家賀屋刺身寿司專門店

一餐高質素的日本料理，閒閒地人均消費會過千元，最近聽聞灣仔有間壽司刺身專門店，食材每日由日本築地新鮮運到，為了益食家，取價公道。事不宜遲，今晚約了好友來到灣仔道83號1樓的「家賀屋刺身壽司專門店」一嚐性價比高的日本料理。雖然早到，但餐廳內已有不少食客，先來冰凍有西瓜味的啤酒再來招牌菜家賀壽司：火炙秋刀魚 - 秋刀魚炙至半熟，油脂溢出，潤澤味蕾，甘甜味美。另外一款相當吸睛，底層有吞拿魚蓉，上層有新鮮彈牙赤蝦，赤蝦之上還有海膽，三層美味，何等奢華的一件壽司。特選海鮮丼 - 擺盤精緻，包括鮑魚、三文魚、吞拿魚、魚子、赤蝦、油甘魚、海膽等豐富食材，由於每日由日本直送，新鮮程度無庸置疑。池魚王刺身 - 十五片切得薄薄的池魚王刺身，肉質鮮嫩肥美，油脂非常厚，魚油甘香細膩，入口質感爽脆，配以姜醬油讓鮮味更突出。柚子醋漬真鱈白子 - 真鱈白子是鱈魚的精囊，能滋陰補陽，是刺身界的高級食材。水母刺身 - 水母即是海蜇，用來做刺身吃都是第一次吃，爽口無腥味，有嚼勁，更是一種低脂肪和低熱量的食物。鹽燒油甘魚鮫 - 入口甘香，魚鮫肉質是全條魚最鮮甜嫩滑的部份，相當滋味。最後還有烏冬和甜品，享受豐富美味的一餐。

見到好多好評所以來試吓 但係試後冇特別驚喜並唔係所有食材都好新鮮 當日食物除咗生蠔表現非常一般之外 其他都正常發揮 值得一提嘅係服務 有不斷幫你斟茶 依點值得讚揚 地方唔難搵 出地鐵行一陣就到 總括而言可以一試 但係問我會唔會再食就未必了

每逢星期一和同事放工後, 總喜歡由中環食到銅鑼灣, 今次同事話去灣仔食日本嘢, 日本 家賀屋刺身寿司專門店, 專門店好專業?  食得好?  我們要試吓?餐廳面積不太大, 座位分佈得好好, 有卡位也有方桌, 坐得舒服.  侍應姐姐介紹用 QR code 下單, 真方便.  有刺身, 壽司, 燒物, 推薦菜式........也有飲品, 酒精及非酒精類, 日本酒.....上桌有效率, 先來麒麟一番榨冰啤, 我愛蜜瓜口味, 賣相好有型格, 冰沙狀的頂尖比思樂冰更美, 入口冰涼, 酒精濃度不重, 香甜溫潤蜜瓜味, 冰啤好選擇 !飲冰啤配燒物一流, 唐揚日本池魚苗燒池魚苗,  好配搭.  池魚苗燒得香口細膩,  點些沙律醬, 美味. 一人一條又一條, 好快食曬.特選鮪盛, 金槍魚族首選我們愛食新鮮剌身, 鮪盛色澤亮麗, 共來三個部位, 大卜口, 中卜口, 赤身.先食赤身肉質結實, 油脂少.  中卜口, 魚味和魚脂平均, 最後食 大卜口, 油脂豐富, 入口綿滑.  越食越愛.再來一碟, 夏日之選山葵柚子漬水母刺身, 及加拿大海膽, 金黃色好搶眼, 海膽份量真不少.山葵柚子漬水母刺身,  入口爽, 沾

