富士山55 (拉麵沾麵專門店)

營業中

休息中

已經幫襯過幾次既拉麵店，每次想食拉麵就會諗起哩間，我覺係我食過咁多拉麵暫時係最好味，我覺得仲好食過一蘭呢。。而且店面既裝潢都好有日本風味，最鍾意就係坐係吧台到食最有feel.我每次黎哩度都係必食櫻花蝦拉麵，雖然見店內大部分人都係食沾麵多，但我始終鍾情櫻花蝦濃湯拉麵 滿滿的櫻花蝦撈埋一齊食十分香濃，麵質我選左硬麵，麵質適中，叉燒有2至3塊，仲有半隻溫泉蛋，加埋濃郁既豬骨湯底，真係very good另外仲叫左個雞肉軟骨捧，雞肉嫩滑加埋有少少軟骨，味道都唔錯既小食，因為之前食過佢d餃子麻麻地，唔係煎餃子似係炸，炸到個皮硬到。。。呢。。。最後，希望店鋪個水杯洗乾淨d, 因為我見到職員都係好似好求其沖一沖水，我聞到個水杯好大陣腥味，所以我冇飲水。。希望改善下。

尖東的小巷裡有一間小拉面店, 座位不多, 只賣拉面, 芝士飯, 小吃等...湯底有點濃味... 豚肉很大, 份量很夠, 半肥瘦溏心蛋亦做到剛剛好呀揀左普通面, 彈牙, 而沾面的食法與湯面不一樣, 少許湯的加入面中,湯很快就凍... 要加熱, 旁邊有個細小的電磁爐, 很窩心的放上電磁爐, 待湯起泡出煙就夠熱

香港又好日本又好, 啲沾麫一用凍麵我就怕怕, 就算個湯幾熱都冇用, 沾多兩沾就凍晒始終中國人, 要食熱嘢呢間嘅沾麵喺to do list好耐, 但係喺尖東, 老實講, b boss 新花都 收檔後, 都搵唔倒咩理由過去今日走開尖嘴, 就順便去探探佢虛實佢沾個麵本身都係凍嘅, 但妙在佢有個電爐喺位邊, 個沾汁係放喺鐵兜度咁就可以不停番熱個湯汁, 令到個麵好夠熱, 正!!!!個湯汁好濃厚, body夠, 好能掛喺個麵度, 味道鹹鮮, 一啖一啖彈牙嘅粗麵食唔停口, 湯汁內加上大量魚介鮮味非常, 好在冇一般魚介跟嚟嗰種討厭煙燻味, 讚!另外個蝦湯比起BB同TORIMEN來得更濃烈嘅蝦味, 推!叉燒嘅肉味亦係好足, 有實在感, 唔會一咬就散, 火侯控制得好蛋自己睇相啦!好, 咩叫一麵兩食呢? 到食晒啲麵後, 我加左$20要個芝士飯咁個姐姐會攞走你個沾汁, 再喺counter加芝士同飯落個汁, 番熱後變成熱辣辣嘅湯汁芝士飯食落都有溶芝黏黏軟軟嘅味道質感, 但係點解有啲寡嘅?!叮!!!! 發現左有樽醃菜喺個位度, 鹹鹹香香咁, 有啲似雪菜嘅. 應該係咁用啦, 因為麵本身好夠味, 唔需要用到佢落左落個

今天是我的last day，同事帶來到這裡食，這裡不設訂位，不過1:10來到都有位！這裡好像是日本人開，而且都有日本人幫襯。這裡的沾麵好似幾出名，我比較懶，所以叫了白湯豚骨拉麵，同出面的拉麵有d唔同，湯亦比教杰、比較濃，日式叉燒就中上，隻蛋就真係好好食，整體食物水準唔錯，$78碗麵(無加一)都值的，係環境差了點！

在南洋中心的小店, 每天都經過, 今天終於決定來試試。7:30 來到,前面有 3 PAIRS人，等位的時侯，便填紙，看看要吃些甚麼。等了一會，便有座位了。點了特濃豚骨沾麵, 湯一上枱, 好香好香的木魚絲味! 要了特硬面, 面身比較粗, 食法是沾一些湯來吃, 像冷面一樣。但湯好像不夠熱, 而且特濃!!! 雖然有煙出, 而且, 太濃, 很咸.... 好似話唔想太濃的話可以加湯。不過算了, 反而加了枱上的醋和配菜 一起吃, 更香更好吃!白湯豚骨拉面, 面身較幼, 加埋爽口的木耳絲, 口感一流。煎餃子, 皮有點硬, 但仍可接受。雞軟骨棒, 選了燒汁沙律醬。很有口感,  kick nic ka la, 不錯!比起其他拉麵店, 這裡算是不過不失。

