容記小菜王

營業中

休息中

容記小菜王，之前都聽過呢個名，不過未有機會試，趁有朋友生日，就黎試一試。訂咗位，到咗都仲要等多等，因為我地一行十幾人，咁大型嘅枱返枱要時間。坐底後馬上望下個 menu，發現好多小菜嘅名都好有特色，例如：容哥第一咀，揚名國際燒肉，洗衣機蒜香骨等 D員工都好友善，知我地第一次過去試，都介紹咗好幾個小菜比我地，又唔介意我地慢慢睇有咩食 餸菜/湯嘅份量都好足。上菜快手，湯會幫我地分好，見我地有幾個飲完仲會幫忙再添，好貼心

以前細個成日尼食燒腩仔但今次黎食番覺得已經失去左以前嘅好食又唔可以講係差但係唔值得我專登入太子食聽過好似話轉左手 已經唔係以前拎過米之蓮嘅老闆坐陣咁都真係無辦法嘅

今天14/02/2018一家4口在太子容記食飯。當天在8:00入座，叫了幾個餸，5分鐘後來了一碟雞。之後等了超過30分鐘，依然未有其他食物奉上，小朋友餓了30分鐘，我們已經投訢了3次，依然未有食物奉上。直至等到9:15分才再有第2碟餸奉上，而且仲要再到9點45分才有第三碟餸奉上。我從未試過會有如此情況。

久聞盛名今日方能安排一家往享用。龍蝦雖然是一份上，但帶肉的件數起碼有7-8件。其他碟頭份量充足，$148的燉湯足10人每人一碗,味道清甜。11人11菜完全清碟👍👍

是日幫忙打點友人的婚宴, 累得很也很肚餓, 晚上隨意地來到容記小菜王. Bookmark 了這間餐廳很久了, 終於有機會品嚐! 週日晚上八時正到達, 店內已經九成滿, 真旺場! 餐廳地方很大, 光猛企理, 感覺不錯. 看看menu, 很多招牌菜呢! 人不多, 最後只點選兩款: 招牌沙拉骨(HK$86), 家鄉秘製扣肉(細)(HK$168). 招牌沙拉骨, 賣相討好. 試一口, 沙拉骨夠淋軟, 醬汁調配得剛剛好, 酸酸甜甜, 很開胃, 加上沙律醬的甜美, 簡單而美味. 家鄉秘製扣肉, 哈哈, 其賣相, 啡啡黑黑般, 不能稱上很吸引吧? 試一口, 扣肉炆得算淋身, 肥膏位置挺甘香, 味道沒有過鹹, 加上梅菜的甜香, 算是不錯. 吃飽飽, 終於有點力氣了.

容記小炒王，個名就聽得多啦，但係食就真係第一次。本來一心諗住黎食個市招炒聖子，但係好可惜聖子已經賣晒。好失望😞乳豬皮脆肉嫩，入口鬆脆，豬身偏大吾似乳豬，似中豬。脂肪較多，比較多油，感覺食一兩件已經好膩。呢隻雞平平無奇，一般貨色。同街市買嘅冇兩樣。因為套餐嘅關係所以叫咗貴妃旁，本來套餐叫咗乳豬可以有好多選擇，但係佢話已經只係剩返貴妃旁可以選擇，在別無他選的情況之下所以叫咗貴妃旁。貴妃旁算新鮮，但可惜唔夠肥美，而且食落口有少少沙，體積偏西，而且好似唔夠鹹。

昨晚與家人到容記食晚飯,實在覺得太差,所以不得不寫這段食評。這是第ㄧ次到新店堂食,以前在深水埗舊舖經常晚飯或外賣,自己最喜歡的是馳名燒腩仔,所以今次専登同媽媽去試試。但昨晚的燒腩仔水準非常差,不熱,不脆,還淡而無味,其他菜式亦不見得好很多,非常失望,真的新不如舊,沒有下次了!

