宏鮨芯 (已搬遷) 新店位置

今日放假 又唔想留係屋企 決定同朋友出去走走 搵下好野食 佢朋友就介紹左e間比我地餐廳都算幾易搵 跟住Google Maps行都嚟到 同埋門面都易認 同 open rice相一樣 Lunch menu都算幾多嘢有成兩版揀 一版生 一版熟 諗咗一輪之後點左九洲叉燒蕎麥麵 因為蕎麥麵好似健康過烏冬同拉麵 lunch set除咗有煮食之外仲有泡菜同埋沙律 個面會跟半隻糖心蛋 兩片日式魚蛋 仲有四塊唔肥但係厚嘅日式叉燒 lunch set 好快就有得食 個面好好食 好滑 食得好慢啲面都唔會淋 同埋好似食極都仲有🤣 泡菜係偏甜嗰款 唔辣嘅 沙律係日式沙律跟胡麻醬 材料有蕃茄仔同生菜 會再想黎試吓其他午餐 因為午餐有九折 但係其實冇九折性價比都高 同埋都坐得舒服 仲要晏少少嚟唔使等位

老公生日想食日本嘢，無意之中見到呢間的聖誕新年限定menu 好吸引就決定試吓。 因為已經過咗聖誕，都有專登打電話過去問仲有冇呢個餐，同埋生日有優惠（記得打電話預約及要出示身分證先得）一入到去唔係有太多枱客，安排了我哋坐4人枱，環境舒適。所有嘢食比預期中好好食，份量好夠，有好多款式，食得好飽，有甲羅燒（第一次食，有好滿的蟹膏），甜品有抹茶雪糕配紅豆鯛魚燒，好有驚喜。連最後生日送的壽司蛋糕擺盤好漂亮，份量都好大。值得下次再去食。

成日行去屯門市廣場時，都見到有間日本燒物餐廳，今日終於有時間嚟食個晚餐。餐廳外觀都幾吸引，裝修到成間日本傳統燒物店一樣，好有去咗日本嘅感覺，入到餐廳座位都好寬敞，店員都好熱情招呼。睇咗一輪，好多嘢想食，但點得多又驚食唔哂！ 最後都係點咗個浜燒二人前，可以試下多啲種類，首先嚟個花甲味噌湯，中規中矩啦，飲完個湯等咗一陣就所有食品，陸陸續續地放喺枱面！ 最吸睛嘅當然係鹽燒虎蝦，黃金焗蠔和主角嘅宏蟹味噌甲羅燒啦！當然其他嘅刺身沙律和三款刺身都唔錯，最尾嘅燒汁原條烏賊飯就剛剛飽哂肚了。鹽燒虎蝦食落爽口，黃金焗蠔有驚喜食落香滑爆汁，至於甲羅燒就真係有大阪食蟹膏嘅感覺，味道鮮甜入口即溶。食返啲沙律菜和魚生就剛剛可以中和噃。烏賊飯就啱啱補充返啲碳水化合物，而燒汁撈落飯到味道適中。真係一個好滿足嘅晚上。

能令我一去再去的食店，豐州直送食材新鮮，食得出師傅用心處理食材；帶子鮮甜，厚厚的三文魚腩，大大隻牡丹蝦，天婦羅炸蝦一絕，第一次嘗試尾長鯛，厚薄適中，咬落魚味濃厚，白身魚來說值得回味，還要配支吟釀才算美滿。

慶祝生日有大有細，這間餐廳真的是貼心bb友善餐廳，店員會主動協助我們點菜，又會提意我哋有咩啱bb 食真係一間充滿溫度的日本餐廳！時日5大1細叫左兩個2人餐，再加二百幾蚊追加左魚生、鮑魚、清洒煮蜆，sushi cake可謂萬眾期待😚生日預訂就可以免費送比主腳，店員仲會同你唱生日歌，真的非常窩心！我特別喜歡清洒煮蜆無沙又清甜甲羅燒配法包也很好味，蟹膏香濃惹味魷魚中譲了炒飯，燒海蝦大隻鮮甜叫左兩個二人餐，再加多個樱花蝦炒飯就夠哂，佢都有omasake 價錢也不太貴下次都可以試吓！

昨晚是為了和我女兒慶祝生日，第一次到這裏食晚，我是在openrice訂位的，訂位時選了生日待遇(送壽司蛋糕)，到食完飯時，待應說因我是在openrice訂位，不是用電話訂位，所以沒有，待應還說，因openrice生日待遇，所有人教可選(暗示不是生日的人也可得到)，令我們非常生氣，這家食店太小家了，我想為甚麼你們不取消在openrice的訂位優惠呢？😡😡

