容龍海鮮酒家

營業中

休息中

米芝蓮级食肆水平可靠無所置疑, 疫症第五波期中留家抗疲, 成了食物外賣達人, 今天見情況改善決定到外面食一餐🤗選定這老品牌食店, 二人一枱, 我和太座人被安排在一張八人大枱, 枱與枱距足夠👍本想吃點心但太座有好建議, 先吃店長名菜之一“香濃芝士牛油焗龍蝦”, 一隻龍蝦開邊, 上枱時熱氣騰騰,味道恰好, 肉畧韌口,可以改進, 但用料好, 亦水準之作😋😋在菜單國際美食部份見到“焗豬扒飯”, 决定作主食, 豬扒爽口彈牙, 醬汁鮮茄量足, 绝非茄膏作品, 味鮮而不過酸, 全無醋味, 炒飯底熱香而不膩, 超水準之作😋😋主食後已有飽意但亦追加了“蓮蓉西米焗布甸”這出色甜品, 熱度夠甜味恰好, 西米布甸滑, 亦是佳作😋😋

容龍酒家在1939年開業 是五六十年代粵語片拍攝的熱門地方 當年的明星必去之處 現今更可以自來海鮮加工 今天的目標本是去屯門飲茶 途中突發奇想改了去容龍 幸好時間尚早 不用等位 店內樓底很多 裝修是傳統格式 服務員態度普通 點心價錢和名氣成正比 可以接受 6款點心中 最好味是XO醬煎蘿蔔糕 顔色雖淺 XO醬味香而不鹹 糕很軟而不散臘腸卷 皮和臘腸都很鬆軟 油香豐富瑤柱菜苗餃 不過不失原個椰皇鮮奶燉蛋白 好味 只是椰皇不夠嫩 椰肉很難刮鳳爪蒸排骨 排骨很鞋口 最差是花膠瑤柱灌湯餃 餡料的肉很硬 湯是味精湯綜合所有 似乎名過於實 可能點心方面較弱 但想不到埋單時還要收20元停車管理費呢

又係去遊車河搵食，免費泊車，呢個位好近三聖，一上到去就知道好有歷史價值，以前係別墅。其實佢出名係海鮮，可以買去煮。今次淨係叫點心。燒鵝瀨粉，燒鵝好好味，皮脆肉嫩，好香，瀨粉就麻麻哋，下次可以淨燒鵝或者叫另一類麵。椰皇燉鮮奶係有個姐姐推車極力推介，真係好味，好香椰皇味，唔太甜，贊。莎翁球就唔係我想像中咁外脆內軟，唔知係咪以前就係咁。其他點心都唔差，同埋都大件，又熱辣辣。

幫襯呢間容龍已經好多次... 次次都係自己買海鮮去加工... 呢度d加工費唔貴... 煮出嚟又好食... 所以好受歡迎!👏👏👏去容龍... 我一定會食【芝士焗龍蝦】... 超級香濃嘅牛油味、芝士味勁吸引... 而且龍蝦又夠彈牙... 冇過火... 極之推介呀!👍👍👍

星期六日帶埋小朋友就當然要搵活動👶去完黃金海岸沙灘玩咗一大輪🥵身水身汗，又唔想去酒店食🍽️家人又十分之喜歡飲茶🍵忽然間就諗起容龍酒家呢間係一間傳統嘅酒樓開左好多年又有咁上下歷史嘅自然都有啲質素保證， 食過幾次都冇令我哋失望有次飲茶食燒鵝瀨仲比咗一對燒鵝髀係一對，姐係＝一孖＝兩隻咁多！！！食燒鵝瀨食到燒鵝髀，仲要打孖上嗰種開心興奮可想而知，仲要係普通價錢50蚊到❤️❤️❤️ 從此對佢印象就十分之好啦加上揸車有得泊，一家大細馬上開車上去。今次 特別要講下兩個點心 首先講沙翁而家除咗去一啲餅舖之外基本上都冇乜地方有得食 喺茶樓叫到新鮮炸，我都係第一次試幾乎係要用搶，因為人人都想要食落蛋香味好濃 糖粉充足 食落去暖粒粒，真係炸起無耐大小朋友都搶住食再來要講個鮑汁鳳爪🐔🦵好多茶樓都有，但呢度算係食過數二最好味，首先啲鳳爪夠大隻炆既火喉剛剛好 淋得來仲有啲爽而又唔會完全變漿 個鮑魚鹵水汁先係靈魂同精髓花生入曬味鳳爪既膠質＋軟骨嘅爽脆＋鮑汁嘅鮮味＋ 鹵水嘅香氣＋再加埋吸曬所有精華嘅爽口花生除左碗底啲花椒八角同埋個汁之外我哋都清曬🏆