食物好與否，大家心照是不差～ OpenRice 關門時間寫了是 03:00，我打電話去也告訴我收 02:00，我們二人帶了一支紅酒，20:30 到、21:00 到菜（細燒肉、小炒王）開始吃飯飲酒、21:45 再點個炸蝦餅，22:30 開始趕我哋走、23:15 收餐具還大力敲碗、發出巨響（我們的酒，還有兩杯），強調場內還有其他四張枱（有三枱係宵夜客），我不認為，我們有阻礙他們收工之嫌，不明白他們這樣的態度為何事？！我去哩度吃飯，好大原因是不收開瓶、坐得舒服、收得夜、食物也 Ok，如果唔係，根本食物又不是非吃不可的好味（新舖，始終比舊舖遜色），這樣未夠十點半（星期六），已想趕客，太子、深水埗，也大把選擇，算罷啦你～（還違反消防外加走廊枱）

今晚親戚嚟自澳洲住喺太子附近啲酒店。 坐咁耐飛機梗係冇咩好食啦。 就帶佢哋去搵嘢食， 行過見到呢間容記就入咗去試下啦。 我都係第一次去 。宵夜小炒唔錯。幾好味。我地8個人叫咗一鍋菜幹豬肺湯，椒絲味菜鵝腸，半隻燒鵝，魚香 茄子煲 ， 椒鹽九肚魚， 南乳羅漢齋煲， 豉椒炒蜆仲有碟菜 。 碟碟餸都炒得好有鑊氣 。 出餐都幾快 。$1000有找，價錢合理。 因為我哋九 點後入席一律八折。 坐得舒服環境乾淨。 啲侍應係咁sell你食海鮮。會在去食。

昨晚一行11人已訂枱，可惜去到還是要比原先訂枱時間等了一個多小時🤦🏻‍♀️我都唔知訂枱黎做乜?服務差搭𨋢上到去😡未坐低已經問你嗌咩餸又推介你食＄980唔知乜斑套餐2味係咁叫你食海鮮老實講要食海鮮都唔嚟佢呢度啦一開口就話出名嘅燒肉話賣晒我明明訂枱時留咗個大燒肉，佢睇完我張卡之後就話有，之後我哋開始點餸，嗌咗個鐵板茄子漏單我哋都費事再追每碟都叫我地加大，我哋話想叫多啲款式所以唔想加大我哋落咗個天下第一嘴佢話正常Size我哋11個人有2個係小朋友佢話我哋每人分得兩粒會唔夠食好啦我哋聽夥計佢講加大到碟野上到枱都嚇死我地，大碟成咁覺得有啲呃人成份講真味道真係好一般同其他酒樓一樣完全唔同舊店極之失望一定唔會再去服務極差

每次去太子都會見到容記個大招牌 每次經過都好多客人排隊等位 但一直都無上去試下今次一於帶d朋友去試下究竟有幾好味今日我地大概7點左右到 門口唔係太多人排隊等位 而且我地大去boom左位 所以好快就坐低上到餐廳 人山人海 全部都坐滿人 好熱鬧！我地一共四個人 叫左4送一湯！第一個上既當然係湯 今日係沙參玉竹湯 好夠火候 而且材料十足 湯渣都可以當一個送！沒人有大概3-4碗湯 好好味容記最出名既燒肉 黎到一定要食 皮十分香脆 肥瘦分佈均勻食落唔會肥膩小炒皇材料豐富 有韭菜 蝦仁 魷魚 腰果等 炒得干身且有鑊氣另外仲有個招牌沙拉骨之後還有個蝦餅 彈牙香口值得再食！

記得好耐之前同朋友傾計，講起鐘意食邊一個國家的菜式，我毫不猶豫地選擇了中國菜。朋友們紛紛表示認同，更認為多種菜式之中，中國菜可數是最難學成的，也就是最難煮得好吃。淨是烹調技法已經有煎、炒、煮、炸、蒸、燉、燜、燒、燴等十多種，烹調過程中講究火侯，更別說刀法和調味。容記小菜王曾在深水埗札根，還記得它結業之前我更特意走到去朝聖，果真是一試難忘。如今太子有新店，當然又要好好品嚐，重溫滋味。燒味是廣東人的至愛，一般吃中茶自然唔少得，由其是燒鵝，要做得好味，燒的過程是非常講究。工夫未到家的，就會燒得不均勻，過於乾身，破壞肉質。脆皮燒鵝皇 ($98)容記小菜王的脆皮燒鵝皇的確不俗，表皮光滑油亮，色澤一致，燒過後的鵝皮能完整，沒有下塌，輕輕咬下去，皮脆而骨香，鵝皮、鵝肉、鵝骨都緊緊相連，入口即離，證明受熱均勻，沒有過乾的情況，鵝香味突出，鵝肉挺有彈性，肥而不膩，口感緊緻而嫩滑。容哥第一嘴 ($68)容哥第一嘴原來就是椒鹽墨魚咀，墨魚咀不大也不少，一口吃下去剛剛好，薄薄的脆漿緊緊包住墨魚咀，金黃、甘香又酥脆，炸得很乾身，沒有過多的油，鹹香的椒鹽輕輕地撒在黃金戰衣上，調味恰到好處，內裹的墨魚咀爽脆彈牙，入

