富山麵家

營業中

休息中

有幸早少少黎到富山麵家食拉麵即時有位坐唔洗等，因為坐低無耐已經全場滿座。店舖雖小，但都可以坐到廿人。黃金蟹糕牛奶沾麵 （標準$95）蟹糕！我的最愛！有一舊蟹糕放左喺麵上，又香又好味。仲有兩塊叉燒，一條蟹柳，半隻唐心蛋，一堆粟米粒，我將呢啲款料放晒入牛奶沾湯裡面，浸住食好好味，每一啖都充滿牛奶味。冠軍黑醬油拉麵（標準$85）呢個應該就係大名鼎鼎攞到5次冠軍既拉麵，見到在座唔少人都選擇食佢。兩塊叉燒，半隻唐心蛋，一塊紫菜，幾條筍，一堆蔥，再加上拉麵同埋呢個黑醬油湯底，就成為左大家都覺得好好味既冠軍拉麵。串燒雞軟骨$38每次餐廳有雞軟骨食我一定會要，4條雞軟骨串燒燒得非常香口，熱辣辣食好正！富山雞翼$485隻雞翼都大大隻，甜甜地，上面撒上芝麻，幾好食。凍鮮泡蜂蜜綠茶$15用左可愛既士多啤梨杯裝住，見到有個茶包喺杯入面，唔會好甜，幾清新。P. S. 餐廳用品用上my melody幾可愛

🍜冠軍黑醬油拉麵 •湯底：原味或清淡 •𝑁𝑜𝑟𝑚𝑎𝑙 130𝑔 $85 •𝐵𝑖𝑔 195𝑔 $95 •𝑇𝑂𝑌𝐴𝑀𝐴 𝐵𝐿𝐴𝐶𝐾 𝑆𝑂𝑌 𝑆𝐴𝑈𝐶𝐸 𝑅𝐴𝑀𝐸𝑁➡️我幾欣賞呢款拉麵可以揀湯底係清淡🤭 因為平時我好怕啲湯底過鹹 所以今次我揀咗清淡 好好食晒成個面之後都唔會覺得口渴 啱晒啲唔太重口味嘅朋友揀 麵底偏硬 正正合我心意 但朋友認為如果有得揀麵質就更好 🍜札幌味噌拉麵 •𝑁𝑜𝑟𝑚𝑎𝑙 130𝑔 $90 •𝐵𝑖𝑔 195𝑔 $100 •𝑆𝐴𝑃𝑃𝑂𝑅𝑂 𝑀𝐼𝑆𝑂 𝑅𝐴𝑀𝐸𝑁 ➡️相比起黑醬油拉麵 呢款味噌湯底味道更濃 、鹹味更出 如果鍾意重口味嘅朋友可以選擇下呢款 兩款拉麵嘅豚肉都係啖啖肉 少肥膏 拉麵偏粗 所以即使係男士 食完成碗都會有飽肚嘅感覺 🍢串燒鷄軟骨 $38 •𝐺𝑅𝐼𝐿𝐿𝐸𝐷 𝐶𝐻𝐼𝐶𝐾𝐸𝑁 𝐶𝐴𝑅𝑇𝐼𝐿𝐴𝐺𝐸 ➡️雞軟骨夠爽夠脆 由於七味粉非常多 所以令到整串串燒好入味 🐥富山鷄翼 $48 •𝐼𝑅𝑂𝐻𝐴 𝐹𝑅𝐼𝐸𝐷 𝐶𝐻𝐼𝐶𝐾𝐸𝑁 𝑊𝐼𝑁𝐺𝑆 ➡️呢款雞翼必試 整體雞肉脹卜卜 完全唔係弱瘦雞翼得啖骨 燒得啱啱好唔會燶 🍵🍓凍鮮泡蜂蜜綠茶 $15 •𝐼𝐶𝐸𝐷 𝐻𝑂𝑁𝐸𝑌 𝐺𝑅𝐸𝐸𝑁

