容龍海鮮酒家

營業中

休息中

全部海鮮係三聖買過嚟容龍加工😬相信好多食客都係咁做🤭芝士焗龍蝦厚厚芝士牛油鋪滿整隻龍蝦, 好香濃嘅芝士味, 外皮脆, 龍蝦肉依然彈牙, 雖然呢款係容龍馳名菜式, 但下次我會叫龍蝦清蒸, 因為我較喜歡後者嘅新鮮鮮甜😋🥰砵酒焗蠔焗蠔好香好脆好大隻, 咬落口蠔汁浸滿我個口, 非常有口感💯椒鹽瀨尿蝦好香椒鹽味, 亦食到瀨尿蝦嘅爽口彈牙鮮味🦞蒸糯米蟹飯糯米索晒d蟹汁, 再舀d蟹糕撈飯, 好正🤤🤤雖然人流多, 但侍應好有禮貌有耐性, 換碟又快 廚房速度都好快, 一定要預先訂位😬😬

今日黎到期待已久米芝蓮推介既容龍海鮮酒家, 地點系屯門青山公路19咪半, 可以由三聖邨行去或者揸車有停車場都好方便🚗頭盤點了皮蛋酸薑, 開胃岩岩好. 接著系香濃芝士牛油澳洲龍蝦真要推介,  好多好厚既芝士燒得香酥鬆脆，包住龍蝦肉, 龍蛅肉鮮味豐厚, 啖啖美味, 半隻好夠食🦞自家制掛爐燒鵝: 黎到以為一隻, 因為份量不少, 食落沒有一點羶味, 皮脆好肉香鵝肉味, 不會硬同韌🍗椒鹽鮮魷: 炸到金黃色, 外面香脆可口 , 鮮魷新鮮🦑香蒜糯米蟹飯, 糯米粒粒分明，又唔會太林,  吸收蒜蓉和肉蟹鮮味，有嚼頭，不覺肥膩大澳康生菜煲: 鮮味有鑊氣, 唔會太林🥬甜品點左原個椰皇鮮奶燉蛋白好清香，食完一啖停不了, 仲有蓮蓉西米焗布甸, 真系好香椰香, 加埋蓮蓉唔會太甜岩岩好.整體食物環境服務都不錯, 六人同行, 每人$500, 希望好快會有機會再黎, 真系大滿足.

✨香濃芝士牛油焗龍蝦係容龍嘅招牌菜 買左幾隻澳洲龍蝦試下佢芝士脆皮好厚 外脆口內偏濕 同龍蝦係分離 芝士味鹹香 但食兩啖就有啲膩龍蝦 有啲過熟 肉質差少少 但都爽彈味道鮮味 但就被芝士蓋過左 令人失望✨蒜茸粉絲蒸元貝海鮮檔叔叔推介 所左揀左蘇格蘭大元貝元貝上面只有一堆蒜茸粉絲 感覺求其只有單調蒜茸香味 冇落豉油提鮮但咁嘅調味屋企都整到 使鬼佢加工元貝 大大隻肉厚 鮮甜 爽口彈牙✨豉椒炒大蟶子豉椒味道幾香濃 炒得偏濕蟶子 輕微過熟 但都鮮甜爽脆 ✨薑蔥鮑魚煲上枱令人嘩一聲 唔係呀嘛🙄薑蔥少得可憐連最基本嘅配料都唔捨得落唔知最近薑蔥係咪好貴呢🤔幾乎食唔到有薑蔥香味 又冇煲氣😅大連鮑 大大隻 爽滑彈牙✨豉油王乾煎大蝦揀左大草蝦 因為當日海蝦冇乜選擇😂豉油王唔夠香 冇乜鮮味 味道亦唔夠勻食咗幾隻都唔同味有啲淡啲有啲濃味啲大草蝦 偏細隻鮮味唔算突出 都算爽甜✨清蒸海斑少人食魚 揀左條細杉斑清蒸只係放咗一堆蔥絲喺條魚上面蒸魚豉油少得可憐 完全冇提鮮作用清蒸都做到咁 真係令人無言杉斑 肉質都嫩滑 但感覺比較削個人就比較鍾意啲實淨口感嘅斑✨菠蘿咕嚕肉咕嚕肉酸甜味適中 肉質都可以 正常水平✨什菜煲加咗啲

