容龍海鮮酒家

營業中

休息中

今日做節，屋企人專登一早就預訂號枱。諗住嚟食一餐趁多人可以試多啲嘢食。我都係第一次嚟，原來都方便，不過就要上一條小斜路。這裏可以架車有泊車位。走過一條小斜路，有些紅色燈籠寫着容龍。人頭湧湧，可能因為疫情轉好，同埋放寬咗，好多人出嚟食飯。差唔多全場爆滿，仲有公司包場添。好行貨的想講，這裏每道菜色都覺好味，各有特色。叉燒肥瘦適中，燒鵝香口最欣賞是芝士焗龍蝦，不似其他酒樓出邊食的拉絲芝士龍蝦，佢係脆皮龍蝦，雖然龍蝦肉同芝士好似分開咁，不過我又覺得幾特別，因為喺其他地方未食過這樣的芝士龍蝦。辣酒煮花螺，個酒好香濃，好惹味特別。砵酒焗生蠔，蠔新鮮肥美，揭開時仍然聞倒酒味。蟹糯米飯糯米飯都好鮮味。叫咗一個素菜豆腐俾小朋友食，豆腐煎得外脆內軟，果然有水準。而服務員亦禮貌殷切，我地叫店員幫手時，店員就算唔得閒，不是叫我們叫第二個，而是幫我哋叫另外一個服務員過嚟幫手。難怪得到米芝蓮多年嘅美譽。

之前食過晚飯，所以今次專登嚟飲茶。星期日開9:00 ，唔知需唔需要搵位，所以一早過嚟，都唔算太多人。店員還未食飯，而我就自己入去搵位，所以揀到窗邊位置，可以看下景色。但可惜因為陽光太刺眼啦，所以之後要求落窗簾借光。第一次嚟，聽到其他要求轉酸蕎頭，所以有樣學樣，亦要求將花生小食轉左酸蕎頭，而家好少地方有得食。而且啲酸蕎頭都幾好味。食咗叉燒腸粉，奶皇包，鳳爪排骨蒸飯，蝦餃，燒賣，釀茄子，椰皇燉鮮奶，花膠雞扎。比較欣賞的食物：- 釀茄子，xo 醬香，茄子內軟外脆- 蝦餃大大隻- 椰皇燉鮮奶香滑，椰子可以刮出來食，難怪店員都問要否預留椰皇稍後食。難怪是酒樓的熱門食品。-叉燒腸粉亦美味，好多叉燒喺裏面。稍嫌花膠雞扎蒸煮太耐，蟹柳太林奶黃包和鳳爪排骨蒸飯有啲失望，冇乜特別而且呢度好多款茶可以揀，原來有菊普，好少喺其他地方飲到。環境舒適，食完嘢之後可以上樓上嘅空中花園，有有個亭同埋炮，可以影吓相打吓卡。試過晚飯再過嚟飲茶之後，都係鍾意晚飯小菜多啲。

我諗一講起三聖，大家一定會諗起容龍幾年前朋友帶我食過容龍，嗰陣時記得係要成個月前訂位既，仲記得嗰時每一樣餸都覺得超高水準，加工處理方面做得好好，所以今次就諗住同外母大人過嚟慶祝生日首先我哋一行五人，去咗屯門三聖嗰度揀海鮮，嗰日係平日所以都唔算好多人，咁買完之後嗱嗱聲就拎去容龍比佢哋搞叫左以下呢幾樣餸，五個人食🟡豉椒炒蟶子（米粉底）今日啲蟶子好大隻，火候控制得唔錯好爽口彈牙，米粉底更加要讚，索晒啲汁搞到妹仔仲好食過主人🟡避風塘鮑魚鮑魚冇問題，但估唔到佢整得咁差，出面個粉好似冧晒咁樣🟡椒鹽鮮魷魷魚唔係自己買，喺嗰度現場叫，但係上菜第一啖食落去，真係嚇死人，嗰粉又係好冧好濕咁樣，估唔到一個咁簡單嘅椒鹽鮮魷可以整到咁難食🟡椒鹽賴尿蝦呢個就正正常常冇咩特別🟡芝士焗龍蝦我諗以前有食過嘅人都知，呢個係容龍其中一個招牌菜，但今次個芝士皮焗到超硬，食落去第一下係直頭會刮損上顎完全唔明白點解會退步咗咁多🟡油鹽水蝴蝶蚌呢個處理冇咩功夫可言，都係普普通通🟡椰皇燉蛋白坐低嗰陣時已經問要唔要預留甜品，因為呢個真係成日都會賣晒，呢個就真係要讚，保持一貫嘅水準，蛋白十分之嫩滑🟡生菜煲有少少偏鹹🟡油鹽焗奄仔蟹食到呢個都