中秋翌日晚係灣仔勁想食壽司🤣勁開心搵到呢間非常滿意既樓上壽司店😋仲要岩岩好有位唔洗排！而且店員有禮💛---淨係睇部tab見到勁多選擇，已經好期待，壽司、刺身、燒物炸物卷物、丼、甜品、飲品應有盡有😆食完更加肯定之後唔洗食sushiro🤣---🔸最有驚喜係吞拿魚赤身($45/2件)🤩平時揀食拖羅貪佢肥美，但原來瘦肉部份都好食！口感好，完勝壽司郎有筋既拖羅💁🏻‍♀️🤣---{連加一，兩人共$519，勁滿足}(☀️圖7睇單)🍽️家賀屋刺身壽司專門店

平日嚟呢度食都相當多人，好彩預先book咗位。打開餐牌有散叫亦有晚市套餐。我哋想食多啲唔同嘅嘢，所以選擇上散叫share。揀咗個特選刺身盛，非常豐富有唔同當做嘅魚擺盤好靚。北海道口岸蠔，日本蠔我非常鍾意。呢一隻蠔夠鮮而且夠飽滿。夠凍好食！鍾意食吞拿魚嘅一定要叫特選鮪盛，有拖羅好鬼正！叫咗其他壽司亦都相當有質素，鍾意食赤背夠鮮甜，赤海蝦都相當爽甜。三文魚腩油脂夠多，正！油甘魚都鮮味！卷物有彩虹壽司卷，五顏六色又靚又好食！串燒揀咗串燒白鱔，啖啖肉。食埋個甜品蘋果雪芭夠清爽。

我都唔記得係第幾次來食喇，因為真係好食，又唔算好貴。⭐️鮪三味定食⭐️⭐️吞拿魚三色丼飯，分別為赤身，中拖，大拖🤩⭐️赤身鮮味最濃厚，口感軟稔，而且無筋⭐️中拖帶點油香，同樣無筋⭐️大拖的油脂很重，油香爆發，但都係無筋⭐️飯軟硬適中，暖暖地幾好🤗⭐️茶碗蒸好鮮又滑，有粒蝦又有🍄，真材實料！🤗⭐️岀面食吞拿魚成日好多筋👎🏿但呢間完全無，處理手法好好，日本嘢來講唔算好貴，物有所值！

好耐無食過日本野。 但平時諗極都唔知去邊到食好。 成日都好怕價錢同質素唔成正比。 問km幾位朋友，佢地都一推薦左家賀屋。 因為朋友話哩到d 魚夠晒新鮮同埋價錢公道。 當日到左門口， 服務員有禮貌帶我地入座。一坐低二話不說就睇下menu 有咩食。 可惜當日食唔到個海膽飯。 海膽新鮮夠晒甜。跟手接住落就係一個大卜口三味。 三款吞拿魚各有特色， 一試難忘。 哩個價位真係無得輸。再黎就係刺生udon set lunch. 唔夠喉再order 激安壽司成餐飯都食得好開心。 食物質素有保正， 服務態度良好。 一定耍encore.

依間日本料理富有懷舊日本風，灣仔上樓店，服務唔錯～嚟呢度當然要叫刺身、壽司，樣樣食物都唔錯～▶️特選刺身盛-時令鮮魚$198刺身盛非常豐富，用上時令魚夠新鮮～有油甘魚、三文魚、吞拿魚都係厚切，肥美有口感。蝦好大隻，勁爽口又鮮甜☺八爪魚則薄薄地，容易咬，夠鮮味▶️特大北海道口岸蠔$68/隻好肥美飽滿，creamy又有海水味，非常新鮮🤤▶️壽司🍣三文魚腩、油甘魚、劍魚腩、赤貝、特大赤海蝦，全部$13/件呢度嘅壽司亦都相當好食😋三文魚腩好肥美，赤貝爽甜，赤海蝦當然冇得頂！▶️特選鮪盛$238吞拿魚、中拖羅、大拖羅，拖羅超級好食😋魚油好香，肥美入口即溶！▶️彩虹壽司卷$118賣相好靚，好多色彩～每一件上面嘅魚生都唔同，有左口魚、三文魚、吞拿魚、帶子、赤貝等。▶️生燒白鱔$98肉質肥美夠Juicy ，魚皮脆脆又幾香▶️唐揚池魚苗$68脆脆地，送酒一流🍺▶️水信玄餅$35、蘋果雪芭$55兩樣都好好食～餐廳全部野都幾好食😋而且刺身新鮮，不枉屹立灣仔咁多年