呢間富山麵家經常都會轉換唔同嘅卡通主題，特別引人注目🤭咁啱我呢日去好似冇特別嘅主題😂不過，啲碗碗碟碟都係好卡通😝🍜冠軍黑酱油拉麵黑醬油湯底拉麵第一次食😛湯底真係好黑，不過飲落一啲都唔咸，仲會覺得清清地！粗麵配搭厚切叉燒，食落幾滋味🤗🍜札幌味噌拉麵粗麵配搭兩塊叉燒、半隻溏心蛋、蔥花、木耳絲、粟米粒及紫菜，拉麵口感唔錯，味噌湯底唔會過咸，幾好食🐣富山雞翼雞翼炸完再汁煮，大大隻！食落雞肉好滑好juice, 甜甜地，濃郁惹味，好食😋🐥串燒雞軟骨 燒得幾好😍鹽燒食落好香口，雞軟骨大大粒有咬口，正🍹凍鮮泡蜂蜜綠茶 好香蜂蜜味，甜甜地咁，幾好飲總結💕食物整體質素幾好，環境乾淨企理🤗店員都幾nice

🎀 富山麵家⭐ 赤辛味噌沾麵⭐北海道牛奶拉麵⭐串燒雞軟骨⭐富山雞翼⭐凍鮮泡蜂蜜綠茶首先講下兩個拉麵嘅麵質都非常之好, 粗細適中, 而且入口亦都比較爽身同彈牙, 無論係配味噌湯底定係牛奶湯底都咁好食。佢個赤辛味噌湯底嘅辣度比較適中, 如果你係好鍾意食辣, 但係又唔係話真係食到超級辣嘅朋友仔要叫呢一個ar。而北海道牛奶嘅湯底亦都有好濃牛奶味, 鍾意奶製品嘅朋友我覺得呢個係必試呀。富山雞翼我就覺得係富山麵家必點之一, 蜜糖外皮香脆而入面嘅雞肉又好嫩滑, 煮得啱啱好。最後如果大家想飲嘢嘅話, 可以飲佢嘅蜜糖綠茶。食熱辣辣嘅拉麵、沾麵同埋雞翼, 梗係要配返杯凍冰冰嘅綠茶咁先最好食啦！食完之後咁啱見到餐廳最近做緊promotion: 二人同行, 餐廳每人送一客沖繩入口豬軟骨或士多啤梨or 抹茶布甸四人同行, 餐廳每人送一客沖繩入口豬軟骨及抹茶布甸所以如果大家想試, 就可以呢排去食啦。Address: 銅鑼灣希雲街7號地下G/F, 7 Haven Street, Causeway Bay港鐵銅鑼灣站 F1 出口, 步行約6分鐘#food #foodie #foodhk #foodiehk #銅鑼灣

ᴿᵃᵐᵉⁿ ᴺⁱᵍʰᵗ ❍ 🇯🇵銅鑼灣希雲街平日或者假日都會見到好多人排隊食野，平時見到依間拉麵都好想試，今日ᴇᴀʀʟʏ ᴅɪɴɴᴇʀ就試咗啦⟢ ≈佢個黑醬油拉麵🍜係出名既，所以我哋叫咗個冠軍黑醬油拉麵⋞上到枱熱辣辣，拉麵好彈牙，有溏心蛋🥚，黑醬油都好入味，油份唔多，完全無味精味∠另外我哋叫咗個赤辛味噌沾麵，微辣的，幾過癮，而個富山雞翼好有驚喜☻ 好ᴊᴜɪᴄʏ，外皮好脆，$48/5隻，性價比好高👍🏻👍🏻🍗雞軟骨都好好食，唔會太痴牙，落咗些許鹽調味，味道剛好═冠軍黑醬油拉麵 $85赤辛味噌沾麵 $95串燒雞軟骨 $38富山雞翼 $48凍鮮泡蜂蜜綠茶 $15

🎌銅鑼灣平民日式拉麵店🍜卸下了卡通主題，店舖變回了比較日式平民拉麵小店，店員查詢都有禮親切，會細心介紹店內食物💕🥇冠軍黑醬油拉麵醬油味帶有層次，不會死鹹，果然店舖的招牌。义燒瘦肉之中，夾雜了少許脂肪。荀都唔錯，無左平時荀的臭味。🦀黃金蟹糕牛奶沾麵牛奶沾麵有種忌廉的味道，突然間有種西餐的感覺😆，但無忌廉湯那份油膩感👍🏻。強烈建議不要將蟹糕撈在整個麵，反而要每次將少量的蟹糕放落匙羹加上湯，就可以食到蟹糕的鮮味☺️！肉汁滿滿餃子🥟餃子保留到肉汁💦，皮亦厚薄適中！富山雞翼🐥雞翼表面有甜甜的醬汁和芝麻，外皮香脆，雞翼仍然嫩滑！凍鮮泡蜂蜜綠茶用了一個士多啤梨杯，好可愛！茶葉幾香，加上甜甜的蜂蜜味！店內還保留了不少隱藏Melody💗