0係openrice search尖沙咀拉麵店~ 最終選了試這間~ 諗住順道去探忌廉哥~ 今日2點多去到~ 無需等位~ 叫左櫻蝦油拉麵~ 配濃厚湯底~ 一上枱香氣四溢~ 麵質好~ 肉質肥瘦適中~ 湯鮮味濃~ 食完都無口渴~ 下次會帶埋老公再幫襯~

呢間主打沾面的小店，身處忌廉哥士多旁邊，系去紅館睇演唱會既晚餐選擇。2人點左個特濃豚骨沾麵（追加芝士飯），激辛拉麵，同雞軟骨。先講沾麵，個特濃豚骨湯加上1大spoon鰹魚粉，馬上令個豬骨頭增加左海鮮味。面都幾粗，但個湯真係好濃，而且好易凍，所以店家在每張台放置左1個電池爐，等客人可以即時翻熱或保溫。平時食開周月既沾麵，覺得幾咸，但呢個沾麵既湯系咸甜適中，我個人比較prefer呢個湯。（但麵本身我會prefer周月，周月的麵比較有彈性）suppose你食完d麵，會剩低半碗湯，呢個時候你可以追加芝士飯，waitress會收左你碗湯，攞去counter加飯，之後俾翻碗飯你，呢個飯入面加左芝士并加熱過，所以重新上檯既時候系熱既，芝士處於融融地既狀態，都不失為一個幾好既嘗試，有少少似泡飯，吸收左湯既精華，芝士令飯有d煙韌feel。朋友的激辛辣拉麵，已經選了最辣level，都覺得唔夠辣，可能我地比較食得辣，細拉麵，彈牙，重口味之選。雞軟骨，其實只有好細1part骨，大部分都系肉，而且應該系免治雞肉，不過不失啦。

剛在日本回來還是吃拉麵😄吃不厭的？藏在尖東小角的特色拉麵店🍜一直想說試試沾麵挑了人氣No.1 特濃豚骨沾麵(HKD 78) 材料算豐富還有半個糖心蛋🙆偏粗偏扁的麵身，選普通口感已經略嫌偏硬😂平時我愛選硬身麵的，下次都可以試柔麵😆😆😆果然名乎其實😳湯 汁 超 濃!!! 重口味人士都未必可當湯麵喝🙈下次可以把味粉減量，負擔較輕。而且桌上有小型電磁爐，沾麵湯汁變冷影響口感可以溫熱來吃，慢慢吃也不怕👍👍很 貼 心 ！下次回頭再試其他👅👍

上次黎食湯拉面，今次黎食番店鋪主打沾面同芝士飯，湯味道不太濃，面沾滿湯之後再食不太有味，但叉燒好似燒過一樣香口，而店鋪提供電磁爐番熱，可以達到個人想要既熱度，咁樣食法都5錯，因為不太濃關係，加湯之後再飲，味道剛剛好，而最後追加芝士飯，用豬骨湯一齊煮，係幾好食，令個飯特別香！

係紅隧落車既話唔知食咩好，就上openrice search...發現依間拉面新野就去試下晚上9:10行到南洋中心，望見側面細巷就見到一隊人龍同大大個招牌，有十至十二個人排緊隊，偷望入面bar枱有十個位，加兩張六人枱。排隊時候就會派點餐紙，見有人埋單就會收定入去比廚房煮，好方便又快啲食！ 等左廿至卅十分鐘就入得，一坐低就見到員工姐姐幫客人煲返熱個沾麵汁，加飯加芝士。不過我食湯拉麵，又細食就只好望住隔離枱食住可以拉出芝士絲既飯粥。 我唔食蔥蒜就覺得我個二朗系一般般，湯好厚滑配粗拉麵，揀左淋面都有點硬，食到一半先浸得夠淋岩我口感。 好鍾意男友食個櫻花蝦拉麵，湯底好濃郁又香，配上幼面普通硬都好岩我，男朋友反而鍾意我款粗面有口感  下次問下有無得揀面先。餃子好乾爽，無痴埋一只只，趁熱咬角邊好似薄脆，裡面多汁又唔太肥膩，我鍾意食，食完望下只碟油都唔多滴。 不可少得係佢座頭擺上既辣雪菜，好夾脆辣辣地，咬住一口面一口湯食，一流！Bar枱抬頭就有水，自己service自己

