容記小菜王

營業中

休息中

在九龍區，說是以小菜聞名的食肆，容記小菜王，不得不提，這間老店以味道及價錢大眾化而著名。聽聞重開，當然就要去一睹名菜，要去朝聖。我和朋友不需多等待就有坐位，而且還是近馬路的窗台卡位，可以邊吃，邊看著一帶的夜色。除了卡位，店內也有大枱，合一眾好友的聚會。我們要了水仙茶，這個茶味很特別，入口清香，茶味清清，與一般不同。來朝聖，當然要選擇最著名的菜式，選擇困難的我們，不足如何是好。店員看到我們不知所措，與我們談了一會，介紹了幾道容記著名的小菜，可以品嚐著名菜式，自然就照著店員的介紹點菜。原來除了食物味道著名，上菜速度也很快，大約等了十五分鐘，點了的菜也先後送上。極品燒鵝皇，當然是最先上枱，單是放在枱上，燒鵝的香味已經四溢，燒鵝油光滿滿，碟上並沒有什麼油，可見鵝本身並非油脂豐厚。入口皮脆肉香，鮮軟，肉汁豐富，味道並不是一般鹹得要命，卻是配合香味剛好，不會失去肉味。彈牙鮮蝦餅，真如期名彈牙非常，入口並不乾，軟綿綿，蝦肉味香，而且炸得香口，令味道更上一層樓。容哥第一嘴，即是墨魚咀，單外外表已知炸得香脆。置於上的調味粉，非常惹味，令味道更為突出，入口香脆，脆得似薯片的感覺，飲啤酒最為合適。黑毛豬陳醋

熱愛中菜的我除了喜歡煎炒煮炸佳餚，更喜歡那道飲茶文化。三五知己聚首圓桌，加無限添飲的茶水，仍是當今世上最合傾計的聚餐~!星期2,我地兩對couple去左位於太子，馳名的容記小菜王度食晚飯，對了，就是深水埗開左好多年果間同一老細的。但太子呢間是上樓的舒適酒家間格，坐得比較舒服呢~❣先post下menu俾大家睇，呢度有齊你想在大牌檔食的一切鑊氣小炒，亦有酒家級的雞煲翅同游水海鮮(成個大魚缸喺度，有幾條大龍躉游游下). 價錢亦親民，難怪我朋友當呢處係飯堂~❣我地一共叫左5餸一湯，飯都只係象徵式叫左一小碗，因為想食多個餸見差唔多枱枱都有叫湯飲，我都唔例外，食中菜點可以唔飲湯呢~~~呢個五指毛桃燉湯又係超級足料，個味超濃呀，好飲到不得了，睇下幾多湯料~~油又唔算多湯渣都食埋~之後一來就是容記米芝蓮推介，馳名燒肉，呢個必點！我地叫份大嘅都覺得唔夠喉，因為實在太太太超水準了~!!!!! 皮脆肉鮮嫩不特止，味道保留到豬肉的原汁原味，不像坊間燒肉咁咸，連個皮都一d都唔咸，平時燒肉是要塗很厚的鹽喺面度，真的好難估到容哥點可以做到咁出色的燒肉。個燒肉配左兩碟醬，但我地都冇咩點到，因原汁原味太好食了~❣然

