73
19
24
港鐵旺角站 E2 出口, 步行約2分鐘 繼續閱讀
所有分店 (2)
電話號碼
28771611
開飯介紹
裝潢走中式路線,設計典雅舒適。全日供應海鮮火鍋放題,配料豐富且非常新鮮,更設有自助飲品區;另有養生蒸鍋以供選擇。 繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
付款方式
支付寶 現金 微信支付
其他資料
網上訂座
電話訂座
賞訂座積分
加一服務費
以上資料只供參考, 請與餐廳確認詳情
有關獎賞計劃
食評 (146)
等級4 2022-08-15
12312 瀏覽
呢度就算平日都係相當爆滿, 所以黎之前記得卜位呀😉 醬料: 好多選擇, 款式都好特別, 印象最深刻係自家製辣椒油同埋海南醬真係好惹味😌 飲品: 絕對係真材實料, 除左平日飲開啲茶類同汽水之外, 仲有大概8️⃣款自家養生飲品, 個人最鐘意係酸酸地幾開胃既西柚蘆薈茉莉茶同埋清甜下火既竹蔗茅根😍 另外仲會有架酒車推出黎俾大家任飲紅白酒添🤩小食: 酥炸蝦多士好彈牙, 炸粉夠薄同夠鬆脆, 值得encore😉 仲有螺肉沙律, 蜆肉, 酸薑皮蛋同埋超級好食既紅糖糍粑, 炸到啱啱好, 煙韌既糯米包住流心既紅糖漿, 好食到停唔到口🤩刺身: 食落好鮮味同好厚身, 絕對唔係流野🤓雞煲: 揀左小辣, 雖然唔算太入味, 但係雞肉都幾嫩同埋唔肥, 配埋好香既芫荽同埋索曬汁既豬皮超正🥳 想食多啲既係可以加雞嫁😎火鍋: 總共有5️⃣款湯底可以揀, 今次試左個相當濃郁既家嫂花膠老火湯鍋, 而配料就有三色手打丸, 極上牛肉, 海鮮拼盤, 餃子, 炸魚皮, 黑白腐竹等等既配料😚 海鮮拼盤既海鮮相當鮮味, 特別係鮑魚同埋生蠔最出色🥰 另外三色手打丸都相當用心三款口味都相當特別, 完全唔係平日出面就咁買到果啲😙甜品: 皮好薄, 餡係好滑既芒果慕絲糯米糍, 真係超級好食, 另外仲有糖水同雪條, 不過食到太飽就冇食到喇🙃呢度係限時兩個鐘, 基本上絕對唔可以慢慢食, 因為時間真係有啲緊逼, 所以我建議如果朋友到先已經可以落定單唔好等齊人先叫😂 雖然賣單都要大概4️⃣0️⃣0️⃣蚊一個人, 但係食到咁多過質野絕對值得試既😉 繼續閱讀
(以上食評乃用戶個人意見 , 並不代表OpenRice之觀點。)
等級4 2022-07-31
9612 瀏覽
之前朋友介紹我到家嫂打邊爐🫕, 今次終於有機會食到, 我們一行四人🤩,預早打電話到餐廳訂位,位於旺角西洋菜南街74-84號旺角城市中心4樓。 星期六的晚上,店內超多人😍,坐低不久店員會為我們送上小食( 蝦多士、紅糖糍粑、螺肉沙律、蜆肉和酸薑皮蛋) , 然後到刺身和惹味雞煲, 食完雞煲之後就到打邊爐時間, 我們要 養生花膠菌香湯鍋,火鍋配料有極上牛肉、 海鮮拼盤、手打丸、 餃子、 炸魚皮、韓國麵和蔬菜組合。 飲品方面有自助櫃提供罐裝紙包飲品和自家製手搖飲品,最開心是酒車,有紅酒白酒任飲。 甜品有番薯糖水和雪條。🔸小食( 蝦多士、紅糖糍粑、螺肉沙律、蜆肉和酸薑皮蛋) ~ 幾款小食都好有水準, 我喜歡蝦多士香口好味😋, 還有酸薑皮蛋味道濃郁又流心。 🔸刺身 ~ 刺身有幾款,全部都新鮮👍🏻。 🔸惹味雞煲 ~ 雞煲我們點微辣, 雞件嫩滑, 仲有豬皮和蜆肉🤤, 辣度適中。 🔸養生花膠菌香湯鍋 ~ 好香菇菌味, 湯底清清地同海鮮幾夾。 🔸手打丸、 餃子、 炸魚皮、韓國麵和蔬菜組合 ~ 實在太多嘢食, 食到手打丸和餃子都已經很飽, 推介手打丸, 口感爽而彈牙✌🏻。 🔸極上牛肉 ~ 可以揀豚肉或牛, 我們當然要牛肉啦! 肉味濃,肥瘦適中。 🔸海鮮拼盤 ~ 海鮮拼盤真係唔會令人失望, 鮑魚、蟶子、海蝦、蠔、魷魚和珊瑚蚌全部都新鮮, 還有蟹🦀非常鮮甜🤤👍🏻。 🔸紙包飲品🧃和自家製手搖飲品🥤 ~ 手搖飲品有幾款,全部自家製, 有益健康。 🔸酒車 ~ 紅酒白酒任飲🍷🥂, 我比較喜歡紅酒,白酒有點酸🤏🏻。 🔸番薯糖水 ~ 甜度適中, 就算食到幾飽我都會有位🤣食糖水。 🔸雪條 ~ 有三款味道, 有我最愛的榴槤味😁。 整體而言食物有質素款式多, 四個人埋單大約一千七百幾, 性價比高👍🏻💯。 繼續閱讀