父親節快樂🎉我請2️⃣位父親爸爸老爺食飯一行6️⃣人先到三聖海鮮市場買海鮮再到容龍加工招牌芝士焗龍蝦 必食推介鼓椒聖子 米粉底辣酒煮花螺象拔蚌二身 椰皇燉蛋白 必食推介金銀蛋菜蟹🦀️肉伊麪📍服務✅1️⃣0️⃣0️⃣分📍待應換碟快 廚房上菜快📍必食推介好味😋 芝士焗龍蝦 砵酒焗蠔📍雖然全場爆滿 但預先訂位 及電話跟進Confirm booking 0等候入座時間 📍父親節另有一席12位/6位半席套餐選擇 及米芝蓮套餐選擇

容龍是由小到大都有去進餐的酒家,在它改動前身更多招牌美食。自改建後也時常來容龍飲茶,可是就常遇到水準欠穩定的點心和食品。由去年中至今年六月來飲茶多次都發覺點心時好時壞,水準不一。年初時点心都精緻新鮮,生炒糯米飯炒得不油膩米又夠鬆軟臘味又好味!誰知兩個月後再食,糯米質差了,黏稠一起口感不好!同一点心一時好吃一時又難吃,過去未有作批評因期望它有改善!今天去飲茶,沙律明蝦角不但不脆口,皮且又厚又係番"釘"的,很難吃!叉燒瀨粉的叉燒肉是霉的,醃料味又怪,得個甜字,全顯不出叉燒的香肉味!黑椒牛肚質素也差,牛肚除不夠爽軟外,部位也非全肚位又太咸,燒賣賣相普通、肉不香又死實連冬菇都沒一粒,以其收費及聲名毫不乎合,的確要有很大改善!當場反映給當值經理,幸好反應正面,希望下次再去真可有改善吧!

今日全院滿座，啲侍應好多甩漏，可能人手應付唔黎，平日黎應該好啲啲海鮮係三聖買黎呢到加工，所以淨係講加工嘅味叉燒（例牌）好多湯汁浸住，少左炭火香，但好腍係好食嘅聖子王：鼓椒粉煎米粉底鼓椒汁偏甜，吊起聖子王嘅鮮甜味剛剛好，但個米粉底太厚，好似厚底pizza咁好粉，一啲都唔香脆。唔推薦米粉底龍蝦上湯伊麵：伊麵彈牙，上湯好淡味，吊唔起龍蝦鮮甜味豆腐竹笙煲：入邊咩都有好豐富，但冇咩特別，好清淡，竹笙煮到冇曬索索聲嘅口感西檸雞（半隻）：個侍應問我地要半隻定一隻個陣都呆左，平時唔係例牌上咩😂跟住要左半隻，好驚好似白切雞咁有骨，好彩係去左骨的。呢個係上碟個樣未掂過。個汁有檸檬香，但超級厚粉，肉質都好粉，唔推薦蒸魚：蒸得岩岩好，滿分💯辣酒煮花螺：食落冇酒味都冇辣味😂但撈啲辣椒碎上黎食又好鬼香口😂 應該係個汁太多溝到好淡😂蒜蓉開邊蒸琵琶蝦：蒜蓉好香👍🏻金銀蛋上湯莧菜： 就係金銀蛋上湯咁嘅味送嘅蓮子紅豆沙：好有陳皮味，蓮子紅豆煮到起沙，為成餐飯畫下完美嘅句號

一行九人前往期待已久的容龍食海鮮，先在關財記買海鮮，接着往容龍加工。蒜蓉粉絲蒸扇貝十分惹味，扇貝蒸得剛剛好。芝士中蝦，本人覺得比用龍虾更好，脆得連殼也可吃。豉椒蟶子配煎米粉底，蟶子鮮甜，煎米粉配上豉椒汁更是一絕。砵酒焗蠔本人至愛，蠔面帶脆而不乾身，內裡還很juicy。原條紅燒班尾，肉嫩多汁，班皮更是不吃不可。籠仔糯米蒸蟹，糯米吸收了蟹糕蟹汁，美味非常。在容龍還點了其他小菜~古法鹽焗雞，皮帶小脆，肉嫩多汁，不會過老過咸。沙律煙鯧魚，鯧魚帶有點點煙燻味，肉滑，配上新鮮生果沙律，正。菠蘿咕嚕肉，啖啖肉配上鮮菠蘿，肉炸得剛好，仍保存肉汁唔乾。焗豬扒飯絕對係驚喜，不比西餐廳遜色，值得一試。椰皇燉蛋白和紅豆沙兩款甜品，為這餐晚飯劃上完美句號。侍應親切有禮，服務，食物，環境很好，不愧為米芝蓮餐廳。

