容記小菜王

營業中

休息中

容記呢個名聽過無數次，食就真係第一次食！今次叫咗幾個小菜，表現都幾好👍🏻，碟頭亦夠大。地理位置優越，距離太子地鐵站🚉唔太遠夠曬方便。🌟揚名國際燒肉 - 細燒腩仔燒腩仔有得揀大/細份，今次就叫咗細份都好夠食。燒腩仔層次分明，皮好似食緊薯片🤣，脂肪同肉比例大概係3:7。餐廳提供咗芥末醬同海鮮醬去點燒肉食，芥末醬唔係傅統嘅黃色，反而係綠色，不過食落又唔似Wasabi🤣。🌟椒鹽鮮魷食小炒必點之選 - 椒鹽鮮魷(餐廳有提供黃金鮮魷都好想試！)，炸漿夠曬薄身，入口夠曬鬆脆。鮮魷肉質厚實鮮甜。加上惹味嘅炸蒜辣椒🧄🌶️，撈飯一流！🌟濃湯手打魚腐浸勝瓜呢碟嘅份量係超大碟，最開心嘅係唔止勝瓜多，係連魚腐嘅份量都好佛心❣️。勝瓜唔鞋口冇渣，魚腐重魚肉味，質感同魚米家嘅魚腐相近。濃湯🍲好飲，飲完又唔覺得口渴👍🏻。🌟招牌沙拉骨沙拉骨用上嘅豬扒有用上少量咖哩粉醃，夠曬入味。再用埋有芥辣味嘅沙律醬嚟炒，正呀😜。

當晚一早訂檯去容記食小菜，入座發現成間酒樓超級多人，坐位亦非常擠迫同時亦夾雜住唱卡拉OK既聲音。當晚點餐點了以下菜式：清蒸花咲蟹蟹既肉質比較淋同偏鹹，味道一般，有點失望。黑椒薯仔牛柳粒夠鑊氣又惹味，薯仔入味，牛柳夠淋身。容記第一咀墨魚咀炸得夠爽脆。節瓜浸魚腐節瓜與魚腐吸收了湯底精華，好入味👍🏻。黑醋排骨黑醋味唔夠入味，排骨只係掛左色，味道一般。拔絲鳳梨咕嚕肉非常好食，咕嚕肉炸得乾身配上甜酸醬好醒胃。海蜇雞絲海蜇相當爽脆再配上青瓜雞絲，辣味相當醒胃，做前菜一流。沙薑鳳爪味道中規中矩

香港米芝蓮你食過未？平平地原來都有米芝蓮食容記聽就聽得多，食就真係好小今次特登出到去太子試試佢例牌 叉燒 $68越簡單嘅菜其實係越難煮得好因為太多比較容記，今次打比水準同功價肉質高上，有咬口，夠爽味道唔太甜同鹹火喉，小小燶邊燒雞個個都叫脆皮，肉唔太鞋合格有多鮑汁什菌自家制豆腐特色野老人家必叫冇牙都食到容記第一咀又係容記名菜個個都叫，你點可以唔叫墨魚咀，好味海魚斑兩食酒樓嘅正常水準魚唔太多骨廚師正常發輝。

難得同屋企人出去食飯梗係揀間好啲嘅餐廳容記位於太子鬧市地段仲係米芝連得獎餐廳今次就試一試晚市價錢一啲都唔貴4個人叫左個虎斑三寶分別有炒虎斑球同蒸虎斑腩仲有脆皮吊燒雞半隻脆皮半燒雞啲皮果然脆啖啖肉又唔會好鹹好食炒虎斑球好滑好淋 再加上西蘭花感覺非常健康至於蒸虎斑腩 啖啖魚香皮爽爽地好食另外我哋仲叫咗碟叉燒叉燒半肥瘦好好食個醬汁到調味得好好！呢碟豆腐並唔係用平時嘅白豆腐識落有啲似玉子豆腐嘅味加埋菇同個醬汁好好食最後仲叫咗容記第一嘴墨魚咀平時好少食呢度嘅墨魚咀非常淋就算媽咪今日牙痛都食到炸粉又唔會太厚 唔錯—————————————整體來講呢間餐廳價錢唔算太貴買單都係八百幾蚊質素都唔錯下次有機會會再嚟食！

呢排好想食中菜 就同朋友嚟咗呢間係太子嘅老字號中菜店舖頭招牌係成條街最大最搶眼行過一定唔會miss🤩來得中菜館都係想冇時間限制舒舒服服傾吓計餐廳闊落 坐都坐得幾舒服👍🏻冇諗過份量兩個人叫咗三個餸 飽到不行😂揚名國際燒肉(細) $98作為餐廳嘅招牌菜 果然10分出色燒肉每一件嘅皮都脆卜卜仲有D燶邊 肥瘦層次分明大推薦！👍🏻⭐️容記第一咀 $88平時中菜館食椒鹽鮮尤就食多多今次係椒鹽墨魚咀 非常有新意！$88一大碟 多到兩個人食唔晒墨魚咀大大粒 炸粉唔厚 配埋滿滿嘅椒鹽又香脆又好食 呢個都係必食👍🏻海鮮濃湯雜菜煲 $108前面兩樣都熱氣，要嗌番個菜平衡下分量多到滿瀉😂好誇張有幾種唔同嘅菜喺底 再配埋粉絲海鮮份量亦唔少，每樣都有幾件超級抵食👍🏻我哋冇諗過份量咁多😂兩個人完全食唔晒 最後帶走一大盒