唔講咁多前言 直接介紹下食物先 我地食左牛油果軟殼蟹卷 感覺唔太熱氣 就算唔點豉油都好香 因為佢都比好多沙律醬仲叫左1-2人既刺身omakase 有兩款由豐洲直送-黑鰽以+金線鯛 仲有最愛既甜蝦同厚切三文魚+油甘魚 仲有宏蟹味噌甲羅燒+脆多士仔 佢既蟹膏有好多好多 熱辣辣好香呀 原味玉子燒 簡單有層次 蛋味重 好滿足！仲有叫左蔥碎吞拿魚腩壽司 蟹膏蟹籽壽司 同埋油甘魚壽司 個飯香但唔會搶左海鮮既味道最後叫左個燒紫蘇葉梅飯團 鍾意食梅既朋友唔好錯過 原來佢同紫蘇葉既味都好夾 廚師燒到外脆 有焦香味 總結係可以返轉頭再去食多次

好耐無出街食野 呢排有d忙 但呢間係有一日行過買野見到 同老公試下 佢都唔係行平價路線 但我覺得佢物有所值 佢有omakase 但我想自己揀 只係叫左一個1-2人既刺身omakase 估唔到都幾出色 店員有介紹架 入面有兩款飛機貨 由豐洲直送 係黑鰽以同埋金線鯛 兩款都係食口感 幾實正 另外有三文魚 都係近腩既位置 同油甘魚一樣都係厚切 口感一流 當然都好新鮮 甜蝦大大隻 好滿足呀！我覺得帶子係最鮮甜 我叫左原味既玉子燒 口感好滑 但又唔會散開哂 好香蛋味又唔太甜 因為出面食成日偏甜 呢個highly recommended! 鍾意食蛋要試仲有個牛油果軟殼蟹卷 個份量好滿足呀 個卷細細地 bite size! 唔使食到散哂宏蟹味噌甲羅燒係我好想食既野 佢有埋兩塊脆包包 如果有多兩塊仲正 因為佢既蟹膏都好多好多 但店員都叫要趁熱食 仲有叫左幾件壽司 蔥碎吞拿魚腩 蟹膏蟹籽 同埋油甘魚 好新鮮 飯底不錯 我見到隔離檯食天婦羅送啤酒 好似好正咁 但我已經飽飽了 下次先試啦

同朋友係仁愛堂做完運動,搵到呢間人氣好高既日式餐廳,當然要去試一下試牌選擇多,想平食又得,想貴食又得,仲有廚師發板,下次一定要搵日試下裝修夠光猛,地方夠大,坐得好舒服,最岩一大班朋友食食飯,傾傾計仲有一D係餐牌上面無既推介,感覺好新鮮,有機會一定要再試!蔥碎吞拿魚腩卷 78蚊有6舊,每舊都有爆滿既蔥碎吞拿魚腩,每舊入面仲有舊青瓜係度,夠哂清新蔥碎吞拿魚爆丼,一下碗丼飯上面有勁多蔥碎吞拿魚,飯既數量唔多,唔會格硬比佢整飽,十分出色! 三文魚壽司,劍魚腩壽司,食壽司最怕飯會散,魚生唔夠新鮮,有雪味以上三件事都無一件發生!一定要讚一讚,劍魚腩新鮮爽口,三文魚味極香,不試不可!睇下D色水,幾靚!無P過原條蟹膏蟹肉厚燒玉子,未上枱已經聞到陣蟹味,果然係夠哂原條蟹膏蟹肉!食落去啖啖都係蟹膏蟹肉.十分之滿足!睇下橫切面,滿滿的蟹膏蟹肉食咁多野每人都係200蚊唔洗,好抵

今日又要OT 8點幾番到屯門食dinner 自己一個去左間居酒屋 係馬會對面 呢排天氣轉冷 又大褸又頸巾 入到去店員好細心 比左個籃我放野 so sweet sweet 望一望個menu先知 呢度原來有omakase食ga 但我今晚唔算非常之肚餓 所以冇叫到黎食簡簡單單 叫左3樣野傳統厚燒玉子 ＄38即叫即燒 好香蛋味 天氣凍 食完好暖胃三文魚親子爆丼 ＄118三文魚起碼有6，7片 好足料 三文魚籽都好多 滿到瀉咁 材料又新鮮 正呀兵庫縣生蠔2隻 ＄68最最最期待ge生蠔 果然冇令我失望 好鮮甜 又夠肥美 好滿足 配合埋d醬汁 好正 依家睇番d相都流晒口水tim食到好飽 埋單都只係＄224 總括而言 呢間居酒屋好高質 食物新鮮好味 店員親切有禮 下次一定要試埋omakase

