富久保手打烏冬 (已結業)

過去兩次看到老板親手打烏冬, 被感動了, 糊裡糊塗 / 迷迷糊糊 地 放棄在 food court 內選擇其他美食的權利而吃烏冬. 可恨的是, 總是不好吃 -- 烏冬不彈牙不滑溜之餘無味道. 點解?點解?這天一家人在food court 找吃的, 仔女想食 たこ焼き（燒八爪魚波波）所以他們到富久保去. 我已經不會再吃這店的烏冬的了, 但仔女要吃, 他們share一份炸猪扒烏冬 + 3 粒たこ焼き　（好像是$58).原來仔女在看老板打烏冬時老公已閃到別店並已經自行點菜 ! (拉麵) 女兒吃了幾口烏冬問爸爸為什麼不好吃? 爸爸說 : コシが無いから。　（無腰骨)女兒問: 為什麼?爸爸說: 首先麵粉, 水 和 鹽的比例不正確, 鹽是幾乎沒下了. 另外烏冬是耍用腳踏的, 只用手打, 像只做了一半 變成“コシが無い”……原來老公吃過這裡的烏冬一次, 所以他已知道問題所在云云.我是相信他的說法的, 因為他本藉是香川縣, 他的母親即我的奶奶對烏冬是非常講究的, 要吃烏冬時寧願親手打 ! 我也吃過她做的烏冬,真是人間極品啊! (當然我有幫忙踏的!) 說到這

還記得以前別人推介呢間烏冬好正宗今日同男友來試試叫咗一個咖喱烏冬，($65) 大約, 不記得了加$7元轉中size ,即份量多少少加$10元多三粒小丸子呀小丸子,味道一般者, 不是太好也不是不好烏冬好粗,但絶不煙勒呀.... 咖喱既湯,喊咗d, 濃番d會好d...整体一般,

餅爸提議到這裡午餐，2時多到，很餓了。我們都點了烏冬餐。他叫的是咖哩吉列豬扒烏冬；我叫的是吉列豬扒烏冬；我們的餐都有3粒小丸子，附上幾片製過的白蘿蔔。餅爸說他的咖哩烏冬是ｏｋ的；我的吉列豬扒是可以的，烏冬不夠滑，水準以下。小丸子太多粉漿，蘿蔔有點甜，老身多渣。不過，吃過後我們都說不夠飽，其實烏冬的份量可以多些。

自從上次食過那間假的手打鳥冬後(江X) , 亞B一直說想吃真正即席手打烏冬. 所以便來到這間快靚正的富久保. 雖然是位於商場一角, 但品質依然有保證. 看見日本大叔在勤力打麵團, 你便可想言之那碗烏冬的水準. 亞B叫了炸豬扒烏冬定食跟燒章魚丸.炸豬扒很普通但還可以, 章魚丸就很好味. 而我點了關東煮烏冬定食, 可惜魚旦卷已煮得太燜味道已失.有待改善!可幸那碗主角手打鳥冬,未有令我們失望. 簡簡單單的清湯鳥冬, 煙 un 彈牙, 有些海帶葱花加一片腐皮, 便令人回味無窮.

昨天晚上同朋友去左買衫,之後就嚟左呢度食野,因朋友話呢度D鳥冬好好味,咁就試下.我叫左一個滑蛋豬扒飯鳥冬定食,朋友叫左一個咖喱豬扒鳥冬定食.我的有一碗清湯鳥冬,一碗滑蛋豬扒飯,一杯熱茶,D鳥冬都真係幾好味喎,好彈牙,爽口呀.有一片日式魚蛋,一件好似炸天婦羅的雜菜卷封,我都唔知係咩.不過都好味的.滑蛋豬扒飯都好好味,D豬扒好和口,D蛋又多又滑口.好味.朋友叫的咖喱豬扒鳥冬都好好味,佢D咖喱都辣及好濃身的,有三粒章魚小丸子,還有一碗白蘿蔔,我食左一粒章魚小丸子都幾好味喎,有些子薑係入面,幾多料的.我見都好多人食呢間鳥冬呀!

