟,有芝麻同蔥既香味。蠔皇花膠扣翡翠花膠好多,好大塊,夠林!生菜爽口,唔會林晒,蠔油味道剛好,唔會好咸,所以夾住菜食無飯都ok!xo醬爆蝦球蚌片xo醬唔算好多,但都夠味既。蝦球夠大同爽口。蚌片厚又大塊,好肉、鮮甜,正!伴炒既菜好似係萵筍頭,爽同多汁。呢個送用萵筍炒幾好,唔洗次次都係食西芹!乳豬半只個皮好脆,肉滑嫩,唔肥!古法蒸龍躉腩腩肉雖然較肥,但好嫩滑,啖啖肉,魚肉夠鮮。汁淡淡地,幾岩口味。主角黎啦!黃油蟹!共有兩只!唔開佢都無咩特別甘,但一開。。。。。嘩嘩嘩!超多膏!睇見都流口水!啲黃油膏浸到落蟹腳子入面都有!蟹膏無大閘蟹啲味甘濃,但好鮮甜,好似食緊好多好多既
極品黃油蟹餐!
首先,先上盅嚮螺湯。好足料,有准山、雞、豬肉、螺頭等。湯鮮甜,好香雞味。
湯渣
雞同豬肉都好林,應該煲左好耐,湯料約有半鍋。湯我地四人分,每人約飲左兩至三碗。
飲完湯就上左碟生煎菜肉包
底同面煎過,所以好脆,好香,包同肉都好軟熟,有芝麻同蔥既香味。
蠔皇花膠扣翡翠
花膠好多,好大塊,夠林!生菜爽口,唔會林晒,蠔油味道剛好,唔會好咸,所以夾住菜食無飯都ok!
xo醬爆蝦球蚌片
xo醬唔算好多,但都夠味既。蝦球夠大同爽口。蚌片厚又大塊,好肉、鮮甜,正!
伴炒既菜好似係萵筍頭,爽同多汁。呢個送用萵筍炒幾好,唔洗次次都係食西芹!
乳豬半只
個皮好脆,肉滑嫩,唔肥!
古法蒸龍躉腩
腩肉雖然較肥,但好嫩滑,啖啖肉,魚肉夠鮮。汁淡淡地,幾岩口味。
主角黎啦!黃油蟹!共有兩只!
唔開佢都無咩特別甘,但一開。。。。。
嘩嘩嘩!超多膏!睇見都流口水!
啲黃油膏浸到落蟹腳子入面都有!
蟹膏無大閘蟹啲味甘濃,但好鮮甜,好似食緊好多好多既海膽甘!
而蟹肉多同實淨,好鮮味!呢兩只蟹都好新鮮、好好肉同好多黃油膏。因為清蒸,所以保留左黃油蟹既原汁原味!
今次係第一次食黃油蟹,真係令人回味無窮,果然係極品黃油蟹!!推推推!
張貼