家家樂快餐店 (已結業)

o尋日同男友去行星光大道，之後就想試o下家家樂o既芝士漢堡包同五香肉丁炒飯..但係去到至發現原來呢間食店係不設堂食o既，所以我o地試唔到佢o既五香肉丁炒飯，都幾失望>.<我o地唯有試試呢個芝士漢堡包同埋薯條..個芝士漢堡包雖然冇我好鍾意食o既青瓜，茄汁又少，但係勝在夠新鮮，d芝士又係即溶o既，加上麵包又煎熱過，令到個包生色不少，好正嫁!!!連我男友都覺得呢度o既芝士漢堡包好食過麥記o既漢堡包多多聲，一流~~~不過，如果有埋堂食就仲好啦!!!我下次仲想試試大蝦薯條，同埋炒飯...

見大家早排勁提開「宜家熱狗」（我就未有機會試），琴日適逢出開老尖搵野頂肚，望住家家樂餐牌，又豈能放過食熱狗哩！同（芝士）漢堡包一樣，都係簡簡單單，冇任何「配菜」相夾，搽上少少沙律醬就收功（附圖）。講明先，我唔係埋怨冇「配菜」亦都慣左哩度包類係咁，只係想話，雖然只得「包」、「腸」、「沙律醬」，但可能係即叫即整，熱辣辣，我覺得唔錯丫！

今日報告兩個家家樂推介的炒飯(因為係即叫即炒﹐各位請付出少少耐性去等幾分鐘)1) 越南炒飯- 配料中加入扎肉﹐較大的蝦﹐洋蔥然後落少少魚露黎炒。味道算OK啦﹐都幾香的(不過唔多覺有魚露味)喜愛較清淡口味的朋友可以試呢個2) 五香肉丁炒飯- 正﹗雖然炒飯大家食得多﹐五香肉丁相信亦食唔少﹐但係五香肉丁炒飯你試過未﹖其實好簡單﹐只係炒飯時開罐五香肉丁(我估分量1罐肉丁可以炒2~3個飯)將D肉丁落鑊﹐再落少少五香肉丁的油一齊炒﹐色香味俱全﹗如果可以少D油就更好了﹗呢個五香肉丁炒飯值得向各位推薦。** 不過今次個羅宋湯鹹左少少呀

o岩o岩返睇完BBC o既"The Burger & The King" ('貓王' 皮禮士利), 搞到我都要o黎一o黎家家樂試番個芝士漢堡包, 過番陣貓王癮...我其實對8蚊雞一個芝士漢堡o既期望唔大: 塊漢堡扒幾薄兼散散地, 配料只係得芝士同茄汁, 但好在個bun夠厚身兼烘過, 塊扒即叫即煎, 趁熱食時芝士入口即熔, 好有home cooking feel, 完全將老麥o個o的'量產型' 比下去.雖然唔係正經o既美式漢堡包, 但我諗貓王都會話, "Gimme that cheeseburger, Boy!"P.S. To OpenRice Editor: please update the information related to '家家樂' on this page:Name (Chn): 家家樂Correct Name (Eng): Ka Ka Lok Fast FoodCorrect Address: 尖沙咀亞士厘道16號地下營業時間: 每日早上8時至零晨3時Tel: 2376-1198; 2376-1037菜式: 港式消費: 儉(每人$40 以下) Thank you!