🥒<手拍青瓜海蜇> $48青瓜拼海蜇小食擺盤都幾靚 ，青瓜味道清甜爽脆；海蜇出奇地有小小辣，口感也夠爽囗✨喺唔錯既開胃小食😆🐖<招牌沙拉骨> $98呢味沙拉骨重點係沙律醬❤️一聞落就有陣酸尾尾既氣味，小編即刻想吞口水🤣醬汁食落酸酸甜甜，非常醒胃🥳排骨份量好多&大塊!!排骨肉掛上沙拉醬汁後既口感係好鬼夾，送飯一流🤪🍲 <海皇撈粉絲> $88海皇撈粉絲味道有驚喜😋入面配料有粉絲、切成絲嘅菜、蝦仁同埋魷魚，整體都算係幾足料🙌🏻配料炒得岩岩好，勁有鑊氣，而且唔會話太乾或者太濕🥰佢係用咗沙煲上，所以食到最尾都仲暖暖地，好鍾意呢一點👍🏻

三個人食咗$900幾，叫咗墨魚咀，同埋椒鹽瀨尿蝦，兩樣都勁厚炸粉，仲有叫咗薯仔牛柳粒，一般般，最後係每人一份鴨掌定鵝掌加海蔘，海蔘係爽脆，掌ok入味，到最後唔知點解話我冇出席？？

我地揀左間米芝蓮推介既飯館，係正太子最當眼位置，地鐵站一出基本上都見到佢勁大個招牌！去到餐廳樓下有好多人等緊位，提提大家要提早book位先得，唔係有排等！ 我地因為做節，嗌左幾個餸，包括米芝蓮燒肉、雞煲翅、豬腳仔、乳鴿，仲有木耳淮山。 🐷燒肉外皮夠脆，肉質嫩滑多汁。另外配左兩款醬燒烤味、芥末味，可以自由選擇。🐷豬腳仔偏淋身，味道都唔錯。🐥雞煲翅既雞超級嫩滑，魚翅又多，果湯底好濃。🐥乳鴿肉質肥美，味道好濃撈飯好正，可惜果皮唔夠脆。🥬木耳炒准山用左脆口的淮山，口感勁爽又健康。

今早和家人飲茶找地方飲茶，諗住試下到這裡，早上9點28分訂位，當時已確認接受我們在12點30分訂位。我們在12點20分去到，竟然無人知道我們有訂位，服務員聲稱爆滿，只得門口的4人枱，叫我們迫住位，但遠看裡面，大中枱的人只是坐2，3人位，我們覺得訂位來都無用，希望openrice能反映一下，唔係我就覺得原來在openrice訂位只是一個無人睇的訊息。

今次去太子站附近 間米之蓮推介 既食店 朝聖，好近港鐵站，搭電梯上一樓，入到去，揀佐咗靠窗4人sofa 位座，座位寬敞舒適，餐牌菜琳瑯滿目，我哋點佐4道菜，送到枱時間快，食物水準高，尤其喜歡黃金鮮魷，好有鑊氣又惹味，食到停唔到口, 超級推介👍👍👍~~~~~~~~~~~~~~~~~~~~~~~~~~~~~~💫 極品燒鵝皇 鵝肉入味，皮脆肉滑多汁，而且不冇腥味，鵝皮色澤赤紅帶光澤，上枱時暖暖的，用嚟送飯，正👍 💫揚名國際燒肉 燒肉皮脆肉嫩，一層肥一層瘦相間，食時唔會油膩，豬皮鬆化香脆，味道帶點炭香，直得推介👍💫 黃金鮮魷 爽脆炸粉，炸至金黃色，好有鑊氣，魷魚肉質厚嫩，加上咸蛋黃，咸香又脆口，好惹味😋💫 濃湯雜菜煲 最鐘意食雜菜煲，菜多湯底清甜，冇味精，材料豐富，有珊瑚蚌，帶子粒，蝦仁，雜菜，粉絲。