新年將至，年尾同朋友食好啲，去咗屯門三聖買海鮮（買咗$1200左右，四位食），再到龍海鮮酒家加工，朋瘦食過幾次都算唔錯，所以直接揸車上咗。容龍酒家位置非常特別，入到去，酒樓一棟，停車場有兩層，方便泊車。接待員帶我哋入座之前，拎咗我哋袋海鮮就甘放咗喺地下，感覺唔良好。座左好耐，都未有人招呼，感覺唔係專業，職員都唔算有禮。餐牌亦都只係原有既推廣餐牌，要問先有正式小菜餐牌。以下四位食：1. 上湯貴妃蚌（8隻）: 新鮮嘅海鮮，上湯煮係最鮮甜最好食。佢個上湯好清，配有少量粉絲，貴妃蚌鮮味全出，好食！2. 砵酒焗蠔（1桶）：見到係拿手菜之一，但我唔識欣賞，呢個煮法帶唔出蠔味，仲整到乾身左啲，其實叫炸蠔可能仲正。3. 蒜蓉開邊蒸大花竹蝦（8隻）: 買時睇落好大隻，開邊蒸完好細隻😂4.椒鹽琵琶蝦（2隻）: 椒鹽整得正，非常之夠惹味🤌🏻5.XO醬蒸蟶子（8隻）：完全失敗嘅推介，因為有兩樣嘢已經係蒜蓉蒸，大蟶子諗住想拎去炒浪費左，點知個侍應推介XO醬蒸，仲要加$60，個XO醬完全搶聖子嘅鮮味，錯配👎6.蒜蓉粉絲蒸扇貝（4隻）：扇貝蒸得啱啱好，唔錯既7.咕嚕肉：唔錯，但肉粒可以大少少，多啲咬口8.蟹肉扒西蘭

今晚約了叔仔一家專訪容龍酒家晚膳，一如以往先前往三聖村海鮮街撰擇心儀海鮮，再去酒家加工。結果選料如下：香濃芝士焗龍蝦（開邊）～香脆可口，厚肉彈牙！椒鹽瀨尿蝦～炸得香口，非常惹味；星斑二味～ 原條星斑起肉分兩味，分割了班球和腩骨做成兩道菜，一）肉連皮炒球～鮮甜嫩滑，啖啖肉👍二）蒸腩骨～熱氣騰騰，有肉有骨，味道鮮甜又有咬感；白灼花螺～清爽但比較細隻；白灼墨魚～爽口嫩滑有嚼感；果皮蒸鮑魚～彈牙爽口有嚼勁；砵酒焗加拿大蠔～很出名的一道菜，仍保留著其水準👍最後來了原個椰皇燉蛋白，滋潤養顏，蛋白嫩亦不及椰皇肉香！熱辣辣更顯其清甜，吃完成身暖笠笠，太好啦！

容龍係一向出名既中菜海鮮飯店，十年連續取得米芝蓮既名譽，果然名不虛傳。三人行，叫了一些點心、著名的芝士龍蝦、砵酒焗蠔、容龍焗牛柳、焗豬扒飯。除了焗豬扒飯較為失色、其他都好有水準，豬扒太淋冇咬口，汁亦十分普通。但最出名的芝士龍蝦沒有令人失望，芝士味好濃郁，蝦肉好彈牙，但有點"漏"。砵酒焗蠔，酒味都濃，D蠔勁大隻，冇縮水。容龍焗牛柳蒜味較重，食落好淋，不會痴牙，以米芝蓮黎講，$600一位亦不算太貴，可以接受的價錢，但性價比一般。

早前爸爸去咗#三聖 買海鮮，再拎埋去#容龍海鮮酒家 加工。😙🙂#芝士焗龍蝦 ：廚師用咗三隻芝士溝埋一齊釀落去龍蝦度焗，芝士味好出好濃，喺呢度嘅名菜。✨#酥炸生蠔 ：屋企人鍾意食酥炸生蠔，我唔鍾意食炸嘢，但因為炸粉好薄好脆，我都食咗兩件。魚兩食：屋企人最愛，我覺得炆骨同炒西蘭花都同樣好食😋最後淨咗好多打包走☺️#椰皇燉蛋白 燉蛋白 ：本身對呢個冇乜期望，但食落發現好甜、蛋白好滑😍係今晚除咗龍蝦之外最好食嘅嘢👍🏻✨價錢： 海鮮$1400、加工$1300（人均～$600）

