容記小菜王

營業中

休息中

訂好位上去兩次，原來張枱比左人，我地已經打左電話同佢地溝通好會遲少少，佢地話會留位比我地，我地有大有細去到櫃面問個知客我地留左位點解會無枱，個經理就大大聲你留咩名先，講完個知客又叫我地上去同一張枱，張枱比其他人坐左，我地問個職員幾次叫經理過黎，個職員扮聽唔到，然後佢叫我自己行前去揾經理，我行前去個經理即刻坐電梯閃落地下，落到去問個經理點解無位，佢話你訂幾?6點半，而家幾點呀，你地唔黎，我地唔會打比你架(態度勁串)完全係趕客，我地話同你同事溝通左我6點9到左，你同事講話會留枱比我，我話你地管理咁差態度咁差，經理話係咁架啦，轉身上返酒樓！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 容記小菜王@太子💁🏻前菜木耳拍青瓜 $15一入座就安排左一碟前菜比我地，酸酸地果然夠開胃💁🏻拍青瓜配海蜇 $48拍青瓜好入味，充滿住蒜蓉，夠曬香口，簡直係蒜蓉達人最愛海蜇亦都好好味，但相對黎講，青瓜比較吸味啲💁🏻芝士龍蝦伊面+ 蒜蓉粉絲蒸蟶子 $368❤️芝士龍蝦伊麵隻龍蝦超級新鮮彈牙，芝士味唔會太濃烈，所以食落口都唔怕濟蒜蓉粉絲蒸蟶子又係超抵讚，不得不說粉絲份量巨多，滿佈了整片聖子，聖子亦都非常鮮味，彈牙還沒有沙💁🏻拔絲鳳梨咕嚕肉 $88果然夠鑊氣，菠蘿好新鮮酸酸甜甜零舍開胃，舊咕嚕肉既外皮都好鬆脆，但無奈有小小肥，食多兩舊開始有少少滯是否推薦↩️？✅性價比好高，絕對推薦，同屋企人食飯定朋友聚會都可以選擇。各位必須要叫孖寶- 芝士龍蝦伊麵同蒜蓉蒸蟶子，真係超正啊

係太子想食中菜，但又諗唔到食邊間好，即上網睇睇人地介紹!見到餐牌好多選擇，二個人食，心大心細樣樣都想試- 容記第一咀賣相已經係勁吸引，墨魚咀彈牙，粉漿唔厚，炸到脆脆，有埋椒鹽超惹味！- 燒肉 (細)皮香脆肉軟，肥瘦剛剛好，好好食！- 蒜香骨外皮好脆好惹口，我覺得略為咸左D

🍽️ 容記小菜王📍地址: 太子太子道西123號地舖👉🏻手拍青瓜海蜇 Marinated Jellyfish and Cucumber $48手拍青瓜和海蜇，友人吃到停不了青瓜蒜蓉多 10分足料👉🏻龍蝦孖寶 $368上湯燴波士頓龍蝦伊麵（1隻）Lobster noodles 推介‼️超級抵食龍蝦原隻一大隻 10分鮮甜配上伊麵，簡直一流忍不住兩個人清光這一大盆伊麵 10分滿足😍😘金蒜銀絲蒸大蟶子 (4隻）Steamed razor clams with garlic and silver shreds四隻大蟶子 啖啖肉 超級抵食，超級爽有口感 粉絲多 多蒜頭🧄完美配搭👉🏻拔絲鳳梨咕嚕肉Sweet and Sour Pork withPineapple Dices $88傳統咕嚕肉做法一半肥肉一半瘦肉 比例均勻 不過我平時食開瘦肉嘅比較麻麻哋這一道菜👉🏻碟酸菜 $15作為前菜，10分開胃酸酸的木耳和青瓜👉🏻晚茶 $10 每位 👉🏻外賣飯盒 $1不得不讚 上菜超級快 全部都是即叫即整服務態度好 好味指數: 3.8/5 性價比: 3.8/5 有加一環境: 3.5/5

喺情人節呢一日，我同男朋友就book咗呢間米芝蓮店食晚餐首先店舖有兩層，第一層為接待，第二層就係餐廳部份然後菜式主要都係以中菜為主，我哋就叫咗一個佢哋推介嘅揚名國際燒肉，脆卜卜，仲暖暖地，非常之唔錯另外仲叫咗一個洗衣機蒜香骨同埋馳名陳醋骨，呢兩個排骨味道各有特色，個人覺得蒜香骨更加好味，跟住佢最好味嘅係濃湯海鮮雜菜煲，嘅湯係超甜。湯底清甜好味，配埋啲菜同埋海鮮就更加夾啦要注意嘅係佢每位茶錢收$20，同埋每一碟酸菜都要15蚊但食物質素係高質嘅