早兩星期係阿囡生日🎂，我地一早訂枱再黎呢間餐廳食晚飯慶祝😋😋。當晚除咗encode 上次既刺身沙律、鵝肝多士、清酒煮蜆、串燒、海膽炒飯…… 仲好好彩有我地一直想試既魚刺身 - 伊佐木😍味道鮮甜，入口係爽脆但滑，我地相信如果條魚再大條啲，應該仲正😋😋😋。食到晚飯尾聲，職員唱住生日歌送上壽司蛋糕，呢個蛋糕真係睇到師傅既誠意，蛋糕旁邊仲有迷你壽司做陪襯，好可愛呢！阿囡非常鍾意。呢間日本食肆真係值得推介，食材新鮮，製作認真，每一個職員都好友善👍🏻👍🏻👍🏻一定會再去😋

《 屯門美食》返唔到鄉下 食下日本嘢 解下鄉愁~~今個晏晝同媽子去屯門吃回鄉定食🍱我地唔想喺市中心食 因太多人啦😆於是行過少少 去咗係中旅社個頭食晏🥢🥢這間日本料理🏮 裝修有型時尚😚午市有27款套餐咁多🤪 有齊🐟🍱🍜🍣…… 差唔多日日唔同款🤭連比較少有嘅浜燒套餐都有~~食得精緻啲 有埋廚師發板 Omakase👍#鹽燒三文魚扒定食媽子叫咗個補腦定食😜 一碗有蜆肉鮮甜白麵豉湯一小碟和風新鮮爽甜沙律三文🐟扒厚身幾肥美 魚皮煎到脆卜卜👍#咖哩吉列豬扒定食本來想試浜燒 但皮膚近日唔多爭氣😤咁就叫番我嘅至愛 香噴噴 curry 食😆豬扒炸漿鬆脆 肉質肉嗽唔乾柴😋📍午市一律有九折㗎 而且全日唔 使加一㖭🤗咁抵食 思鄉病又發作 再嚟過🤭

屯門馬會附近都係啲打冷鋪頭為主，朋友介紹依度原來都有啲居酒屋，於是一齊試下。依度入面款式都好多，比較多以壽司類、魚生刺身類為主。可惜我唔食生野，所以叫左一啲熟食，例如炸物、井飯，朋友就叫左三色井飯。上碟既時候真係眼前一亮，估唔到住宅區都有咁fancy既野食！三色井有海膽、蟹籽、三文魚蓉，塞得滿滿的，味道也新鮮。鰻魚飯個擺盤好靚，成碟都係蛋絲，味道都唔錯。附送的湯也有蜆肉。炸物方面都係不錯，不會過油，不過就有啲咸。總結，屯門馬會區都比較少依類正宗日本餐廳，如果唔想食日式茶記都可以一試。

尋日本身同老婆諗住喺屯門食個午餐撐吓枱腳，輾轉見到呢一間個logo幾有型嘅日本餐廳，再行埋啲去睇，發現老闆仲有型，每日堅持派飯盒比有需要嘅街坊…所以二話不說，入去支持下入到去，服務員都好親切，講解下每日都派發百幾個飯盒俾街坊…老闆除咗有善心，煮嘢食都好有心，我哋嗌左一個拉麵同埋一個咖喱吉列蠔飯..拉麵通常係呢一種日本餐廳（非拉麵館），啲拉麵都係流流地，但呢一度係有驚喜，個湯底好明顯有心做，唔好用其他拉麵館做比較，呢一個安格斯肥牛拉麵，確實係有水準，仲要係特價餐$55 ，性價比高到暈咗，所以唔記得影相😜咖喱吉列蠔飯配襯咗個小沙律，配個味噌湯都有兩隻蜆，蠔炸得好脆，亦好新鮮，又係50幾蚊，抵食又好食，見到隔離枱賣單嘅時候，都忍唔住讚，抵食又好食…其實嗰啲日本set，都幾吸引，諗住搵老婆去試食晚餐…仲有Omakase，咁大個仔未試過，有機會去試吓….報告完畢

今日和屋企人去了屯門行街，行到肚餓就在附近搵嘢食，看見這間日本餐廳真不錯，就決定在這裏食入到店舖這裏的空間寬敞，空間感十足，地方乾淨，而且裝修日本風格細看餐牌有很多選擇，日本菜我很喜歡食每一樣我都很想食這個蟹子沙律，一送到我的面前， 10分誇張份量10分多，看見他的蟹子滿滿的，食一口青瓜加上沙律醬一齊食，清新爽脆的青瓜，加上沙律醬，而且蟹子卜卜脆，食材10分新鮮這個燒大海蝦， 10分大隻，黑頭的蝦膏食落口甘香，而且蝦肉鮮甜，爽口，證明材料新鮮而這個焗蠔，焗號加上芝士一齊食10分好味而且很夾，食一口芝士味香，而且消耗本身10分新鮮食一口好味甘香，而且爽口，證明蠔本身很新鮮這個雞翼，食一口表面卜卜脆，外脆內嫩，加上芝麻一齊食芝麻味香， 10分惹味點了壽司吃，壽司一定要點豉油和Wasabi一齊食，才會有風味食完這餐非常滿足