(以上食評乃用戶個人意見 , 並不代表OpenRice之觀點。)
等級1 2023-01-02
413 瀏覽
每2個月幫襯1次,之前要預早幾日訂枱,宜家喺1月1號walk in都有枱。原因:-服務態度差咗,唔係差,係無之前咁好。-自家飲料淡如水,飲返汽水/酒好過-雞煲再無任加,本身雞煲都唔係出色,宜家連任加都無埋-花膠老火湯底衰過史雲生2023年已經完成咗最後一次幫襯 繼續閱讀
(以上食評乃用戶個人意見 , 並不代表OpenRice之觀點。)
等級4 2022-12-31
624 瀏覽
旺角家嫂這店我認為最大的優點是用餐時間是下午5-11時。不限時,可以慢慢食,同朋友傾下計。可惜……我們一行幾人都不是大胃口的人,很早把火鍋的電磁爐關細了,沒有再吃火鍋。打算吃些小食或者甜品傾偈,大約8:45左右,店員便拿賬單給我們結帳,我們以為方便她工作而且是劃一價錢任食,就先付了。付了款之後,我們問今天有什麼糖水,店員指指出面雪條櫃。因為之前都去過兩次家嫂都是有甜品的,所以我再問另一個店員,也說沒有,叫我拎雪條。然後跟不同的店員嘗試下單餐前小食,幾個女店員細聲討論後決定告訴我們廚房已經收工。眼見廚房一直有出小吃,和甜品給其他枱。就是用不同藉口不給我們。大家付的價錢是一樣(連加一$437.8一位)為什麼我們不能吃呢?我已經猜測到是因為埋了單的關係,他的電腦不能入單。問題是,我們沒有要求埋單!!!如果我們是西客,你把單子拿上來的時候,我便粗魯一句說我沒有叫埋單,我們就是沒有所謂,反而受不公平對待。後來我們跟一個看上去比較醒目的男職員反映,他說不好意思因為埋錯了單,已沒有我們的枱不能下單。後來皇恩浩蕩的給我們上了一碟皮蛋三粒蝦多士,和幾碗番薯糖水。四百幾任食海鮮打邊爐,不限時,本來抵。食物原本是可以,但是職員遇到問題沒有想辦法解決,反而是告訴客人沒有得吃了,是不是太過分?餐廳用餐時間時到晚上11時, 未到9時我就什麼都不能下單,能夠接受嗎?其實一開始已經覺得某個女店員很沒有禮貌,因為未齊人,吃了前菜後,我另叫了一碟花生自己慢慢吃。等朋友到了我介紹他花生好吃,想幫他叫一碟。店員(粗魯地):你食曬先再叫啦!我告訴她:我沒有用公筷,我想叫一碟給我的朋友吃。(心裡很受委屈,花生放在我自己位而且剩不多,相片拍時未吃,當時剩相片的1/3 ,我怎麼好意思叫朋友吃我食淨的?店員呼喝我,好像我很貪心似的。)他的東西好不好,對於我來講已經沒有意思,因為我心裡很委屈。補充返:我們沒有吃剩食物,連花生都沒有剩一粒,加單也不多,不明所以受氣的。結論:好還是不好,在於你當天有沒有遇上問題,或者能不能遇上能解決問題的人。如果喜歡看我自費食飯嘅真實食評請關住我 繼續閱讀
(以上食評乃用戶個人意見 , 並不代表OpenRice之觀點。)
等級1 2022-12-30
495 瀏覽
Blacklisted……所謂既放題唔似放題,特價時段食兩個鐘包刺食+雞煲+打邊爐,食得慢又要夾硬收野,仲要冇問過人仲食唔食,仲有半碟雞煲無端端收左!!!一路上菜d侍應態度又差,臨半個鐘問last order加完兩碟肉,最後因為唔夠時間食淨左好多海鮮,問侍應攞個盒打包,竟然答:「你地加左單唔可以打包!」我問:「咁即係唔加單就可以打包?」佢答:「係呀!」What?!?!?! 點解加單前唔講清楚先呀?知道既話咪睇下仲有幾多野食先再加嘛!之後都冇人答我就走左!簡直係主張浪費食物既餐廳~~~岩岩三歲既小朋友都要計成人價,依間餐廳食水太深了吧⋯⋯ 繼續閱讀
(以上食評乃用戶個人意見 , 並不代表OpenRice之觀點。)