今日嚟到位於銅鑼灣嘅富山麵家食拉麵，呢間拉麵一向都幾受人歡迎，最近我留意到佢哋有一個二人特惠套餐。呢個套餐可以揀兩個拉麵，一款小食，一款沙律，同兩杯嘢飲添。大胃王拉麵拉麵嘅麵質好彈牙，唔會俾個湯浸到軟晒，仲好掛湯添。醬油湯底嘅味道偏濃，但又唔會過咸。另外，叉燒入口非常之滑，仲好有肉汁添。北海道牛奶拉麵呢個拉麵相對比較清淡，但湯底都有牛奶香。富山雞翼雞翼嘅外皮好香脆，但又唔會太硬，雞翼入口有淡淡肉汁，加上成隻雞翼煎得非常脆口，真係好惹味呀。串燒雞軟骨依個係我地另外加既，雞軟骨入口好香脆，仲好有咬口添，燒得亦都好香。整體來講呢個特惠二人套餐真係好抵呀，食物質素仲好高添。🍜富山麵家 (銅鑼灣)銅鑼灣希雲街7號地下#銅鑼灣美食 #銅鑼灣好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fo

呢間拉麵店🍜位於丹麥餅店附近，一直往禮頓道方向，第一個小巷轉入就會見到門面掛有紅色燈籠🏮😍入到店內會明顯見到分開2個區域，一邊係吧台，另一邊係卡座🤭 牆上掛有日本風景畫，都幾有日本情調☺️ 呢間店舖主打拉麵及沾麵，仲有小食等供應😋選擇都蠻多～🦐🍜富山灣白鹽蝦拉麵湯面加咗唔少櫻花蝦，而拉麵真心食到冠軍級拉麵味道😚 配料有叉燒、半隻溏心蛋、粟米🌽、荀等…麵質彈牙，且半肥瘦叉燒口感軟滑，幾惹味🤩食到底仲底仲會見到碗內既公仔🧸🍜札幌味噌拉麵呢款拉麵同樣有半隻溏心蛋、兩片叉燒、紫菜、蔥花及木耳、份量分成標準，食完大滿足🥳湯底唔會過鹹，但食完可能真係味精太勁😂好口喝🙈🍓🍵凍鮮泡蜂蜜綠茶味道清甜可口，配埋打卡嘅草莓杯🍓可愛到不得了🥰 大大粒草莓形狀杯子裝著，入面仲可以透到3角立體茶包，清新香口☺️🐔富山雞翼 雞翼炸得好香脆，醬汁濃郁惹味，味道甜甜地，幾好味，鎖緊肉汁，Juicy得驚喜🤗🐓串燒雞軟骨共4串，每串都幾有咬口，雞軟骨加咗d孜然粉，香脆又可口🤩呢間拉麵店用咗較粗身既拉麵，絕對岩哂鐘意食口感嘅小妹👍雖然坐位間位置相對迫，但亦唔會坐得唔舒服，上菜速度好快，整體黎講都係唔錯既餐廳🍴💥溫馨提示呢間拉麵店

前幾日同屋企人一齊去酒店staycation咁難得過香港嗰邊梗係要去銅鑼灣搵下好嘢食啦疫情之後都好少過香港區食嘢 咁啱見到間裝修好有特色嘅拉麵店當然入去試下啦前陣子富山麵家以melody為主題全間舖頭都有好多melody相信鍾意melody嘅粉絲一早已經去試過喇聽講遲啲仲會做玉桂狗添睇下到時搵唔搵到時間再試下啦因為大小姐好鍾意玉桂狗㗎今次我哋就揀咗黑醬油拉麵 黑蚊蚊嘅黑醬油湯底望落去好似好鹹但係其實味道好溫和㗎我就好鍾意佢嘅麵質唔會太淋 碗麵仲有溫泉蛋同埋叉燒叉燒份量好多㗎大爺就揀咗大胃王激辛味噌拉麵 原來個湯底都幾辣㗎雖然係叫咗小辣大大碗嘅大胃王拉麵大爺覺得非常滿足大小姐就揀咗札幌味噌拉麵傳統嘅味噌拉麵加上溫泉蛋同埋木耳絲好味到連湯都想飲埋小食方面我哋揀咗芥辣八爪魚同埋餃子餃子皮薄薄的椰菜偏多所以食落唔會好有油膩芥辣八爪魚嘅芥辣味都幾重呀好刺激飲品方面我哋揀咗鮮泡蜂蜜綠茶用咗好可愛嘅士多啤梨杯杯裝住妹妹見到非常開心唔講唔知原來富山麵家曾經五年榮獲"東京拉麵秀"冠軍唔怪之得佢嘅拉麵咁好食啦下次大家經過都可以去試下㗎記得早少少去攞位呀

