宏鮨芯 (已搬遷) 新店位置

是日返晏，返工前要搵d好野食，唔想去市中心食連鎖餐廳，就來到了呢間日式小店。由屯門市廣場行過黎只係需要幾分鐘，都算方便，餐廳唔算太大，但由於時間尚早，客人唔多，坐得好舒服。午餐有好多選擇，有丼飯、拉麵、壽司等等，加錢可以有飲品。鮨芯特級丼 : 大大碗飯面頭鋪滿魚生及牡丹蝦，真係忍唔住要相機食先。餐牌寫住有五款刺身、海膽及牡丹蝦，但數數下除左五款刺身外，仲有帶子同吞拿魚蓉，非常豐富。刺身都幾厚切，食落好新鮮，海膽同牡丹蝦都好鮮甜，配埋醋飯食，真係相當滿足。跟餐有沙律及麵豉湯，沙律菜加入日式麻醬，感覺清新，作為前菜一流；麵豉湯有花甲，都算有驚喜。唐揚雞軟骨粒 : 賣相呈金黃色，即叫即炸入口熱辣辣，炸得好香口，食落一d都唔油膩，脆卜卜一啖一粒話咁快就食晒。

疫情漸趨穩定，政府逐漸放寬開關，個個都搶住買機票飛去日本，唔通個個都可以即刻話飛就飛咩？飛唔到嘅唯有係香港揾間日本菜食下，望梅止渴啦。今次黎到屯門市廣場附近嘅一間小店，估唔到咁有驚喜。餐廳有吧枱位置，可以近距離睇住師傅功架。首先叫左日本餐廳常食嘅蟹籽沙律，諗住係平時上菜時沙律碟嘅size，點知係沙律山，睇到眼都突左出黎，佢令我諗起富士山，沙律醬同蟹籽就係富士山上面既雪，真係好有畫面呀。燒牛舌，燒得啱啱好，唔會太熟令質地變韌，夠彈牙，加上燒汁，唔錯。黃金焗蠔，超級推薦，平時出外食嘅焗蠔，多數以大量芝士伴雜菜雜菇，分分鐘仲多過size細細嘅蠔，但呢度童叟無欺，只有蠔同芝士，蠔好大隻又厚身，加埋焦香芝士，非常出色。我地仲自選左幾件自己想食嘅壽司。北寄貝壽司，平時只係一件刺身係飯面，依度就將北寄貝開邊，包住壽司飯，外型似唔似腐皮壽司呢海膽壽司，又滑又唔腥，入口即溶，無得輸。埋單仲要免收加一，真係不得了，咁有質素嘅日式料理小店絕對值得回頭。

佢啲嘢都物有所值 刺身都新鮮 見佢而家做緊兩週年活動 有嘢飲送 仲有三文魚刺身送 上次比較多人去 店員都有同我哋講 刺身師傅 會等得比較耐少少 但都唔係好過份可以接受 店員嘅服務態度好好 今次係第二次回頭寫下食評

今日孤獨食，係屯門搵左間日式料理比自己開心一下，係門口都見到座位好闊落，入到去呢度大部份都4人枱，坐得舒服又食得好舒服。好，坐低睇吓有咩好食先。三色丼，今日唔食壽司，自己一個就食下丼飯，三色丼有三文魚子、海膽、吞拿魚蓉。三文魚子粒粒晶凝通透，全部一齊放入口，食落去卜一聲。海膽清甜，份量都好多吓。吞拿魚蓉，食落好新鮮，拌飯吃一流。傳統厚燒玉子，暖笠笠嘅玉子，一啖咬落去，厚厚的，有好多層，食落好彈，少少甜。

呢日入左黎屯門搵朋友，佢帶左我去呢間日本餐廳，佢話好高質wo，就試試佢啦！如果由屯門西鐵站開始行，行5分鐘就到架啦。門口好大個宏字招牌，好易認的。門面好大，有成兩個大鋪位。入到去都幾多座位，店面環境装飾好有日式風格，座位都好寬闊舒適。原來個總廚叫宏師傅，唔怪得用個宏字做招牌名。有多種刺身、壽司、炸物，定食，串燒等等。我地叫左火灸平目魚邊壽司、蟹膏蟹籽壽司、三文魚壽司、蔥碎吞拿腩爆丼、茶漬飯。火灸平目魚邊壽司，燒到有入口即融ge效果，超級正！三文魚壽司，食得出舊三文魚真係好新鮮呢！本人係超中意食蟹膏，去到邊都要食，呢個蟹膏蟹籽壽司，又係好新鮮，蟹膏超香！蔥碎吞拿腩爆丼，睇下d吞拿魚多到呢，都一樣係好新鮮好好食！上面仲有幾片甜薑同大量蔥，wasabi，味道好夾！最後食埋個梅茶漬飯，我覺得個味係好，但有d咸！

