富久保手打烏冬 (已結業)

佢d烏冬出哂名~所以就去試下啦~果然名不虛傳!!d烏冬都几粗,好彈牙~~又好咬口~咁都唔止,佢d烏冬好有米味,可能我誇張左d,但我真係覺得有米味,一路食,一路睇住大師父打烏冬同切烏冬實在係另一番滋味~反而佢d燒墨丸麻麻地,質素同旺角街頭小食差不多,但價錢貴10几蚊...

富久保有午市套餐(最初開業時是沒有的)﹐都算幾抵食﹐通常係$50~55﹐今日見到有兩款選擇﹐一款係一碗雜錦烏冬加一件稻荷壽司加一客天婦羅小食再加一杯中國茶﹐另一個就係一碗雜錦烏冬加一碗細的天婦羅飯﹐如果兩個女仔又細食的話﹐呢個套餐就剛剛好。不過我結果都係幫襯左牛肉烏冬(加大)﹐烏冬依然有水準﹐亦慶幸見到日本師傅仲繼續打緊烏冬。不過唔知係心理作用定係真係有唔同呢﹖平日非繁忙時間(下午茶或晚市)去食牛肉烏冬﹐個湯底好似香濃美味得多﹐但每逢午市人多時幫襯﹐牛肉烏冬的湯底就好似相差頗遠﹖真係一個謎......

今日試左佢d小吃,叫個大蝦天婦羅同野菜天婦羅.大蝦0個個好好食,隻蝦好大,一碟一隻10蚊.好鬆脆好好味~但個野菜就一般啦,可能我食得慢,d吸油紙又太細張,吸唔哂d油,搞到個天婦羅淋哂,唔脆...

冷烏冬- 烏冬好粗, 麵質真係好彈牙, 好香麵粉味~ 唔錯~牛肉烏冬- 烏冬都係好彈牙, 湯ok, 但因為係一早放o左落去, 熟得濟, 有d老~

雖然近排唔多見o個位日本師傅坐鎮打烏冬, 但係我最鐘意o既滑蛋烏冬($35)食到今時今日就依然保持住一貫水準- 條條烏冬都咁煙韌, 彈牙又爽口, 配埋熱辣辣o既'生蛋+醬油' 汁同蔥花一齊食, 次次都係享受, 冇一次失望過. ^_^ 至於量少o既問題, 就當係以合理o既價錢去欣賞別人o既一份誠意吧.P.S. To OpenRice Editor: please update the information related to '富久保':Name (Chn): 富久保手打烏冬Correct Name (Eng): Tomikubo Hand Made Japanese Sanuki Udon Shop地址: 尖沙咀海港城3樓CitySuper 'Cooked Deli' 3001-DD號舖營業時間: Sun - Thu: 10:30am - 9:15pm Fri / Sat / Holiday Eve: 10:30am - 9:45pm電話: 2376-2550 菜式: 日本菜消費: 足(每人$41-$100) Thank you!

唔覺得特別好味，同屋企自己煮果D差唔多，叫咗個牛肉烏冬成HK$40，仲冇嘢飲，貴咗D喎！

今次己經係第二次幫襯,第一次既冷烏冬($34)小弟覺得味道口感都算唔錯,所以今次試下凍鮮醬油烏冬($32,因為個人認為凍食手打烏冬最能夠感受爽滑度同煙un度),將佢附送既薑蓉同蓉伴混,其實味道都差不多..不過一邊食一邊都有一個疑團..點解d 烏冬每一啖都唔同質感既佢有d 淋得好緊要,但係有d又煙煙unun..口感唔得一致,令人失望..(附帶一提,我相信一個正常男人需要連乾兩碗先夠裹腹..)

烏冬一D 都唔煙un，湯底.... ?? >_<烏冬的配料不吃也罷，因為....... 唔好食!!!!!!!!!!!!!!!!!!

始終係手打烏冬，同一般包裝雪藏烏冬味道有雲泥之別，仲要係正牌關西師傅，可以咁講味道同當地吃到的已經相差不遠。30多40蚊折日幤只600多yen，在日本食都係差唔多價錢。個人覺得係物有所值的。

涷醬油烏東都要$32, 貴左DD, 不過都幾好食

又試埋這裡的醬油冷烏冬，粗粗的烏冬仍然爽口彈牙，仍然好味又正宗，與在日本吃的沒有兩樣。冷烏冬醮醬油很好吃，個人覺得醬油味道還是太濃，可以淡口一點更好。照幾次來的觀察，始終以日本人幫襯的多。同埋其實咩師傅都無所謂，如果佢可以打得出咁有水準的烏冬就得！

烏冬好煙un，湯底都係傳統個啲，夠味．．．烏冬的配料不吃也罷，因為唔好食．．．滑蛋烏冬和海帶烏冬係好選擇！

我同女朋友去食，我叫個甜腐皮烏冬，佢就要牛肉烏冬。但兩碗烏冬口感相差甚遠，我o個碗烏冬用筷子一夾就斷，更遑論口感。而女友既就好d，幾彈牙，不過都係天后o個間好食又有口感。

我呢幾日見個日本師傅開始教D本地職員造烏冬。如無估錯﹐應該生意開始轉趨平淡﹐相信日本師傅歸國之期不遠矣。因為已經開左一段日子﹐起碼食LUNCH 的人唔會再因為好奇心而幫襯。希望可以KEEP到水準啦。

終於試到啦,手打烏冬既口感果然係唔同.不過湯底略甜.食完一定要飲番幾杯水.牛肉確係煮老左.朋友叫左個咖哩味,不過唔夠原味好食,而炸蝦天婦羅原來得一隻蝦(咁特別既).好似"專食cheap野"既評語咁,食完真係想再食呀!