前兩天有朋友邀约我到銅鑼灣一間拉麵店吃拉麵，這間拉麵店曾連續五年榮獲東京拉麵冠軍。 這間拉麵店毫不起眼，但一進內坐低，日本拉麵店的感覺便番來了 我點了一個冠軍黑醬油拉麵 ， 當拉麵送上來時，我被他盛載拉麵的碗吸引，因為碗子上居然有許多叮噹图案，真係童年回憶也番來了，真開心。 再加上拉麵真是非常彈口，拌以濃郁的醬油，糖心蛋， 真的很好味，令人感动。朋友點選了黃金蟹膏牛油沾麵， 味道淡淡的，湯底有牛乳味，配了蝦膏後，感覺不錯 。最後送上兩杯用粉紅士多啤梨杯裝的蜂蜜綠茶 ，真係好舒服，好清新。

曾經話過一定要再去這裡的我，為咗要吃Melody的食物，無論工作有幾忙都一定要去打卡打卡，雖然今次去到已經沒有了Melody的主題，但裡面的碗碟和部份的擺設，都帶著了Melody的影子🥰🥰🥰喜歡Melody的妳你妳，一定要嚟呢度，隨咗食仲要記得打卡打卡🥰😍🥰😘—————————-飲品：凍鮮泡蜂蜜綠茶：可愛精緻的士多啤梨🍓飲品杯，冰冰凍凍的蜂蜜綠茶🍵，涼快的又清涼的飲品—————————小食：串燒雞軟骨：軟骨有口感、椒鹽味道更惹味⋯⋯👍—————————富山雞翼：燒得夠香夠熱的，芝麻香又帶點蜜味的😋————————-黃金蟹🦀️糕牛奶沾面（大滿足）：湯底濃郁濃香牛奶味道，蟹糕夠甜，豚肉滑溜，恰當的溫泉蛋，配料更有蟹柳和粟米，麵條🍝恰當的熟度夠彈牙感覺，大大滿足的飽肚感👍👍👍👍👍——————————札幌味噌拉麵🍜（大滿足）又是大滿足的份量，湯底味道濃郁夠味，配上Melody的碗碟，看見就已經大滿足😂——————————粉絲迷人Melody..打卡打卡有心思😍其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶————————-

開胃小食熟芥东章魚(咸菜、章魚、芥末)富山鷄翼炸得香脆，最鐘意有芝麻在雞翼面，食落更香口。凍鮮泡幹蜜綠茶好解渴嘅飲品，唔甜，好香綠茶味。 黄金蟹糕牛奶沾麵湯底有蟹膏嘅味道同香滑嘅牛奶香，蟹膏非常香濃，汁底有熱熔牛油，增香味，汁夠熱，捲埋d麵一啖食落口，滿口蟹糕味，好有滿足感。配料:蟹柳、粟米粒、叉燒、糖心蛋。成碗食晒啦⋯⋯冠軍黑酱油拉麵咪見佢湯底黑蚊蚊，以為好咸，錯覺嚟，一d都唔咸，重可以飲埋佢。唔怪之得冠軍🏆麵質彈牙，湯底好味，配搭叉燒、糖心蛋雖然都係日式麵嘅材料，但呢款湯麵就唔會覺得膩口，好清好好食。