屯門新城市廣場附近有一間日本餐廳地方都好寬闊，有兩間舖位所以座位都好舒服枱與枱距離都多好啱想舒服啲食嘢同傾偈嘅人👍🏻午市套餐都好多選擇價錢大眾化職員都殷勤有禮貌不錯嘅印象咖喱和牛漢堡扒丼份量超大和牛漢堡外層煎得好香肉質都嫩滑多汁咖喱汁亦都香甜非常有質量嘅午餐🤩九州叉燒蕎麥麵湯底濃郁叉燒肉質滿意蕎麥麵比較清新所以食嘅時候都冇咁油膩蟹子沙律份量真係成座山咁😂超多蟹子配嘢食真係超正👍🏻推介💕

屯門仁愛街 何福堂中學對面今日同朋友去咗虹橋探朋友 喺附近行咗陣行前少少有間日本嘢坐低個環境感覺幾好有好多掛起牆上面嘅手寫餐牌 唔同顏色加上裏面日系裝修令到成個氣氛增添幾分藝術感海鮮蕎麥麵有青口帆立貝大蝦加上清清地嘅湯底配上健康蕎麥麵 跟餐會有沙律 泡菜 分量適中 可以先食沙律開一開胃 而泡菜可以同蕎麥麵一齊食 豐富口感蟹籽沙律🥗勁大份🤣🙈 成座山咁 自己一個人食要小心小心浪費食物😂傅統厚燒玉子宏鮨芯 屯門仁愛堂街1號麗日閣地下3-4號舖

今日同屋企人去咗一間日本餐廳，呢一間餐廳超級推介，位置於屯門西鐵站，行5分鐘就到餐廳，所以地理位置很方便，方便朋友聚會，去到餐廳，發現環境好寧靜，好舒服，座位都好寬敞，所以我覺得好值得推介俾朋友嚟，可以傾嘢可以食嘢，而且裏面嘅食物好高質素，我哋叫咗個刺身，叫咗三文魚手卷，蔥吞拿魚腩壽司，全部都係師傅即叫即整，我見到師傅好有心機咁樣切野，仲有佢哋都有提供炒飯，燒物，所以我覺得選擇很多，而且壽司刺身種類繁多，我哋叫咗個刺身，肉質鮮甜，很有日本風味，而且很冰凍，覺得好新鮮，所以我覺得呢一間質素非常高，而且侍應服務都很好，一開門，見到時影到是滿有歡笑，很多笑容，有熱情的招待，會自動斟茶遞水，所以我覺得響呢一度食嘢係一個享受，如果朋友嚟到屯門，我一定會推介呢一間俾佢！

撞正打風，幾經辛苦終於番到公司其實時間差唔多都到午飯時間，公司附近原來開左一間日式料理餐廳，就去試下啦！入到餐廳大約十幾張枱，乾淨企理，一個中午餐定食都係一百左右～款式種類都好多。浜燒午餐（HKD 98)有甲羅燒、帆立貝、花竹蝦（任選兩款），居然仲配埋烤多士，甲羅燒把蟹膏和蟹肉放在蟹蓋燒泥食，蟹膏味道好濃郁，撈埋多士好香口，定食仲有日式炒飯同花甲面豉湯，炒飯乾身好惹味。朋友叫左一個三文魚魚籽親子丼(HKD118)三文魚好厚厚一片又夠新鮮～魚籽有用日式醬油輕輕醃過，今餐食到好滿足。

屯門仁愛堂出名多好野食😋今次食呢間宏鮨芯，入到去食街招牌最搶眼果個就係佢😎見到呢篇介紹就知呢間餐廳一定唔簡單睇嚟刺身係佢主打環境都唔錯，坐得幾舒服😌不過唔知係咪平日夜晚嘅關係，人流唔多，得兩三枱客😢首先試個玉子燒先湯汁香濃，煎得啱啱好👍🏻👍🏻👍🏻另外仲叫咗個雞軟骨，份量足夠粒粒乾脆，好有口感👍🏻👍🏻👍🏻最後主食叫咗角切魚生飯睇佢色彩鮮豔就知一定係靚貨用料豪華，有海膽、三文魚子、吞拿魚茸⋯⋯出面好少有咁豐富👍🏻👍🏻👍🏻

天氣熱辣辣，食壽司刺身就最岩胃口，今日妹妹帶我黎宏鮨芯，佢話食過好好食。門口同入面都四正，仲有啲日本燈籠呀扇呀做簡潔嘅裝潢，環境好舒服寬落飲品呀食物種類都多，生食為主，一般刺身都會叫到，有魚類有貝殼類。聽妹妹講，甲羅燒係招牌菜。老實講，呢道菜我完全冇概念係咩，原來係蟹膏同蟹籽，放係法包上面，完全好有高級感覺，好新鮮。之後我哋叫左個三人份刺身，望落去啲色水好靚，食落都係爽口，唔腥。完全唔洗靠個鼓油同wasabi 都已經好好食。黎到主食，叫左個牛油果軟殼蟹反卷，份量都幾多，有七件。軟殼蟹係現炸，食落去仲暖同脆卜卜。小食有南瓜天婦羅，炸粉厚度適中，南瓜咬落去岩岩好軟熟，外脆內軟。野飲就叫左巨峰梳打水同柑吉蜜。梳打水甜度溝得岩岩好，唔會死甜得糖漿味，同成個餐配埋就都幾fresh。 柑吉蜜聽妹妹講都重柑吉味，唔會好水味咁。食物質素對得起個價錢！我哋都食到好飽，從vcity行多幾步，就有間舒服，非連鎖嘅鋪頭，絕對會再encore!