家賀屋絕對係灣仔街坊都識嘅日本菜，搬咗舖之後同朋友再試一次，果然冇失望而回！首先order咗一份北海道海膽，有50g同100g可供選擇。兩個女仔食50g都夠，而且有配御飯同紫菜，有種DIY嘅感覺😚 海膽勁新鮮，入口鮮甜，食完極回味，即刻想再食多件呀！第一次試到日本質素嘅海膽(˶‾᷄ ⁻̫ ‾᷅˵)❗️ 💛三文魚腩刺身鐘意三文魚嘅人千祈唔好錯過！件件厚切，超級肥美😋大滿足呀！！！💛壽司🍣 黑松露帆立貝壽司超絕好味，每次來店都一定一人一份😚濃厚嘅黑松露加上鮮味帆立貝，完全係絕配呀😋入口即化，勁creamy😋😋💛火炙左口魚裙邊壽司火炙後迫出咗左口魚嘅油脂，好惹味呀，超重油脂香，打開曬胃口🥴忍唔住要叫多一份其他壽司水準都好高，食得出貴店嘅誠意同對食材嘅執着🥰💛蔥吞拿魚茸丼飯吞拿魚腩俾得一啲都唔孤寒😘厚厚吞拿魚茸覆蓋咗係整個丼飯面，夾埋啲蔥一齊食，好好味呀，呢個丼加埋定食都係百幾蚊，超值架🥰💛炸物都係高水準發揮！我哋叫咗一份魷魚鬚同池魚仔。 魷魚鬚炸得非常鬆脆，炸池魚仔十分甘香，仲有少少似多春魚嘅味，送酒一絕，好味！最後店員推介有當季限定嘅秋刀魚刺身，不過我哋太飽，食唔曬。不過眼見同場都有好多客慕名而來

今晚朋友帶我嚟呢度食壽司，聽講係日本豐州直送架！坐低冇耐我就叫咗一杯冰啤。蘋果味麒麟一番榨冰啤：易入口，好啱女士們。上層係沙冰，下層係水果味啤酒，好啱喺夏天飲特選鮪盛(包括大本鮪魚腩丶中本鮪魚腩丶本鮪赤身)：大拖羅好肥美，好香魚油味；中拖羅肥瘦適中；赤身好新鮮$13件壽司，真抵食！魚生好新鮮，壽司米軟硬適中。我特別鍾意赤貝，好鮮；特大赤海蝦，海蝦大隻，又鮮甜；三文魚腩好肥美三文魚腩壽司、赤貝壽司丶特大赤海蝦壽司、汁燒海鰻壽司丶油甘魚壽司丶立魚壽司芝士飛魚子軍艦&山葵粒貝軍艦：紫菜新鮮脆口北海道厚岸蠔：蠔身好大隻肥美，好鮮甜，值得一試山葵柚子漬水母刺身：見到水母刺身真係好有興趣，原來佢似中式酒樓嘅海蜇，好爽脆，配埋Wasabi同柚子汁，零舍開胃燒三文魚鮫：加咗醬汁嚟燒，好入味，而且魚鮫好多肉燒白鱔：白鱔肥美，燒到皮脆肉滑炸池魚苗：炸得好香口，沾埋美乃滋，送酒一流菠蘿雪葩：酸酸甜甜去油膩感

之後一路想試，終於平日放假，可以一試佢既壽司lunch set。果然冇令人失望，材料新鮮，足料，一啖食落去係滿滿既幸福感😂😂😂 配埋櫻花可樂真係不得了灣仔以黎個價錢食到黎個質素，絕對想平日再放假再去食！

