家家樂快餐店 (已結業)

齋睇家家樂的 Logo 就感受到他的七八十年代字體風格 😆 那個年代除了梅姐的 攣毛頭 及大墊膊外， 還有當時興起的 「大x樂 」 及「 大快x」的快餐文化， 家家樂 就是誕生在那個年代吧！😁開放式廚房， 面積不大但廚師甚多，從外面看到憂鬱嘅廚師 + 唏噓嘅髮根 ~ 雖然廚師叔叔佬味甚濃， 但以港式快餐廚房來說，這個蠻整齊的 😆豬扒麭 $19~ 豬扒醃得淋而入味，港式豬扒怎樣醃得淋？ 不多說，你懂的 😆 快餐的好處，來去貨快， 不會囤積食物，豬扒不會醃過耐。 切好的豬扒 加上洋蔥及生菜， 剛好一頓簡單的速食下午茶 😁飢Point : 6/10#hungermarch #飢詩 #非飢詩

最近先發現呢個地方，食左兩次，第一次去想買野食果陣，搵左好耐都搵唔到條隊，見d人都係普普通通行上前就買到，我係唔同位置企左好幾分鐘都好似冇店員見到咁，我企去左邊就見到右邊既人收錢，然後企番去右邊就見到左邊有人收錢，結果終於等到d人都走晒先買到。買左個福建炒飯，整體都還可以，就係d蝦仁有d影響觀感，蝦仁數量唔少，全部都有條黑色既腸，真係食唔落口，最後試左一啖，完全冇味，好彩冇食到。剛才再去左一次，我前面企左幾個人，我依然係打算排隊，結果企企下有個阿叔逼左去我前面，再企企下又有個阿嬸逼左去阿叔前面，旁邊仲有兩三個人，阿嬸等左陣就直接喊過去，然後成落單，其他人就跟著喊，紛紛成功下單，此刻我終於明白呢間店既正確買飯方式，無奈我確實做唔出插隊同大喊之舉，係我錯，所以我即時轉身就走，以後唔會再幫襯。

外賣叫了盒咖哩牛腩飯，食落無咖哩味，得個辣，份量都算多，但唔好食，食到味覺得辣，牛腩還可以，唔會硬到咬唔到。送外賣嚟嘅係個伯伯，由於我只係幫手俾錢，所以唔知俾唔俾貼士好，應該找七蚊，個伯伯由拎到錢果一秒已經表示唔想找，係咁睥住我搞左半分鐘佢先從銀包拎錢找俾我，仲要一開頭找兩蚊咁大把！！！！！如非必要都唔會食不爽

本身都係住係呢頭附近每到夜晚11,2點唔知食咩好嘅時候，就會諗起「家家樂」平、靚、正仲要開到好夜，附近酒吧D人飲飲下酒肚餓都會行過黎整番個外賣收銀個阿叔好風趣，雖然有D串串地但係等外賣嘅時候無野做，不防偷聽下佢同D客嘅對話都幾搞笑架係入面做D阿叔好勁，個個都好好記性，又快手快腳勁快搞掂晒D外賣每次黎都係例牌嗌呢個「雜扒薯條餐」唔需要淋汁佢本身D肉已經整到好JUICY，淋左汁就蓋過晒D肉味啦真係想要汁果D人，其實你同收銀阿叔講要咩汁佢都會淋埋俾你除左呢款之外，炸脾呀、熱狗、漢堡包同其他飯佢都OK架平平地，又有懷舊風味係附近番工嘅人，「家家樂」的確係叫賣嘅不二之選

這日，有一個大型的博客活動在尖沙咀舉行，可是我需要上課，與那一個可以又食又擰，又有獎品攞的活動無緣，沒法跟人去大開眼界。另有任務來到尖沙咀，當我在 FB 看見人人歡騰的照片，我就需要找個地方獨樂樂。碼頭落船，目的地是厚福街，我經由北京道一帶行過去，經過《家家樂》門口，感覺，一個香港式的漢堡包，會很合我心意。《家家樂》，是少數依然能在大街大巷經營的快餐店。這《家家樂》用上了開揚的 Open Kitchen，廚房人手亦比一般的港式快餐店多，佔了兩個舖位，完全不設堂食，可以說是一間非常典型的快餐店，是日怕麻煩，不然，我真的想問有沒有炸魚藉條，因為，這兒好有英國 chippy feel。其實，未行入 counter，我早已定下目標，因為求簡單，求可以邊走邊吃，一個輕快的食品最是適合我。牛扒煎好了，芝士片放好了，包也烘熱了，店員把包子塞入紙袋內，好讓我平平安安地，拿走慢用。香港式的芝士漢堡，比起美國的漢堡，簡單多了，不過，最皇要的，依然是一片味道美的手打漢堡牛扒，《家家樂》的這一片，樣子不平均，不夠圓，但肉粒很碎，而且亦可以吃得出夾雜了煙韌咬不開的小肉，外面是帶點香脆的，內心是香軟的，牛肉味道濃