趁暑假尾聲，和家人來吃午餐，停車位充足，自駕很方便。４個人點了以下的：#普洱茶：醇厚，好喝！#香濃芝士牛油焗龍蝦：我是為了它來的，容龍名菜，芝士脆皮甘香，龍蝦肉質富彈性，百吃不厭的美味！👍😍#葱油海蜇：點給媽媽(她很愛吃海蜇)，份量比預期多，味道也讚！#米網炸両：升級版，腸粉裹着油炸鬼，油炸鬼内有蝦膠，我們都很喜歡！#帶子燒賣：帶子肉厚，豬肉餡有鮮味，yummy！#香芋角帶子盒：外皮脆卜卜，芋泥幼滑，好吃！#香芋燒腩卷：懷舊點心，現在不容易吃到，媽媽說好吃！#瑤柱蛋白炒飯：米飯炒得夠乾身，粒粒分明，水準之上。#鮮奶沙翁球：懷舊甜點，偏甜了點，偶爾吃１次，可以接受。很滿意的午餐，還會再來吃香濃芝士牛油焗龍蝦 😋😋😋😋

因為搬咗入屯門住……所以去三聖食海鮮， 十分方便！容龍也漸漸成為了飯堂……這個晚上，我們有一次自帶海鮮去容龍加工！去得多，侍應都已經比較相熟！開瓶費有減免……張單仲有九五折……紅豆沙又有得送，所以整體來說，好似返咗屋企食飯咁……服務非常好！所以，去中式酒樓，就唔好成日轉來轉去，食熟一間……點都會好啲！講返啲食物……一貫水準，最欣賞佢條魚……整得剛剛好！去咗咁多次，第一次點小燒鵝，非常可口，皮夠薄，油脂豐富！最後一道蟹肉排骨糯米飯，雖然有少少鹹，但係啱我胃口！佢中午嘅蒸排骨飯，都做得很好，大家有時間可以中午去試吓！另外還吃了……焗蠔、炸鮑魚、蒜蓉粉絲蒸蟶子，當然有唔少得脆皮芝士炸龍蝦！樣樣嘢都正常好味道……買海鮮$1000 ，容龍收$2000 ，不過，我在容龍點了……半隻燒鵝、一個$500嘅蟹飯及一個炒菜，所以，差不多是來料跟加工一比一，算是合理價錢！

電話訂枱時説好訂一間房，最低消费3000元。去到给了一間房，有一台電視，二枱麻。後来因為外面有新客，職員来説我們的房是2間房，最低消费要6000元，硬要把我們房子分一半，最後我們也合作，分了一半给他們新客。差不多吃完，我們等了很久我們的清蒸北寄貝還未来，後来職員说我們没有给他們，我們是有给的。之前我們買來的8樣海鮮，我們要求職點算，但他們説不用點，立即拿走我們的海鮮到厨房，现在説我們没有给北寄貝，真是口和鼻拗，最後當然我們没有北寄貝吃，職員説他們是很均真，難道我們不均真。那個部長走來説我們没有给，又来再理論，我們不想再跟他説，口同鼻拗，最後部長説免*茶*给我們，但不是免*芥*，真取巧。我們提議他們以後交收海鮮要點数，但職員説他們從来不會這樣做，還説自己做得對。食物也是一般，太咸， 燒鹅，燒雞也不好吃太咸。 這間酒樓永不再去。完全不覺得他們是米之連餐廰之一，非常失望，原本想吃得開開心心，但一肚氣。

喺三聖買咗啲海鮮🦞拎去加工，再叫咗啲點心，最尾食埋幾款中式甜品，大滿足😘容龍喺煮理海鮮方面，確有一手👍🏼 火喉啱啱好😋 先嚟個豉椒炒聖子加煎米粉底，聖子好鮮甜，個豉椒汁好好味，用煎米粉點嚟食👍🏼👍🏼👍🏼辣酒煮花螺，唔食得太辣可以叫小辣，酒味好香😌石本酒焗蠔，味道Ok，不過我自己就覺得薑蔥好味啲⋯⋯椒鹽瀨尿蝦，好好味😋香口得嚟唔會搶曬瀨尿蝦啲鮮味👍🏼重皮蟹🦀蒸糯米飯，啲蟹羔漏咗落啲糯米飯度，不得了🤣點心就一般酒樓質素😌反而甜品推介椰皇燉鮮奶同沙翁，非常好味😋埋單我見海鮮加工每款收咗大概$120-$150⋯⋯