同友人去HK 3D Museum 朝聖前去醫醫肚仔見到呢間拉麵好似五錯就出發～地方都算細但又五洗同人痴住坐～叫左個濃湯豚骨沾麵$78友人要左個白湯豚骨拉麵$78等左15—20分鐘 終於黎拉我同友人研究其實兩者既分別係白湯有青檸，濃湯無沾麵個湯好易凍我自己加熱左幾次個麵比較粗身叉燒只有2塊塘心蛋麻麻，可能一早整好既關係蛋黃凍到變成糕咁個濃湯覺得咸味蓋過豚骨～

上年去完日本skytree 食咗個沾烏冬就好念念不忘,好希望喺香港食到同類嘅味道.第一次係唱完K search openrice 就見到呢間,見到有沾麵當然衝去食啦1) 濃厚豚骨魚介沾麵 @ $78當晚餐, 等咗大概十幾分鐘就有位, 自問都幾大胃口, 但佢個麵就算唔加麵底都好夠份量, 當時好肚餓所以叫多100g (好似係加$20?)可以自選麵的質地, 加唔加蔥等等, 好細心 因為我好怕有蔥湯底夠厚, 味道濃, 個麵點完落個湯後味道就啱啱好我揀咗正常麵, 都幾彈牙好鍾意佢個湯上面嘅粉, 塊豚肉燒得好有心機最好係就算湯凍咗, 個waitress 會好主動幫你reheat 翻, 服務好好第二次係抽起條筋一個人山長水遠走去食, 大概三點幾四點無咩人, 但食物質素同服務依舊咁好

一個人去完大埔見客…唔駛趕返公司…可以直接返屋企…去到紅磡站諗住轉巴士嘅時候就諗起呢間舖嘅沾麵…經常記起佢…但奈何位置實在唔太方便…只可以等路過尖東/紅磡先去食…每次都係tea time時間去…未試過要等位…每次去都有唔同嘅特色拉麵做promotion…但每次我都係俾特濃櫻花蝦沾麵吸引住…香味超濃嘅櫻花蝦+口感濃郁嘅豬骨湯底…配埋軟硬適中嘅拉麵…正! 呢度最好嘅係每張台都會有細細個嘅電磁爐…方便食客隨時將湯加熱…咁個湯底就唔會因為沾左拉麵嘅涼氣而唔夠熱辣辣喇!希望佢可以快d開分店…最緊要位置要夠方便!

在尖東探完可愛既忌廉哥後，也就順道到在附近的富士山55品嚐一下拉麵！來自名古屋連鎖經營的富士山55其實來頭也不少，在日本有數十間分店。店鋪的名稱富士山55具有玩味，用日文唸是Fujiyama GoGo的意思！這次專乘來，是為了一試非常特別的櫻花蝦油拉麵。生長於熱帶地區海域的櫻花蝦外殻軟薄，營養成分豐富；尤其是肉質鮮美！這次櫻花蝦油拉麵果然沒令人失望，在香濃的豬骨湯上，撤滿了美味的櫻花蝦，喝一口湯時豬骨湯帶櫻花蝦的鮮甜味道，輕咬櫻花蝦更是海鮮味道四溢，實為豬骨湯生色不少！這裡的拉麵麵身較幼，也是爽口彈牙；叉燒肥瘦適中，做得既腍且滑。另外也點了經典的白湯豚骨拉麵，這款是沒有加入櫻花蝦的拉麵，能一試這裡濃厚的原味豬骨湯呢。雖然名氣不及一蘭及豚王等拉麵店，但富士山55的實力實不遜色！喜歡拉麵的Couple們十分值得一試喔！

濃湯豚肉沾面沾面汁比較普通,濃湯不濃,豚肉尚算合格重點是器皿散熱範圍太大,湯好快冷卻,加幾多個爐都沒用櫻花蝦沾面此面有櫻花蝦香味襯托較為特別,可惜除此之外別沒其他可讚之處,同樣地,敗筆點是在於沾面汁過快冷卻另加芝士飯,味道OK,不過性價比低同場有限定的拉面,保持客人新鮮感是生意上的好策略,亦是現今拉面店生存的模式之一此店感覺上拉面比沾面略為吸引,下次有機會再品嚐