「容記小菜王」在深水埗區一向享有不俗口碑，自該店結業後，老闆容哥豹隱一段時間之後，不久前在太子重整旗鼓，東山再起。這一晚，我便與太太前往，到容哥的新店捧場。 雖然餐牌中有不少容哥的拿手好戲，好像「容哥第一嘴」、「容哥鐵板原條茄子」、「天下第一雞」與「招牌沙拉骨」等，當中最吸引的仍是容哥最享負盛名的「脆皮燒腩仔」。化名為「揚名國際燒肉」脆皮燒腩，大的賣 $168，細的就只是 $78，這夜我只得太太與我一起用餐，細的已經足夠。 這細燒腩份量一點不少，足有12 件之多，排得齊齊整整的燒腩仔肥瘦比例均勻，由頂至底層層相間，皮和肉清晰可見，外皮香脆非常，咬下去卜卜有聲，肉汁澎湃，肉味甘甜，如果滿分是十分的話，就算不給十分，九分或九分半絕對走不掉。 「金蒜蒸龍躉件」（$168/例牌）味道甚好，魚肉蒸得火候剛好，入口滑而不嚡，又是另一水準之作。 「容記小炒王」（$88）材料挺多，韮菜花嫩而無渣，腰果脆而不腍，加上蝦仁、蝦乾、魷魚、彩椒等物，份量十足。這菜式味道雖稍稍偏鹹，佐飯仍佳，要是配以啤酒的話，更是如魚得水。兩盅足料靚湯「蟲草花煲雞腳」味道不錯，濃而好喝，才 $38一盅，已是物有所值。

容記小菜呢個名聽就聽得多啦,試真係未試過,今次一於黎試下!佢個招牌好搶眼,離遠一望就望到~新鮮海鮮menu~d野影落都幾令唔同普通酒樓,佢有卡位坐既,比較舒服,雖然今次無得坐,不過我地個位就望到街景~五層脆皮燒肉! 個樣已經好吸引, 塊皮真係好脆 ! 肥瘦均勻,食落唔會好油膩!佢個醤唔係普通芥末醤,食落無咁辣!容記小炒皇! 好有獲氣, 加左魷魚仔、蝦米落去炒,好香口! 不過就油左小小彈牙鮮蝦餅~ 炸得好香、彈牙招牌沙拉骨~ 沙參玉竹湯~夠哂火侯, 飲落仲有一朕胡椒味!好足料! 有落埋魚去煲~唔係得豬骨, 湯味自然更濃! 大概有8-9碗,好抵飲大合照! 小菜既質素真係唔錯阿! 值得一試~ 埋單617蚊

揚名國際燒肉 ($78)其實唔係燒肉咁簡單，應該係燒腩仔先正確，皮脆，肥瘦分明，清清楚楚見到五層，又juicy，傳統嘅黃芥辣就無提供，反而比咗wasabi 你，又幾特別，又創新家鄉秘製扣肉 ($168)大大塊五花腩，入口即溶，仲炆得好入味，仲有甜甜哋嘅梅菜，送飯一流濃湯雞煲翅 ($368 四人份)上菜時，先把翅分在碗內，然後就用gas 爐再將雞湯加熱，再倒入碗內，碗碗都有好多翅，仲有成半隻雞添，雞湯鮮甜，鹹度適中，食完仲可以再添湯小炒皇 ($88)好夠火喉嘅小炒，又乾身，有韭菜花、腰果、銀魚仔、蝦乾，好野味容哥第一嘴 ($68)即係墨魚咀，外層嘅炸粉不太厚，好香脆，墨魚咀，爽口彈牙唔韌，係送酒良伴！

大口仔之前食過容記嘅燒腩仔，話念念不忘喎，所以容記重開就約埋幾個靚女一齊去食，睇吓有幾巴閉先揚名國際燒肉 ($78)完美演繹乜野叫肥瘦分明，脂肪及豬肉真係數得出總共有五層！先切最靚嘅部位出嚟以焗爐焗，焗完第一次之後喺啲燒肉上面鬆吓針，之後再焗多一次。先試吓唔點自家製wasabi，燒肉皮又脆又鬆化，肉質juicy，有豬肉味但無臊味。點wasabi醬係好創新，不過我都係鍾意唔點多啲家鄉秘製扣肉 ($168)好有罪惡感嘅一道菜，不過都係忍唔住要食。五花腩入口溶化，肉質幾軟腍唔癡牙；梅菜吸晒五花腩嘅油脂，入口滑溜超香甜，真係可以用一碗飯撈晒嚟食呀！濃湯雞煲翅 ($368)翅嘅份量慷慨，仲有隻雞食添，雞湯鮮味濃厚，鹹度適中，啲翅唔係散收收，係可以夾起嚟食㗎，正！小炒皇 ($88)有韭菜花、腰果、銀魚仔、蝦乾等，口感好爽脆，炒得好乾身夠晒火喉，撈飯非常合適容哥第一嘴 ($68)第一次食墨魚咀，外層炸得非常香脆，入面爽口彈牙唔韌，同埋最緊要有炸蒜吖嘛！送酒啱晒！坐得幾舒服，大口仔話而家好好多了，換轉係以前阿靚女們一定唔肯嚟喎！每人$240，大聲講大聲笑，食到捧住個肚走