一行四人在黃昏時分，即興前往屯鬥容龍酒樓晚膳，今次不在三聖村海鮮街購買海鮮而直接前後容龍酒樓了。隨意選了香濃芝士牛油焗龍蝦~皮脆肉嫩；大海班二食： 菜遠炒魚球~新鮮嫩滑啖啖肉， 清蒸班頭腩，鮮甜可口，有嚼感；特色黑胡椒炒辣蟹：味道仿似印尼醬汁，有些辣很惹味；椒鹽鮮魷：香口不過如果可以炸脆些更佳；最後享受了一盅暖笠笠的椰皇燉蛋來完結這顿家庭聚餐。

星期日去容龍飲茶, 4位大人+ 兩位2歲小朋友. 入座時, 侍應帶咗我哋去一張4人枱, 基於有兩部BB車, 跟本就無法迫在一張4人枱, 所以我就要求換張大枱.  隨即, 侍應就安排咗一張12人枱給我.   當時肯定帶位的侍應知道我們只有六人（包括小朋友）結帳時, 因我趕時間離開, 所以就自行去收銀處埋單, 當時我沒有查看單據, 信用卡付款之後, 要求打印單據保留之用.去完洗手間之後, 看一看張單竟然收咗12位茶錢.  同我哋嘅人數有極大出入；我對收銀員查過究竟, 收銀員解說就話侍應開位時入錯機, 我當時沒有疑惑，後來回家之後想想，平時茶位數量通常由侍應填寫，並沒有入機之說。我懷疑，他們經常藉着客戶沒有複查收據，隨意將金額加大。當客人發現時，藉口說出錯。作為一間米芝蓮推介的餐廳, 竟然可以任意收取客人茶錢, 十分令人失望.  我非常懷疑他們經常作這樣的行為。這次經歷, 提醒大家日後結帳時, 一定要睇清楚張單, 以免又被收錯錢。因為發生這件事件我在OpenRice搜查一下，發現加工海鮮的餐廳，會將海鮮的重量加大，從而增加油水錢。

到三聖村欣賞黃昏夕陽的景色，吹吹海風，再到海鮮檔即場揀選海鮮，練習議價能力，然後5分鐘車程再到附近有免費車位的容龍海鮮酒家來個海鮮餐，過一個滿足寫意的晚上。海鮮做法很多，視乎個人口味，建議考慮菜式有辣酒煮花螺、蒜蓉粉絲蒸扇貝、黑胡椒蟹、豉椒炒蜆、豉椒蟶子煎米粉底，如果海鮮檔有送湯料可以來個豆腐海鮮湯，而芝士焗龍蝦、煙鯧魚、燒鴨和砵酒焗牛柳等經典菜也是必叫之選，如果不怕肚太撐，不妨試試這裡的椰皇燉奶，作為飯後甜品來個大滿足！

我第一次留言。 都係因為其實覺唔太唔合理。今晚食飯食到成肚氣。 明明食物中發現有曱甴。草草了事， 拎走左。 原本都冇咁嬲，只係埋單果時， 仲要同我計數。 雖然我冇即時call 食環， 但都唔係過左海有算。 仲話返我轉頭。 好彩有影相。 明明食物有問題， 錯不在客人先。 一個半個餸， 其實我ok . 但我想食得舒舒服服開開心心， 而唔係俾錢食飯仲要俾人串。 公道說話， 平心而論食物味道質素的確唔差， 而且有車位泊。 但咁樣既酒樓， 你食埋我果份。

話說上次朋友介紹來食海鮮，不停介紹呢度啲點心都唔錯，難得今日即興來食，仲可以有免費泊車，當然一定要試吓啦！一坐低服務員態度非常友善並且會問你要唔要留椰皇？既然咁搶手，梗係要試吓啦。因為我冇食早餐嘅關係， 第一碟嚟到嘅叉燒腸粉，皮薄，好大粒嘅叉燒，擠滿在腸粉皮內，朋友因為食咗早餐唔算肚餓，所以我一個人食咗五件確實好好味！跟住嚟到嘅就係黑椒牛肚，賣相不錯，但份量少咗一啲，只得四片。跟住嚟咗半隻吊燒雞，完全好入味，唔需要點旁邊嘅豉油！平時唔食雞皮嘅我，都都忍唔住食咗兩塊確實好脆！原來佢哋係用新鮮雞來整的，難怪特別好味！跟住蝦餃，好大粒，蝦也好新鮮！到最後當然要食椰皇燉蛋白，佢嘅椰肉，竟然好輕易就吃到，平時要好用力才鏟到出嚟食，蛋白夠嫩滑，食咗我都覺得好似皮膚即刻白滑咗咁！