今日有同事升職請食飯 當然要豪下食返餐好嘅 山長水遠搭的士入嚟食 朋友同相熟嘅海鮮檔買定海鮮 海鮮東主直接拎黎餐廳加工 今晚食咗好多海鮮 最難忘嘅係蟶子皇 上湯龍蝦 膏蟹蒜蓉糯米飯 聖子超級大隻 爽滑鮮甜 同街市一般貨色冇得比 上湯龍蝦啖啖肉 而最特別嘅係膏蟹蒜蓉糯米飯 呢個配搭我喺出邊未食過 蟹膏溝少少蒜蓉糯米一齊食 超正 冬天嘅蟹亦都非常肥滿 辣酒煮花螺都好鮮甜小菜都值得一讚～ 乳鴿香脆多汁 咕嚕肉 炸魷魚等等都做得好好 甜品椰皇燉鮮奶都好正～！不愧我哋咁多人答咗幾百蚊的士入嚟食

Expected a Michelin experience, pricy but food worthy of the price but got something not even as good as a typical housing estate restaurant. The environment was nice and the setting was fine. The staff was reasonably friendly even though the way some of them talked very loudly with each other or even yelled across the room to each other was not expected at this class of restaurant.  Overall a decent experience but not worth the price.

今天一行六人相約在容龍海鮮酒樓午膳，先選擇點心飽飽肚：招牌蝦餃皇，鮑汁炆鳳爪，薑汁雞包仔，潮州粉果，韭黃鮮蝦腸粉，各樣點心都很惹味。再來過蔥油海蜇，爽口彈牙。香濃芝士牛油焗龍蝦，香脆可口，芝士牛油味香濃，龍蝦爽口彈牙。炭燒叉燒，大大舊有嚼感。三斤石班魚兩味～菜遠炒石班球，鮮嫩肉滑有咬感配了菜心減輕了肥膩；香噴噴的紅炆班頭腩，炸得香脆可口，有咬感。熱騰騰的原個椰皇鮮奶燉蛋來了，很嫩滑清甜，非常潤肺。

一年多未有到臨這米芝蓮食府，今日相约老朋友在此一聚😀十一時半入座已見半滿座，果然名不虛存，先吃了一輪點心，水準不錯，唯獨人手可改善，茶水補充及换碟水平欠妥善🙄一直錯解客人需先自購海鮮交酒楼代加工，原來客人可選此店成名海鲜菜，酒楼即可代客買海鲜👍🏼👍🏼即場試了香濃芝士牛油焗龍蝦芝士牛油味配合適宜，龍蝦 熱氣騰騰，好吸引，但略嫌火候過老，肉質趨硬一點😋大班二味-菜遠炒班球，紅炆斑頭腩，餐牌寫約三斤重，亦相當到位，菜遠爽脆適度， 軟硬恰到好處，有口感， 石斑塊味鮮彈牙有咬口，個人更偏愛炆頭腩，份量充足，味道香濃，但油份畧重😋甜品原個椰皇鮮奶燉蛋，香而不過甜，滑溜無比，就此完结了這頓美味午餐👍🏼👍🏼

Farewell 第二餐～～😍😍😘😋千里遙遙攞海鮮入屯門容龍酒家食都值得！非常極之好味😋😋！龍蝦製作得巧出色！加上我不吃白色野嘅燉椰皇🥥🥥都食得津津有味！我地叫左個小食～炸茄子🍆🍆班球炒麵脆卜卜！全部菜式熱辣辣出場！一個字"掂"🤤🤤👍👍環境方面～坐得好舒服丶好寬敞！我平日去見到酒家已坐得滿滿～～大部份都自己買海鮮去加工！加工費一D都吾貴！今晚farewell 晚餐超滿足丶超豐富！有機會一定再去食！