友人約吃飯，一定要吃容記，我過海吃小抄，很有誠意呢！容哥第一嘴墨魚嘴，炸的很入味，外脆的，也很有咬口。口感很好，吃到停唔到口，一口連著一口，好吃到不行。乳豬乳豬皮脆，肉很嫩，只是切得很大塊，吃得時候，斯文不來，肉加上調教好的醬料，是一流的配搭。黑椒薯仔和牛粒薯仔是先炸過的，所以特別香，黑椒的味道剛剛好，不會很辣，而又很好吃，我們忍不住叫了2碗飯，很好送飯的菜，不吃飯感覺很奇怪，牛煮得剛剛好，又不老，味道很烈，配飯剛剛好，不會浪費那些牛肉汁。花膠竹笙紀子炒淮山花膠很淋，整個煮法我挺欣賞的，要回了食物本身的味道，清淡的菜式，淮山爽口，還是第一次吃到淮山這種煮法的。很特別，很好味。非常享受的一個晚上。

今晚和老公相約朋友見面送上旅行時的手信，朋友夫婦提議到太子的容記小菜王晚飯，他們盛讚地點方便外晚飯小炒很出色而且價錢經濟，既然大獲好評我們當然要試試了。我們七時半到達，從太子站行很快便找到，容記小菜王位於轉角位，大大的招牌很搶眼。容記小菜王分上下兩層，格局和酒樓一樣，地方整潔舒適而且充滿人氣，非常熱鬧。餐牌的食物種類多而且價錢經濟，很多都好吸引。愛吃乳豬的我當然要試試招牌乳香豬和幾道店員推介的特式小菜。乳香豬（半隻）👍半隻乳豬的份量足夠我們每人三大件，很足料。乳豬皮薄燒得鬆化，入口脆卜卜好似吃薯片般停不了口，而豬肉嫩滑多汁鹹度剛好，每一口都有外脆內軟的感覺，很出色！容哥第一咀😋第一次吃炸墨魚咀，口感彈牙有嚼勁而不會韌，外邊的粉醬不會厚，因此很脆口。微辣的調味夠惹味，好有大排檔風味，夠鑊氣。黑椒薯仔和牛粒😊這道小炒有驚喜，牛肉軟腍有肉味，薯仔每粒都沾上微甜的醬汁，再配上黑椒和芝麻增添香氣，一口牛一口薯很快便被我們清碟。花膠竹笙杞子浸鮮淮山清新無負擔的一道菜式，有爽口吸湯的竹笙，爽脆的鮮淮山咬下有點滑滑黏液（聽說這黏液對胃部很有益的），還有滋陰的花膠和明目的杞子。這道清新的養身菜式最岩夏天