1️⃣揚名國際燒肉（大/細）呢到嘅燒肉有兩個size 選擇今次要咗個細size $98有兩個醬汁提供 甜麵醬同wasabi 甜麵醬就係食片皮鴨跟開嘅個種味同燒肉一齊食會有種食緊鴨嘅錯覺😂😂Wasabi 唔會太攻鼻 個人鐘意前者多啲😉2️⃣拔絲鳳梨古嚕肉 $88咕嚕肉係真材實料 肥瘦適中炸粉唔會太厚實 但拔絲效果可更明顯3️⃣小炒皇 $98材料有魷魚 韭菜 腰果 蝦仁等⋯微微香辣 屬於入門bb 辣就算小朋友都啱食 送飯良品4️⃣ 馳名陳醋骨 $138鐘意食開胃/酸甜野嘅一定要叫先走油後上陳醋汁 小朋友都會讚😂😂唔係得排骨 肉感明顯易咬5️⃣（有營)花菇紅燒豆腐 $88豆腐係其中一樣減脂又飽肚嘅首選豆腐保持嫩滑 有菜芯同冬菇嘅加持成個餸當堂健康又豐富總結小菜大大碟 味精感唔重調味唔會過濃 平日夜晚都爆滿適合一家人過嚟飯聚❣️

平日最鍾意食家常便飯有時唔想煮 都會出去食下小炒今日食依間小菜位於太子 - 容記小菜王當日安排一樓近𨋢口嘅卡位四人座位 都幾闊落一坐低就有小食 - 雲耳青瓜🥒平時都好鍾意食依款小食味道調教得好好 十分開胃👍主食方面 我地分別叫左5樣1. 招牌燒肉(細)個樣相當靚仔，跟上兩個醬汁，應該係甜醬同芥末，任君選擇💁🏻‍♀️ 燒肉脂肪比例層次分明，入口唔會過分油膩同死咸，可以一試2. 拔絲咕嚕肉Always my favourite💕 外皮脆 肉質嫩 絕對唔會過甜或過酸而且每一舊大細相約 炸粉亦唔會太厚😋3. 紅燒北菇豆腐嘩！一黎到第一個感覺係雖然佢唔係用砂煲上，但份量十足！大大舊豆腐仲可以當飯食頂頂肚🤣4. 陳醋骨😍又是小編必食小炒，甜甜酸酸嘅味道十分吸引一碟太約十條🦴左右，啖啖肉，好適合送飯，甜酸比例適中，唔會好似坊間某啲餐廳過酸或甜到封喉5. 容記小炒皇這乃是每間餐廳嘅必殺！所選用料/火喉 都睇得出師傅嘅功架👨‍🍳 今次依碟小炒皇好惹味，雖然我唔食得辣，但依個餸對我嚟講完全唔係問題😌 唔會過分搶喉，食到尾又唔會成碟油😜✴️溫提：由於物價上漲，部份小菜已經加價，餐牌上嘅價錢未必準確，建議落單前問

良朋好友聚餐，今晚食咗都幾多餸，4個人食咗7個餸，2支啤酒+2罐黑啤。由於掛住食關係，相片唔整及碟碟都食到大半先記得影，請見諒。泰式鳳爪海蜇鳳爪爽口，辣味剛剛好，略嫌海蜇太碎。燒肉好食，唔會好咸、皮脆唔肥。小炒皇呢個不得了，料足有獲氣，有蝦干、魚仔干及魷魚。海皇撈粉絲粉絲炒得乾身，椰菜食落有d脆口。天下第一咀個人覺得失色，粉厚墨魚咀炸時間唔夠，無咗彈牙口感。雞油豆苗正正常常，唔多講炸蝦餅一般啦，足料味道可以，但炸得唔夠或搓得唔夠膠，內裡比較鬆散總結：好耐都無幫親過容記，因為幾年前食過，環境好嘈，坐係圓枱同對面個朋友傾偈，好似嗌交咁先聽到，今次再食仲於有番好感，一定會再嚟食過。

一班兄弟決定去慶新春，慕名而來容記，因聞說是登上「米芝蓮車胎人美食推介」的食店。簡樸節儉，量入為出是美德，我們點了八人F餐。是各項節慶套餐最經濟但也夠吸引。翡翠炒虎斑球做得的確不錯。還有海皇大生翅。大蝦伊麵也美味。不過，如果這就叫米芝蓮車胎人美食，席上有人表示失望。可能水準因驕傲而下降？但最不開心是，我們訂座6時，未坐定就重覆了三次（很重要，故重覆三次）要8時前離席。是否因為我們訂的是最便宜的？即時感到被瞧不起。請他們給辣椒醬，聲明是20元的。潛台詞是「我有預先講好的。」我們很合作，結果，是他們衝鋒上菜後，卻漏了一盤，要我們催促。結果我們也只不過是7點半便埋好單。免得阻他們營業。也免我們受人白眼。當然，我們也不會再去了。