今日同朋友係海港城行街，行過Food Court見有少少餓就是但搵左間試下，估唔到比想像中OK喎…食物滑蛋豬扒飯：有好多洋蔥，蛋都算滑，豬扒都唔炸得太油膩，味道中中庭庭…燒八爪魚球：有好大粒八爪魚係入面，足料!!手打烏冬：果然唔錯，煙韌彈牙，湯底很清，係個Counter度有天婦羅碎碎任拎，加入去個烏冬度食，朋友A話無得頂…服務Food court 係order完之後self-service的~ 哈哈~環境都唔算太擠迫，不過坐Food court都預左週圍好嘈~

呢度出名食手打烏冬, 師傅仲係日本人!!滑蛋豬扒飯配冷烏冬定食 ~ 豬扒已經淋晒, 蛋就幾滑, 加埋洋蔥, 日本米, 味道ok但唔出色!!冷烏冬 ~ 烏冬煙煙韌韌好味, 烏冬汁有d蔥花芝麻薑末, 如果可以有隻生雞蛋味道應該會更好!! 下次都係o黎食烏冬就算喇!!

正常來說，food court裡98%食店水準低下，那麼富久保一定是剩下的2%。個人喜歡冷烏東，一來是炎夏午餐佳品，二來可以試真一點烏東的味道，三來可以了解師傅的手勢。是日的冷烏東($40)與一年前的味道相同，集彈牙、滑及麥味於一身。加上略為淡口的醬油，吃得極爽。友人的滑蛋豬扒餐($60)也合格，豬扒炸得剛好，有肉汁，炸粉適量。然而珠玉在前，也給比下去。平平地質數好，呢個冷烏東值得一試。

由於之前有一間在觀塘專吃烏冬的店鋪結業，一直都沒有試過其他的烏冬店，近日上openrice，竟然發現有一間烏冬店鋪，大家對此店的食評都唔錯，就唸住試一試啦！當日一去到，即刻睇一睇有D咩野食先，最後就order了蝦天婦羅烏冬！到了最緊張的時候到了，終於親眼見到期待很久的烏冬，第一個感覺係，我等一陣仲要再叫D咩野食呢？因為我見到D份量真係唔係咁多，不過唔緊要啦，食完再講！首先幫烏冬影張特寫，等大家可以睇到啦！第一啖的感覺，真係好食，鳥冬真係好彈牙，好煙韌，配上一個很清的醬油湯底，簡直是一絕！蝦天婦羅真係要講一講，D粉多到你唔信，真係太多，最後都係整走顯D粉先可以食到隻蝦，不過就一般啦！蝦天婦羅套餐，要成$57蚊架，價錢都唔算平，不過可以食到好食的烏冬，咩野都低啦！

自從上次試過後,都好想再試難得今日經過緊係去試下la今次叫左個沙嗲肥牛炒烏冬+小丸子火侯夠~味道適中~烏冬好彈牙~Yummy~小丸子剛剛出爐~Ymmuy~Yummy~有機會會再去試下

今日的第一餐, 就來了city super的foodcourt到搵食每次來到這裡, 眼裡都只有富久保和另一間curry今次就同富久保講聲good afternoon先由於今早不太肚餓, 只係食了一個烏冬+小丸子一個清清的烏冬, 不大碗烏冬依舊的做到平時的水準, 但今次的粗幼分別很大是師父切麵條時分左心?????湯是清清的, 不像牛烏冬的湯, 少了一份油膩感而小丸子, 一"鴿"起, 好易穿底, 不過好好食, 又熱喎個餐仲有碗蘿蔔, 我本人好鐘意食, 甜甜的, 好快就畀我食晒, 但仲想再食佢地d蘿蔔 對住個海食野, 真係幾舒服的, 可惜今日大霧呀