今日遲到, 攪到女王要等左我半小時。實在罪該萬死, 好彩有容記小菜王幫我補補飛!容記小菜王係深水埗的老店係人都識, 大K也是容記的常客。 只是深水埗的老店, 比較舊, 裝修也是比較簡單, 單純係用食物質素取勝, 容記小菜王絕對是小菜界的實力派王者。太子新開左間容記小菜王, 可能未有好多人食過。地方方便左, 大K又多個落腳點。新小菜王保持食物質素, 也升級全新裝修, 已經成為一個新太子小菜地標。得罪女王當然要付上美麗的食物來請罪。首先係足料燉湯, 嘩, 好多湯料。厚厚濃郁的雞湯。飲3~5碗多多都唔夠飲, 飲一啖暖烘烘的燉雞湯, 成身有一種輕飄飄的滿足感。清澈金黃的顏色, 視覺爆燈。只可以說一句: Yes, I do!再來是招牌作品,  揚名國際燒肉。美中不足是大K 遲到,  燒肉已經放到凍左。大家要襯熱食呀! 不過, 雖然大K食的時候已經凍左, 但依然不失霸氣。脆卜卜的。仲有引起大K 注意的是第一嘴, 咩來呀? 原來是墨魚嘴。香炸而成, 又係脆卜卜的! 嘩, 大K 的反應係: 一定好好的慢慢品嚐, 不要浪費咁多小生命為我們的一道菜曾經活過。

容記小菜王在太子開張都一段時間了，每次由太子回家都必定會經過。容記小菜王位處馬路十字路口，加上搶眼的霓虹燈招牌及廣告板，位置非常奪目。 燒肉 $78已切開粒粒麻雀般形狀，感覺整齊美觀。入口時依然是暖的，皮十分香脆，肉質軟腍有肉香。脂肪比例平均，不是集中的大肥膏，而是分怖均勻，吃上來不覺肥膩。芥末醬亦出色，辛辣味道溫和，不會太嗆喉及蓋過肉香。容哥第一嘴 $68椒鹽炸魷魚咀，上枱依然熱辣辣，外層炸得鬆脆不厚粉，魷魚咀彈牙軟腍不韌，舖上金黃炸蒜碎，更香口惹味。容記鐵板原條茄子 $86本身不愛吃茄子，朋友一看到餐牌就說要嚐，就吃一點點吧！鐵板上枱熱辣辣，打開包著茄子的錫紙，香味立刻撲鼻而來。茄子軟腍入味，饟入茄子中的蝦滑鮮甜軟彈，不愛吃茄子的我竟也吃不停口，驚喜！黑毛豬陳醋骨 $138酸酸甜甜好入味，醋香中帶有肉香，味道濃郁而不油膩，黑毛豬肉香嫩滑，水準之作！

之前幫襯過ssp嘅新容記，唉……以後唔會再去，今次決定去返有容哥坐陣，住於太子道嘅容記試下!上次星期五即興嚟，晚上7點去到已經超多人等位，等咗一陣放棄咗。今次揀咗星期一晚上8點左右到，明顯比上次少好多人，一問即有位!一入去就有容哥個嘜頭，唔知點解佢令我諗起”大家食”果個平頭裝老細!呢間容記分上下兩層，下面係reception比人等位同埋一間VIP房。新呢間容記同舊舖相比，面積大咗，門面亮麗咗，樓底高咗，舖面光猛咗，裝修時尚咗!向街果邊全部用上大玻璃方便採光。呢度整體係茶樓嘅格局，但佢d枱唔會放到密密麻麻，坐得都幾舒服。仲有個大魚缸放晒d生猛海鮮，蝦同蟹就實有啦!另外仲有大大隻鮑魚，又有斑馬瀨尿蝦，仲有好多大大條嘅斑。龍蝦都分澳洲同本地龍蝦，但係餐牌見佢寫加拿大龍頭，可能真係有3種。今晚主要係想嚟飲燉湯同食小炒，點知……一睇menu 已經比佢d海鮮吸引住! 蟹妹當然係比蟹吸引住，魚王推介有埋炒蜆，超吸引!另一樣吸引嘅係巨型瀨尿蝦，78蚊隻如果真係肥大肉厚巨咪果種瀨尿蝦，算好抵食!除咗海鮮，其實呢度仲有柚皮同焗魚腸呢d懷舊菜式。前菜-喬頭而家d茶樓多數俾花生已經好少俾喬頭，仲要有一粒超大粒