大年初二，一家6口食晚飯，樣樣都無：椒鹽鮮尤-冇椒鹽九吐魚-冇焗魚腸-冇聖子-冇有嗰啲質素都非常差，完全唔值：燒鵝-又瘦又乾冬菇生菜-冬菇好似無炆過咁，無味黃金蝦球-啲蝦唔爽嘅，勁多油總之一定唔會再去。

兩個人食飯真係好少食中菜，你見今次出中菜post就知呢間「容記小菜王」唔少野😋兩個人食四個餸食到捧住個肚走😆————————————————🥇椒鹽墨魚咀（$138）👍🏻熱辣辣一大碟，炸到脆卜卜🦑，加埋椒鹽仲好味🥈招牌沙拉骨（$138）👍🏻厚厚嘅肉排加埋沙律醬，完美嘅配搭🥉紅燒乳鴿（$68）👍🏻乳鴿雖然好似細細隻咁，但其實都好幾多肉下🐥，沾埋椒鹽就更加惹味👅海皇什菜煲（$148）👍🏻食完肉當然要食返啲菜，雜菜煲乜都有就啱晒喇！仲要有帶子同珊瑚蚌，非常豐富！💬 過年梗係要食中菜😋———————————————— ​味道：🌕🌕🌕🌕🌑抵食：🌕🌕🌕🌕🌑服務：🌕🌕🌕🌕🌑環境：🌕🌕🌕🌕🌑————————————————📍 容記小菜王：太子太子道西123號地

屹立於太子十字路口嘅耀眼霓虹燈招牌💡，寫住「容記小菜王」五個大字，背後係一道道鑊氣小炒🥘。臨近新年，中菜館特別多人等位，氣氛亦更加好。雖然得兩個人食，見到每道菜都咁吸引，都忍唔住叫多兩個餸😋，又食到捧住個肚走。————————————————👅海皇什菜煲（$148）👍🏻食得多肉當然要食返啲菜，雜菜煲就啱晒心大心細嘅你，特別有埋蝦仁🍤、帶子仔、珊瑚蚌等海鮮嘅加持，更加豐富！👅椒鹽墨魚咀（$138）👍🏻一大碟墨魚咀都唔係咁容易搵到，炸到圓轆轆又脆卜卜🦑，加埋椒鹽就更加惹味👅 招牌沙拉骨（$138）👍🏻厚厚嘅肉排多汁嫩滑，加埋沙律醬嘅甜美，大人小朋友都鍾意👧🏻👦🏻👅紅燒乳鴿（$68）👍🏻唔好睇佢乳鴿細細隻，其實都好多肉㗎🐥，調味恰到好處，即使唔沾椒鹽都非常夠味————————————————🚩總結：口碑好嘅小菜王👑———————————————— 🌟注意：臨近新年菜單可能有調動，菜式及價錢按餐廳作準————————————————📍 容記小菜王地址：太子太子道西123號地舖🗺地區：#bem太子📥分類：#bem中菜💰人均消費：#bem_201至400蚊

歲晚行花市響太子搵食，網上介紹呢間米芝蓮食肆，就決定睇睇咩來頭。其實門面同一般小區細酒樓冇乜差別，環境比較狹窄，絕對唔係一個同朋友坐低慢慢傾偈吞食物嘅地方。我哋兩個人叫咗兩個餸：1）鳳梨咕嚕肉 （$118）以環境來說價錢偏貴，見咕嚕肉上枱時熱辣辣都有些期待，雖然外表出煙，點知個心係凍嘅，最初以為中伏，居然入口外面甜酸而鬆脆，都是唔錯。2）京蔥爆海參 （$198）碟頭好大，海參同冬菇都好多，海參爽滑但冇味，但以這個價錢這個份量就不能投訴，未到正常，份量絕對冇欺埸食物質素正常，個人覺得說不上什麼米芝蓮，明顯連歲晚食物價錢也貴了。純粹抱住試吓嘅心態無妨，不要有太大期望。

原本經OpenRice訂咗聽晚食團年飯，餐廳沒有任何通知情況下取消我的訂枱，打電話去問嘅時候服務態度勁差，仲要cut線！無論餸菜幾好食，咁嘅服務態度一定唔會幫襯😡

之前經openrice訂座已經confirm booking，食之前一星期單方面話「餐廳已滿座」取消咗我個Booking。打電話去查詢點解確認咗之後無故取消，職員第一次聽電話後叫我等等，然後hold住我條線5分鐘唔理，再打去直情唔接。之後用133打過去又即刻有人聽，但職員叫我五點後打去問經理，我話留低電話叫經理回覆，職員話唔得，一定要你打嚟，我話你哋無端端取消booking仲要我自己打嚟問？職員重申「一定係咁架！」，我都未講嘢佢就單方面cut線！態度極為惡劣！！