上次仁兄介紹哩個芝士漢堡包，即刻走去試。似乎同佢燈箱果版本有點兒出入（因為冇青瓜番茄），雖則係咁都幾好食，漢堡扒並非老麥果o的，漢堡包厚厚的，夠頂肚。另外，我至愛波浪形薯條，夠哂‘淥’口。但依然未有機試佢o的飯盒

做快餐做到咁都算敬業樂業咯。廿零蚊一個餐，包例湯，話哂尖沙咀喎。湯唔係味精或豆粉水，真材實料。飯盒即整，半個鐘返到屋企仍夠鑊氣。見佢炒意粉炒到好似鐵板燒咁，炒底飯亦炒得好香，好乾身。牛扒有兩大塊，一分為二，好厚身下，唔韌、唔會俾梳打粉'lar'到淋bei bei、有肉味，雞扒都好。

都唔錯架﹗有茄汁﹐應該唔會怕“乾啃”呢個問題。如果食芝士漢堡仲正。塊漢堡扒都係即煎的﹗好鬼香﹗(但其實已經唔記得左係家家樂定新良友了﹐有機會等我試下再CONFIRM)

只係一塊豬扒夾落個有牛油或沙律醬的麵包度，可以敢講呢度多數有得供應，不過係唔係你心目中的質數就唔敢包。

每次離開哩個“賣咖啡”必經之路，早幾日先同朋友講想試哩家野．．．係呢，請問有冇豬扒包賣？小弟兒時係尖東某間快餐店試過o既豬扒包之後，畢生難忘。可惜依家尖東面目全非喇，搵唔番，好想知哩檔開左十幾年o既家家樂有冇得賣豬扒包呢？喂，哥仔，推介真係講到有點兒流口水喎．．．好，就等我搵日試下先，再落“賣咖啡”飲消滯開胃茶先．．．．

Yummy~;p

雖然並非兒時食開果種味道，但真係幾Buy即叫即煎即食。我覺得都幾好食喎，但未必人人鍾意，因為都幾“寡”，純粹一個漢堡包一塊豬扒，冇配菜冇汁，唔知下次可唔可以叫加o的黑椒汁呢，望見都口水流呀．．．下次會試埋佢o的鑊氣同飯盒，哩類型快餐店真係買小見小喇！！唔知佢地o的薯條係咪波浪型果隻呢，我好鍾意哩款o架！

無錯，呢間野已經在現址經營有年。初出來做野時在附近返工，下午最喜歡來這裡炒盒飯，貪佢夠wok氣又唔係貴。時常吃的是窩蛋免牛飯炒底，會叫個廚師大佬加豆板醬炒飯，正到庳！

呢間家家樂都算巴閉﹐位於尖沙嘴其中一條美食街---亞士厘道已經超過15年﹗(如無記錯)我諗尖沙嘴廣東道北京道一帶的的打工仔﹐除非唔習慣買外賣飯盒﹐否則應該唔會未試過呢間家家樂快餐外賣的﹗曾幾何時﹐亞士厘道有2間“外賣王”..新良友﹐家家樂各領風騷﹐但多年以來﹐亞士厘道轉型不斷﹐良友們都搬走了﹐只剩低家樂仔繼續孤軍作戰。在亞士厘道跟家家樂一樣老資歷的﹐相信只剩下星加玻餐廳﹐和家家樂對面的一家日本料理了。好﹐歷史講完﹐講野食。其實有咩好講﹖都係一般快餐店的食物吧﹗但家家樂可以生存多年係有原因的。一般的平價外賣飯盒﹐飯還飯做(有D仲先將飯入定盒﹗)﹐菜還菜做(預先做好)﹐跟着就照ORDER 執個飯盒出黎。呢種做法﹐又點可能會好味呢﹖食得CHEAP唔等如要食垃圾掛﹖家家樂就唔同﹐大部份飯盒都係即叫即整﹐飯係從飯桶中收到ORDER先裝落飯盒﹐熱度濕度都理想﹐而且例如雞扒﹑牛扒等﹐都係你俾錢後先放落煎爐度煎熟﹐又香又夠熱﹐正。如果你要炒意粉底﹐更加係即叫即加茄汁炒﹐問你服味? 睇返其它好多快餐店都係炒定一堆意粉備用啦﹐結果又乾又怪味。家家樂的做法﹐真係令同行汗顏。相信環顧香港快餐店﹐做飯盒都做得如