竹 壽司定食 $115本鮪三昧丼 $208海三色丼 $165 關東煮烏冬配吉列三元豚 $95青龍 $68👍 叫左 lunch set 所以無試呢間特有嘅河豚，試左另一招牌 - 吞拿魚，果然油花平均，又唔會太肥膩，鮮味香甜！👍 其他刺身都唔錯，性價比都ok👌 因為壽司定食得六件，仲要唔大件，一個女仔都覺得唔夠食，所以叫多條“青龍”，即係紫菜炸蝦卷，即整所以都唔錯嘅。👎 三元豚聽講係三種唔同嘅純種豬交配而成，無食過所以唔知應該有咩特色，但呢隻就認真麻麻，又薄又乾，好彩有碗烏冬濕下口。👎 頭先提過，壽司套餐份量偏細

西京燒三文魚鮫- 燒得好香，厚肉生燒白鱔－燒得金黃，灑上鹽花，實肉山葵柚子漬水母刺身－很特別，似海蜇但較硬，可能係水母頭，有柚子香，山葵嘅攻鼻刺激特大北海道厚岸蠔－超大隻係我食過咁耐以來最大隻，但蠔味較淡唐揚日本池魚苗－超多池魚BB，好得意，炸到每條脆身，少少甘香，好啱送酒特選鮪盛－不同部位嘅吞拿魚腩厚切，有鮮甜三文魚腩－三文魚油脂分布平均，有魚油香赤貝－爽口特大赤海蝦－海蝦鮮甜汁燒海鰻－厚肉海鰻加汁燒油甘魚－肉質香滑空運立魚－有柚子夾心，更清新芝士飛魚子－飛魚子加芝士更有口感，creamy又粒粒爆汁芥辣粒貝－粒貝爽口，加上芥辣都唔會太辣蘋果雪葩－好甜蘋果味，雪葩又唔怕肥

這裏是電子下單，掃描QR code，自行逐件下單，很方便，食物上桌也很快👍北海道厚岸蠔，勁大隻，超肥美，濃郁海水鮮味！特選海鮮丼，金黃的海膽，大粒三文魚子，肥美三文魚，拖羅，鮮蝦，鮑魚，同埋各種唔同嘅魚刺身，套餐跟湯蒸蛋及沙律，真的很豐富！！火炙左口魚裙丼，整個丼都是魚裙邊，火炙過後魚油濃郁甘香。肉質柔軟，肥厚多脂，入口即溶。壽司點了黑松露系列，黑松露三文魚，黑松露特大赤海蝦，黑松露特大帆立貝，沙律醬混合黑松露，入口時都是黑松露嘅香味。不得不說，帆立貝真的超級大隻，果然特大啊。唐揚魷魚鬚，新鮮炸起即上枱，魷魚鬚彈牙香脆，正！山燒白鱔，串燒上枱，啖啖肉很有滋味。麒麟一番榨冰啤，入口充滿香桃味甜味，賣相美觀，冰啤伴食就是夾。朋友點了河豚鰭燙酒，熱辣辣，浮面是香烤過的河豚鰭，味道都滲入到酒中，很特別。甜品水玄信餅，賣相靚，好味，很滿足！

灣仔日本餐廳既選擇唔算多，每次係灣仔想食壽司又唔想排好耐先食到，我都會諗起呢間係灣仔多年既上樓日本餐廳海三色丼定食有油甘魚、三文魚、赤海蝦三款刺身，油甘魚食落肥美，三文魚同赤海蝦都鮮味十足海鹽輕燒石狩丼定食炙燒既三文魚輕輕燒至半生熟，加上少少既海鹽，更能帶出三文魚既香特選鮪盛有大本鮪魚腩，中本鮪魚腩，本鮪赤身赤身雖然較瘦無咁肥，但都食得出新鮮中toro比赤身肥美，肥美到適中大toro真係油脂爆燈，睇見魚身既雪花紋分佈，就知道非常肥美加拿大海膽唔算好新鮮，微腥但未去到臭既，仲可以入口，海膽真係好多時都會中伏朋友係VIP所以埋單有9折優惠，撇除海膽，其他食物質素係唔差的，加上價錢合理，不過我試過有次叫foodpanda 既價錢係貴到離晒地，都係建議堂食或自取好了