今次特登渣車入嚟容龍海鮮酒家飲茶🦞叫咗⁃原個椰皇鮮奶燉蛋白 $58 - 必食推介！啲鮮奶蛋白好重椰皇味😋 好抵食！不過一係就兩個人share一個，一係唔好叫咁多嘢😂⁃香濃芝士牛油焗龍蝦🦞 $340 - 同平時食嘅焗龍蝦唔同，佢嗰面係脆嘅，食落唔會覺得油膩/口感heavy，總括嚟講好食，不過無上次咁好食😂 ⁃沙律明蝦角 $55 - 有3粒，呢一個係今日最唔好食嘅，真心有啲失望🙍⁃帶子燒賣 $60 - 都係必食推介之一，有4粒，啲肉好爽口，絕對係誠意之作！⁃原籠馬拉糕 $38 - 麻麻地，食落無乜味😕⁃蜜汁叉燒腸粉 $40 - 都係必食！腸粉皮好滑，配搭返自己中意嘅餡料⁃焗蜜味叉燒餐包 $34 - 嚟到熱辣辣，好食，但唔特出，麵包皮唔夠口感⁃蓮蓉西米焗布甸 $38 - 唔係好多地方有得食嘅甜品，絕對係誠意之作！中意食甜品嘅要叫，但我諗兩嗰人都未必食得哂😂⁃花生奶油蛋散 $36 - 佢唔係話做得好出色，但係真係好抵食，我都建議你嗌😂 你可以自己決定放糖、椰絲定煉奶 總括嚟講，其實5個人埋單都唔洗$1200，都算抵食🥰 渣開車嘅朋友值得嚟試下💁🏻‍♀️

同朋友午餐，入面地方好闊落，侍應們亦都好有禮貌。招牌蝦餃皇其中一個重點❤超鐘意食蝦餃，呢到既蝦餃好滿意，皮薄餡靚，蝦肉爽口又夠味👍🏻👍🏻👍🏻仲要有2舊西蘭花點綴，即刻靚哂🤣金牌流沙包外表光滑，習慣吃包會去皮既我，可以好輕易一野就成塊met到出黎，流沙度同餡料既味道都剛好👍🏻，只系包既部份稍為有d漿口。秘製砵酒焗進口生蠔個個都推薦當然要一試🔥🔥超好食，外面仲有d脆，蠔肉大隻又香口👍🏻👍🏻👍🏻豉椒炒蟶子超鮮甜又大隻既蟶子王，好味既，但冇鑊氣，似就咁淋個汁炒2野咁。香濃芝士牛油焗龍蝦超飽滿，一上枱已經好吸晴，面頭個層漿超香蛋味，成隻龍蝦都好厚肉，但一d都唔會un/痴牙👍🏻焗得真系剛剛好❤❤❤都系一個必試既名單。👉🏻一人半隻已經夠🤭椰皇燉鮮奶蛋白一打開個蓋已經好香椰子味😍 個蛋白竟然系有加椰汁去做，啖啖都系椰香，雖然唔系話超級滑，但都絕對要試🤣太香👍🏻

近排得閒寫返之前食評，一段時間冇黎食海鮮，今日特登一家大細嚟到屯門食，叫咗條大魚大龍蝦，由於限聚要分兩張枱，所以食物都分開兩邊，龍蝦整得非常好食，好鮮好味，但係最推介係條魚，大龍躉啖啖肉，非常推介

在灣仔做完運動，與相公正商量去那裡午膳，大家也想起很久沒探訪在屯門青山公路的一間名食店，剛巧遇上 962巴士在埋站便立刻上車了，回想當年每當朋友生日都在這裡吃生日飯，羅漢請觀音，真開心，自己買海鮮上去酒樓只收烹調費，但今午只有我兩伙子上去，沒有買海鮮只得在酒樓看菜單點菜罷。來了一籠百花釀魚肚，魚肚和蝦膠又爽又滑。以往慣例點菠蘿咕嚕肉，沒有退步仍然如此的酸酸甜甜及脆口。第一次在這裡點海鮮，一碟菜遠班片炒麵，魚很新鮮，麵又脆又好味。今次也是第一次嘗廚師的焗蓮蓉西米布甸，不錯呀！很熱很滑卻不太甜。

容龍酒家是一所開業半世紀的酒家，環境清幽，樓底非常之高，每張枱相隔甚遠，除了是防疫外，還是替顧客預留足夠空間，是朋友聚餐的好去處。瑤柱菜苗餃 餃皮薄薄的，內裡的菜苗仍是翠綠很鮮味。山竹牛肉球大大粒，彈牙嫩滑，不錯。帶子燒賣賣相吸引，有嚼口。砵酒焗生蠔 將生蠔煎至金黃再加入砵酒置於錫紙中一起焗。上桌時，一𠝹開錫紙，酒味香濃，生蠔入口鮮甜，雖然是用進口生蠔，做得很好味。上湯開邊焗龍蝦伊麵底 我們叫了兩隻開邊上，龍蝦非常鮮甜，肉質爽脆，用刀叉慢慢品嚐，簡單的做法，完全帶出龍蝦的鮮美。預先留了熱賣的椰皇鮮奶蛋白，每一匙蛋白也充滿著椰味，嫩滑滋養好味，一定不可以錯過。