剛好係日本返黎趕到同朋友慶祝生日, 我同老婆約佢倆公婆去我地以前兩pair人拍拖經常去嘅容記小菜王開餐。因為我地以前會去朋友深水埗老家玩, 晚飯好多時都會去容記食, 之前知道老闆決定唔做都覺得可惜, 得知老闆係太子重開返容記, 我地兩pair人今次可以去呢度食生日飯真係別有意義。😄我地約左7點半先到先等, 原來我打算去到附近先開openrice搵地址, 不過離遠已經見到大大個招牌, 好難搵唔到。😆入到店入面, 同以前係深水埗容記一樣咁熱鬧, 不同之處係新店呢度裝修企理左好多, 樓底比較高, 而且枱與枱之間空間多左, 坐得例服好多。😗一去到點菜我地非常頭痛, 因為容記嘅特式小菜有好多款, 我地4個人食唔到好多款, 最後我地揀左米芝蓮指南推介嘅容記鐵板原條茄子, 容哥第一嘴同黑椒薯仔和牛粒, 另外女士們揀左花膠竹笙杞子浸淮山, 慶祝生日嘅乳豬當然亦唔少得啦。😊首先上菜嘅係乳香豬。估唔到半隻都咁多, 賣相好吸引, 乳豬皮超級脆, 肉質好鮮嫩, 唔會太咸, 味道剛剛好。👍容記鐵板原條茄子$86好抵食, 仲左有大大條茄子之外, 中間夾左好厚嘅蝦滑, 醬汁好惹味, 入口既感受到茄子嘅軟腍仲有蝦滑嘅

我們幾個由舊公司認識的老友，難得一聚，必然要揀選一些經典的食肆。聽講深水埗容記喺太子重出江湖，當然要去回味一下啦。喺太子站C出口，招牌非常搶眼，離遠就見到。來得容記，當然要食小菜啦，海鮮暫不考慮。首先端上的是消暑聖物冬瓜盅～ 侍應的服務實在是太好了🤣🤣連個全相都唔俾我影📷低，三兩下手勢就幫我們盛好。配料豐富，有蝦仁、帶子、蟹柳、蓮子等，冬瓜本身夠厚，沒什麼根。湯底清淡鮮甜，份量好大，每人都可以分到起碼3碗。中午飲茶食過燒腩仔，所以晚餐食蜜汁叉燒皇😋😋。條叉燒色澤亮麗，肥瘦均勻，肉質嫩滑，最緊要厚切，啖啖肉，正！在餐牌見到這款蝦餅，以為係泰式fusion，便好奇一試。食落才發現大不同。首先真材實料，蝦肉比例好大，不會「一口粉」的感覺。其次，係香煎至金黃色而不是油炸，就算是賣相也突顯了心機。「最泰式」的是甜辣醬。可能太好味喇，一碟只有6件，難免覺得唔夠喉。家鄉焗魚腸，這種傳統菜式已經買少見少了，難得有得選擇，當然要一試啦。侍應送上餐桌，揭開蓋子的時候就香味撲鼻～ 趁熱食，非常甘香，還有芫西的香，相得益彰。但一定要趁熱食，畢竟凍了的話多少會帶腥味。除了蜜汁叉燒皇之外，最得我們心的非這款鐵板原

由於收工時間都比較夜，喺公司附近想搵間一大班人坐得舒服，除左火鍋之外其實選擇唔多。有朋友生日，諗左好耐食乜好，其中有朋友提議不如去公司附近嘅容記小炒王。呢個名令我諗番起自己都曾經幫襯過深水埗店，但後來聽聞結業重開已經轉過手，冇再食過。今次去到太子店，係之前老闆容哥重出江湖主理。我地預早訂左位，同埋預留左冬瓜盅、雞湯翅，因為呢兩款如果唔預先留，係冇得食的。一行10人，仲另外叫左七、八款小菜，宵夜時間都唔想食得太飽。雞湯翅：翅嘅份量都算多，而且湯入面都見到有隻老雞，湯味濃郁，唔會太鹹，亦都有起膠嘅感覺，十個人每人一碗冬瓜盅：size比較迷你，比起一般出面食嘅冬瓜盅，湯料唔算好多，飲落都幾清潤，每人一碗，都算抵飲啦只外都幾推介椒鹽豆腐，外皮炸得香脆，但裡面嘅豆腐保持嫩滑，要襯熱食呢度嘅燒腩亦係出名，腩嘅肥瘦比例均勻，外皮好脆口，上枱時仲係熱，所以入口都唔會乾柴，而仲有肉汁保留，好食容記小炒王：有韭菜花、腰果、銀魚仔、蝦乾等材料，炒起黎都幾惹味，令人忍唔住食完一口接一口，送啤酒更加好食豉椒炒花甲：花甲都幾大隻啦，肉脹卜卜，乾淨冇沙。焗蠔：蠔都幾大隻，先用炸漿炸起，再回煲仔焗，味道入哂蠔中，而且

