家家樂快餐店 (已結業)

數年前...生活糜爛...凌晨兩三點...尚在網bar 流連...呢d 時間想醫肚, 點算好??幫襯家家樂啦~絕對係快靚正之算Last Tue, 因為為食鬼上身又去翻兜家家樂我最喜愛之吉烈豬扒仲推介畀好朋友食~嘩~佢丫!!! 一食就上癮....Sat 果日經過既時候佢又話要食我...梗係捨命陪君子啦...一個星期內食2次, 勁呀!!!!減肥?!食埋呢餐先算啦家家樂既吉豬真係勁好食我估佢有落薑汁同酒去醃果浸吉烈真係脆!(怕熱氣咪食)件豬扒好鬆化, 咬開仲有汁添!!!!咁樣質素既吉豬,幾多貴價餐廳拍馬都追唔到(PS - 一路打呢篇野一路流口水呀!!!!!!)

家家樂的客路頗雜頗草根，間中還會有些黑人幫襯，給人感覺很「重慶大廈」。　一天，我鼓起勇氣來幫襯，原因是它的漢堡令我想起時新漢堡包，結果卻不是那麼一回事。無他，漢堡扒太乾身了，一點多餘的油分都沒有，又不似時新加上沙律醬助陣，只有簡單蕃茄與淡而無味的芝士片，是健康卻也是失了滋味。　我笨了，一去到見到抬頭寫著漢堡包套餐就叫了，其實套餐沒有平，反而飲料就限制於汽水類，連想飲的奶茶都飲不到，又要等，是個好麻麻的經歷...

到尖沙咀送貨，順道到家家樂來個魚柳包醫肚。漢堡包在煎爐上烘熱，魚柳是新鮮炸起的，外脆内熱，師傅還灑了點鹽巴，加上生菜絲和番茄，格外美味。叫師傅幫忙將魚柳包開二，就有吃了兩遍的感覺- 吃得開心！

這間舊式港快,大家會想起什麼?中午時間老尖打工仔之"救世神棍"?幻想會有個"重慶森林"內,一頭清爽短髮的王菲,神不守舍在收銀機前夢遊,心想希望她成為閣下的夢中人,一分鐘抱緊,繼而接十分鐘的吻?而我,不再胡思亂想,不要王菲,要炸雞髀.此店的雞髀真真正正生炸,由生炸到熟.拿上手熱辣辣,感覺正過寒冷天氣之下,擁抱著熱維他奶.雞皮呈芝麻皮狀,咬落爽脆卡卡聲,雞肉剛好離皮,生熟程度剛好,肉質都叫得上嫩滑,在雪藏雞層面來講,已經很好了.歲月無聲,今日的王菲睬你都有味,仲點會邊聽著California Dream邊賣廚師沙律?唯有打包個雞髀,來討好自己.

31-8-2007近年最難食的奶醬多士; 黑, 乾, 貴!

冇得頂! 我以前係TST 公司呢, 就係得一兩個人食既, 之後食食下, 食到公司已經有9個人食, 食完都覺得好食, 死未。講返d facts, 18個半有碗勁大既, 我係男仔, 都夠食飽!! 一打開個蓋d 料湧出黎, 好驚! 好食!*Remarks: 記得問佢俾埋辣油!!!!!! 包你餐餐家家樂!*差d唔記得什扒飯, 又係由1個人食到變5個人, 冇野好講

佢一至六中午都有特價套飯,$18,2送連soup,嘩d送足一個飯盒,仲有一盒飯,我次次都食唔到咁多,好抵呀!仲有呀,有個畢送的後生仔,幾靚仔^.^

自己去shadowman 食完dinner，o係家家樂外賣左個甜酸蝦飯俾細佬。個飯一般啦，個甜酸汁幾醒胃，都幾大份量。但我覺得呢度至正既係個例湯。

星期六冕心血來潮，想跟男友買兩個飯盒到公園邊坐邊食。好耐都冇試過到這些專做外賣的快餐店買飯盒。是次要了一個干炒餐肉麵和鮮茄牛飯，還另叫了一包炸薯條。麵炒得好乾身，但鹹了少許，餐肉香蔥勁多，而且好夠鑊氣，好得；鮮茄牛也是水準之作，蕃茄和洋蔥汁很正，雖然知道唔係用鮮茄熬製，但快餐店出品的茄汁，由細到大都係我o既至愛，牛好腍，也保留了牛獨有的羶味，掂！薯條都不錯，但炸得唔夠耐，還有朕雪藏味，不過佢o地茄汁唔知係乜牌子，難食到暈，仲有餐湯，極之難飲，送都係咁話，總括而論，以咁o既價錢有咁o既水準，實屬抵食。

家家樂用料十分簡單，簡單得令人覺得「寡」的地步。如豬扒包，就是豬扒+包+牛油，沒有其他。不過，我一星期總會吃一次。因為他的煮法也十分即時，即時得令人覺得「正」的地步。如豬扒包，即煎豬扒，即煎包，即塗牛油，即時給你，入口時是燙的，沒有其他。即叫即做，熱辣辣，就是如此。

今日事忙﹐只可匆匆以飯盒填肚﹐於是又想起家家樂。平時多數都是食肉丁炒飯或是雞扒飯的﹐但今日想轉轉口味﹐要了西炒飯($22連餐湯)。等了約4分鐘已做好﹐快及便宜﹐是無容置疑的。但今日的西炒飯真係好失敗。看似並無不妥﹐依然是那些材料﹐賣相也差不多﹐但吃下去﹐完全是淡然無味的。本來吃清淡一點也好﹐但問題只是無味﹐油卻很多﹐炒得很差﹐心想我自己炒也不會如此難吃吧。而快餐﹐都是一餐﹐並不是“糧”﹐就算抵食夾大件﹐但味道差﹐一樣要彈。其實落單的時候已知道不妥﹐望入廚房不見平日負責炒飯的那位廚師﹐卻由另一位生口面的廚師負責。同樣的材料﹐同樣的器材﹐結果可以相差很遠。希望原本那位“炒飯高手”只是放假吧﹐否則﹐繁忙的日子又少一個選擇了。

佢D公司三文治好好味又幾大份^^其他野就好普通喇~~

快餐店一間, 以前0係附近返工, 諗到無得諗先至幫襯。以前發生過集體食物中毒事件, 之後來個裝修, 叫做有改善啦。始終員工做0野方法至係問題所在:最經典一幕: 右手下面平底鑊煎雞扒, 左手上面噴藍威寶洗油漬.......

佢D奶茶D味勁怪,我未試過飲D禁難飲既奶茶,重有佢既芝士漢堡,我覺得唔係禁好食,又等得耐,麥記都好過佢啦!

尖沙咀有很多間家家樂, 間間也很難吃, 個名擺明抄襲人大集團「大家樂」,但食物及服務卻拍不住人家水準, 真羞家啊! 還有, 在厚福街那間家家樂, 食物很燙, 我試過在那裡吃通粉燙傷了舌頭, 兩個星期才康服, 而座位方面, 明知是外賣店卻勉強擺出兩張又高又窄底下又多石油氣罐的座位來, 叫人怎麼坐呀! 而環境衛生更嚇人, 牆壁好像十年都沒有清潔過, 店內又開住部收音機, 在大家正享用一頓強差人意的午餐時乘機轟炸大家的耳仔, 多麼難受。而價錢方面, 和外面的同級食肆也差不多, 有些食物還貴過大家樂。掛名「x家樂」,卻沒有大家樂的水準, 真的叫人失望。提醒各位逛尖沙咀或在尖沙咀區工作的網友們, 記著千萬不要光顧該區的家家樂呀!