家賀屋刺身寿司專門店

平日嚟呢度食都相當多人，好彩預先book咗位。打開餐牌有散叫亦有晚市套餐。我哋想食多啲唔同嘅嘢，所以選擇上散叫share。揀咗個特選刺身盛，非常豐富有唔同當做嘅魚擺盤好靚。北海道口岸蠔，日本蠔我非常鍾意。呢一隻蠔夠鮮而且夠飽滿。夠凍好食！鍾意食吞拿魚嘅一定要叫特選鮪盛，有拖羅好鬼正！叫咗其他壽司亦都相當有質素，鍾意食赤背夠鮮甜，赤海蝦都相當爽甜。三文魚腩油脂夠多，正！油甘魚都鮮味！卷物有彩虹壽司卷，五顏六色又靚又好食！串燒揀咗串燒白鱔，啖啖肉。食埋個甜品蘋果雪芭夠清爽。