家嫂

營業中

休息中

今晚又抱住寶寶豬同家人試新野。早前聽朋友介紹呢間新食肆$332一位有刺身、雞煲加火鍋放題。咁豐富，忍不住走去試試。環境乾淨、沒有濃烈的火鍋湯味、要留意冷氣較涷。寶寶豬有專屬bb櫈坐；媽媽可以舒服咁食一餐。服務員態度很好、招呼週到；坐下不欠便奉上這個松露蝦多士、熱騰騰出爐，不過不失。接著便是刺身盛盤；視覺好滿足；食物質素就一般；算合格。接著的就是花膠鮑魚雞煲，這個是不辣的。味道幾好、花膠入味；不過隻雞明顯唔新鮮；肉質較硬；連最愛食雞的寶寶豬只食了幾口就放棄了。老實講，食完雞煲都接近半飽了。最後就是火鍋。選了花膠雞湯；湯底濃郁有味。個海鮮除了蝦是較好食、其他都麻麻地、唔新鮮。反而個牛係全晚最好食的、又冧又滑；可惜呢個係冇得添的。其他火鍋配料都唔錯；我覺得仲好食過d海鮮。呢度自家製涼茶係有驚喜；不太甜、任飲的；選擇多最後仲有芝士餅做甜品；可惜我飽到望都唔想；所以冇影相。總結；食物不是難食、牛係最好食、飲料夠特別；價錢不便宜，但真係太豐富、太飽了。試過就滿足，不會有下次。

為左補祝母親節，一直都諗爆頭去邊道食。早前聽朋友介紹話呢間雞煲火鍋都有做，咁就一次過可以滿足母親大人既食慾！餐廳地點好方便，旺角地鐵D3出口一上去就到！餐廳好闊落，有多張大枱，好適合聚餐，就算我地得四個人，都有張六人枱！枱與枱之間都有好多空位添，唔會有壓迫感。餐廳擺設燈飾走摩登中國風，連個打邊爐既煲都好有古典味！食野前，先出去拎野飲，發現呢度有多款自家製既健康飲品。所有既健康飲品都係唔太甜，唔會越飲越濟！我自己飲左花旗參杞子菊花茶同熱情果特飲，兩款都好正，菊花茶淡淡甘甘清熱，熱情果酸酸甜甜！除左健康飲品，隔離櫃都有多款日本梳打，都頗高質，不過我就無飲了～未上主食前，先黎小食: 炸三文魚骨、麻辣雞潤同松露蝦多士。特別欣賞個蝦多士，蝦滑彈牙，而且多士炸得鬆脆，加左松露，味道升lv! 呢d小食都可以encore的，當晚都忍唔住加左蝦多士，不過我個人覺得添食左之後會好飽，食唔落其他野，建議留肚!然後就上左好靚刺身拼盤，擺到好似中國人園林盆栽咁，加上有乾冰效果，連媽媽都拎起手機係咁影！4個人黎講，刺身份量係好多，而且足足有7樣刺身！老實講，放題刺身級數一定唔會去到頂級、鮮甜，但肉質唔梅、無腥臭味

餐前小食椒鹽魚皮，黑松露多士都好味刺身新鮮，海膽無腥味，赤貝汁我唔識欣賞，三文魚肥美，帶子略嫌太細，蝦鮮甜，飲品如果有細飲筒好 d, 不段飲到菊花，唔太甜，唔錯，熱飲得麥茶，雞煲花膠鮑魚都唔錯，但味部一般，火鍋牛肉好食，份量都夠，海鮮鍋貝類有死左，丸同餃太飽就無食，冬瓜片想食比人食晒魚皮都好好食，又脆，蝦好大隻，花姿片都新鮮，元貝好大隻，新鮮肥美，龍蝦唔夠新鮮。芝士蛋糕都好味，旺角平日唔算好旺，侍應哥哥都好好，醬料選擇多，整體唔錯。

總店係柴湾而最近喺旺角開左分店。地点就腳而且地方寬敞兼好整潔👍🏻。不限時另星期日至四全單仲享有88折。坐低先送上小食炸三文魚骨，接著就開始跟牌顺序上食物刺身盛宴(海膽超級鲜甜同大件， 唯一失望就係冇得追加)➡ 蝦多士(可返叫) ➡ 鲍鱼花膠雞煲 ( 原隻鮑魚，蝦亦都好大好鮮 唔會話梅梅爛爛 ，花膠分量亦大件及多 )➡ 環遊海鲜船(可返叫) ➡極上牛肉➡手工火鍋配料( 覺得手打丸都係一般) (可返叫) ➡田園鲜蔬(可返叫) ➡ 芝士蛋糕 ( 上芝士蛋糕嘅時候係尾聲，其實已經食到好飽，但個芝士蛋糕超級好味)。食物質素吾差服務態度幾好會再去。饮品任飲而且好多都係健康飲品。不過唯￣冷氣就真超凍。

大大小小一行十三人來到旺角家嫂，場地都寬闊，每張檯之間都有一定的距離，菜款擺盤夠誇張，啱曬依家喜歡影相呃Like的朋友，花膠鮑魚雞煲味道都好野味，但掛住食冇影到相,海鮮聽聞每次都會唔同，會根據當日貨源擺設。海鮮新鮮程度就一半半，蟹和扇貝很新鮮，芝士蛋糕好好味飲品選擇除佐一般飲品仲有多款自家製飲品整體而言可以有四顆星。

今日經過旺角 見到新開嘎家嫂 上去試下 海鮮都幾新鮮 飲品都多選擇 性價比超高 不過本人就覺得份量太多 女士食量較少 地方都算就腳 如果前菜有多款選擇就更好 下次到旺角又可以多個食飯嘎地方啦

今日去旺角shopping，一出地鐵站就見到有位阿姐派緊lunch傳單，寫lunch time打邊爐66折優惠。咁就上去試下啦。可能仲係新開張，所以唔多客，好寧靜。難得旺角可以搵到間咁C服的。叫左個麻辣湯底，個㷛湯勁靚，好似去左食北京菜咁。勁大㷛之餘，裡面好足料，有好滑既豬紅，柱圓，紅早等等，唔係一般既淨湯底。因為試下既心態，叫左最平的無激素套餐。即係$98有碟雞，再可以係出面拎菜呀，丸呀，粉麵呀，涼菜呀… 雞灼左好耐都唔鞋，老闆娘話因為佢係無激素之餘，仲係在雞未死時急速冷卻，所以可以保存到佢既雞味及肉質 下次一定會試佢個黑毛和牛而出面菜同丸其實選擇唔多，約十零廿款，但睇得出係靚料。日本南瓜好粉嫩，烏冬係急凍手打的，連菇都挑左花…… 真係貴精不貴多。涼茶睇得出係親家製，不過又係懶去影相睇落有4，5款揀。我呢杯唔記得咩名，但味道少甜，花旗參味慢慢滲出。lunch而家66折，食咁豐富同飽都係幾十蚊。抵!