心血來潮，再次走到亞士厘道覓食。前幾天已想在這買午飯，但人太多，放棄了。微雨午後，人流不算多，叫了一個豉椒牛河，加羅宋湯一個。不要期待像連鎖店有極好禮貌的招待，最少沒有向客人惡言相向，而且願意跟進遲來的食物，已經很不錯。不能以人間美食來形容：豉椒牛河的份量足夠，獻汁濃稠惹味，感覺很有鑊氣。羅宋湯雖然料足，但味淡，不夠辣，亦不夠酸。普普通通的一頓午飯。看著店內各人各司其職，各自忙著製作食物的情景，深深體驗到：香港精神，就是這樣。

近這一年, 香港食客的熱門話題, 用四個字簡而言之 - "緬懷過去"。這短短一年間, 經常在報章雜誌看到聽到, 又一家數十年的老店打出"光榮結業"四個大字。"光榮", 不是因為經營不善, 不是因臭名遠播, 而往往敵不過的就是成本大幅上漲, 或是業主逼遷。芸芸尖沙咀地區, 有實力但物值低的已遷離核心地帶越來越遠了! 早前, 亞士厘道一家外賣店抵不往鋪位升值的引誘, 毅然放棄多年的經營, 將鋪位以高價轉售。不經不覺整條亞士厘道剩下的外賣店已沒多少, 可能就只有這家。看招牌還是這麼的傳統, 而事實上他亦有過輝煌的過去。餐廳至今依然以外賣為主打, 以前還用來作拍戲背景。而我已很久沒有光顧了, 只是朋友飯後到附近歌唱作樂。及後嚷著要吃他認為好味的炸魚小食而已。結果, 我們兩個人站在外面等, 可幸是時間尚早, 夜宵柯打未見。只見店員站著閒聊, 所以只消五分鐘多便奉天熱騰騰的炸魚。炸魚件頭不大, 是傳統中式平滑炸漿的做法。老實說, 我個人對此並不怎麼樣, 因為做得不好的炸漿經常試到! 什麼酥炸金蠔, 酥炸魷魚等, 有時炸漿硬而有油益味, 甚不喜歡。可是, 這個炸魚卻真的不錯, 炸漿滑而成形, 脆口而

每次走入家家樂,都會對它的開會式廚房感到佩服。它不怕骯髒的廚房趕走客人,因為它知道來到家家樂的客人無不是有堅韌的腸胃。在尖沙咀,三十蚊一個飯盒仲有例湯送,而且又食你唔死,實在只有家家樂!今日又是晚上八點來到家家樂,正直晚飯時間,收銀機前已經擠滿客人。要點上一個餐,最少也要等五分鐘,但正如柴九所說:人生有幾多個五分鐘!!! 家家樂絕對不會讓客人浪費生命中寶貴的五分鐘! 從廚房傳來的陣陣熱浪讓等候區氣溫高達34度,每位客人都是汗流滿面,這是家家樂給客人來一個晚飯前的熱身運動。能夠留下來等待食物的都是一等一的耐熱勇士。終於輪到我,馬上迎來伙計熱情的招待。沒有”你好”,沒有”請問”,只一句”食咩”。簡單!直接!完全展現出香港人追求效率的精神。如果你係三秒內都答唔出你想食d咩,唔該重新排隊仲有面壁思過,因為你根本無誠意兼阻人做生意。所以我叫野食完全係出於本能,來一個煎蛋牛肉飯!!!伙計立即對廚房大叫煎蛋牛肉飯!!!!!!!!!!每一次點餐都可以伙計用震耳欲聾的聲音重複一次,這種衝擊性的落單正是吸引我回頭光顧的原因。在焗了十分鐘桑拿後,懷住激動的心情,煎蛋牛肉飯終於到手。急不及待趕回家中打開飯盒

食快餐店都係為飽肚，俾得幾十蚊都唔會有咩期望架啦！食得飽唔難食咪ok囉！但係我成三十歲人都真係未食過甚至未見過什扒餐係冇汁！仲同我講＂不嬲係咁！＂好野，我見識少！我係附近返左三年工，今次第二次叫你地外賣！但我肯定唔會叫第三次！

今日吾洗返學 緊係留係屋企休息下啦吾想落街食又吾想煮 於是叫外賣叫佐煎蛋漢堡扒意粉(黑椒汁)$33 心思思又想食粥於是叫多個皮蛋瘦肉粥$13等佐15分鐘左右已經到! 好快!個意粉真係吾錯 好大盒! 漢堡扒超正! 真係有牛肉味 吾似m記果啲 但黑椒汁再濃味啲會更好 但有漢堡扒搭救 值返曬啦!但最驚喜係個皮蛋瘦肉粥! 一食 不得了啦!!好耐無食過咁好食既皮蛋瘦肉粥第一夠綿 而且一啲都吾稀! 無搵笨!第二皮蛋夠多! 吾似一啲搵笨既快餐店第三 最重要每一啖粥都有皮蛋味! 食得出係有花時間堡過 吾似一啲粥店 收到order就係瘦肉粥度加小小皮蛋 啲粥完全無皮蛋味!唯一可惜既係意粉吾包野飲