因為中秋正日我同大佬都有野做，所以提早同大佬屋企人食餐做節飯。揀左間米芝蓮推介之一的小菜館，地理位置都幾方便，仲要大大牌招牌，離遠就望到！ 餐廳可能太出名既關係，我地提早book左枱都要等多左陣先有位，都唔算等好耐，尚可接受！一去到枱面就有一份小食（甜酸蕎頭）仲有每人一份濕紙巾，都算貼心。 ⦁揚名國際燒肉（細）$98米芝蓮推介，外皮夠脆，而且燒肉既油脂分布層次分明，食落有陣淡淡油脂香，肉嫩多汁。配左燒烤醬同芥末醬，兩款點起黎有唔同風味。個人鍾意燒烤醬同芥末醬mix埋黎點，味道會夾d。 ⦁ 濃湯雞煲翅（牙抹8兩） $388用左半隻雞去熬個雞湯，好濃郁！入面既魚翅好多，每人都大大碗。另外果半隻雞，好嫩滑，好好味。疫情去唔到澳門食譚家，唯有留係香港食番碗魚翅撈飯，都好好味！😋 ⦁滷水豬仔腳 $68整體偏淋身，一碟大大小小都幾多隻，味道都唔錯。 ⦁ 紅燒乳鴿 $48/隻乳鴿肉都幾多幾肥美，如果外皮再脆身d就更加好！不過用黎送飯一流，味道唔會太咸，點埋淮鹽仲更加鮮味。我知大佬鍾意食，就俾多1/4佢食。 ⦁ 珍珠耳錄繡炒鮮准山 $88尼個菜系有營小菜之一，用左淮山、翠肉瓜、木耳等材料，用左脆口的

容記而家有埋早市，7:00-16:00可以黎飲茶食點心、生滾靚粥、甜點啦⋯⋯🥳我食晚飯，叫左幾款小菜，1)揚名國際燒肉嘅燒腩仔五層肉嘅燒腩仔，燒到皮脆肉嫩，要沾埋芥辣醬黎食咁先正。2)小炒皇好多材料，用嚟餸酒一流。小炒入面有，腰果、魷魚、韭菜花、三色椒、蝦乾，白飯魚、蝦仁3)淮杞燉螺頭湯好正，材料有雞腳、淮山、紅棗、螺頭、杞子，因材料切到細細粒，燉湯更出味，所以飲完都唔會頸渴。4)紅酒燴牛尾入面還有紫洋蔥、紅蘿蔔，濃味餸，係可以食幾碗飯嗰種。甜點有斑蘭千層糕、杞子桂花凍、菲林芝麻卷。

今日同事帶左我黎呢間中菜館食晚餐😋呢間容記小菜王原來係米芝連推介嘅餐廳🤩本來以為位於太子嘅中菜館會係老舊嘅餐廳但係呢度嘅室內裝修特別光亮舒適 加上食埋佢嘅菜式就明白點解佢可以得到米芝連嘅賞識😎.🌟揚名國際燒肉 （$98）燒肉最緊要就係有脆皮🐷呢度完全做到呢個要求而且豬肉嘅肉質同調味都好高質👍加上餐廳唔係配平日嘅黃色芥末而係配綠色芥末同乳豬醬 味道好新奇 冇平日嘅醬汁咁搶燒肉本來嘅味道😃.🌟蜜汁叉燒皇 （$68）呢個係晚市優惠嘅菜式原價要大約一百蚊 所以依家真係超抵食😏 食落仲好有驚喜 叉燒用左半肥瘦所以肉質腍得黎又有油脂🤤配埋蜜汁真係好香 意想不到咁好食🤭.🌟八味酥炸九肚魚 （$138）酥炸九肚魚好考工夫🫡呢度嘅九肚魚都炸得唔錯外層脆卜卜 魚肉肉質軟滑中間亦都冇細小碎骨 配埋炸蒜就更加惹味🧄

容記 容記 呢個名我自己成日都聽唔少🤔不過今次就真係第一次同屋企人去食飯佢地可以話係一間老字號嘅中菜🇨🇳一去到第一下成個感覺好光猛💡好乾淨 *❣️揚名國際燒肉 $98/細 $168/大🌟「米芝連推介之選」可以話係容記嘅必點之菜每舊燒肉都好嫩口 肉質好均勻外皮仲要炸到金黃色 好脆口重點係食落都無肥豬肉嘅出現🐖值得大家一試😋🙈*❣️金沙脆蝦球 $128金沙魷魚就真係食得多但金沙版嘅蝦球就真係比較少見啲🍤粒粒蝦球炸到好香口 好脆口仲要係有好香嘅蛋黃金沙🥚又係偷飯賊嘅小菜🍚🍚🍚 *❣️濃湯海鮮雜菜煲 $108話明雜菜煲 都真係一個名付其實嘅雜菜煲啲菜好似唔洗錢咁 係勁多勁多雜菜🥬而當你以為好多雜菜 會變相少左海鮮嘅話你就真係想太多了 啲海鮮都一樣咁多🐙🦑🦐個湯底係好清爽 鮮甜🥄完全又係撈飯一流

.📍容記小菜王｜太子@princeyungkee 評分：6.8/10🔸呢間大排檔應該好多人都聽過食過 餐牌見到有好多野食家常小炒到游水海鮮應有盡有🔹嗌左佢個出名燒肉肥瘦肉好似千層糕咁一層層上面有燒到脆既外皮 果然係名不虛傳👍🔸焗魚腸呢道菜唔係到到有其實我都係第一次食男朋友就話唔夠熱同魚腸偏少🔹拔絲咕嚕肉就略普通做唔到菜名「拔絲」感覺🔸Overall黎講啲餸好食同大碟下次黎可以試下多啲小炒