今日駕車專誠試下區內特別一點的早茶，經網上資訊在屯公下路近三聖牌坊有間十分出名的海鮮酒家有早茶飲，於是乎帶家中2老一同飲好茶餐廳多年都有奬攞令我喜出望外既係餐廳環境十分開揚，落地大玻璃欣賞窗外景色，令人心擴神怡3毎成人食左5個點心已經夠飽，點心每款都十分不錯，似是現場即製，食出點心的鮮味，與一般在食品廠預製然後運到食點翻熱的有明顯分別食飽可以上頂樓的天台花園口呼吸郊外的新鮮空氣，感覺成個人有充滿力量👍😄

海鮮是在三聖村買來的。這家煮得很出色，不枉此行。良好歡聚，極推薦此家!芝士澳洲龍蝦真是妙絕! 芝士燒得香酥鬆脆，龍蝦肉鮮豐厚，每啖都是美味，叫人禁不住叫好呢!台山蠔具有 “一大、二肥、三白、四嫩、五脆” 的特徵。砵酒汁剛好包住台山蠔，蠔質肥美白滑、味道鮮甜、無渣、脆口、富有彈性，必食之選!辣酒煮螺端在熱爐上，滾起後蒜辣香味撲鼻，食落不嗆喉，湯汁伴米線吃，應該都會好吃呀。椒塩鮑魚，同樣是酥香可口，小食多滋味豆豉蟶子之下，墊了煎米粉，比別家好得多。以為無咩特色的椒絲腐乳貢菜，吃下去發現腐乳都香口過人，菜身多汁，真係得呀!呢道菜到來之前，就像中場休息。可能是等了半小時吧，但無妨。美食是值得等的。良朋談天回味，很有興致呢。大家都喜歡糯米煮得軟身，仍能粒粒分明，吸收蒜蓉和肉蟹鮮味，有嚼頭，不覺肥膩。旦散酥脆，淨吃都足夠，分開糖漿、椰絲芝麻、鍊奶，隨客人喜好點吃，各有風味。最後的燉椰皇好清香，本來打算只嚐一口，吃了一口便投降，直接多來幾匙，還吃埋椰肉呢。一

三聖食海鮮首選容龍，試過幾間海鮮加工餐廳，都是容龍質素最為穩定，座位較為闊落寬敞，不過價錢相對就較貴一點點，建議可以午市去吃，加工費比晚市稍便宜。由於常光顧，容龍在屯門區來說，飲茶的點心屬於較高質素。例如腸粉、燒賣、蝦餃、叉燒餐包、鮑汁鳳爪等等，的確做得不錯！皮薄、料足！推薦👍🏻至於海鮮加工方面，推薦豉椒炒蟶子王，豉椒味道香濃，惹味，蟶子皇不會炒得過熟，爽口。第二是辣酒煮花螺，建議不能吃辣的，可以點小辣，因為會越煮越辣，酒香撲鼻，而且花螺很入味，建議可以買海鮮時買較大的東風螺，味道更佳！之後還可以點麵一起煮，麵條吸收了湯底的精華，更加好吃！第三是豉油王大蝦。緊記買蝦嘅時候要買大隻一點，大蝦走過油，外皮香脆可口，沾上豉油汁，連蝦肉都能吸收到豉油汁，非常惹味！第四是芝士焗龍蝦。這可算是他們家的招牌菜，芝士焗得相當香脆，龍蝦仍能保持鮮味，不過如果不喜歡吃太濃的芝士味，可能這道菜就不太適合了～不過都值得一試！第五是清蒸魚。通常買東星班，徵宇不會過火，而且豉油汁條配搭不會過鹹，非常鮮甜，魚上鋪上滿滿的蔥花，很好吃👍🏻還有砵酒焗蠔、奄仔蟹蒸糯米飯、海龍王湯等等，都可以一試。最後少不免吃他們家的椰皇

容龍海鮮酒家，位置比較偏遠，但成日都好旺場，每逢假日都好難book到位，點解？係囉！點解呢～睇下相會唔會知點解呢！芝士焗大蝦芝士龍蝦大家應該食得多，芝士大蝦就應該少食啦！因為要就其他人食龍蝦伊麵，大家又想食芝士，所以就咁樣食啦！芝士大蝦做得非常鬆脆，又唔會太乾，又保留到蝦既鮮味龍蝦伊麵龍蝦新鮮，基本上呢個龍蝦伊麵就一定會好好食～砵酒焗蠔我既至愛，每次嚟都一定要食必食推介呀！斑兩味 （炒球 ＆ 炆骨）一條魚兩種食法，我自己就鐘意食炆骨多啲啦～燒鵝（半隻）我都唔知點解會叫燒鵝，尚算ok，如果個皮可以脆啲的話，就好啦！