屈指一算, 廿十年前在尖沙咀工作時, 已經常到這裏買漢堡包吃! 今天路過, 約會又未夠鐘, 可以來一個包回味吓. 門面比當年時髦不少, 店鋪也像大了不少, 但依然不提供位何座位, 甚至乎連企枱都沒有, 買了食物即食似乎有點狼狽! 叫咗個漢堡包+凍奶茶, 漢堡包即叫即製, 包塗了牛油後亦放上扒爐上烘, 漢堡扒煎好後就放在包上, 加少許茄汁即成. 咬落口熱辣辣, 感覺到那份新鮮即製的滋味, 這是老麥做不到的. 雖不及時新咁好味, 但勝在有份懷緬過去的感情. 這樣的漢堡包我閒閒地也可吃十個八個罷!

猶記得某晚走過，路經這家很老港式的快餐店，已很想一試，不過當晚吃胃納量爆滿而未有動手。今天既然上班前要打個底，就到這兒買個漢堡包。落單，等候。開揚式的格局最大的好處是，等多久也不會悶；因為可以師傳的「鬼岸神功」，活現眼前；看到師傳一邊將我的漢堡扒和麵包「拋」到煎鑊上煎，一邊處理人家的紅腸煎蛋飯，游刃有餘 - 既然自己做不到，看著人家作就會歎多幾分。煎漢堡扒還需要多一點時間，等了良久，終見師傳拿起我的漢堡包，一邊塗上牛油，一邊唧了些茄醬，再放上剛煎起的牛肉，入袋即成。急不及待到鄰近的seven買杯思樂冰開餐；甫打開袋子, 一大陣牛肉腥味撲面而來，很raw的感覺。咬下去，倒也不太腥，肉香一般，還好內裏有洋葱碎增添香味和口感；漢堡扒偏薄，雖然有肉汁但不豐盈，沒有爆汁感。漢堡扒的問題本不大，雖不及時新的好但終算見其認真過，牛油與茄醬混於牛肉裏味道還不錯；但令整個情勢逆轉的是那兩塊麵包，太厚太大太乾，雖是煎過帶香，但也令整個漢堡包教人吃上去乾爭爭，件扒縱有肉汁，加了牛油和茄醬增加濕度，也補救不了。這個相對濕度偏低的漢堡包，實在有點教人失望。不過，我寧可忍受偏低的濕度，支持本地小企業，也不願光顧那

今時今日家家樂呢一類型的快餐店已經買少見少,呢一種快餐店的特色係有好多種類,食物即叫即炒,仲有一種非常特色就係啲店員一副滿不在乎,鍾意就幫襯,講多句都嫌你煩,但係你又吹佢唔脹的情形.講返食物本身,咖喱班腩意粉,有很多塊班腩,亦很大塊,意粉亦不會硬,咖喱亦夠味,三十蚊連湯,算係不錯,個湯亦不會咸.另外亦有一個越南炒飯,有扎肉粒,蝦粒,料很多,最重要係唔咸,啱晒怕咸的我.至於個羅宋湯則一般.

lunch公司太多野做,所以索性買飯番公司食跟同事黎左呢間,本身以為好麻麻喇但係尖沙咀區黎講算抵食,$29連湯要左雪菜肉絲炆米同紅湯,而醬料佢就會俾杯你自己倒,倒左d辣醬番去打開飯盒好夠份量,而且成個公司都聞到好香呀好夠鑊氣呀! 唔會太爛太腍! 加埋辣醬更讚但個紅湯就差d, 雖然足料有豬肉片同埋椰菜,但係好淡又冇茄味又唔辣,應該叫假紅湯

剛食罷了"一頭煙Pho`"後，總是有點略有所失的感覺一直揮之不去，跟女友伯母往前多走兩步之後，看到了這家常在友人口中"回帶"的快餐店，自己一個箭步走進走要了一個<<芝士漢堡>>。跟時新的出品，這裡的明顯差了一截，不論口感、味道都是比不上的。漢堡沒多大的質感，也沒有"流汁"的情況出現，而醬汁也是最基本的茄汁而已。另一方面，因為剛才劣食的關係，這個"芝堡"吃得津津有味，在有比較之下味道或多或少也會提高了呢。 食物原來的味道固然重要，但是也很受當時的環境和心情而有所影響，怪不得氣氛極好的飯局，食物的味道也有所"改變"。這個，該是真正的"人為因素"了吧。