今日去左屯門探朋友,晚飯又不想打攪朋友, 係OPENIRICE見好多人推薦這間屯門美味日本料理"宏鮨芯",最後決定一試宏鮨芯",睇下係龍定係鳳.點左"原條鰻魚飯"，"特選三文魚盛合","海膽壽司","帆立貝壽司"同"三文魚鰭".餐單每一款壽司都好吸食,個個我都想黎食,但天唔係樣樣都會叫黎食,始終係要惜食.坦白講,無叫錯野食,最多係叫少左野食."原條鰻魚飯"好正,成條鰻魚,又厚又大份,抵食.如果加埋黃金少飯就超正.最有驚喜,係"帆立貝"同"海膽"壽司,呎料之餘又好味.唔係平時普通壽司可以相比.不信不梗要, 暇緊要信妳自己的舌頭.有朝一日佢保持不到水準,記得通知我一聲.至於"特選三文魚盛合"有"三文魚","三文魚腩","火灸三文魚腩","辣三文魚"同"三文魚卷", 一舊水不使,一個字"抵",可以ENCORE.三文魚好有口感, 肉質同油脂比例均衡.每一種都有得試,岩晒D想食不用野既人.總抱來講,用心小店,樣樣都掂.

一大班朋友慶祝生日，餐廳仲送咗壽司生日蛋糕，好用心黃金焗蠔 $68/2隻新鮮蠔，芝士醬汁惹味必食原條鰻魚飯 $128原條鰻魚好大條，送埋面鼓湯，抵食海膽甲羅燒 $98三文魚籽甲羅燒$88海膽新鮮，蟹膏完全唔腥，搽埋法包食雞腎串/$38串特選刺身盛合$368包含甜蝦，油甘魚，三文魚，劍魚腩，豐洲直送刺身兩款，刺身好新鮮美味油甘魚手卷 $28海膽手卷$48蔥碎吞拿魚腩壽司$28/2件店揚雞軟骨粒$52新鮮熱辣，好香脆清酒煮蜆$78蜆肉大隻無沙，清酒湯好味道

這間宏鮨芯位於屯門仁愛堂街1號麗日閣嘅地舖，店面環境装置好有日式風格🤔，坐著感覺寬鬆舒適😙，我覺得都幾好!.北海道魚生丼 $118呢款魚生丼賣相都好新鮮😙，望著都好想食🤤，一碗魚生丼都有三款魚生有三文魚、三文魚籽、帆立貝色澤鮮明🤔，食入口口感都好鮮甜啖啖鮮味😋，尤其是帆立貝完全唔覺得腥味!.清酒煮蜆 $78呢一款清酒煮蜆香味都唔錯🤔，適合大人同小朋友味道😋，清酒味道恰恰好，蜆肉肉質嫰滑索滿清酒味道都幾好😙!.原條鰻魚飯 $128呢一碟鰻魚賣相十分之吸引🤔色香味都有，望著都好想食🤤，整碟用咗原條厚厚嘅鰻魚😲，鰻魚面沾上醬汁增添色澤，同時用咗黄黄蛋花碎令到整碟靚之中真添食慾😋，鰻魚食入口口感軟硬適中而味道我覺得濃厚帶點香味😙，配埋佢嘅真珠飯粒粒又有口感🤔，真係睇得又食得，我覺得值得試吓👍!.芯之戀 $55呢一碟芯之戀賣相細細碟好特別😍，用咗新鮮帶子、魚籽、海膽三款食材，帶子包住海膽同魚籽，令到味道鮮上加鮮😙，三者味道相當之夾😋，口感味道都幾好!.

日料平常也很喜歡吃的，這次去了一家隱世日料店，店舖位置市中心馬會附近。位於仁愛堂街的小店，環境裝修日式風格，落地大玻璃感覺較光猛🤩。食物有套餐和散點選擇，套餐有飲品附送。-💥芯之戀 HKD$55跟花之戀相似的壽司😎，用海膽、帆立貝及三文魚籽製成，造型特別的壽司。海膽新鮮味道微咸，帆立貝爽口嫰滑，加配三文魚籽口感較豐富。-💥清酒煮蜆 HKD$78熱辣辣的味道很香😍，這個我們也很喜歡吃的，蜆的份量挺多的。蜆肉大隻肉質鮮味，清酒味道挺香的，酒味不算太重，湯底味道濃郁不咸。-💥原條鰻魚飯 HKD$128原條鰻魚份量十足，另有雞蛋絲令到賣相天吸引，這個有麵豉湯附送。鰻魚較厚身肉質肥美😚，肉質嫰滑而且吃不到骨頭。醬汁味道濃郁微甜，可以用來拌飯。-💥北海道魚生丼 HKD$118魚生丼賣相吸引🙈，食材有：三文魚、三文魚籽及帆立貝，另有麵豉湯和沙律附送 。三文魚和帆立貝口感新鮮爽口，三文魚味道鮮甜。-