二月二十二日﹙日﹚吃海鮮要新鮮的，說到烏冬，當然也一樣，最好不過當然是即場手打出來的最好。香港吃手打烏冬的地方不少，但確實是當店即打的話，這隱藏於美食廣場內的小店子，就是其中之一個好選擇。早陣子路經也不見大師傅在陣，只有一名香港的小師傅在頂替，或許是休息了一段時間吧。今天再經過時，見師傅在陣，再吃一次久違這裏的手打烏冬。點了滑蛋牛肉飯和烏冬的定食，來到這裏，飯選甚麼也只是陪襯品，始終吃烏冬才是目的。這裏的烏冬比一般坊間吃到的手打烏冬均要長，一條烏冬可以塞滿一口，可以慢慢一條一條地品賞。烏冬非常煙韌，話說這個週末共吃了三餐日本菜，三餐也有一碗烏冬，三餐之中還是這裏的手打烏冬最為出色，吃極不厭。一個簡單的木魚清湯，與烏冬已經是最美妙的配搭。唯一要彈的是，吃這麼長的烏冬也只有一隻小小的膠匙供應，吃起來有點麻煩和不相稱。滑蛋牛肉飯做得一般水準，蛋算不上很滑，但蛋的味道做得好。牛肉是一般吉野家用的肥牛，牛味亦算不錯。一碗烏冬再加一個飯，份量十足，吃得很滿足的一餐。

記得一年之前來食過幾次,果幾次o既水準係一樣咁好,鳥冬係超彈牙同煙韌,果種感覺係到宜家都好難搵到,所以琴晚又同o左個fan去食啦.去到見到換o左個女師父打麫,唔知會唔會有唔同呢?叫o左個豬扒烏冬定食,一食落口,d烏冬都彈牙,但比之前明顯差了一點,可能仲係未夠經驗掛,其他野同之前差不多,味道都仲可以保持ok,唯一唔同o既就係貴o左好多,食個定食要$68,分量亦唔係話好多,真係偏貴o左d.

因有要事來到尖沙嘴﹐就同老婆來呢度food court試試。本人叫了滑蛋豬扒飯配湯烏冬套餐。因這店以烏冬為首選﹐所以就試烏冬先。湯烏冬 - 先喝湯﹐溫度只得微暖﹐令烏冬本身有幾多好都減了些分數。如本人要真正品嘗烏冬其煙韌既質地﹐那就會叫冷烏冬吧。叫得湯烏冬就是想食一碗熱騰騰的湯烏冬來暖肚﹐但遇到其微暖既湯底﹐不竟有點兒失望。 滑蛋豬扒飯 - 反而滑蛋豬扒飯做得出色﹐脆脆既豬扒被厚厚的滑蛋同炒得香香既洋蔥包住﹐令每一口都能食到每種食材既鮮味。滑蛋就是滑蛋﹐唔會好似出便所為滑蛋既熟蛋。做得有心﹐有質素。配料以大量洋蔥為主﹐亦有少量經醃製而切成細塊的海帶放在飯上既一旁。用來調和豬扒兼飯既鹹味,很好味。食完時見到師傅拿了4-5個以猜好的麵糰餅來加以猜埋一齊﹐然後用放在枱旁的小鍘刀切成幼條。總括雖然質素算是不錯﹐但覺得價錢稍為偏貴。題外話﹕呢度food court既櫈坐得好唔舒服﹐動不了的鐵骨架令座位很逼很短﹐攪到隻腳撞到枱下的鐵骨架幾下。相信係商場尊登這樣設計,因而令人唔會坐得太久或淨坐。

在weekdays的日子，很小機會出老尖，就在假日鬆一鬆，到尖沙咀食吓烏冬。第一次試久保師傅的手勢，在找位置坐好後，立即去買烏冬去。看見食評說除了烏冬，不吃其他的忠告，故此只點了烏冬，分別是牛肉烏冬餐及一個淨冷烏冬。依的的愚見，要吃出烏冬的質素，莫過於點冷烏冬了，生怕濃郁的湯會遮掩了麵條的麥味，也怕熱熱的湯破壞了烏冬的煙韌，而這冷烏冬也沒有令我失望，口感煙韌，細嚼下滲出麥香，不錯！ 至於那牛肉烏冬餐包括一碟挺大碟的沙律、一隻蝦天婦羅及牛肉烏冬。沙律挺好的，至少菜夠新鮮爽口；蝦天婦羅則不好吃，偏油及粉醬過厚，蝦肉勉強可說是爽口的；牛肉烏冬則如的所估計的比冷烏冬差，味噌湯的味道不討好之外更遮掩了麵條的麥味，而少熱的湯已足以破壞烏冬的質地，已不再煙韌了，哎！試過就算吧，下回吃回冷烏冬好一點。而體貼的是無論你有否叫餐，也送一杯茶給食客，抵讚！ 雖然可能是全香港最好，但總覺得還不是最好，最好的要去日本找找了！