過了午餐時間，我才到銅鑼灣跟朋友吃飯。位置：近銅鑼灣F2出口，走去丹麥餅店那街，一直往禮頓道方向，第一個小巷轉入就是。環境：以木為主，門面掛有紅色燈籠，室內分開兩個區域，一邊是吧台，另一邊是四人卡座，牆上掛有日本風景畫，很有日本情調。服務：朋友一見到呈上的湯碗是多啦A夢，就很開心，後來我們發現所用的碗碟都很家庭式和精緻，而不是一式一樣，感覺很驚喜和溫暖。午市： 🥢冠軍黑醬油拉麵🍜（大滿足） $95由朋友點叫，這款湯底是濃味，帶點鹹醬油香，配料是兩塊厚叉燒，有炙燒過表面，半隻糖心蛋和紫菜，麵量是較多一些，而且不是普通拉麵，而是口感類似手打烏冬，整體不錯👍🏻。🥢黄金🦀蟹膏牛奶沾麵🍜（標準）$90奶黃色的湯底，味道就較清淡，有淡淡的牛奶味，而拉麵的中間是超級濃味的蟹膏，配料同樣是兩塊厚叉燒、粟米、蔥花、蟹柳和糖心蛋，將拉麵沾上牛奶湯，再配合蟹膏吃，會更濃味和好吃🤭，我還是喜歡濃味的食物😄。🥢富山雞翼🍗 $48有五隻雞翼，面上灑有芝麻粒，炸得金黃香脆，有蜜糖的甜香，很好吃😋，值得一試。🥢肉汁滿滿餃子🥟 $42有五隻煎餃，用上豬肉餡料，跟一般拉麵店的餃子差不多，都有肉汁，未至於爆汁。🍯凍蜂蜜綠茶

呢排都好想食拉麵，唔知係咪因為covid之前（3年前）嘅呢段時間我係喺日本食緊拉麵…思鄉了🥹🥹所以喺等食某出名甜品之前，就去食附近嘅拉麵～🖤冠軍黑醬油拉麵 $90佢個湯底真係滿滿黑醬油味，最讚嘅係佢無乜味精味或者唔會過分油膩～同埋佢唔會太鹹！🤩拉麵條屬於粗身嘅麵質，比較彈牙同埋都有嚼勁，而且都無鹼水味～所以麵條都沾滿黑醬油湯底味嘅～而叉燒就係屬於薄切叉燒，肥瘦都均勻，又唔會太柴～💛黃金蟹糕牛奶沾麵 $95好重牛奶味同埋牛油味😳佢個牛奶味同牛油味加埋個湯底其實有少少似重牛油味嘅忌廉湯底～ 味道係夠味同埋夠香濃嘅～蟹膏其實都夠多，都好鮮甜～ 但係如果湯底係杰身少少會更好，因為咁樣啲麵會掛湯啲同埋建議可能用煲仔裝住啲湯會保溫少少，唔知點解有啲快凍🥲不過店員都好好人，肯幫我翻熱返🥰🧡串燒雞軟骨 $38串燒雞軟骨就正常發揮，都夠椒鹽味同埋炸得好乾爽香脆～🐔富山雞翼 $48個雞翼係最有驚喜🤩外皮唔係好油但係又唔係好乾～用咗日式醬油去燒真係香勁多，都幾濃味～肉質都夠嫩滑🥰💚凍鮮泡蜂蜜綠茶 $15用左個士多啤梨樽裝住，係幾cute😍 而綠茶係屬於帶有甜味嗰種，啱哂鍾意飲甜嘢嘅你地😆啲碟都用左my me

雖然餐廳唔係位於銅鑼灣核心地帶，但都多人幫襯。餐廳唔算大，但店面同擺設都有一股親切嘅感覺。而每款拉麵都有標準同大滿足 2個size ，任君選擇。👍🏻🍽冠軍黑醬油拉麵人氣推介冠軍黑醬油拉麵，雖然湯底非常黑，但咸度適中👍🏻 醬油帶有淡淡魚嘅鮮味，拉麵較為粗身，麵質彈牙有口感，叉燒肥瘦適中。仲有靈魂嘅流心醬，配上黑醬油湯低，中和左流心蛋黃嘅膩感👍🏻🍽黃金蟹膏牛奶沾麵沾麵湯混合左牛奶同牛油；蟹膏要先同拉麵攪拌混合，再沾湯，因為湯底味道較淡，拉麵混合左蟹膏後，會有蟹嘅鮮味，拉麵嘅掛湯力強，每條麵都有淡淡的牛油香味。唔好睇蟹膏細細舊，佢真係好重蟹黃味架😆😆🍽熟芥末章魚點餐時睇漏左個”熟”字🤣，冇生嘅咁滑，但就較有口感，芥末味可以再強啲，但都係個令人會一啖接一啖嘅小食。🍽肉汁滿滿餃子物如其名，真係有肉汁！大部份日式餃子都係煎得比較乾身，而餡都係比較”蓉”，呢度嘅日式餃子咬開係有汁，內餡係有一絲絲肉嘅口感。🍹蜂蜜綠茶蜂蜜綠茶用好可愛嘅士多啤梨杯裝住，少女感滿滿💕冰冰涼涼甜度適中，係解渴恩物😆