容記小菜王的本店本位於深水埗，近期在太子開了分店，新店面積比原店大，裝修亦較豪華新穎，少了一份”佬味”，多了一份舒適。是跟三五知己聊天的好地方。即日燉湯（$38)一個星期才有一兩餐住家飯吃，對湯水自然有一份渴求。點了兩盅"即日燉湯". 是日是姬松茸雞腳燉湯。姬松茸據說有防癌，抗氧化的功效，真的一滴都不要浪費啊！姬松茸的味道清甜，帶有菇菌的消香，與雞腳等材料同燉，沁心而又不油膩。沙拉汁明蝦球（$128)蝦球好大隻，外層炸至金黃香脆，而且脆漿不會過厚。 雖然不是用上新鮮蝦，但是爽甜無腥。加入沙律醬同炒，味道酸甜清新。容記小炒皇（$88)去大排檔食飯，必點小炒皇，因為是一道很下飯，好佐酒的小菜。而且可以試得出大排檔的水準呢！小炒皇材料豐富，有韮菜，蝦乾，魷魚，蝦仁，脆銀魚，腰果等。炒得乾身兼有鑊氣，各種材料的味道都好突出，不會互搶風頭，整體香口又爽脆。黑毛豬陳醋骨（$138)醬汁加了蜜芽糖，有拉絲的效果。味道酸酸甜甜，調味很好，很醒胃。食店用的是黑毛豬肉排，肉質格外彈牙，而且不會韌。

最近食得西餐多，突然好想食中菜，朋友帶我去呢間小菜王，話d小菜好好味。一個人住在香港，經常在外吃飯，自己又懒煲湯，一見到有冬瓜盅便即刻order。原盅瑤柱冬瓜盅用料十足，清甜可口，超好飲。跟住來個小炒王，香口鮮味， 特別欣賞裡面的腰果，非常香脆，真的食到唔停得口。黑松露牛柳窩蛋窩飯，窩飯配上黑松露的香味， 牛柳新鮮嫩滑，令人回味無窮。呢間小菜王的分量充足，3個人叫3餸1湯已經足夠，下次帶埋家人來試下。

以前幫襯過位於深水埗的容記,食物味道很好!趁今次容哥凱旋回歸在太子新開容記小菜王,就決定再來幫襯!因為知道booking好爆,已經事先打來預約!侍應很貼心地安排了我們一行四人就坐VIP房,自成一角開餐!環境比以前寬敞,裝修較高級了!由於大家都好肚餓,立即落order醫肚先!首先黎個原盅冬瓜盅 $ 148 , 好適合一年四季飲用,又足料又鮮甜 , 一d都唔油膩 , 我地 4 個人每人都飲左幾碗 , 份量好足夠!再黎個揚名國際燒肉$78,皮脆肉嫩,一層肥一層瘦,食落口感一流!叫了幾個白飯黎配個小炒王$ 88 分別有切段韭菜 、 腰果、 白飯魚乾 、 蝦乾、 魷魚等等好夠鑊氣!不得不提洗衣機蒜香骨 $ 98 ,大概有7 件 , 好惹味 , 而且肥瘦適中, 好香口! 最後加碟金銀蛋莧菜$78,清新可口!大家食完都讚不絕口,好滿足地捧住個肚返屋企😋