一家人食飯好多時都會入三聖邨買海鮮，然後入容龍加工 因為佢加工收得比較平 都會揸車入去一家人聚一聚同行10個人叫咗好多海鮮比較特別嘅，就係芝士蝦 隻蝦開邊，然後再放芝士係面再拎去炸 炸到脆卜卜有芝士嘅香味豉椒炒蟶子底下係米粉煎到脆 連埋豉椒汁 蟶子好肥滿椒鹽鮑魚就一般般清蒸會比較好食蝴蝶蚌，因為係鹽水浸好食到佢嗰個海鮮本身嘅鮮甜味椰皇燉蛋白 呢個甜品唔會話好甜 蛋白有椰皇嘅清甜味酒樓如果買海鮮去加工嘅話都會好貴 呢度加工費唔算貴，而且又近 海鮮都算新鮮 如果大家想食嘅話都可以嚟 屯門就揸車會比較近

今日做節，屋企人專登一早就預訂號枱。諗住嚟食一餐趁多人可以試多啲嘢食。我都係第一次嚟，原來都方便，不過就要上一條小斜路。這裏可以架車有泊車位。走過一條小斜路，有些紅色燈籠寫着容龍。人頭湧湧，可能因為疫情轉好，同埋放寬咗，好多人出嚟食飯。差唔多全場爆滿，仲有公司包場添。好行貨的想講，這裏每道菜色都覺好味，各有特色。叉燒肥瘦適中，燒鵝香口最欣賞是芝士焗龍蝦，不似其他酒樓出邊食的拉絲芝士龍蝦，佢係脆皮龍蝦，雖然龍蝦肉同芝士好似分開咁，不過我又覺得幾特別，因為喺其他地方未食過這樣的芝士龍蝦。辣酒煮花螺，個酒好香濃，好惹味特別。砵酒焗生蠔，蠔新鮮肥美，揭開時仍然聞倒酒味。蟹糯米飯糯米飯都好鮮味。叫咗一個素菜豆腐俾小朋友食，豆腐煎得外脆內軟，果然有水準。而服務員亦禮貌殷切，我地叫店員幫手時，店員就算唔得閒，不是叫我們叫第二個，而是幫我哋叫另外一個服務員過嚟幫手。難怪得到米芝蓮多年嘅美譽。

之前食過晚飯，所以今次專登嚟飲茶。星期日開9:00 ，唔知需唔需要搵位，所以一早過嚟，都唔算太多人。店員還未食飯，而我就自己入去搵位，所以揀到窗邊位置，可以看下景色。但可惜因為陽光太刺眼啦，所以之後要求落窗簾借光。第一次嚟，聽到其他要求轉酸蕎頭，所以有樣學樣，亦要求將花生小食轉左酸蕎頭，而家好少地方有得食。而且啲酸蕎頭都幾好味。食咗叉燒腸粉，奶皇包，鳳爪排骨蒸飯，蝦餃，燒賣，釀茄子，椰皇燉鮮奶，花膠雞扎。比較欣賞的食物：- 釀茄子，xo 醬香，茄子內軟外脆- 蝦餃大大隻- 椰皇燉鮮奶香滑，椰子可以刮出來食，難怪店員都問要否預留椰皇稍後食。難怪是酒樓的熱門食品。-叉燒腸粉亦美味，好多叉燒喺裏面。稍嫌花膠雞扎蒸煮太耐，蟹柳太林奶黃包和鳳爪排骨蒸飯有啲失望，冇乜特別而且呢度好多款茶可以揀，原來有菊普，好少喺其他地方飲到。環境舒適，食完嘢之後可以上樓上嘅空中花園，有有個亭同埋炮，可以影吓相打吓卡。試過晚飯再過嚟飲茶之後，都係鍾意晚飯小菜多啲。